الفضاء...أين يبدأ و أين ينتهي!!؟

[SiLver Spectra]

ملحوطة : ما سيرد ذكره لا يستند لأي حقائق علمية فقط مبني على خيال كاتبه

الفضاء...أين يبدأ و أين ينتهي!!؟؟

ليس بالشكل الذي تولد به تموت...و لكنك تبدأ بلا شيء و تنتهي بلا شيء (دورة)

يبدأ اليوم من الساعه صفر لينتهي بنفس الساعه بيوم جديد (دورة)

دوران الأرض ...بيبدأ من نقطه و ينتهي عند نفس النقطه

إذا إنطلقت من نقطة البداية في خط مستقيم بسرعة معينه فإنك تعود لنفس النقطه بعد فترة زمنية

طيب..تعالوا نطبق النظرية على الأرض...

كان الإعتقاد السائد في الماضي أن الأرض مستوية...و لها نهاية

لكن...إكتشفنا إنك لو سرت في خط مستقيم سترجع لنفس نقطة البداية بعد فترة زمنيه...(ساعات بالطياره...أيام بالباخره...سنين على قدمك)

طيب لو إنطلقت في الفضاء من نقطة الأرض...إلى الما لا نهاية و في خط مستقيم...هوصل لفين!!

هنا بقى السؤال إلي كنت عايز أوصله



بما أن كل شيء حلقي في الكون...
يبقى المفروض إني أرجع تاني لنفس النقطه!

لكن دا هيعتمد على سرعتك...
هتحتاج مثلا لسرعة واحد و جنبه مليون صفر...مليار صفر...المهم إنك هترجع تاني
طبعا دا إفتراض

إزاي همشي في خط مستقيم و بعدين هرجع لنفس النقطه!!!

لدعم الإفتراض....

الأرض بتدور حول الشمس للتغلب على جاذبيتها...
طيب و إزاي الأرض بتدور في الأساس حوالين الشمس؟
بفعل جاذبية الشمس برضه
الشمس بتجذب فبترحك الأرض...سرعة حركة الأرض بتساوي الإنجذاب العمودي للشمس...فبالتالي بتدور الأرض في مسار ثابت
فيصبح مسار الأرض مستقيمي مائل بدرجه طفيفه
لتكتمل الدورة بعد عام على شكل بيضاوي

نرجع للإفتراض...
حركتك في خط مستقيم من نقطة الأرض...بسرعة واحد و جنبه مليون صفر....
هتنطلق في الما لا نهاية...و يحدث تغير طفيف في المسار في إتجاه واحد...إلى أن ترجع إلى نفس النقطه

لكن الميلان هنا لا تحكمه قوة ثابته كما هو الحال في الأرض!!
إذا فرجوعك إلى نقطة البداية مستحيله...و تكون النهاية هي الضياع في الفضاء


كيفية العودة بالزمن إلى الوراء..؟



كيف يمكن أن تعود بالزمن إلى الوراء....
طبعا النظرية النسبية الشهيرة إلي طورها آنيشتاين إلى النظرية النسبية الخاصة و العامة

و لما تقرأ النظرية هتلائيك مش فاهم حاجه
لأن طبعا العلماء دول دماغهم لاسعه شوية

دا إقتباس لإحدى فروض النظرية

نسبية الزمن و مفارقة التوأمين twins paradox : اذا سافر أحد توأمين في مركبة فضائية بسرعة تقارب سرعة الضوء ، فسيكتشف بعد عودته للأرض بعد خمس سنوات على ساعته ، مرور خمسين عاما على توقيت الارض و سيجد أن أخاه قد كبر خمسين عاما في حين لم يزد عمره هو سوى خمس سنين ... مما يعني أن الزمن يتباطأ بتزايد سرعة الجملة المرجعية التي يتم القياس بها.

طيب خلوني اشرحها بشكل أبسط...
و سيبكم من الكلام بتاع العلماء إلي هما أصلا مش فهمينه
:liverpool-flag:

ضوء الشمس إلي بينعكس على الأرض و بيوصلنا ..بيكون ماضي!!

