خالد سعيد . بقلم مصطفى خفاجة

[مصطفى خفاجة]

حرقوا قلبي عليك .. إلهي تحرق قلوبهم
يارب مش كتير عليك .. تسلط عليهم ذنوبهم
وراك رجاله يا خالد . صوتهم بس بيرعبهم
يارب .. قويني وأشوف فيهم يوم
يارب . ضنايا فى حماك مات مظلوم
قلب الأم . الحزن دايمآ جواه مكتوم
اصحى يا خالد نومتك دي بتعذبني
شوفت غيابك كبرني ازاى عن سني
علشان خاطرى رد عليا .. يابني
نفسي تضحك في وشي زي زمان يا كبدي
مش عارفه ليه البخت والنصيب واقفين ضدي
مال عنيك حزينه كده . يا عيون خالد عليا ردي
مش ده شكلك .. ولا دي ملامحك
قلبي دايمآ راضي عنك ومسامحك
إلهي يحرق قلب اللى جـــــرحــك
كان نفسي أفرح بيك وأختارلك عروستك
كان نفسي تنام في حضني وتفرحني بوستك
قلبي موجوع يابني ومش عاوزه تفارقني صورتك
يارب ما تكتبها على حد ويشوفوا اللى شوفته
يارب ما تحرم أم من ضناها وإكرم خالد في نومته
وإنتقم من اللى ظلموه وناري هاتبرد لما يتشانقوا
وذلهم يارب .. دول بيقولوا عليه بتاع البانجو
حبايبك مش ساكتين يا خالد ومن الظلم اتخانقوا
قوم يا حبيبي .. شوف البلد كلها في ثورة
قوم .. دول كانوا عاملنها عزبة وبيعه وشروه
حاسه بيك يا حبيبي ولسه ما بردتش نارك
لازم يرجعوا الحق لاصحابه ويعدموا مبارك
وبكره هترتاح والليل في قلبك يتحول لـ نهارك
ايوه افرح يا شهيد .. انت نايم دلوقتي على حرير
ربنا يرحم شبابنا اللى ضحى بحياته في التحرير
ويقوي اخواتك اللى دايمآ بينادوا بالعداله والتغيير
أنا يابني خلاص .. احتسبتك عند الله شهيد
شايفاك في منامي .. ملاك بيبتسم وسعيد


إهــــداء إلى روح / خالد سعيد
بمناسبة مرور عام على وفاته
ويصبر والدته .. آمين يارب

["لوليتا"]

خالد سعيد
صار عنوان وطن
منارة أمة
وتاجا فوق رأس كل عربي صادق
وشهيد!

صار لافتة لثورة الشباب
في ميدان التحرير
والرأي السديد!

صار منجلا في قبضات الفلاحين
في مواسم الربيع
والحصيد!

خالد سعيد
بات علما يستظل بظله
كل شباب العرب الأحرار
من سهل حوران
حتى بلاد الصعيد!

خالد سعيد
عود طري
إغتاله الجبناء والعسس وأزلام النظام
في ليل دامس
في "سيدي جابر"
شقوا رأسه وفمه
والقوا به في قارعة الطريق
لكن روحه الطاهرة
طاردتهم
ثم لحقت بهم
في ميدان التحرير
وأنبتت ملايين الجبابرة
من الفدائيين والصناديد!

خالد سعيد
شهيد من وطني مصر
يرتقي للعلأ

[مصطفى خفاجة]

لـــــوليتا

دائمآ كنت أقرأ عن خالد سعيد
وكثيرآ ما جذب انتباهي
خاصة في طريقة الشرطة للتعامل معه
لحظة القبض عليه من وحشية وجبروت
ولكن بعيدآ عن الأسباب وعن حياته الخاصة ( الله يرحمه )
ولكني تحدثت بـ لسان الأم هنا لآنني أعلم كثيرآ
كيف يكون حال الأم عندما تفقد أغلى شيء لديها ..
ووضعت نفسي عندما كتبت هذه الكلمات مكانها
ورأيت كم حزن أمي على فقدانها لي
ولكن في حالتي أنني الذي فقدت أمي ..
كان صعب على قلمي أن يتقمص دور الأم
لآنني مهما شعرت بحزنها فلن أصل أبدآ لحقيقة مشاعرها ..
أدعوا الله أن يرحم الجميع ويتغمد خالد سعيد برحمته

[ŅĢM]