أنا مش بريئه

[hana]

انا مش بـــــــــــــــــــــــــــــــــــــــريئه

انا مش بريئه.. معدتش بريئه .. ولاّ مكنتش بريئه.

وضاعت طيبتى وبرأتى.. وانا ف وسط الطريق

انا مش انا... مش الانسانه اللى اتولدت من كام سنه

مش الطفله اللى شايفه بعيد... صغيره الايد

وكانلها ميعاد مع المواعيد... مع الازمان

ركبه سفينه.. جوة منها حصان.. حصان شديد

فاكك لجامه وطاير ... طار لأحلامه ..البعيد

رايح لفين.. فايت ف احضان السنين

صبغ الزمن هامته وهامتى .... بلون ابيض حزين

وانحنى ضهره و ضهرى...معدش لسه متين

هرس الزمان .. احلام طفولتى .. بلع براءتى

وفات فيه.. وخرج منى.. وخد وياه حقيقتى

انا مين..السعيده ولاّ الحزينه

اللى خانت. ولاّ الامينه

اللى لسه مكنتش ولاّ... كانت وعدّت مع السنين

فين مكانى ... وسط عشاق الهوى

ولا بين المجروحين

فين أنا..... كل شئ يقدر يميزنى أختفى

نورى أنطفى...وخيالى بطّل يحلم وطموحى اكتفى

فين دموعى.... مبقتش بأبكى

ايه اللى صحّى ياناس جحودى..ايه اللى دوب فيه ياما جبال حنان

ف البحور... غرقان وجودى

فين مشاعرى .. لهفتى .. قوتى وشوقى وصمودى

حتى شعرى.. لملمت أكفانه ودفنته بعيد على حدودى

فين حقيقتى.... فين براءتى

بقيت بأخاف من شئ مبيخوفش.. والى بيخوّف مبقتش منه بأخاف

فين شبابى .. واندفاعى .. فين سحابى

فين سيولى ... واندفاع حلمى ف سهولى

فين سنابل قمحى... وفين ارضى وحقولى

كله ضاع ....كله مات وسط الجفاف

فين قلبى اللى كان شفاف.....

كنت وأنا واقفه ف مرايتى بألمح ف شوقى .. واندفاع الحلم ويّا الدم ف كيانى وعروقى

كنت رغم الهم .......... والليل اللى كان فوقى

باشوف جوايا حلم ... مع كل طله ف شروقى

دلوقتى مرايتى مكسورة....وشايفه ف الشروخ صورة

حجر..حجر مجروح...... عليه العتمه مبدوره ف شقوقى

فين حقيقتى.... فين براءتى

لو تعود تانى السنين... لو هيسمحلى الزمن

أسأل الماضى اللى كان .....أنا كنت مين؟؟؟

واكتب وادوّن ف الحقايق... وف صفاتى المحتارين

وأرسم بريشه على الحيطان.... صورة الانسان

اللى كان .. اللى كان جوّايا... قبل ما صاحبنى الزمان

مش وفى ... الزمان مش صديق ابيض وفى

سابنى مخدوعه رغم انه... شايفنى حلمى بينطفى

ساب شبابى يروح كمان ... زاد ف عجله الاحزان

وأستعجل جروحى

يا حيرتى ...... يا حيرة كل طير طاير على غير هدى

فارد جناحه.. وساب رياحه... تحسم مصيره اللى ابتدى

وريشه ريشه.. طارت وسافرت...خلص الطريق

وساب بدنه... ضلوع متجرّده

مين اللى قال عقل واحد ... قلب واحد

ياما خدنى الف بال وبال....... ياما دق ف صدرى من شوق وانشغال

ياما قلبى احتار... ياخد قرار

مكنش اختياره..... ومكنش بالاجبار

ياريت بايدى... افضل أنا واحلامى وشبابى والمى وجروحى

... اطفال صغار

[الفراشه]

تسلم ايدك يا هنا
لا عدمنا تميزك

تحيااتي

[نزف الذكريات]

أنا مش بريئه

عنوان ومضمون وكلمات
فى غايه من الروعه والجمال

الاخت الفاضله/ هـانـا

أبحرتى وأبحرنا معاكى فى عالم الاحساس
وآخذتينا من مينا لمينا لنعبر اعمار الحياه
أشكرك وأشكر كلماتك التى تشق علينا باب الامل

تقبلى شكرى ووافر أحترامى

أخوكى / نزف الذكريات

[ranomaa]

اقتباس فين مكانى ... وسط عشاق الهوى ولا بين المجروحين فين أنا..... كل شئ يقدر يميزنى أختفى نورى أنطفى...وخيالى بطّل يحلم وطموحى اكتفى

كلمات راااااااائعه
دائما تاتي بكل ما هو جميل ومعبر
تسلمي يا غاليه

[عاشق الأحزان]

يسلموووو هنا كلمات روعة
ومضمون واقعى روعة جدا
يسلموو للطرح الراائع
دمتى بود
تحياتي
عاشق

[سهرالليالى]

لو دى كلماتك انتى (اعذرينى انى قلت كده)انتى تبقى مخلوق ملائكى شاعرى رومانسى حساس جميل المفروض انتى مش مكانك الارض بس انتى اكيد طايره باحساسك الجميل فوق و بتشوفى اللى فى قلوب الناس و تعبرى عنه ما شاء الله مش عاوزه ابطل كلام فيكى ربنا يزيد احساسك الجميل ده

[hana]

اتشرفت بوجودكم وسط سطورى زاده قيمه وتالقا بوجودكم
سهر الليالى انا مش بعرف اكتب غير شىء اكون عشته وبيلمس احساسى
شكرا لردودكم الجميله

[اميره القمر]

ياما خدنى الف بال وبال....... ياما دق ف صدرى من شوق وانشغال

ياما قلبى احتار... ياخد قرار

مكنش اختياره..... ومكنش بالاجبار

ياريت بايدى... افضل أنا واحلامى وشبابى والمى وجروحى

... اطفال صغار
كلمااااااااااااااااااااااااااااااااااتك فاقت الوصف
بماذا اوصفها
دووووووووووو مبدعه وووووووووما
دمتى للابداع عنوانا
هنا
تقبلى مرورى المتواضع على صفحاتك الرائعه
دمتى بود

[hana]

مرورك زاد سطورى قيمه وتالقا
شكرا ليكى اميره المنتدى

[كريم الشاعر]

اقتباس انا مين..السعيده ولاّ الحزينه اللى خانت. ولاّ الامينه اللى لسه مكنتش ولاّ... كانت وعدّت مع السنين فين مكانى ... وسط عشاق الهوى ولا بين المجروحين فين أنا..... كل شئ يقدر يميزنى أختفى نورى أنطفى...وخيالى بطّل يحلم وطموحى اكتفى

قرأت كلماتك ثلاث مرات

الأولى >>

سكنتها
صرت جزء لا يتجزء من كيان تلك الأميرة التائهه
تألمت معها
بكيت معها
ولكنى لم أطيق ثقل احزانها
فتركتها

الثانيه >>

تهت بين نسج الحروف
بين إختلاف الظروف
بين الجرأه معكِ والخوف

تهت بين بلاغتك
وإبداعك


الثالثه >>

كانت لكى اكتب ردى عليكِ

ولكنى عجزت عن الرد
فلا ادرى بأى الكلمات أشكرك

فيكفى قولا ان أقول لكِ

أنتِ نجمه

تقديريـ،،،،،،،،،،،،،،،،،،،،،،،،،،،،،