بمعنى إن الضوء نشأ من تفاعل غازي الهيليوم و الهيدروجين و حدث إنفجار قبل وصول الضوء للارض ب7 دقائق..إذن فهو في الماضي
و ما نشاهده من ضوء الشمس ما هو إلا ماضي الشمس

كما هو الحال لباقي النجوم إلي بتبعد عننا آلاف السنين الضوئية

كما هو حال الأرض...
بمعنا... إنك لو إنطلقت بمركبة فضائية بسرعة تساوي سرعة الضوء...و نظرت إلى الأرض...هتلاقي كوكب الأرض متجمد في مكانه....(الزمن متوقف فيه)

في حين لو إنطلقت بسرعة أكبر من سرعة الضوء..
هتسبق الزمن...و هتشوف كوكب الأرض بيدور في الإتجاه المعاكس لدورانه الأصلي..فهترجع بالزمن للخلف
و إلي هيخليك تخترع مركبة اسرع من سرعة الضوء...يخليك تخترع مجهر إليكتروني بيشوف النملة على الأرض من على بعد آلاف السنين الضوئية...
و إتفرج بقى على الحضارات القديمة و المعارك على الحقيقة
لكن طبعا الماضي عباره عن ضوء...
كأنك بتتفرج على فيلم سينمائي
مش زي افلام الخيال العلمي إلي بيدخل فيها البطل و بيتفاعل في الماضي!!!

وزنك 150 كيلو الصبح و 30 كيلو بالليل!!!

لو إفترضنا إقتراب كوكب ضخم...بحجم الأرض 5 مرات مثلا..
زي الصورة

في منتصف النهار...جسمك هيتأثر بجاذبية مزدوجه من الأرض و الكوكب الضخم فبالتالي وزنك هيزيد بشكل مضاعف





عند منتصف الليل ...جسمك هتأثر بجاذبيتين في إتجاهيم مختلفين...و بالتالي وزنك هيقل و الحركه هتبقى أخف

سرقة كوكب الأرض!!

إذا إقترب كوكب ضخم من مسار كوكب الأرض...
فإن جاذبية الكوكب الأكبر ستسرق مكونات الكوكب الأصغر..الغلاف الجوي و الأشجار الحيوانات و البشر...

و لكن...سرعة الإنجذاب تتوقف على كتلة الجسم المنجذب...
إذا الأرض سينجذب إلى الكوكب بسرعة أسرع من مكوناته
إما أن يصبح قمر تابع للكوكب إن تمكنت سرعة الإنجذاب الدورانية من التغلب على قوة الإنجذاب العمودية...أو يصطدم كوكب الأرض بالكوكب الكبير و يتلاشى


الإحتفالات برأس السنه غير صحيحه!!



الموضوع كنت كتبته سابقا في المنتدى العام..
لكن لا مانع من الإعاده

تدور الارض حول الشمس كل 365.25 تقريبا من الناحية الفلكية و لذلك فإن إحتفالات العالم بساعة الصفر للعام الجديد لا تكون دقيقة إلا في السنة التي تلي السنة الكبيسة يعني سنة 2009 هيكون الإحتفال بيها الساعة 12 بعد منتصف الليل دقيق و صحيح في حين إن سنة 2008 من الناحية العلمية فإن الإحتفال بيها كان المفروض يكون الساعة 6 مساء من يوم1/1/2008 يعني بفارق 18 ساعة عن الإحتفال الرسمي الذي تقيمه كل دولة في الساعة الصفر أو 12 بعد متصف الليل أما 2010 فالمفروض الإحتفال يكون الساعة 6 صباحا!!!!
ففي التقويم الرسمي لا يحسب الربع و لكن يتم جمع الأربع ترباع كل أربع سنين فيما يسمى بالسنة الكبيسة

ولكن لو أخدناها بالدقة البالغة هتكون السنة عبارة عن 365 يوم و 5 ساعات و 48 دقيقة و 6 ثوان
يعني مافيش سنة بنحتفل بيها في معادها الصحيح
يعني في 12 دقيقة زيادة عن الأصل كل سنة
يعني لو حسبناها من الصفرإلى سنة 2008 هنكون متأخرين عن الدوران الأصلي للأرض حوالي 16.73 يوم

