(حكايتى مع الاكاديمية )

[morshooo]

بسم الله الرحمن الرحيم


اهلا ومرحبا بكم


واخر اسبوع من


أكاديمية بنات مصر3


هنا هنشوف الـــ ( 4 )


متسابقين الى وصلو معانا لنهائى


اكاديمية بنات مصر 3


وهما بيقولولنا عن حكايتهم مع الاكاديمية


من بدايتها حتى الان


هيقوللنا ارائهم مواقف حصلت معاهم


امتى حاسو انهم هيخرجو امتى اتاكدو انهم


هيكملو للنهائى امتى اتظلمو امتى اخدو تقييم


مكنوش متوقعينو


هيكلمو فى كل حاجا خاصة بالاكاديمية


ياترى هيقولولنا اية


ملحوظة : الى مش هيدخل ويقولنا هيتخصم منة 5 درجات من التقييم ^_^

[حنـــــون]

فكره جميله يااحمد
منتظرين حكايتكوا
ياحلوين ^*

[الملكة كيلوباترا]

فكرة جميلة اوى يامارشو
ومنتظريين رأى اعضاء الاكاديمية

[countess]

فكره نايس اوي ع فكره كتبت تجربتي هههه بس والله بعد ما اعتمدت اكتشف الاربع الي باقين يعني داخله عرض هههه زي مايقولو باسعودي بجد رئع برنامجك وغرضه واضح جدا وعدم الانحياز لي حد وده سر نجاحه الكل عندك سواسيه ربينا يكرمك بحياتك كلها

[دمعه حائره]

فكرة جميله ياموروشو بالتوفيق دايما لياباك تانى اقولك رائى
ان شاء الله
تحياتى

[مشتاقه للجنه]

سأحكى لكم من أول ما كانت الاكاديمى مجرد فكره لم تولد حكى لى مورشو وقالى عن الفكره ’’ وبصراحه مكنتش متخيله ان الفكره ممكن تنجح بالصوره دى ’’ ولم أفكر بالاشتراك نظراا لظرووفى فكنت وقتها بحضر لزفافى ولكن بعد النجاح الجميل اللى حققته الاكاديميه 2 وكنت متابعه ومعجبه جداا بالابداعات وجمال الموضوعات والتنسيقات والكل بيحاول انه يبدع أكثر فأكثر .. وعن الاعلان عن اكاديمية بنات مصر 3 فكرة ان أشترك بس كنت خايفه فهل يمكن وسط جهابزه بالاقلام ان اصل لشئ ؟؟ فعلا كان هناك ناس قويه جداا وأقلام ماشاء الله عليهم ولكن فعلا التوفيق من عند الله ... اول اسبوع العدد كبير واقلام قويه تحيرة عن ماذا اكتب فكرة كثيراا وكان هناك على الساحه الفتنه الطائفيه وازاى ان الاتحاد قوه والتفريق يؤدى للتخاذل .. فوجتنى اردد الآيه الكريمه ... وأعتصموا بحبل الله جميعا ولا تفرقوا بصراحه الموضوع كتبته وانا مقتنعه بيه واستعنت ببعض الاقتباسات من الآيات الكريمه بس كنت متأكده انى سأتصعد .. اما تانى أسبوع خيرونى بين قلم الاعضاء والمطبخ وجدت الاعضاء اللى بمجموعتى أختاروا قلم الاعضاء فأخترت أنا المطبخ ويمكن والله أكتر موضوع تعبنى جدااا عالم من السحر الفكره نفسها هى سر جمال الموضوع المقدمه البسيطه بقلمى أنا اما الطبخات فحاولت ان تكون جديده ومفيده للجميع اكتر حاجه تعبتنى الصور وكتابة الروابط .. وبصراحه بردوا كنت متأكده انى سأتصعد بس كنت متخيله انى آخد عليه اكتر من 90% نيجى للاسبوع الثالث بصراحه لما مستر مورشو قال كل عضو يختار للتانى وجدت همسة الجوارح مختارى ابدعات الاعضاء ظللت افكر كتير وقلت شكله آخر أسبوع لى ’’ واستعنت بالله .. كان وقت الفجر عندما مسكت القلم ’’ لانسق الكتابه قبل ان اضعها على الكمبيوتر . كان الموضوع من مذكراتى اسمه دمعه وابتسامه وفجأه ... وجتنى اقول أصوات وابتهالات وكانت كلمات موضوع قلوب خاشعه وحاولت جاهده ان يكون التنسيق جذاب وقلت وما توفيقى الا بالله .. وكان التصعيد وهذا من فضل ربى دخلنا بالاسبوع الرابع والاكاديميه بتصعب أكتر وانا فعلا فى الاسبوع الرابع ده تعبت جداا اخدت رطوبه وجالى مغص جامد وكنت معتقده انى بولد بالشهر التامن بس الحمد لله جات سليمه ’’ الموضوع كان حلو والفكره كانت براسى يوم الجمعه الماضيه تعبت جامد .. كتبت الموضوع السبت النت قطع عليه اعادة الموضوع السبت بالليل المنتدى وقع الفجر النور فصل بصراحه اعصابى تعبت جداا قلت الموضوع ده نحس !! وحاولت الاحد النت كان فاصل بس الحمد لله مورشو مد المده ليوم الاتنين وتم التنزيل الاتنين الفجر بسرعه قبل ما يحصل اى شئ وكان مولد موضوع الاسبوع الارابع رحله للعالم الآخــر والحمد لله وصلت لاخر أسبوع مع أقلام قويه جداااا دمعه حائره - ميشو - مستر ميرو أقلام ماشاء الله عليها تستحق كل التقدير يكفينى شرفا أنى وصلت الى تلك المرحله :blush-anim-cl: وشكراا للجنة التحكيم ولمستر مورشو على الجهد المبذول

