لو بتحبها سيبها ... لو بتحبيه سيبيه ...!!!!!

[*بنت عائشة*]

البنت!!
عايزة حد يحبنى .. حد يعطف عليا.. حد مهتم بيا.. حد يحن عليا.... حد ........

الولد!!
عايز احب حد.. اهتم بيه.. يسأل عليا..حد يحبنى.. حد......


ده كلام معظم الشباب والفتيات الكل يبحث عن الحب والعاطفه والاهتمام
فيكون ذلك دافعا لنظرة فابتسامة فكلمة فلقاء فتعود فحب ف.. ف.. وما خفى كان اعظم!!!!!!!

رد البنت!!

بس احنا نوين على الجواز.. هخلص الدراسة وهيتقدم لى.. لا لا ده بيخاف عليا........


رد الولد!!
ايوه ايوه طبعا انا هتقدم لها انا بخاف عليها ده انا مستنى الدراسة بس تخلص بفارغ الصبر....

ومثل هذه العلاقات تنتهى بالفشل عارفين ليه؟؟؟؟؟؟؟؟؟
لانكم عصيتوا ربكم حاربتوه بالمعاصى والذنوب

رد البنت والولد!!!!

بس احنا مش بنعمل حاجة تغضب ربنا !!!

ليه انتوا مش بتتكلموا فى التليفون مش انتا بتقولها الدنيا وحشة من غيرك وهى بتقولك وحشتنى و.. و..
مش انتوا بتتقابلوا وبتتمشوا وبتعديها الشارع وتمسك ايديها و.. و..

رد البنت!!
ايه ده هو الحاجات دى بتغضب ربنا حتى واحنا ناويين على الجواز ؟؟؟؟؟؟؟؟؟؟

اه طبعا بتغضب ربنا لانك غريب عنها وهى غريبه عنك

البنت !!
طيب وبعدين انا لسة فاضل لى سنتين لحد ما اخلص الجامعة ويجى يتقدم ليا هعمل ايه ؟؟؟؟ اسيبه ؟؟؟؟؟!!!!!!!!

الولد !!

اه صحيح ده انا لسه مكونتش نفسى اعمل ايه؟؟؟؟اسيبها!!!!!!!!!!!

لو بتحبها.. سيبها
لو بتحبيه.. سبيه

لو عايزين تتجوزوا بس مينفعش دلوقتى سيبوا بعض!!!!!!!

رد البنت والولد!!!!!!

ازاى يعنى بنحب بعض ونسيب بعض
:SuN013:

ايوه لازم عارفين ليه ؟؟؟؟؟؟؟؟؟؟
لان تراكم الذنوب والمعاصى اللى انتوا بتعملوها بتعمل شؤم معصية وبيكون نتيجتها فشل العلاقة فتنتهى اما بخيانة احد الطرفين او تغير احدهم على الاخر فيقرر ترك الاخر بدون اسباب وتكون النتيجة انكم متجوزتوش وبقية الحسرة فى قلوبكم للابد

يلا اتخذوا القرار لله قولوا اللهم تبنا اليك ورجعنا وندمنا على ما فعلنا
اتركوا بعض ولو ليكوا نصيب فى بعض هتستناك لحد ما تكون نفسك..
وهيستناكى لحد ما تخلصى دراستك..

الولد!!
طيب مين هيحافظلى عليها انها لى لحد لما اتقدم لها ؟؟؟؟؟؟؟؟

((فالله خير حافظا وهو ارحم الراحمين))

ربنا هيحافظلكوا على بعض عارفين ليه؟؟؟؟؟؟؟
لانكم اتقتوا الله واختارتوه وفضلتوه على حبكم وقال الرسول الكريم صلوا عليه(صلى الله عليه وسلم ::من ترك شئ لله ابدله الله خيرا منه::

يلا ياشباب يلا يابنات اتخذوا القرار مفيش وقت محدش ضامن عمره وربنا كريم هيساعدكم وهيقويكم على اتخاذ القرار المهم تقرر عشان ربنا وتكون صادق وتذكر ((ان تصدق الله يصدقك:: كما اخبرنا الرسول الكريم صلى الله عليه وسلم..