العملية الحسابية

بتضرب الارقام دي في بعض
2008 في 365.25 في 24 في 60 في 60 هيطلعلك الناتج عدد الثواني إلي عدوا في 2008 سنة...( الناتج الأول)

و بعدين هتشوف السنة الحقيقية فيها كام ثانية
365 في 24 في 60 في 60 و تجمعي عليهم ( 5 في 60 في 60) + (48 في 60) + 6
هتعرفي السنة الحقيقية فيها كام ثانية

و تضرب الناتج في 2008 ...و هيطلعلك مجموع الثواني الحقيقية من 2008 لحاد دلوقتي..( الناتج التاني)
و تطرحي الناتج الأول من التاني
عشان تعرف الزياده كام ثانية عن الحقيقة
و تقسمهم على ( 60 في 60 في 24)
هيطلعك الناتج 16.73 يوم

و مع إختلاف طفيف جدا لو حسبناها من 2009

-----------------------------
و طبعا ما ذكر سابقا هي فروض مستنتجه من الحسابات و الخيال و التوقع...
فعلم الفلك هو أكثر العلوم إعتمادا على الخيال و الفروض
فإيه المانع من إنك تتخيل!!

و كفاية عليكم كدا الموضوع العلمي البحت
و لكني حبيت أضيف لون جديد من المواضيع بعيدا عن الأدب
و معلش لو كنت طولت عليكم

و الموضوع أكيد قابل للنقد و الكسر لأنه مستوحى من خيالي الشخصي
:liverpool-flag:

تحياتي

[البرنس رامى]

أخى الحبيب // طارق زويل


استمر فيما أنت فيه انا عاوز مخك يضرب ههههههههه


بجد موضوع جميل وانا عن نفسى

قرأته أكثر من مره وكأنى فى محاضره


مع الدكتور شلبى هههههههههههه

وعموما انت ممتاز فكرنى اكلم لك

الدكتور زويل ياخدك معاه فى اى مكان يروحه

اهو تستفيد وهو كمان يستفيد من علمك

طبعا ماهو يمكن كمان يتبناك وتوصيه

بقى على بنات مصر

وعاوزك تقوله يشوف لى شغلانه

وحياة ابوك ههههههههههههههههههه

ولو عاوز حد يشيل لك الشنطه ابقى عرفنى

وانا اجيب لك واحد ولا اجيب ليه انا هنا اهو

كفايه كده احسن انا ميت على نفسى من الضحك

وتسلم لى يا طروووووووق ياغالى وبجد

انا مبسوط جداا بيك وربا يارب يوفقك

ارق تحياتى لك طرووق ومنتظرين كل

ماهو علمى بحت من طرووووووق طبعا ومنكم نستفيد

دمت بخير وسعاده وحب وعلم


ونوبل عن ما قريب قول يارب

[قلم بلا حبر]

بسم الله الرحمن الرحيم
*******
طارقتاين عندنا فى المنتدى

اهلا بالفيزياء والنسبيه العامه والخاصه والزمكان و نسبية التزامن

شوف يا طارق انا مش من أهل الاختصاص انا بس كنت بحب الفيزياء فى الثانوى جدا

ولما قريت موضوعك ,, اكتشفت انك عايز تبرز حقائق فيزيائيه هى فى الاساس مستقله بذاتها

يعنى فكرة كروية الارض والعوده الى نقطه الانطلاق دى لوحدها محتاجه مجلدات

نيجى بعد كده لفرضية العوده بالزمن

هوفعلا النسبيه كشفت لنا عن أن سرعة الضوء تعمل على تباطؤ الزمن وده يمكن من أهم الاستنتاجات اللى توصلت ليها النظريه

وجود ثلاث احداثيات فى الفراغ مكانيه بالاضافه الى الاحداث الزمنى فتحت المجال امام اختراق الزمكان بما قد يشير الى احتمالية تباطؤ الزمن وصولا الى توقفه ومع الاستمرار يكون هناك عوده تدريجيه به

لكن يا طارق الاستفسار اللى بيلح على ,, انا موافقك فى ان العوده بالميكروسكوبات مكمنه وان كانت القوانين الفيزيائيه ذاتها تقف عائق امامها