[misho]

أكاديمية بنات مصر

(1)
في الموسم الاول مكنتش متابعة خالص المواضيع ولا المشتركين

(2)
في الموسم التاني بدأت اتابع بشكل جيد جدا المشتركين من غير ما افكر اشترك
و تابعت المواضيع والطلبات كل اسبوع
كان عاجبني جدا جو المنافسة والابداع اللي كان بيظهر كل اسبوع اكتر من اللي قبله
والتنوع سواء في طرح المواضيع او التنسيق
لحد ما بقيت عضوة في لجنة التحكيم في اخر اسبوع من الموسم التاني
كنت مبسوطة جدا اني بتابعهم بشكل اقرب
وكان التقييم صعب جدا خصوصا مع اقلام ممتازة وتنافس جميل
وانتهي الموسم التاني

(3)
و مع بداية الموسم التالت واختياري عضوة في لجنة التحكيم
قررت اني اشارك في الاكاديمية لاني لقيت جو منافسة جميل جدا وبيعجبني
خاصا اني بحب التنافس علي المواضيع اللي بقلم العضو مش المنقول
لان فيها ابداع في الطريقة و العرض و فكرة الموضوع والتنسيق
وبدأ الاسبوع الاول وفكرت في فكرة جديدة وقلت اكتبها في ابداعات الاعضاء
وحبيت تكون خاطرة بشكل مختلف وقدمت
مملكة قلب
و أتأهلت للاسبوع الثاني بتقييم 97
وكان الاختيار بين قسم القصص والروايات و قسم الشخصيات التاريخية
اخترت القسم اللي اقدر اكتب فيه بقلمي بدون نقل
وكتبت قصة جديدة بأسم
مسرحية من فصل واحد
وفكرتها كانت عندي من زمان
لكن للأسف التنسيق مكنش واضح للجنة التحكيم مش عارفة ازاي
و دة كان السبب في ان التقييم بتاعي يقل عن الاسبوع الاول
لكن الحمدلله اتأهلت للاسبوع التالت
وكان المطلوب مني موضوع في قلم الاعضاء
و كالعادة بدأت افكر في فكرة جديدة وطريقة جديدة لتقديم الموضوع
و جة في بالي فكرة الكائنات الفضائية والعوالم الاخري
حبيت اقدم الموضوع من خلال الفكرة دي وكتبت موضوع
بالنار فقط تموت الخطايا
و التقييم كان كويس للموضوع ما عدا نقطة التعليق علي حجم الخط من لجنة التحكيم
لان الحجم دة مش بغيره خالص في اي حاجة
يبقي ازاي يبقي فيه تعليق عليه المرة دي واللي قبلها لا ؟؟
بس عاما اتأهلت للاسبوع الرابع
والمطلوب بقي قصة بفكرة محددة من قبل اللجنة
بدأ اكتب الفكرة كأني عايشة الحكاية دي وبكتب احساسي فيها
وطلعت في الاخر بموضوع جديد
لم أسقط بعد
وبظهور التقييم أتأهلت للاسبوع الخامس والاخير للاكاديمية