[*بنت عائشة*]

لوبتحبها سيبها ... لو بتحبيه سيبيه

لو بتحبها خاف عليها …انت كده هتوديها جهنم !
ترضى تكون انت السبب أن يشتعل عليها قبرها نارا ؟
ترضى تكون انت السبب أن تزل قدمها من على الصراط فى النار ؟
ترضى تكون انت السبب إنها تتعذب فى جهنم ؟
تذكر…كما تدين تدان…زوجتك فى المستقبل جالسة الآن مع شاب آخر فى مكان ما بيقولها نفس الكلام اللى بتقوله لهذه الفتاة !ويفعل نفس ما تفعله الآن ! كل نظرة بتنظرها ليها دين سيرد من عرض زوجتك ! كل كلمة بتقولها ليها دين سيرد من عرض زوجتك ! كل مسكة إيد دين سيرد من عرض زوجتك !! تريد أن لا تعاقب فى عرض زوجتك ؟…توب الآن واتركها فورا ..
احذر إن بسبب هذه العلاقة ربنا بيقول للملائكة يوم القيامة عليك " خُذُوهُ فَغُلُّوهُ "فتجد 70 ألف ملك ينقضوا عليك لينفذوا حكم الملك.فتصرخ. ياخدونى فين يارب ؟ أنا لم أكن أحتمل عود كبريت مشتعل فى الدنيا..أتحبس فى تابوت جمر إزاى يارب ؟
أنا لم أكن أحتمل ماء ساخن يشوى جلدى فى الدنيا ..أصبح وأنام أشرب من الحميم والمهل …إزاى يارب ؟.. فتسمع النداء الأخير " خُذُوهُ فَغُلُّوهُ " مش إنت اللى مشيت معاها وإنت عارف إنك كده بتغضبنى ؟؟ " كنت بحبها "… حب حـــرام …قائم على أساس حرام …هى دى عاقبته يوم القيامة …
تخيل نفسك لحظة البعث ..الكفن يتمزق من حول جسمك..بتتنفض من تحت التراب.صراخ من حولك من كل جهة لكنك لا ترى أى شئ .وإذ بيد على كتفك من الجانبين ..فتصرخ بكل فزع..مين؟ سائق وشهيد…ستساق للعرض على الله سبحانه وتعالى …عاوز تمشى معاها؟…امشى معاها…لكن لو هتنجيك يومها من العذاب الرهيب…تخيل يوم القيامة ينادى عليك…فلان بن فلان…استدعاء للتحقيق معك…وانت ذاهب كل شعرة فيك بتتنفض…يا ترى أى مصيبة من المصائب اللى عملتها ؟!!تنظر من بعيد فتراها …يا للمصيبة…تحاول إنك تهرب منها … وهى تبحث عنك بجنون فى أرض المحشر …أول ما تراك تتعلق فى رقبتك وتصرخ …يارب هو اللى ضحك عليا !! "وَلَن يَنفَعَكُمُ الْيَوْمَ إِذ ظَّلَمْتُمْ أَنَّكُمْ فِي الْعَذَابِ مُشْتَرِكُونَ "احذر …أن ينظر الله سبحانه وتعالى لك وأنت تقول لها كلام الحب الحرام ..فينظر لك نظرة غضب.. ولو نظر الله لك نظرة غضب فقد ضعت وضاع كل شئ فى دنيتك وآخرتك …وستظل غارقا فى غضب الله عز وجل إن لم تتب
لسة بتقول بتحبها ؟…لو بتحبها سيبها …أنت كده سبب فتنتها فى دينها …والله يقول: " إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ "من ترك شيئا لله عوضه الله خيرا منه..لو تركتها لأجل الله سبحانه وتعالى .. لو هى الخير إليك سيأتى بها الله إليك فى الحلال ولو ليست الخير ليك سيعطيك من هى خيرا منها.. دى اختيارك لنفسك.. ما تترك الله يختار ليك!
ألم تسمع عن الحادثة المروعة عندما انحرفت سيارة نقل إلى جانب الطريق …فسحقت عدة سيارات وأثناء إنتشال الجثث من إحدى السيارات …وجدوا جثة شاب وفتاة كانوا فى حالة زنا معا فى هذه اللحظة …فنزل عليهم انتقام الله عز وجل وسحقهم الله أمام الدنيا كلها …هل أنت مستعد تموت وأنت معها الآن ؟وتلقى الله عز وجل على هذه الخاتمة !!
تذكر قبل أن تخطو خطوة واحدة معها ...أنت ماشي فى طريق آخره جهنم! جهنم…
يعنى شعرة شعرة فى جسمك ستحترق جهنم يعنى عضو عضو فيك سيلتهب
إيه اللى يستاهل ؟ لا تقول "دى مجرد علاقة بريئة …وإحنا مبنعملش حاجة حرام ".. بالله عليـــك قف مع نفسك واسألها : هناك ملك يمين وملك شمال بيكتبوا كل شئ…وقفتك معاها…نظراتك لها…كل (مسد)..وكل (مسيج) أرسلته لها.. هيكتبها ملك اليمين ولا ملك الشمال ؟ الأرض اللى انت واقف عليها معاها..هتشهد لك أم عليك ؟ لو رسول الله صلى الله عليه وآله وسلم جاء الآن وأنت بتكلمها هتقوله إيه ؟..صاحبتى ؟
لو ملك الموت جالك الآن وأنت بتكلمها هتقول لربنا إيه ؟..حبيبتى ؟
لو هذه الفتاة انت أول واحد فى حياتها فكل سيئاتها فى ميزانك لأنك أول واحد عرفتها هذا الطريق.. تذكر …إنها لكى تقابلك الآن أو تحدثك فى الهاتف 6 ساعات…خانت أبوها وخانت أخوها وخانت أمها وقبل هذا خانت ربها ودينها…هل تتوقع أنها لن تخونك يوما ما ؟
وأخيرا …هذه الورقة رسالة لك من الله سبحانه وتعالى …والله يقول " وَمَا كُنَّا مُعَذِّبِينَ حَتَّى نَبْعَثَ رَسُولاً "وممكن تكون دى آخر رسالة توصلك قبل الموت ..الآن حالا …خذ قرار أن تتركها …اختار …هى أم الله سبحانه وتعالى ؟ .. قول لها إن بكت لترجع إليها ..أنا مستعد أضحى عشانك بأى شئ… إلا ربنا عز وجل … أنا مستعد أخسر عشانك أى شئ … إلا ربنا جل في علاه