لكن كى تصل الى سرعة الضوء ,, لابد وان تكتسب صفات الضوء ,, اى ان هنالك صفات سوف تكتسب جديده ,, لا يعلم بها احد ,, لانه ببساطه توصلوا الى القريب منسرعة الضوء وليست سرعة الضوء ذاتها وكان ذلك عن طريق تعجيل الجزيئات النوويه

لكن على كل فتحت النسبيه العامه (( خاصة )) حراكا علميا حول ماهية البعد الرابع الاضافى للمحاور المكانيه الثلاثه ليضاف اليها الزمن ,و لتبدأ الدراسات حول امكانية استغلال تلك المحاور الآربعه فى محاولة تفسير لظاهره مثل ظاهرة الثقب الاسود مثلا والتى هى بمثابة اللغز الآكثر غموضا ,, والذى تم تقديم تفسير مبئى لها يقوم على فرضية النظريه النسبيه من وجود كتله بحجم كتلتين شمسيتين يتم ضغطها الى اقصى حد فى شكل نقطه تكون تلك النقطه متناهية الكثافه وينتج عنها انحراف كبير فى الزمكان ليجعل من الاقتراب منها انجذاب اليها بشكل رهيب ,, ولكن هنالك افتراضيه لخروج هذا الجسم اذن فخروجه لن يكون فى نفس الزمكان الآتى منه وانما سيكون فى زمكان أخر وهو تفصيل مبدئى لعملية الانتقال عبر الزمن ولكن الطبيعه هنا هى من تقوم بهذا بديلا عنا

حيث اننا نظريا يمكننا هذا عمليا لاتزال الآمور المعقده ,, وان كانت التكنولوجيا قد استطاعت ان تخترق الثلاث محاور المكانيه واخرها للآعلى كما فى صواريخ الفضاء

الا ان محور الزمان والوصول به الى سرعة الضوء لايزال هو الآمر البعيد نسبيا ,, وان كان المستقبل قد يحمل لنا الكثير

انما انا عندى ليك حاجه لذيذه يا طارق هى برده انتقال ,, لكن انتقال فى نفس الحيز الزمنى ,, يعنى انتقال من مكان الى مكان عبر الزمان ,و اى ان الآمر أشبه بالانتقال عبر الزمكان الذى كنت اتحدث عنه بالآعلى ,, وقامت التجارب عليه ونجحت تجربه فى الولايات المتحده الامريكيه فى نقل عمله معدنيه من فئة الخمس سنتات من ناقوس الى ناقوس أخر متصلين ببعضهما عبر قناه من الآلياف الزجاجيه السميكه

طيب ليه الخبر ده مش انتشر ؟؟؟

لان الناقوسين كانوا فى وضع مثالى جدا وهو تفريغ الهواء ,,

ثانيا ,, كانوا على بعد 90 سنتيمتر فقط

نجحت التجربه وانتقلت العمله المعدنيه من الناقوس الى الناقوس الآخر فى زمن زاد على ال 6 ساعات

الكلام ده كان فى اوائل الثمانينات

فى نهاية التسعينات ,, تم تطوير التجربه بتسخين القطعه المعدنيه ,, وبعد انتقالها فى زمن تخطى ال 6 ساعات ايضا ,, تم قياس درجة حرارتها ليجدوا ان الزمن الفعلى لانتقالها هو 4 ثوانى فقط

اللى عايز اوصله من كلامى السابق ان العلم فى بحث وتطور دائم وامكانية حدوث الخيال وتحويله الى واقع بات من الامور التى يلهث خلفها العلماء ,,, لانها ببساطه كنز المعرفه ,, فليس للمعرفه وجود دونما ان يكون هنالك خيال

لذا اعجبنى جدا وانت تبدأ موضوعك بهذا التنبيه على ان الموضوع فى اطار خيال كاتبه

لكن ماشاء الله وثقته بنظريات وفرضيات قد لا يستسيغها البعض ,, الا انها لاتزال فى طور البحث والتقييم ,, وما علينا سوى الانتظار

اه مسيت فى قصه فى القرأن ممكن تفيدك فى الموضوع ده (( قصة اهل الكهف ))