وفي كل مرة كنت بنزل موضوع جديد جوايا احساس اني هتأهل للاسبوع اللي بعده
مش غرور علي فكرة :shutup:
لكن ثقة في حاجة انا كاتباها باحساسي اللي بثق فيه جدا
و المنافسة في الاسابيع اللي فاتت كانت جامدة جدا
خصوصا ان المشتركين اقلامهم مبدعة جدا ومميزة
فكان التنافس ليه طعم حلو
و اللجنة عملت مجهود مميز جدا في تقييم المواضيع والمتابعة حتي في الطلبات
ودلوقتي احنا في الاسبوع الاخير وان شاء الله يمر علي خير
و يبقي في تنافس جميل تاني بينا
وبالتوفيق للجميع يارب

[فرحة]

اقتباسالمشاركة الأصلية كتبت بواسطة مشتاقه للجنه

سأحكى لكم من أول ما كانت الاكاديمى مجرد فكره لم تولد حكى لى مورشو وقالى عن الفكره ’’ وبصراحه مكنتش متخيله ان الفكره ممكن تنجح بالصوره دى ’’ ولم أفكر بالاشتراك نظراا لظرووفى فكنت وقتها بحضر لزفافى ولكن بعد النجاح الجميل اللى حققته الاكاديميه 2 وكنت متابعه ومعجبه جداا بالابداعات وجمال الموضوعات والتنسيقات والكل بيحاول انه يبدع أكثر فأكثر .. وعن الاعلان عن اكاديمية بنات مصر 3 فكرة ان أشترك بس كنت خايفه فهل يمكن وسط جهابزه بالاقلام ان اصل لشئ ؟؟ فعلا كان هناك ناس قويه جداا وأقلام ماشاء الله عليهم ولكن فعلا التوفيق من عند الله ... اول اسبوع العدد كبير واقلام قويه تحيرة عن ماذا اكتب فكرة كثيراا وكان هناك على الساحه الفتنه الطائفيه وازاى ان الاتحاد قوه والتفريق يؤدى للتخاذل .. فوجتنى اردد الآيه الكريمه ... وأعتصموا بحبل الله جميعا ولا تفرقوا بصراحه الموضوع كتبته وانا مقتنعه بيه واستعنت ببعض الاقتباسات من الآيات الكريمه بس كنت متأكده انى سأتصعد .. اما تانى أسبوع خيرونى بين قلم الاعضاء والمطبخ وجدت الاعضاء اللى بمجموعتى أختاروا قلم الاعضاء فأخترت أنا المطبخ ويمكن والله أكتر موضوع تعبنى جدااا عالم من السحر الفكره نفسها هى سر جمال الموضوع المقدمه البسيطه بقلمى أنا اما الطبخات فحاولت ان تكون جديده ومفيده للجميع اكتر حاجه تعبتنى الصور وكتابة الروابط .. وبصراحه بردوا كنت متأكده انى سأتصعد بس كنت متخيله انى آخد عليه اكتر من 90% نيجى للاسبوع الثالث بصراحه لما مستر مورشو قال كل عضو يختار للتانى وجدت همسة الجوارح مختارى ابدعات الاعضاء ظللت افكر كتير وقلت شكله آخر أسبوع لى ’’ واستعنت بالله .. كان وقت الفجر عندما مسكت القلم ’’ لانسق الكتابه قبل ان اضعها على الكمبيوتر . كان الموضوع من مذكراتى اسمه دمعه وابتسامه وفجأه ... وجتنى اقول أصوات وابتهالات وكانت كلمات موضوع قلوب خاشعه وحاولت جاهده ان يكون التنسيق جذاب وقلت وما توفيقى الا بالله .. وكان التصعيد وهذا من فضل ربى دخلنا بالاسبوع الرابع والاكاديميه بتصعب أكتر وانا فعلا فى الاسبوع الرابع ده تعبت جداا اخدت رطوبه وجالى مغص جامد وكنت معتقده انى بولد بالشهر التامن بس الحمد لله جات سليمه ’’ الموضوع كان حلو والفكره كانت براسى يوم الجمعه الماضيه تعبت جامد .. كتبت الموضوع السبت النت قطع عليه اعادة الموضوع السبت بالليل المنتدى وقع الفجر النور فصل بصراحه اعصابى تعبت جداا قلت الموضوع ده نحس !! وحاولت الاحد النت كان فاصل بس الحمد لله مورشو مد المده ليوم الاتنين وتم التنزيل الاتنين الفجر بسرعه قبل ما يحصل اى شئ وكان مولد موضوع الاسبوع الارابع رحله للعالم الآخــر والحمد لله وصلت لاخر أسبوع مع أقلام قويه جداااا دمعه حائره - ميشو - مستر ميرو أقلام ماشاء الله عليها تستحق كل التقدير يكفينى شرفا أنى وصلت الى تلك المرحله :blush-anim-cl: وشكراا للجنة التحكيم ولمستر مورشو على الجهد المبذول

