متخيل نفسك والمنتدى بعد 10 سنين ؟؟ !!

[Karamela]

السلام عليكم

طبعا كل الي بيقرا موضوعي حاليا هوشخص جيد وله تعلق بالمنتدى وعايز يزيد تفاعله معانا

كلنا بنحب المنتدى .. وهكذب عليكم لو قلت ان حد فينا مش متعلق بيه

عشان كده تخيل كده ان انت

بعد فترة من الزمن .. خدتك الحياة في امواجها .. وبقيت يادوب بتصارعها

دخلت من دوامات لدوامات .. ومن فشل لفشل

وبعدها من نجاح لنجاح

وظفت اشتغلت وجار عليك الزمن وبقيت بئه اب لو كنت عازب او ام لو كنتي عازبة او جد او جدة لو كنت متزوج


بعدك كل الوقت ده وفي مدة قدرها 10 سنوات

رجعت للكومبيوتر بتاعك .. القدييييييم .. الي ساعتها طبعا هيكون عامل زي عكازة جدو كده وده المتوقع

نفضت من عليه الغبار >> لزوم الجو بس عشان تعيشوا الموقف .. والا فهو مش لازم يكون عليه غبار :vb19:

فتحت واول حرف خطيته على كيبورك هو

f

تاني حرف

O

وتلقائيا لقيت نفسك بتكتب .. FORUMS.MSRYAT.ORG

دوست انتر .. .. ,.. .. .. .. ..

افتكرت الذكرى .. ياااااااه المنتدى دخلته من عشر سنين .. ايام المشاركات والمواضيع والنقاشات .. ياه ايام العضو الفلاني

دخلت .. عشان تلاقي كل شئ اتغير الاستايل الشكل الاعضاء

وجايين اعضاء جداد بئه .. ايه !! اللهم صلي ع النبي

كووووول زي مابيقولوا وعادي جدا بيتكلموا في اي حاجة وكل حاجة

طبعا انا مش هعرف اوصف للكل لاني بوصف من وجهة نظري

بس انا بئه عايزاكم تفتحوا ترباس الباب الي جوا مخيلتكم في دماغكم

وتطلعوا لنا نتايج كده

وهستنى تخيلاتكم

يعني ببساطة تخيل نفسك والمنتدى بعد 10 سنوات من دلوقتي

يعني عام 2019 م

تحيتي واتمنى الموضوع يكون خفيف عليكم ومرح

[~ zahorah~]

تصدقي يا بنتي ......


اني بتقري افاكاري لسى من يومين كنت بافكر


و اقول لنفسي



يعني انا ممكن اني اخلص دراستي الجامعية


و اتخطب و اتزوج و يمكن اخلف كماااااان



و انا لسى من اعضاء المنتدى



فطبعا جاوبت على نفسي مستحيل ،،،،



لانوا مافيش حاجة بتفضل على حالها مهما كانت هي



يعني الناس بتقول يعني ايه عشر سنين ،،،، يعني ايه عشر سنين



غمض عيني و فتح عين و هم حيجروا



بس العشر سنين دول فترة زمنية مش قصيرة


و تقدري تحققي في حاجاااات كتيـــــــــــــــــــــــــــــــــــــــــــــــ ـرة



/


/



بس لو رجعنا الى فكرة الموضوع حتلاقي انو ......


منتدانا الغالي من احسن المنتديات


و بجد كل الاعضاء اللي فيه و كل الادارة و الكل و طبعا فوقيهم المنتدى



بيتحبوا اوووووووووووووووووووي


و انا شخصيا متعلقة فيه جدا جدا جدا



لدرجة ساااعات اول ما اصحى من النوم قبل ما اطلع من وضتي



افتح المنتدى ،،،،، فهو يعني (بيتي التاني )