على هذا الرابط

http://www.yabeyrouth.com/pages/index1033.htm

لتطلع على اجزاء مما ذكرت فى فرضياتك ,

خالص تقديرى لموضوعك ,, مع تحفظى على بعض النقاط كما هى العاده

تحيااااااااااااااااااااااتى"""""""""""

[miraa]

والله يا طارق رجعتنى لايام الفيزياء
ايه النظريات البحته دى....... ده انا حسيت انى بقرأ محاضره او مقاله علميه لعالم فيزياء كبير

بس كتير جميل النوع الجديد والمجال الرائع اللى انت فتحته فى القسم
دائما بتحب التغير والابداع
الصور والاسهم الموضحه بها بتوضح كتير فكرتك

كتير عجبنى التفكير الرائع اللى قمت بيه .....ايه الثقافه الجامده دى يا طارق

حلو كتير الموضوع ومفيد صحيح فكرنى بايام الفيزياء الرهيبه بس برضه اخف منها

تسلم ايدك يا طارق على الموضوع
وتستحق جائزه بنات مصر للابداع العلمى ههههههه

الف شكر يا طارق على مواضيعك الفكريه الرائعه والمفيده

[razan]

لالالا...... اية الكلام الكبير دة يا طارق

انا دخت وانا بقرا الموضوع

بلاش تكتب فى النوع العلمى دة>>>> بكرة الفيزيا :icon1366:

انت فى الادب احسن بكتير

عموما منتظرين ابداعاتك اللامتناهية :vb19:


ودمت بكل الــــــــــــود

[SiLver Spectra]

اقتباس المشاركة الأصلية كتبت بواسطة البرنس رامى أخى الحبيب // طارق زويل استمر فيما أنت فيه انا عاوز مخك يضرب ههههههههه بجد موضوع جميل وانا عن نفسى قرأته أكثر من مره وكأنى فى محاضره مع الدكتور شلبى هههههههههههه وعموما انت ممتاز فكرنى اكلم لك الدكتور زويل ياخدك معاه فى اى مكان يروحه اهو تستفيد وهو كمان يستفيد من علمك طبعا ماهو يمكن كمان يتبناك وتوصيه بقى على بنات مصر وعاوزك تقوله يشوف لى شغلانه وحياة ابوك ههههههههههههههههههه ولو عاوز حد يشيل لك الشنطه ابقى عرفنى وانا اجيب لك واحد ولا اجيب ليه انا هنا اهو كفايه كده احسن انا ميت على نفسى من الضحك وتسلم لى يا طروووووووق ياغالى وبجد انا مبسوط جداا بيك وربا يارب يوفقك ارق تحياتى لك طرووق ومنتظرين كل ماهو علمى بحت من طرووووووق طبعا ومنكم نستفيد دمت بخير وسعاده وحب وعلم ونوبل عن ما قريب قول يارب

تسلم أبو رامي على ذوقك
نوبل مين بس...هههههههه
ما هي جائزة نوبل عندي في البيت اصلا
:liverpool-flag:
عايزها؟؟
ههههههه
الف شكر يا رامي على قراءتك
منور الموضوع كالعاده يا برنس
و ما نتحرمش من وجودك يا غالي
و هوصل سلامك لزويل إنشاء الله
هههههههه

تحياتي لأخونا الحبيب...البرنس رامي

[dr. faris]

أحب نوع تفكيرك
احب الشاب اللى فعلا بيفكر ويدور
بجد يعجز القلم عن المدح، يعجز عن وصف ما شعرت به من أمتاع وتلذذ فى قراءة موضوعك يا أخى


موضوعك علمى بحت لا يعتريه خطأ بتاتاً، وأن كنت أرى أن نظرية العوده بالزمن لن تكون سهلة المنال فى الوقت القريب، لكن العلم بين ليله وضحها يتقدم ألاف الأمتار والأميال نحو الكمال وأن كان الكمال لله وحده


د/فارس

[SiLver Spectra]

أهلا بالمقاتل الشرس...ابو سيد
واحده واحده كدا...
عشان إتت بتضحك علينا بكلام كبير
هههههههههه