صـفـقــة :

تسيبها …وتنجو من عذاب القبر ؟
تسيبها ..ولا تقع من الصراط فى جهنم ؟
تسيبها …وربنا يعوضك أحسن منها ؟
تسيبها …ولا يشتعل قبرك عليك نارا ؟
تسيبها…وتفوز بحب الله

[الملكة كيلوباترا]

كل البنات والولاد بيتحبوا عادى
يبقى ازاى يسيبوا بعض وهما اصلا بيحبوا بعض
وبعدين ممكن يتجوزوا بعديها
وممكن لا

تسلمى على المجهود الجميل دة ياقمر

[Lαzєzα]

خلاصه التوبيك ف الحديث ده

::من ترك شئ لله ابدله الله خيرا منه::

توبيك جميل اوى
تسلم ايدك ى بنوته

[sεηυσяιтα ησOση]

هو كلام صح بس ده لو مش هيتجوزو

[ساحر الأحزان]

لو يتحبها

كمل طريقك للنهاية

وادخل البيت من بابة

وليس من شباكة

تحياتى على نصائحك الهادفة

[فداااااااااااء]

موضوع فى الصميم لان هذه الظاهرة انتشرت بعوامل كثيرة فى مجتمعنا قد يكون منها تضيق الخناق عليهما
ولذلك يلجأون الى نسج قصص لمجرد التقاء شاب بفتاه

تحياتى لطرحك

[حب مهزوز]

موضوع مميز ورائع منك اختي
وممكن يحصل ده لو مش هيتجوزوا

[ســــــارة]

كلام صح بس مش كل القصص بتفشل
بالعكس لو كانوا فعلا ناويين يتجوزوا يبقى ليه نلومهم ؟؟
اتنين بيحبوا بعض ومستنيين ينهوا دراستهم عشان يتجوزوا يبقى كدا حرام ؟؟
آني ويي ;ميرسي يآ قمر على آلتوبيك

[همس الأشواق]

يجب علي كل فتي وفتاة ان يتقوا الله
نحن نحب للزواج وليس من اجل الحب وانا لا أؤمن بهذا الحب المحرم المرأة جوهرة يجب ان تصان
وكلما صينت كانت اجمل فالحجاب يصونها و البعد عن المحرمات يصونها
شكرا علي الموضوع الرائع الذي يجب ان ينشر في كل مكان