فبتالي


بحس اني مش حنقدر انوا نستغني عن المنتدى دا ابدا




بس لو حتخيل انوا الظروووف و الزمن حتخلينا نبعد عن المنتدى


و بعد عشر سنين ،،، فتحتوا


حفتكر حاااجات جميلة خالص


و حقعد اضحك و يمكن اعيط كماااان ههههههههه <<<لاني حفتكر اجمل سنين عمري


و حشوق واقااارن بين المنتدى دلوقتي و بعد عشر سنين


و بس اتوقع انوا المنتدى دلوقتي حيبقى احلى


معرفش ليه ؟؟؟


بس يمكن ،،،،، لان الواحد بيحب الحاجة اللي بتكون في جيلوا و زمنوا هوا


مش لما اللي اصغر منوا ياخدوها



و يمكن كمااان لاني مش بس


حبيت المنتدى و تعلقت بيه


لاني حبيتكم انتوا ،،، بكل اعضاؤه و كل اللي فيه


و بس،،،،،


و دا من وجهة نظري








ثانكيوووووووووووووو كرميلا على التوبيك الخفيف و الجميل واللي خلاني اقعد افكر واكتر و اكتر


و اللي ان شاء الله حيخلينا بعد عشر سنين متجمعين في المنتدى الرااااااائع بمعنى الكلمة


في انتظار جديدك المتميز دائما


أختك/ دموع الندم

[بوسي 2008]

شوفي بمنتهى الصراحة ياعسل كل حاجة في الدنيا مابتبقاش على حالها انا يمكن ماعنديش اصحاب من المنتدى بس والله مرتحالكم كلكم بجد بس صدقيني والي يقلك غير كده بيكدب لما الواحد العاذب او المتجوز يشوف حياته الدنيا هتلهيه ولوكان مبسوط عمره ماهيفكر يقعد على الكمبيوتر ابدا صدقيني الواحد لمابيفكر يقعد على المبيوتر اكيد فيه وقت فراغ ولما يضيع الوقت بانشغال مش هتفكري في حاجة انتي دلوقتي متعلقة بالمنتدى وكلنا كده بس لما تيجي فترة في حياتنا جديدة هتعلق بالحياة الجديدة اكتر


وبجد وبصراحة توبيك روووعة جدا ياقمر تسلم ايدك وربنا يوفقك وماتحرمناش من جديدك

[TRIPLE M]

مع انى لسه ضو جديد وعرفش حد
بس فى حاجة جذبتنى للمنتدىده
واتمنى اتعرف على الناس الحلوة الموجودة هنا
وطبعا كل ما احب المنتدى اكتر
هشتاق ليه اكتر
يعنى لو منتدى مش بحبه حتى لو بعد 100 سنة مش هشتاق ليه
لكن لو منتدى بحبه اكيد هشتاق ليه
وشكرا على موضوعك الجميل ده

[الحان الورد]

تعرفي كنت بفكر برده انا لما اكبر هتنيني في المنتدى
وماكدبش عليك انا قلت اكيد
لاني بكرر واعيد اني بحب المنتدى ده جدا وعمري مافكر اسيبه لا لو كانت ظروف
خارجة عن ارادتي
بس ان شاء الله نتنينا مع بعض>>وهبقى افكرك بعد عشر سنين
والمنتدى يتطور ويتطور واحنا معاه


بجد خيال جميل جدا وموضوع جميل من كارميلا اجمل
تسلم ايديك

[نوركمال]

بجد مش عارفة بعد 10 سنين ممكن اكون فين او بعمل اية
لانى مش بنوتة صغيرة انا اولادى كبار يعنى بعد 10 سنين ممكن اكون باجوزهم
ويمكن اكون بالعب مع الاحفاد
ويمكن اولادى يكونوا هما اللى اعضاء فى المنتدى
انا كل يوم بقعد اتابع منتداكم الرائع رغم المشغوليات والالتزامات
رغم انى لسة جديدة بس حسيت بيكم اسرتى الجديدة
ربنا طبعا يخليلى اسرتى الجميلة
بس بجد بفرح جدا بافكاركم بفرح بروحكم المرحة والجادة
بفرح ان فى شباب زيكم فى بلدنا الجميلة
حتى الاخوة العرب بفرح بيهم بتفكير اننا جميعا اخوة
بعد 10 سنين ممكن اكون عجوزة بس شباب بافكاركم اكيد
واقتبس منها فى الوقت ده افكار جديدة وجميلة زيكم
اكيد حاكون عضوة زى ما انا وان كنت ساتطور مع الزمن
شكرا ليك على الموضوع الجميل

[Karamela]