اقتباس المشاركة الأصلية كتبت بواسطة قلم بلا حبر بسم الله الرحمن الرحيم ******* طارقتاين عندنا فى المنتدى اهلا بالفيزياء والنسبيه العامه والخاصه والزمكان و نسبية التزامن شوف يا طارق انا مش من أهل الاختصاص انا بس كنت بحب الفيزياء فى الثانوى جدا ولما قريت موضوعك ,, اكتشفت انك عايز تبرز حقائق فيزيائيه هى فى الاساس مستقله بذاتها أكيد مستقلة يعنى فكرة كروية الارض والعوده الى نقطه الانطلاق دى لوحدها محتاجه مجلدات الموضوع للإفتراض و التخيل... و خير الكلام ما قل و دل....و أنا كنت حابب أبسط الفكرة للناس فقط لكن مافيش مانع من إني أكتب فيها و لو بشكل مبسط خصوصا إن الموضوع جه من خيالي و ياما بتلاقي مجلدات عن موضوع مش بتوصل لقارئها اي كلام مفهوم نيجى بعد كده لفرضية العوده بالزمن هوفعلا النسبيه كشفت لنا عن أن سرعة الضوء تعمل على تباطؤ الزمن وده يمكن من أهم الاستنتاجات اللى توصلت ليها النظريه ما هي دي فروض النظرية....لكن إزاي تستوعبها!!! و دا غرضي من الموضوع...تبسيط فهم النظريات وجود ثلاث احداثيات فى الفراغ مكانيه بالاضافه الى الاحداث الزمنى فتحت المجال امام اختراق الزمكان بما قد يشير الى احتمالية تباطؤ الزمن وصولا الى توقفه ومع الاستمرار يكون هناك عوده تدريجيه به لكن يا طارق الاستفسار اللى بيلح على ,, انا موافقك فى ان العوده بالميكروسكوبات مكمنه وان كانت القوانين الفيزيائيه ذاتها تقف عائق امامها و الله يا سيد لو وصلت لسرعة تفوق سرعة الضوء 10 مرات أكيد هوصل لتليسكوب و ليس ميكروسكوب..يقدر يحلل الضوء المنبعث من الأرض فبالتالي تقدر تشوف الزمان لكن كى تصل الى سرعة الضوء ,, لابد وان تكتسب صفات الضوء ,, اى ان هنالك صفات سوف تكتسب جديده ,, لا يعلم بها احد ,, لانه ببساطه توصلوا الى القريب منسرعة الضوء وليست سرعة الضوء ذاتها وكان ذلك عن طريق تعجيل الجزيئات النوويه أكيد...الأمر في الاساس مستبعد عمليا لكن على كل فتحت النسبيه العامه (( خاصة )) حراكا علميا حول ماهية البعد الرابع الاضافى للمحاور المكانيه الثلاثه ليضاف اليها الزمن ,و لتبدأ الدراسات حول امكانية استغلال تلك المحاور الآربعه فى محاولة تفسير لظاهره مثل ظاهرة الثقب الاسود مثلا والتى هى بمثابة اللغز الآكثر غموضا ,, والذى تم تقديم تفسير مبئى لها يقوم على فرضية النظريه النسبيه من وجود كتله بحجم كتلتين شمسيتين يتم ضغطها الى اقصى حد فى شكل نقطه تكون تلك النقطه متناهية الكثافه وينتج عنها انحراف كبير فى الزمكان ليجعل من الاقتراب منها انجذاب اليها بشكل رهيب ,, ولكن هنالك افتراضيه لخروج هذا الجسم اذن فخروجه لن يكون فى نفس الزمكان الآتى منه وانما سيكون فى زمكان أخر وهو تفصيل مبدئى لعملية الانتقال عبر الزمن ولكن الطبيعه هنا هى من تقوم بهذا بديلا عنا موضوع الثقوب السوداء كبير جدا...و معقد لذلك أنا إبتعدت عنه ...لأن في موضوعي كان هدفي التوضيح ...و ليس نقل كلام العلماء و التعقيد الغير منطقي الثقوب السوداء منطقة في الفضاء الزمكاني لا يمكن أن يفلت منها اي شعاع ضوئي و بتتكون نتيجة تجمع مجموعة من النجوم...ذات الكثافة العالية...و تشكل هذه المنطقة نهاية الزمان...إلخ حيث اننا نظريا يمكننا هذا عمليا لاتزال الآمور المعقده ,, وان كانت التكنولوجيا قد استطاعت ان تخترق الثلاث محاور المكانيه واخرها للآعلى كما فى صواريخ الفضاء الا ان محور الزمان والوصول به الى سرعة الضوء لايزال هو الآمر البعيد نسبيا ,, وان كان المستقبل قد يحمل لنا الكثير كلام منطقي انما انا عندى ليك حاجه لذيذه يا طارق هى برده انتقال ,, لكن انتقال فى نفس الحيز الزمنى ,, يعنى انتقال من مكان الى مكان عبر الزمان ,و اى ان الآمر أشبه بالانتقال عبر الزمكان الذى كنت اتحدث عنه بالآعلى ,, وقامت التجارب عليه ونجحت تجربه فى الولايات المتحده الامريكيه فى نقل عمله معدنيه من فئة الخمس سنتات من ناقوس الى ناقوس أخر متصلين ببعضهما عبر قناه من الآلياف الزجاجيه السميكه طيب ليه الخبر ده مش انتشر ؟؟؟ لان الناقوسين كانوا فى وضع مثالى جدا وهو تفريغ الهواء ,, ثانيا ,, كانوا على بعد 90 سنتيمتر فقط نجحت التجربه وانتقلت العمله المعدنيه من الناقوس الى الناقوس الآخر فى زمن زاد على ال 6 ساعات الكلام ده كان فى اوائل الثمانينات فى نهاية التسعينات ,, تم تطوير التجربه بتسخين القطعه المعدنيه ,, وبعد انتقالها فى زمن تخطى ال 6 ساعات ايضا ,, تم قياس درجة حرارتها ليجدوا ان الزمن الفعلى لانتقالها هو 4 ثوانى فقط التجربة فعلا شوفتها على national geographic مشكلة التخيل دائما ...المنطق إنك تبحث عن منطق لخيالك في التجربة...إنتقال القطعة المعدنية من ناقوس لآخر... تبدأ تفكر...إزاي القطعه إنتقلت بدون ما يصيبها اي تغير في شكلها أو خصائصه فعلا زي ما ذكرت....خصائص الضوء بتدخل في الموضوع اللى عايز اوصله من كلامى السابق ان العلم فى بحث وتطور دائم وامكانية حدوث الخيال وتحويله الى واقع بات من الامور التى يلهث خلفها العلماء ,,, لانها ببساطه كنز المعرفه ,, فليس للمعرفه وجود دونما ان يكون هنالك خيال أكيد كل إكتشاف هو في الأصل خيال لكن كل ما تزيد فجوة الخيال عن الواقع....بيبقى الموضوع مجرد فرضيات و نظريات على ورق لذا اعجبنى جدا وانت تبدأ موضوعك بهذا التنبيه على ان الموضوع فى اطار خيال كاتبه دي أهم جزئية كان لازم أذكرها في بداية الموضوع.... حتى لا أكون ضحية نشر معلومات غير موثقة أو خيالية بسبب إخوانا اصحاب الكوبي و البيست!!! لكن ماشاء الله وثقته بنظريات وفرضيات قد لا يستسيغها البعض ,, الا انها لاتزال فى طور البحث والتقييم ,, وما علينا سوى الانتظار طيب عشان أبقى صادق معاك الجزئية الأولى من الموضوع إذا سرت في خط مستقيم بسرعة معينة من نقطة البداية فإنك تعود لنفس النقطة بعد فترة زمنية حقيقي النظرية دي من خيالي...مع العلم إن أغلب النظريات علم الفلك بتكون خيالية...حتى النظرية النسبية نفسها أما الجزئية التانية العودة بالزمن إلى الوراء فأنا فيها وضحت النظرية النسبية و الإنتقال الزمني فقط باسلوبي بعيدا عن التعقيد الجزئيات بتاعت الوزن و السرقة الأرض فدي أضعف جزئية في الموضوع و كنت حابب أمسحها لكن بما أني نبهت بالخيال...فمش شايف مشكلة في طرح الإفتراض و أنا بشوف فروض لشركة ناسا...أكثر خيالا و غير واقعية و الجزئية الأخيره بتاعت راس السنه ....لا تعتمد على فروض أو أي نظريات فهي فقط عملية حسابية و أعتقد إنها أدق جزئية لأنها مبنية على الواقع اه مسيت فى قصه فى القرأن ممكن تفيدك فى الموضوع ده (( قصة اهل الكهف )) على هذا الرابط http://www.yabeyrouth.com/pages/index1033.htm لتطلع على اجزاء مما ذكرت فى فرضياتك , إطلعت على الرابط.... لكن و بصراحة...الحسابات دي غير مقنعة بالمره... لأن في الاساس الإنسان هو من وقام بترقيم الآيات القرآن نزل على سيدنا محمد (صلى الله عليه وسلم) مسموع.. إلى أن جاء أبو بكر (رضي الله عنه) و تم جمع القرآن و ترتيب الآيات و ترقيمها بناء على علم التجويد و الوقف و السكت و غيره من القواعد إذا أنا لما اعمل عملية حسابية بضرب عدد الحروف في رقم الآيه إلي الإنسان هو إلي حاطتها!!..طيب أنا هوصل لإيه لما هضرب في 5 و بعدين هجمع 10 و بعدين هقسم على 2 و بعدين....إلخ طيب مين إلي قالم تضرب و تقسم و تجمع!! أو باي منطق! من نعم الله عز وجل إنه مع نزول القرآن...إنتهى عصر المعجزات ليبدأ عصر العلم...بنزول أول آيه إقرأ فالرابط أنا مش شايف فيه أي صلة بالموضوع لأن في إفتراضي الأخير...بتاع راس السنه كان مبني على عمليات حسابية دقيقة جدا ليست من خيال عقلي؟ تنفيذ العملية فعلا كان خيال عقلي لكن مدة دوران الأرض حول الشمس ...محسوب بشكل علمي دقيق 365 يوم و 5 ساعات و 48 دقيقة و 6 ثوان و ما قمت به أنا هو حساب الفارق الزمني من بداية التاريخ الميلادي خالص تقديرى لموضوعك ,, مع تحفظى على بعض النقاط كما هى العاده و أنا تحفظك و تعليقك بيفيدني جدا و بيضيف للموضوع بعد تاني يا سيد مع إنك مش بتبسط الأمور زي هههههههههه و دايما تلاقي الكلام كبير ...لكن لما تحلله تلاقيه بسيط تحيااااااااااااااااااااااتى"""""""""""

