شماعة الظروف

[dr. faris]

بسمـ اللهـ الرحمن الرحيمـ

لكل منا مشاكل يوجهها، لكل منا صعوبات فى حياته، لكل منا همومه مأسيه، فمنا من يرغب فى الزواج ولا يجد ما يساعده على ذلك، و منا من لا يجد العمل، منا من وجد العمل ولا يكفيه دخله، منا من دخل كليه لم تكن ما تمناها، و منا من........إلخ.

وإذا سألنا أنفسنا لماذا؟
تخرج التبريرات و ألقاء الأحمال على الظروف، كأن من حقق مراده، كأن من وجد عملاً مناسباً، كأن من دخل الكليه التى تمناها لم يمر بظروف صعبه، وربما تكون هى هى الظروف....




هذا حال شبابنا، جعل من شماعة الظروف حملاً لما لا أجد له تعبير أدق من "فشله"

فلتسأل أحد العاطلين: لماذا لا تجد عملاً؟، فيقول لك: "وهل توفر لى دولتى العمل"، هو أصلاً لم يتكبد عناء البحث، لم يتكبد فى صغره عناء المذاكره لدخول كليه تجعله يستطيع الحياه، و حتى وأن فشل فى تحقيق حلم دخلوه لكليه من كليات القمه، ودخل أحد الكليات العاديه، فلماذا لم يجد ويجتهد عسى أن يكون ضمن طاقم تدريس الكليه ويضمن مستقبل باهر؟، أذا واجهته يقول لك: "أصل أبن الدكتور هو اللى هيتعين"، طيب هو انته سعيت عشان توصل، ولا وقفت تتفرج!!!!!


والله انى أشكو من أنين الظروف التى تلقى عليها كل الأحمال من فشل......والسلام خير ختام
د/فارس

[TRIPLE M]

نايس توبيك
جميل اوى
واحنا بقا اسكندرانيه زى بعض

[فولدمورت]

الظروف لازم تقف ضدك لغاية ما توصل لهدفك
عشان لم توصل تحس بقيمته

شكرا على الموضوع الجميل دة

[dr. faris]

اقتباس المشاركة الأصلية كتبت بواسطة TRIPLE M نايس توبيك جميل اوى واحنا بقا اسكندرانيه زى بعض

ربنا يخليك يا جميل، وكنت أتمنى أشوف ليك رد يحمل وجهة نظر

وربنا يخللنا أسكندريه يا حلو
د/فارس

[dr. faris]

اقتباس المشاركة الأصلية كتبت بواسطة فولدمورت الظروف لازم تقف ضدك لغاية ما توصل لهدفك عشان لم توصل تحس بقيمته شكرا على الموضوع الجميل دة

كلامك صح، الظروف بتقف قدامك، بس أنته لازم تعدى وتكمل ومتستسلمش

ومشكور على مرورك يا حبى
د/فارس

[misho]

مع احترامي لموضوعك
أحيانا الظروف بتتحكم فينا فعلا ومش بنقدر نعمل حاجة كأننا مكتفين
ونعمل حاجات مانتخيلش اننا نعملها......حاجة صعبة جدا
جميل اننا نحاول..........بس الظروف بتبقي ساعات أقوي بكتيييييييييير
تقبل رأيي
شيماء

[dr. faris]

اقتباس المشاركة الأصلية كتبت بواسطة misho مع احترامي لموضوعك أحيانا الظروف بتتحكم فينا فعلا ومش بنقدر نعمل حاجة كأننا مكتفين ونعمل حاجات مانتخيلش اننا نعملها......حاجة صعبة جدا جميل اننا نحاول..........بس الظروف بتبقي ساعات أقوي بكتيييييييييير تقبل رأيي شيماء

نورتى يا انسه شيماء الموضوع بمرورك العطر

صح أحياناً الظروف بتقف قدمنا، وأحياناً بنقدرش نتغلب عليها،ودخه لازم بيحصل لكل الناس، بس اللى بيفرق بين واحد والتانى أن ده حاول وجد بجد أنه يتخطى العقبات والظروف حتى لو فشل بس حاول، والتانى أعد لا يحرك ساكتاً، مثله كمثل من قيل فيهم: "كأن على رؤوسم الطير" من السكون والهدوء وعدم السعى. أتمنى تكون وجهة نظرى وضحت ليكى يا جميل

والأختلاف فى الرأى لا يفسد للود والمحبة قضيه
فارس

[Karamela]

فعلا والله !