اقتباس المشاركة الأصلية كتبت بواسطة دموع الندم تصدقي يا بنتي ...... اني بتقري افاكاري لسى من يومين كنت بافكر بنتك ايه ياشيخة بعد الشر عليكي .. ده انا كنت شيبت راسك لو انا بنتك :vb19: وبعدين ياجميلة انتي فاكرة ايه .. ده انا بقرا افكاركم كده بس من كتابتكم >> خخخ صدفة والله و اقول لنفسي يعني انا ممكن اني اخلص دراستي الجامعية و اتخطب و اتزوج و يمكن اخلف كماااااان و انا لسى من اعضاء المنتدى فطبعا جاوبت على نفسي مستحيل ،،،، عندك حق ..كلها سنتين بالكتير وتدخلي باذن الله الجامعة وتعيشي حياة الزحمة وبعدين تتوظفي والتوظيف بئه بيقتل الوقت .. وباذن تتزوجي وتنجبي اولا >> اوعي تنسي تعزميني ع الفرح واكيد وسط الزحمة دي مش هيكون فيه مجال لاي كومبيوتر غير بشكل نادر .. لا وكمان بعد 10 سنين .. يعني الله اعلم هتكون الحياة شكلها ازاي ؟! لانوا مافيش حاجة بتفضل على حالها مهما كانت هي يعني الناس بتقول يعني ايه عشر سنين ،،،، يعني ايه عشر سنين غمض عيني و فتح عين و هم حيجروا بس العشر سنين دول فترة زمنية مش قصيرة و تقدري تحققي في حاجاااات كتيـــــــــــــــــــــــــــــــــــــــــــــــ ـرة فعلا اه .. بس ماحدش بيقول خالص .. اغمض عيني وافتحها وعشر سنين يعدوا :vb19: صعبة شوية بس لو رجعنا الى فكرة الموضوع حتلاقي انو ...... منتدانا الغالي من احسن المنتديات و بجد كل الاعضاء اللي فيه و كل الادارة و الكل و طبعا فوقيهم المنتدى بيتحبوا اوووووووووووووووووووي و انا شخصيا متعلقة فيه جدا جدا جدا لدرجة ساااعات اول ما اصحى من النوم قبل ما اطلع من وضتي افتح المنتدى ،،،،، فهو يعني (بيتي التاني ) ههههههه كمان ؟ّ ده ادمان رسمي بئه ! فبتالي بحس اني مش حنقدر انوا نستغني عن المنتدى دا ابدا بس لو حتخيل انوا الظروووف و الزمن حتخلينا نبعد عن المنتدى و بعد عشر سنين ،،، فتحتوا حفتكر حاااجات جميلة خالص و حقعد اضحك و يمكن اعيط كماااان ههههههههه <<<لاني حفتكر اجمل سنين عمري و حشوق واقااارن بين المنتدى دلوقتي و بعد عشر سنين و بس اتوقع انوا المنتدى دلوقتي حيبقى احلى معرفش ليه ؟؟؟ بس يمكن ،،،،، لان الواحد بيحب الحاجة اللي بتكون في جيلوا و زمنوا هوا مش لما اللي اصغر منوا ياخدوها و يمكن كمااان لاني مش بس حبيت المنتدى و تعلقت بيه لاني حبيتكم انتوا ،،، بكل اعضاؤه و كل اللي فيه و بس،،،،، و دا من وجهة نظري فعلا ياقمر عندك حق .. انا لما تخيلت شوية .. حسيت احساس غريب كده .. ان كل لااعضاء هيكونوا كبروا بئه على لعب العيال ده .. وقسم الالعاب ولاادارة والناس الكبيرة عجزت .. بتخيل وضع غريب كده ثانكيوووووووووووووو كرميلا على التوبيك الخفيف و الجميل واللي خلاني اقعد افكر واكتر و اكتر و اللي ان شاء الله حيخلينا بعد عشر سنين متجمعين في المنتدى الرااااااائع بمعنى الكلمة في انتظار جديدك المتميز دائما أختك/ دموع الندم

والله ياقمر من دواعي سروري انه يعجبك .. وده شئ يسعدني

وميرسي على مرورك ياجميلة نورتي

[yasmine refat]

أده يا كراميلا بعد 10 سنين قولي بعد سنتين ممكن

أذا كانت الدنيا بتتغير في يوم اللي هيحصل في عشره

أممممممممممممم خلينا نتخيل شويه.

مفيش تغيرات قوي في خلفية المنتدى إلا بس صورة بنت هيفاء وهبي ماهيكون هيفاء جار عليها الزمن.