هههههههههههههههههههه
عسل وربنا ياساره
انتى فعلا تستحقى التاهل للاخر موضيعك تجنن
شدى حيلك بقا هانت خلاص

بالتوفيق

[فرحة]

اقتباسالمشاركة الأصلية كتبت بواسطة misho

أكاديمية بنات مصر

(1)
في الموسم الاول مكنتش متابعة خالص المواضيع ولا المشتركين

(2)
في الموسم التاني بدأت اتابع بشكل جيد جدا المشتركين من غير ما افكر اشترك
و تابعت المواضيع والطلبات كل اسبوع
كان عاجبني جدا جو المنافسة والابداع اللي كان بيظهر كل اسبوع اكتر من اللي قبله
والتنوع سواء في طرح المواضيع او التنسيق
لحد ما بقيت عضوة في لجنة التحكيم في اخر اسبوع من الموسم التاني
كنت مبسوطة جدا اني بتابعهم بشكل اقرب
وكان التقييم صعب جدا خصوصا مع اقلام ممتازة وتنافس جميل
وانتهي الموسم التاني

(3)
و مع بداية الموسم التالت واختياري عضوة في لجنة التحكيم
قررت اني اشارك في الاكاديمية لاني لقيت جو منافسة جميل جدا وبيعجبني
خاصا اني بحب التنافس علي المواضيع اللي بقلم العضو مش المنقول
لان فيها ابداع في الطريقة و العرض و فكرة الموضوع والتنسيق
وبدأ الاسبوع الاول وفكرت في فكرة جديدة وقلت اكتبها في ابداعات الاعضاء
وحبيت تكون خاطرة بشكل مختلف وقدمت
مملكة قلب
و أتأهلت للاسبوع الثاني بتقييم 97
وكان الاختيار بين قسم القصص والروايات و قسم الشخصيات التاريخية
اخترت القسم اللي اقدر اكتب فيه بقلمي بدون نقل
وكتبت قصة جديدة بأسم
مسرحية من فصل واحد
وفكرتها كانت عندي من زمان
لكن للأسف التنسيق مكنش واضح للجنة التحكيم مش عارفة ازاي
و دة كان السبب في ان التقييم بتاعي يقل عن الاسبوع الاول
لكن الحمدلله اتأهلت للاسبوع التالت
وكان المطلوب مني موضوع في قلم الاعضاء
و كالعادة بدأت افكر في فكرة جديدة وطريقة جديدة لتقديم الموضوع
و جة في بالي فكرة الكائنات الفضائية والعوالم الاخري
حبيت اقدم الموضوع من خلال الفكرة دي وكتبت موضوع
بالنار فقط تموت الخطايا
و التقييم كان كويس للموضوع ما عدا نقطة التعليق علي حجم الخط من لجنة التحكيم
لان الحجم دة مش بغيره خالص في اي حاجة
يبقي ازاي يبقي فيه تعليق عليه المرة دي واللي قبلها لا ؟؟
بس عاما اتأهلت للاسبوع الرابع
والمطلوب بقي قصة بفكرة محددة من قبل اللجنة
بدأ اكتب الفكرة كأني عايشة الحكاية دي وبكتب احساسي فيها
وطلعت في الاخر بموضوع جديد
لم أسقط بعد
وبظهور التقييم أتأهلت للاسبوع الخامس والاخير للاكاديمية

