تنبيه هام الى بنات الفيس بوك

[monya]

تنبيه هااااااااااااااااااااااااااااااااام الى بنات الفيس بوك
كل بنت علي الفيس بوك ياريت تقري الرسالة دي وتفهميها قوى
ـــــــــ بنت عندها 16 سنة دخلت الفيس بوك بسبب اصدقائها اللي قالوا انه حلو وجميل دخلت الفيس بوك وحطت صورة رومانسية عبارة عن وردو حمراء جميلة وقررت انها مش هتضيف غير اصدقائها واقاربها وبس وفعلآ ده اللي ...حصل وبقت كل يوم ب...قي تحط اغانى وفيديوهات رومانسية وصور رومانسية اصلها علي كلامها بنت رومانسية قوي وبعد فترة كده لقت واحدة صاحبتها عملة تاج ليها علي صورتها فى رحلة كانوا مع بعض فيها ولقت تعليقات ناس اصدقائهم وناس من برة وكده المهم قالت طيب اشمعنى انا قامت بدأت في رفع صور ليها كتير جدا جدا وبدأت بقي تقبل صداقات كل الناس ولقت الشباب بدأت تعلق ايه القمر ده ايه الجمال ده بجد بسم الله ماشاء الله عليكى قمر منور الفيس بوك وكلام من اللي انتوا عارفينه وطبعا بما انها رومانسية فده كان عجبها قوي وكل ما تسمع كلام اكتر تحط صور اكتر وتلاقي كلام احلي كل يوم وبعد فترة دخلت الفيس بوك لقت بنت ضايفة الأيميل بتاعها واتكلمت معاها
وكان بينهم الحوار ده
ـــــــــ .. هاي
البنت التانيه .. هاي
ــــــــ .. انتى مين
البنت التانيه .. انا مروة من مصر وانتى ؟
ـــــــــ .. انا منار من القاهرة
البنت التانيه .. انا 30 سنة متزوجة وانتى
ـــــــــ .. انا 16 سنة
البنت التانيه .. ياااااااااه انتى لسه صغيرة
ــــــــ ..هههههههههههه بكرة اكبر
البنت التانيه .. تعرفي يا ــــــــ انى كنت زيك كده بحط صوري وكلها حتى في البيت بس بعد فترة حصلت مصيبة
ــــــــ .. مصيبة ايه ؟
البنت التانيه .. لقيت شاب بيكلمنى وبيقولي انا لازم اقابلك قولتله انت مش محترم
قالي خلاص براحتك بس صورك دي هتبقي علي كل المنتديات وهفضحك
ولقيته بعتلي صوري فعلا غير لائقه وكأنها حقيقة
ــــــــ .. يانهاري طيب انا الحق اشيلهم بقي قبل ما اي حد يعمل اي حاجة
البنت التانيه .. بعد ايه بقي ما خلاص
هتقابلينى امتى يابنت انتى
وفجأة بعت ليها كل صورها وهي فى وضع لا يليق وكمان ايه بيكلم الناس علي اساس انه هو هي
وطبعا بما ان البنت صغيرة ومش عارفة تفكر قالتله خلاص انا هقابلك
وفعلا راحت وقابلته ولقيته انسان مش محترم خالص وطلب معاها انها تطلع معاه شقة وللأسف يا جماعة طلعت وبجد دي قصة حقيقة وكانت مكتوبة في احد الصحف المصرية ولقت معاه شباب تانيين وطبعا انتوا عارفين حصل ايه وقالتله خلاص بقي هات الصور قالها صور ايه انتى هتفضلي معانا هنا تخدمينا وفضلت لأن خوفها من اهلها كان اقوي من تفكيرها وطبعا خسرت شرفها وخافت ترجع لأهها فقررت انها تكون مع الشباب دي وبدأو الشباب اصلا بيتاجروا فيها وتحولت من مجرد فتاة فيس بوك الي فتاة ليل وكانت جريمة قوية بس الشباب اتحاكموا بس عشان الفتاة كانت قاصر بس الحقيقة انها كانت فاهمة ومدركة خطورة اللي بتعمله
والله ده ممكن يحصلك يمكن انتى تعرفي تتصرقي تصرف تانى بس ليه اصلا صورك علي الفيس عشان تسمعي كلمة حلوة
اه لا انتى اللي كل اللي عندك بنات بس طيب اهو بنت وطلعت ولد
لا انا معنديش غير قرايبي وبس
طيب بس اعرفي ان صورك ممكن تتاخد كوبي علي الأقل صورة البروفايل
وبعدين بقي
اوعي يغرك اسم اكونت اي شاب او حتى بنت ولا صورته ولا اي شئ واوعي تثقي في اي حد مهما كان وياريت الجملة بتاعة انت اول شاب اكلمه دي منسمعهاش ولا نقولها
ومتقوليش بجد انا معرفش انا بكلمك ليه
ساعتها تأكدي انك منومة مغناطيسيآ وحتى ان كان الشاب محترم انتى بتديله مجال انه يتحول
حافظى علي نفسك عشان انتى جوهرة ولازم تصونيها
قبل ما تتحولي زي ـــــــــــ
فبجد ياريت يا جماعه نبعت الرساله ديه لكل اللى عندنا واى ادمن فى اى جروب يبعتها .وشكرا
وعاوز اقول حاجه يابنات حتى لو القصه دى مش حقيقيه لازم تخلى بالك على نفسك وتحافظى على نفسك احنا بنسمع كتير عن المصايب الى بتحصل على النت بالصور
عشان كده ياريت كل بنت تشيل الصور بتاعتها من الفيس بوك اكيد كلنا بنسمع عن الى بيحصل عالنت بالصور حتى لو مش بتصدقى ومش بتقتنعى مفيهاش حاجه انك تخلى بالك وتحفظى على نفسك اكتر بلاش تحطى صورك ويارب يحفظنا جميعا

[beautycat]

موضوع رائع وروعة تكمن في المغزي بتاعة
تسلمي حبيبتي وربنا يحفظنا كلنا
ولكي مني خمس نجوم تقديرا لروعة موضوعك

[عاشقة ذكر الله]

الموضوع رائع جداااااااااااااااااااااااااا

تحياتى عليه

فعلا البنت لازم تحافظ على نفسها من كل حاجة

[همس الأشواق]

ربنا يحفظنا مفروض اننا نحذر من حاجة زي ده
ربنا يسترها معانا
سلمت علي النصيحة الغالية

[لوسينا]

انا اصلا مش مشتركة فيه الحمد الله
وهو الصراحة مش عجبني خالص ومش عارفة ايه الفايدة فيه
موضوع رائع
يسلموووو

[ساحر الأحزان]

توضيح قيم منك

عن ظاهرة للاسف منتشرة

والكثير يبحث عنها

ولكن نهايتها غير محبوبة

جزيتى كل خير

على ما وضحتى

[دمعه حائره]

ربنا يحفظ كل البنات جزاكى الله خيرا على التنبيه
وياريت البنات تخلى بالها

[sεηυσяιтα ησOση]

المفروض نحذر من كل شىء

ثااااااااانكيو

[fankosha]

الحمدلله مش ليه اكونت علي الفيس بوك
ياريت كل البنات تدخل عشان تستفيد
شكرا على الافادة والنصيحة
جزاكى الله كل خير

[Angel Egypt]

ربنا يهدى الجميع ويحفظ بنات المسلمين
لازم كل واحد يأخد باله من كل حاجه
تسلمى على التنبيه
دمتى بخير