ولسه من جرحك بعانى

[حسام الشاعر]

[IMG]http://www.******************************************/uploads/08c1c3293a.jpg[/IMG]

انســــــــى !

انسى انى فى يوم

هنسى جرحك -- وأسامحك

انسى انى فى يوم

هاجى على قلبى وأصـالحك

انســـى

د انتى مهما كنتى

مش أغلى من قلبى

قلبى اللى جرحتيه

مش أغلى من عمرى

عمرى اللى كسرتيه

انسى

بس انا مش هنسى

انك انتى اللى فتحت للحب

كل البيبان

وصحيتى جوايا الشاعر

والانسان

وصدقتك -- وحبيتك

وأغلى ما عندى اديتك

وفتحت لك قلبى

وجوه قلبى خبيتك

ونسيت دنيتى

ودنيتى انتى خليتك

وأيامى بقت انتى

واحلامى بقت انتى

حتى أشعارى كلها انتى

وأحزانى بتنسانى

وترجعلى بس لو غبتى

وفى عز ما كنت بحلم

والاحلام فى بحورها وخدانى

ورموشك سحابه صافيه

ماشيه معايا بترعانى

وحبك جنين لسه

بيتحرك فى رحم شريانى

لقيت ايدك يا أعز الناس

بخنجر غدر طعنانى

صرخت -- ومن صدمتى

كانت صرختى

من غير صوت

سخرتى من صرختى

وابتسمتى !

ابتسمتى وأنا بنزف

نزيف الموت

وعشت أتعذب بجرحى

اتعذبت كتير

واتألمت كتير

لا شفت يوم الرحمة

فى عيونك

ولا مرة حسيتى بعذاب الضمير

انســـــى !

بس انا مش هنسى

وأنا لسه من جرحك بعانى

ومن امته الضحيه

بتنسى قسوة الجانى

من امته الضحيه

بتنسى قسوة الجانى

؟؟؟؟

بقلم/ حسام الشاعر

[الرحــاال المٌتَمرد]

روووووووووعه يا حسام
دائمــا وابدا تاتى بالابداع
ساحـــر انت ...
تستطيع ان ترسم اجمل اللوحات بريشتك الفريده
وتسطــر اروع العبارات بقلمك الماسى



بالتوفيق دوما ان شاء الله

[دمعه حائره]

تسلم اخى حسام ويدوم ابداع قلمك الماسى
كلمات قوية متناغمة عبرت عن اقسى المشاعر
تحياتى وتقديرى لك وانتظر كل جديد

[السفينة]

اشعل التامل صفحة ذكريات
فما كانت الا انينا وآهات
على احداق الحب هطلت دمعه
وبناي الحكايه شجن نغمات

اخي حسام الشاعر ..!
ورحله مؤلمه
اخذنا بها حرفك
ليصل بنا الى شاطىء المعانات
وحكايه عشق من الزمن الصعب

دمت بعبير قلمك
لك الياسمين مني

[sokara]

اسكنتك قلبى بكل الجنون
تفننت بذبحه بكل الفنون
اهديتك ورده حياتى
فتعمدت قطفها من بستانها
وهبت عمرى كله لك
فطلبت المزيد وهنت عليك

صحوت يوما الملم جراحى
لن اعود الى نواحى

فقلبى افاق من الجنون
وعمرى لن يكون لمن لم يصون
سأحيا بدونك حياتى الهنية
ولن اعود لقاع الهوية
قلبى سيصفو ليوما جديد
وفى بعدك اكيد هيكون سعيد
اخى المبدع حسام الشاعر

عزفت على اوتار قلوبنا لحن شجى
فكم كانت كلماتك حزينه تنبض من قلب يتالم
استمتعت بها رغم مافيها من الم وحزن
دمت بخير ودام نبض قلبك وقلمك
وتقبل تحياتى وخربشتى
والتقيم

[فرحة]

واووووووووو
كلمات جميييييييله جدااااااااا
وليها اثرها ع النفس
دمت مبدع حسام

[SaaMaa2]

سلمت اناملك

خاطره بقمه الرووعه

اجدت التعبير والوصف

دمت مبدعا دام بوح قلمك

ننتضر جديدك وتقبل مروري

[اسطورة الحب]

اخي حسام

عزفت هنا لحن حزين

كتبت بقلم يحمل الاهات

سكب حروف من الم

رسمت لنا ملامح الوجع

صحيح لحن حزين ولكن كلماتك جميلة

استمر في ابداعك وفي انتظار الجديد

تحيااتي وتقديري

اسطورة الحب

[ℓίţţℓє ღ ρяiŋςίś]

الكلام عاجز عن فمى من شدة الروعة الله يعطيك العافية بجد روعةيا حسام

(ملك)

[~♥ Queen sozan♥~]

ممتاز ما طرحت يا حسامــ
بجد كلمات جميلة جداا ,, رغم شدة قسوتهااا ,,

منتظرين كل ما هو مميز من قلمك اللمع ,,