رد على قصيدة doniasrag

[وهج الشموس]

لى ذاك الطريق اللي يسمونـه غـرام أحبـاب
وطت رجلي على دربه و لا أدري وش نوى فيني
تبعته لآخر دروبه أليـن أن القمـر قـد غـاب
تعـب قلبـي و لا تعبـت مسافـاتٍ توديـنـي
لقيت الليلة الجردا هدب ظل و سمـا و اعشـاب
بعـد ذاك الظـلام اللـي يتوهنـي عناويـنـي
صدفتك معجبه فيني و ياليـت الغـرام اعجـاب
و تراك انتي الهنوف اللـي هقيتـك تستحقينـي
عطيتك عشق من قلبي وسلمـت لغـلاك رقـاب
و غيـرك يحتـرق قلبـه و لا يقـدر يحاكينـي
أنا قبلك صدفت عيون لكن ويش جـاب لجـاب؟
ترى كـل العيـون اللـي لقتنـي مـا تكفينـي
رماني حظي العاثر عليك وجيـت لـك طـلاب
و لا أنتي اللي عشقتيني و لا انتي اللي عتقتينـي
تعالي و اعتقي ذاك الخفـوق المولـع المرتـاب
مهب لاجلي عشـان الله يجازيـك و يجازينـي
تعدي في سما عشقي و لو عشقي خراب أصحاب
و صوني بالهوى نفسك قبل لا انتـي تصونينـي
و شيليني على متنـك خفـوقٍ بـاريٍ منصـاب
و من فوق الغـرام العـذب شيلينـي و حطينـي
و لا منك هقيتيني شجـاع و مـا يطيـق يهـاب
أنا لك بالهوى و الله مثـل مـا انتـي هقيتينـي
أنا ما أمشي ورا غيرك و لو أنـه يطـق البـاب
و ترى عيبٍ عليّ أطعن و لو كثـرت سكاكينـي
زهودٍ مـا يطيـق الـدم لا دايـن و لا طـلاب
شجاع و عارفٍ نفسي و أظـن أنـك تعرفينـي
غيورٍ ما عرفت أضحك مع الغدر ببّرود أعصاب
أبيـع عيونـي الثنتيـن قبـل أنـك تخونيـنـي
إذا شد الغرام اترك خفوقي بيـن نـاب و نـاب
لفرقى تكسـر ضلوعـي و لا عشـقٍ يوطّينـي
أنا رجلٍ و لي غيره و إذا شفت الهـوى كـذاب
تثـور بقلبـي الفزعـه و لا تهـدى شياطينـي
سؤالك لو يزعزع بي كياني مـا قبلـت عتـاب
اجي لك و أسالك نفس السـؤال اللـي سألتينـي
عن العشق القديم أبـواب تقفيهـا كثيـر أبـواب
بعد ذاك الحبيب اللي خدعنـي و انخـدع فينـي
أبي عشق تحسب له كل نظرات العيون حسـاب
و ابي قلبٍ علي قلبي و ابى ديـنٍ علـى دينـي
و ابي نظرة عطا توفي و لا تخلف بدون أسبـاب
و ابي منـك قبـل لا نتـي تصدينـي تودينـي
و ابي دربٍ على العذال صعبٍ و متعبٍ و غلاب
و ابي نفس الطريق الصعب يبعدهـم و يدنينـي
ترى لو للقلوب عيون و لدموع العيـون أهـداب
حشى ما تنـزل الدمعـه لغيـرك لـو تركتينـي
أنا أول من عرف قدرك و أنا توي صغير و شاب
و ابي منـك مـا دام أنـك عرفتينـي تحبينـي
ما دام أني لقيتك في طريق أسمه غـرام أحبـاب
دخيـل الله و بعـد الله دخيـلـك لا تخليـنـي
ما دام أن كل من يحيا على وجه التراب تـراب
عسى تنسانـي الدنيـا مـادام أنتـي ذكرتينـي

[دمعه حائره]

قصيدة رائعه وهج الشموس
تمتاز بدقة اختيار كلماتك ومواضيعك فتبهر كل من يقرأ لك
اشكرك على الدعوة واعذر تأخيرى
تحياتى وتقديرى لك

[السفينة]

لِلْحــرُوْف بِيـن يـدِيَك نَكـهُة خـاصة
لِيـس مِن الـسَهْل ان يَتـذَوْقَهَا الَا مـن تَمـعَن بِمـفْرَدَاتِهَا جَيِّدَا
وَهَذَا مـا يُمَيِّز خَوْاطِرَك وَيُضَيِّف الَيْهَا الْشَّهْد

دَائِمَا وَابَدا تَرَوْق لِي تِلْك الْحُرُوْف الْصَّعْبَة الْسَّهْلَة

شُكْرَا جَمّا لِجَمَال عَطَائِك

[غزاوية وافتخر]

كلمات تستحق الوقوف عند قراءة ملامحها

لقد أدخلتني في دائرة لم أقدر على الخروجمنها

دائرة مليئة بالمشاعر المجهولة

ولكن قبل كل شيء يدوم للحرف معنىو ذوق

سلمت يداكـ بما خطت هنا من همسات


دمت روعتي