حاجة غريبة .. تلاقي واحد مثلا طول عمره لعب في هبل في استعباط

وعمره مامسك كتاب كده وقعد يذاكر .. وجاي حضرة جنابه يحقد ويغل في نفسه على الي جاب درجة احسن منه

ليه .. ماهو ده طول عمره حابس نفسه وشغال دح دح دح لحد ماوصل للمستوى ده

ذاكرت ماشي thats oky

بس ده مش اول مرة ليه يمسك كتاب ويذاكر منه .. طول السنين الي فاتت وهو مطلع عينه في المذاكرة

وانت جاي ع السنة دي .. اشمعنى بئه .. ماتعديها زي كل سنة

ده بالنسبة للتعليم

نيجي للاخوة الي بيقولوا مافيش شغل في البلد ؟!

والله الي اعرفه ان ربنا قال .. اسعى ياعبدي واسعى معاك

بدام انت نيتك حسنة ومتوكل على ربنا وبتعمل الي عليك .. يبقى ربنا مش هيخيب ظنك فيه

لا تلاقي واحد حضرته قاعد ع القهوة

ويقولك .. اه والله الحكومة مش موظفانا نعمل ايه بس ؟!

وهو انت جربت اساسا .؟!!

رحت وقفت في الشمس ساعتين عشان تتوظف

طلعت عين في المذاكرة عشان تنجح ؟!

مالكل مجتهد نصيب وربنا مش هيقارن ويساوي بين واحد قضى وقته في حاجة مفيدة وواحج كل همه اكله ونومه وشربه

بصراحة دة شخص ممكن انا اطلق عليه فاشل زي ماقلت

او بمعنى اصح بالنسبة لي .. متهرب

بيتهرب من المواجهة تحت مسمى الظروف

صح في ظروف

بس مش صح الواحد بئه يعد يقول انا ظروفي زبالة .. وياريت كان عندي ولا عندي

معلش طولت شوية

بس الموضوع فعلا محتاج نقاش

ومشكور اخي فارس على تميزك الدائم بالقسم

تحيتي لموضوعك وتقبل مروري للفكرة الجميلة

وبانتظار جديدك بشوق

[dr. faris]

اقتباس المشاركة الأصلية كتبت بواسطة Karamela فعلا والله ! حاجة غريبة .. تلاقي واحد مثلا طول عمره لعب في هبل في استعباط وعمره مامسك كتاب كده وقعد يذاكر .. وجاي حضرة جنابه يحقد ويغل في نفسه على الي جاب درجة احسن منه ليه .. ماهو ده طول عمره حابس نفسه وشغال دح دح دح لحد ماوصل للمستوى ده ذاكرت ماشي thats oky بس ده مش اول مرة ليه يمسك كتاب ويذاكر منه .. طول السنين الي فاتت وهو مطلع عينه في المذاكرة وانت جاي ع السنة دي .. اشمعنى بئه .. ماتعديها زي كل سنة ده بالنسبة للتعليم نيجي للاخوة الي بيقولوا مافيش شغل في البلد ؟! والله الي اعرفه ان ربنا قال .. اسعى ياعبدي واسعى معاك بدام انت نيتك حسنة ومتوكل على ربنا وبتعمل الي عليك .. يبقى ربنا مش هيخيب ظنك فيه لا تلاقي واحد حضرته قاعد ع القهوة ويقولك .. اه والله الحكومة مش موظفانا نعمل ايه بس ؟! وهو انت جربت اساسا .؟!! رحت وقفت في الشمس ساعتين عشان تتوظف طلعت عين في المذاكرة عشان تنجح ؟! مالكل مجتهد نصيب وربنا مش هيقارن ويساوي بين واحد قضى وقته في حاجة مفيدة وواحج كل همه اكله ونومه وشربه بصراحة دة شخص ممكن انا اطلق عليه فاشل زي ماقلت او بمعنى اصح بالنسبة لي .. متهرب بيتهرب من المواجهة تحت مسمى الظروف صح في ظروف بس مش صح الواحد بئه يعد يقول انا ظروفي زبالة .. وياريت كان عندي ولا عندي معلش طولت شوية بس الموضوع فعلا محتاج نقاش ومشكور اخي فارس على تميزك الدائم بالقسم تحيتي لموضوعك وتقبل مروري للفكرة الجميلة وبانتظار جديدك بشوق

نورتى بمرورك

وكلامك تقريبا زى كلامى

وأن شاء الله تلاقى اللى يعجبك من قلمى، واـمنى أشوف ردك فى موضوع :
ممكن بنت ترد برد يقنعنى

مع فائق تقديرى واحترامى لكى اختى
فارس

[Karamela]

فعلا انا رديت هناك والموضوع عجبني جدا

وتقدر تروح تشوف الرد