أسعدني مرورك يا سيد
و تفاعلك في الموضوع بشكل علمي
و دا لا يدل إلا على ثقافتك

تحياتي

[قلم بلا حبر]

اقتباس فالرابط أنا مش شايف فيه أي صلة بالموضوع

يا ابنى وانا اللى قلت بلاش ابين له وهو اكيد حيعرف انا قصدى ايه

اهل الكهف يا طارق ناس فضلوا 309 سنه ولما قاموا قالوا (( لبثنا يوما او بعض يوم ))

دى معجزه بس مفيش معجزه الاوليها مدلول حسى على الآرض علشان يبين المعجزه

ووظيفة العلم انه يلاقى تفسير ,,

وانا لما اديتك الرابط مش اديتهولك علشان الحسابات اللى فيه بالعكس

انا اديتهولك علشان النقطه دى بالذات

بما انك بدأت عالم البحث ,, فخد منطلقك من ثوابت

******

على فكره نسيت اقولك حاجه

لما كرروا التجربه بتاعت الانتقال بين ناقوسين فى اجسام مركبه انتقلت لكن صفاتها اختلطت وتشوهت ونتج عنها اشكال لا تمت بصله لواقعها السابق

يعنى الموضوع ممكن الواحد يستغله فى تأليف فيلم رعب :242:

المره الجايه عايزك تيجى بالكيميا العضويه ,, هههههههههههه

تحيااااااااااااااااااااااتى""""""""

[فولدمورت]

طيب انا عندى سؤالمهم

هو ماتش الزمالك خلص كام كام؟؟؟؟؟؟؟؟؟؟؟؟