أنا مصرية و عايزة ابني مصر

[هامتارو]

السلام عليكم ورحمة الله وبركاته
انا اولا مش مقيمة في مصر وكنت خلال احداث الثورة بشوف كل حاجة بتحصل وكنت حزينة جدا على اللي بيحصل وكان حلمي اني الاقي مصر فعلا اتغيرت لكن بصراحة لما جيت مالقيتهاش زي لما كنت بحلم لسه زي ما هي فيها الفوضى والرشوة والظلم وانا كمصرية اكيد ده مش عاجبني ونفسي اغير بلدي واخليها احسن بلد في الدنيا وعندي افكار كتير عشان نخليها احسن بس المشكلة اني مش قادرة اوصل افكاري دي للناس فعايزة اعرف ازاي اوصل افكاري وياريت تساعدوني

[AHMED SEVEN]

اكتبى كل اللى انتي شايفاه بصى انا ليا انى انشر كلامك بس اعمليها فى مواضيع عايزين نشوف افكارك عاملة ازاى ايه اللى بتفكرى فيه الصح هيوصل ويتسمع فى النهاية وعلى موضوع ان مصر متغيرتش لسه كتير عشان تتغير كليا مصر مش هتتغير كل حاجة فيها فى شهر او سنة ... بس فيه بعض التغيرات حصلت فيه للاسواء وفيه للافضل احنا فى البداية موفقة ......... تحياتي ليك منتظرين جديدك

[هامتارو]

شكرا جدا ع مرورك وان شاء الله هبدأ احط كل افكاري وان شاء الله الاقي تفاعل من المنتدى الجميل ده

[MoNa LeZa]

امل كبير منكـ وجميل
واحلى حاجه اننا نفكر فى بلدنا ونطورها
واكيد ان شاء الله توصلى افكاركـ لكل الناس
وساعتها احنا معاكى فى كل شىء

[هامتارو]

ميرسي على مرورك

[ساحر الأحزان]

اختى الفاضلة

شعور جميل منك

واهتمام جميل

عليكى بشباب الثورة

عليكى بمعدى البرامج ذو الثقة

والتى يثق الناس بكلامهم


عليكى بالصحفيين اصحاب القلم الشريف


وثقى لن يتاخر عليكى احد

دمتى بكل خير

[حياتي ذكريات]

لو حضرتك عآيزة تسآعدي مصر وتبدئي تبنيهآ
فيه حملة اسمهآ ( عمآر يآ مصر ) لجوآد نآبلسي
وحملة تآنية ( نبني مصر )
مشآرك فيهآ اكتر من 12 ألف مصري هدفهم رفع اسم مصر لفوق
عآملين شغل هآيل ،، لرفع مستوى السيآحة ،، وتحسين وضع المنآطق العشوآئية
وحل مشكلة البطآلة ،، وغيرهآ كتير وعلى مستويآت عآلمية وخبرة عآلية
لو حضرتك عندك افكآر مطروحة ممكن تدخلي على جروبآتهم في الفيس وتويتر
وتقدري تطرحي كل افكآرك اللي انتي نفسك فيهآ
وهمآ نآس نشيطين جدآ جدآ فوق مآ تتخيلي وأهم حآجه عندهم هي مصر

بالتوفيق ليكي ان شآء الله
خآلص تقديري

[هامتارو]

شكرا لمروركم جميعا و ع فكرة الكلام ده نشطني جدا وهحط دلوقتي اول فكرة

[مِسكُ الشَهادة]

السلام عليكم

بارك الله في حرصك الكبير ع أغلى ما نملك مصر الحبيبة
الذي نُقدره ونفتخر به ...
صدقيني يا أختي لو كانت الكلمات نابعة من عمق الفؤاد
وتريد أن تُساهم في رفعة ِ البلد أكتر فأكتر
والله ستصل لكل الشرفاء
ستصل لكل من يريد الخير لمصر
مصر اليوم في عهد ِ الحرية ...تحدث بصراحة عما يجول بخاطرك
إذهب إلى من تريد فالشرفاء كُثر في بلادنا وجلهم يريدون ما تريدين
من سمو وطننا الغالي مصر ورقيه دوما ً
كلنا لدينا أفكار ووجهات نظر نود أن نُقدمها لإمنا مصر
ولكن كل إنسان يحقق ما يصبو إليه في فعل الخير بالطريقة
التي يجدها الأفضل والأأنسب ...
اللهم إحم ِ مصرنا دوما ً

[بنوتة ميدو]

بجد مستنيين افكارك
وحاجة حلوة اوى انك تيقى عايزة تحافظى على بلدك
وتساعدى فى رفعتها
تحياتى لكى
وفى انتظار افكراك