وفي كل مرة كنت بنزل موضوع جديد جوايا احساس اني هتأهل للاسبوع اللي بعده
مش غرور علي فكرة :shutup:
لكن ثقة في حاجة انا كاتباها باحساسي اللي بثق فيه جدا
و المنافسة في الاسابيع اللي فاتت كانت جامدة جدا
خصوصا ان المشتركين اقلامهم مبدعة جدا ومميزة
فكان التنافس ليه طعم حلو
و اللجنة عملت مجهود مميز جدا في تقييم المواضيع والمتابعة حتي في الطلبات
ودلوقتي احنا في الاسبوع الاخير وان شاء الله يمر علي خير
و يبقي في تنافس جميل تاني بينا
وبالتوفيق للجميع يارب

انتى مواضيعك كلها حلوه يا ميشو
وليها تاثير خاص
ربنا يوفقك ياجميل

[دمعه حائره]

السلام عليكم ورحمة الله وبركاته
حكايتى مع الاكادمى بتبدأ من الموسم التانى اول مره اشترك
وكنت فرحانه جدا رجعتنى تانى لايام الدراسه
كانت المنافسه ليها طعم جميل واتعلمت كتير فيها
لكن لما خرجت من الدور قبل النهائى
قولت مش هادخلها تانى ابدا عمرى
ولما بدأ الموسم التالت معرفش ازاى اشتركت ممكن لانى حبيتها جدا
الغريب انى بعد ماشتركت بيومين فكرت انسحب
كان مودى ملخبط وخفت ماطلعش مواضيع كويسه
فى الاسبوع الاول لما كان الموضوع فرى فكرت انزل موضوع سهل
عشان المنافسه بعد كده هاتكون جامده قولت اعمل
فاشون شو دمعه حائره وتعبت جدا فى الصور وكانت حكايه
بس لما عديت واخدت تقيم حلو فرحت واتشجعت جدا انى اكمل
وبقيت حريصه انى اطلع احسن ماعندى فى المواضيع
تانى اسبوع انا حبيت قسم السياحه دورت على بلد
ماتكونش موجوده فى المنتدى وغريبه
سويزلاند والجميل انهاعجبت كتير اعضاء
وده ادانى حافز اكتر انى اتعب كمان فى التنسيق
نيجى للاسبوع التالت وده كان الابداعات
هذيانى خاطرة كانت غاليه عندى وكان نفسى اخرجها بأحسن صورة
والحمد لله نالت اعجاب كتير اعضاء
اصعب اسبوع كان الرابع لان المفروض اتكلم عن لسان شاب
عاشق من بعيد
اتجننت يومها ومابقتش عارف ازاى هاقول كلام حب لبنت
وسهرت ليلتها عماله افكر فى الكلام وده كان اصعب اسبوع مر عليا
انا بشترك فى الاكادمى مش بس عشان الفوز
لكن كمان عشان اتعلم وجو المنافسه بيخلينى
ابذل اكبر جهد فى الموضوع
والمهم عندى ان المواضيع بتاعتى عجبت كتير اعضاء
وافتخر انى اشتركت فى اكاديميه بنات مصر
لانها بجد من اجمل المسابقات اللى اشتركت فيها
اتمنى التوفيق للجميع واشكرموروشو ولجنة التحكيم على مجهودهم الكبير
اللى ان شاء الله نتيجته نجاح كبير
واشكر كل من اشترك فى الاكادمى سواء بالمواضيع او الردود
تحياتى وتقديرى للجميع