والأعلانات أدخل علشان تعرف أزاي تعلق البنت وأزاي تعلقي الواد.

لو دخلت قسم النقاش الجاد وده أسموا جاد هتلاقي قول موضوع أسموا الولد ده متعبني أزاي أخلي يحبني *مثبت*

أدخلي التنميه البشريه أول موضوع طرق المواعده السليمه*مثبت*

ده اللي قدرت أتخيلوا دلوقتي

بس لو كانت نفس الأداره ومتغيرتش معتقدش هيحصل كده ألا لو هما تغيروا

بس الجيل الجي في أغلبوا دماغوا هتبقى كده

أختك في الله:080402gudl_prv:

[dr. faris]

أختى مرحباً بفكرتك الجميلة المطروحه، ولا تنصدمى مما أقول فقد يكون أمر غائب عن عقلك قليلاً,,,,

وما سأحكيه الآن سيوضح كلامى أكثر:

ومنذ 5 سنوات تقريباً، ومنذ بدايات أكتساح المنتجيات لصفحات النت، أشتركت كأحد الأعضء فى أحد المواقع المنصرة لفريق برشلونه، ولا أخفيكم أمراً أنه موقع متفرد متصدر للترتيبات فى المواقع الرياضية، وتقدمت فيه خطوه بخطوه نحو الإشراف العام، وكان أخر المناصب فلم يكن يسمح بالوصول للقب الإداه او الأدمنيستراتور، ومرت الأيام والسنون وأنا مشرف عام، وبعد 4 أعوام من تعينى يباع الموقع!!!!!! :icon1366:

ها حال كل المنتديات اختى، فصاحبه لن يتكبل دائماً خسائره الموقع وتكاليفه لمده طويله

أتمنى ان أكون وصل فكرى لكى اختاه، وكل تمنياتى للمنتدى بأن يواصل حتى أخر الأماد والأيام فى الدنيا، و ان يواصل المسيره من بعدنا<<<<وسعت اوى ديه:vb19:

مع كامل تحياتى وتقديرى
د/فارس

[Karamela]

اقتباس المشاركة الأصلية كتبت بواسطة بوسي 2008 شوفي بمنتهى الصراحة ياعسل كل حاجة في الدنيا مابتبقاش على حالها انا يمكن ماعنديش اصحاب من المنتدى بس والله مرتحالكم كلكم بجد بس صدقيني والي يقلك غير كده بيكدب لما الواحد العاذب او المتجوز يشوف حياته الدنيا هتلهيه ولوكان مبسوط عمره ماهيفكر يقعد على الكمبيوتر ابدا صدقيني الواحد لمابيفكر يقعد على المبيوتر اكيد فيه وقت فراغ ولما يضيع الوقت بانشغال مش هتفكري في حاجة انتي دلوقتي متعلقة بالمنتدى وكلنا كده بس لما تيجي فترة في حياتنا جديدة هتعلق بالحياة الجديدة اكتر وبجد وبصراحة توبيك روووعة جدا ياقمر تسلم ايدك وربنا يوفقك وماتحرمناش من جديدك

اهلا بيكي ياقمر معانا .. وان شاء الله تكسبي صدقات مننا

بس ارجع لقولك معلش الي لفت انتباهي ..

اقتباس ولوكان مبسوط عمره ماهيفكر يقعد على الكمبيوتر ابدا

ليه يعني هو الواحد لو كان مش مبسوط .. بيعقد على الكومبيتر .. بصراحة انا مافتكرش ومش مأيداكي خالص .. بس الكومبيوتر بيكون لاستغلال وقت الفراغ والتسلية .. مش معناها انه مش مبسوط

مانا مبسوطة اهو الحمد لله ,, وعندي صحبات بالهبل .. وبعقد على الكومبيوتر ..فقولك ده في اغلب الاحيان مش صحيح :752:

بس غير كده انتي نورتي الموضوع ياقمر بطلتك ورأيك الجميل

وايا يكن مبسوط ولا مش مبسوط .. انتي عندك حق هتتعلقي بالحياة الجديدة .. بس !

هتحني للقديم

واول ماتدخلي

ايه احساسك ؟!

ده غرض الموضوع ياقمر

وميرسي على وجودك الرائع