عادي مش اسم محدد

[فاطمة وخلاص]

السلامه عليكم ورحمة الله وبركاته

عملين إيه ؟؟ يارب تكونوا بخير
معنديش كلام اقوله بس مظنش إن حياتي فيها حاجات كتير عشان أتكلم عليه لحظت إن فيه ناس كتير اوي مش عوزين يكتبوا في القسم ده لكن بصراحة أنا اشتركت في المنتدى عشان صحبتي وعشان القسم ده وكنت مستنية بفارغ الصبر إني اكمل 100 مشاركة عشان القوانين وكده مش عارفة ليه كنت عوزة أكتب في القسم ده بصراحة بس حسيت إني مش هفضل ابوص على الموضوع كل شوية مستنية ردود الناس عشان أشوف عجبهم الموضوع ولا لا بمعنى اصح مش مستنية حد يقيمني مع إني مش بهتم بالحوار ده اوي يعني ....
أنا فاطمة طالبة في ثانوي عام علمي إن شاء الله عندي 16 سنة وكام شهر ولسة مش طلعت بطاقة
ماما مديرة مدرسة وبابا بيشتغل في وزارة الداخلية وأختي ندى في تالتة إعلام انجليش وأختي أمنية في رابعة حقوق حلوان ..... اقرب حد ليَّ في الدنيا كلها هو اخويا مش شقيق اسمه محمد ...
اممممممممممم خايفة إلى حد ما من الثانوي مع إن ماما قايلة ليَّ إن مهما المجموع اللي هاجيبه مش هتزعل بس أكون أنا عملت اللي عليَّ ماما حلوة ماما حلوة .. في البداية أنا إن شاء الله يعني عوزة أدخل يا هندسة يا إما فنون جميلة وحاسة إن الإحساس ده هيتغير تماما بعد مااتصدم في الكمياء يلا ربنا يستر



أول يوم
15-6-2011
11 pm

[فاطمة وخلاص]

حاجة مزتفزة اوي بقى

اللي داخل يشتم في الزمالك وخلاص دول مزتفزين اويييييييييي أنتم ملكم يكسب ولا يخسر يكش يولع
عاوز تقول وجهة نظرك اولها يا عم من غير غلط وطولت لسان :@ :d
لا وفاكرين إن بعد السست سنين النكسة دي مش من حقه حتى يفكر يلعب كورة تانية
وهو يعني النادي بكرة القدم بس مافيه مليون لعبة تانية وكان نديهم ضايع فيهم
تقولهم كده يقولوا مهو أكتر لعبة مشهورة هي كرة القدم وناديكم فاشل فيها :d

سيبكوا بقى من حوار النرفزة ده هحكلكوم موقف حصل معايا كده بس كل أما بفتكره بفطس على روحي من الضحك :d

كنا في مصيف في مرة من المرات بس مش فاكرة كويس كنا في جمصة ولا راس البر بس هي الارض بتاعت البحر مش متساوية
كنت أنا واخواتي وولاد عمي وكده واقفين على الشط والمية وصلالنا لحد دقننا كده وشايفين عيال جوه خالص واقفين وبيلعبوا بالمية كأنهم على الشط
اتفرسنا بقى واخدتنا الشهامة وجرأة وقلنا ندخل جوه
كلهم عدو إلا انا سقط في النص (مع العلم أنا اخده تدريب سباحة لمدة 4 سنين )
قعدت اعوم تحت لحد أما قفشت في رجل بني آدم :d الراجل صوت صويتة خلتني اضحك واانا تحت :d واعد يجري وانا برده قفشة في رجله مش عوزة اسبها لحد أما طلع على الشاط بس اللي من جوه الذكي بدل مايجري ل بره جري لجوا :d
بس قمت طلعت من المية ووقفت وهو باصلي حتت بصة مسخرة
المهم كحيت حبة وقلتله شكرا وقعدت الدور على اخواتي وكده :d :d
كان يوم لذيذ والله

تاني يوم
16-6-2011
9:44 pm

[فاطمة وخلاص]

ا

ااااااااااه ياما يانا ياما بقيت شبه البتاع اللي بسنة واحدة ده :vb12: بتضحك على خبتك يا موكوس
مش أدرى بجد روحنا النهردة لعمو عشان ندا وماما يتعلموا السواقة من ابن عمي مع العلم إن ماما اخده 4 تدريبات سواقة ومطلعة رخصة بس مش بتعرف تسوق
المهم هما رايحين يتعلموا أنا أروح لييييييييييييييه حد يفهمني :@ بعد مناوشات ومشاورات وأي حاجة على الوزن ده اتفقنا إني هرُوح معاهم
ابن عمي جه زي الشاطر الصبح عشان يخدنا ب 128 ويتعلموا عليها وبتاع مع العلم اننا عندنا فيرنا و 128 وأنا عن نفسي بعشق حاجة اسمها 128 بحسها اصيلة والله
المهم نزلنا معاهم وبتاع ونزلت أنا وبنت عمي عشان نلعب بالعجل آه ياما ويارتنا مانزلنا
شعور عجيب بعد 5 سنين مش ركبت عجلة وإنت قبل ال 5 سنين دول كنت حريف عجل وتيجي تركب عجلة بعد 5 سنين و تكون اكبر منك
المهم ركبنا والحياه حلوة وافتكر السواقة بسرعة الحمد لله جيت بقى استعيد الحرفنة وعملت فيها طرزانا :cv21: قمت وقفت وانا بسوق (عادي) وجاية ألف (برده عادي) لقيت زلطة كبيرة (أهو ده اللي مش عادي) و عينك ماتشوف إلا النور (صلي على رسول الله )
اتشألبت حتت شقلبة مش عادية ولا اكبر صاحب سيرك يعرف يعملها :685:
وبقيت نايمة على جمبي والعجلة على رجلي و هي عجلة داهية أصلا :vb12:
رجلي اتلوت وبقى حالي بلبلا والشحم مالا هدومي والفيست اتقطع واتربت وحاجة زي الفل :685:
بس برغم مجاري اليوم ودبان الجو اكتشفت حاجة مهما جدا
إني بعرف اصلح جنزير العجلة :Sport-040:
والإكتشاف الاهم إنه مالييان شحم



يلا كان يوم لذيذ

تالت يوم
18-6-2011
1:57 PM

[فاطمة وخلاص]

حاجات عجيبة حصلت النهردة :530:

بجد مش فهمها صحابي كتير اوي اتصلوا بيا و فيهم واحدة مش كلمتها من بتاع نص سنة كده وأصلا كنت عرفها من النت لا واتصلت بيَّ على البيت مش موب حتى دي أول مصدفة عجيبة واغربهم
تاني حاجة اتصلوا بيَّ 2 مش اعرفهم قوي يعني مجرد زمايل مدرسة وبس والاعجب والاشلال اننا اتفقنا على خروجا
تالت حاجة هو إني كنت فتحة الفسبوك عادي جدا ولقيت واحدة برده مش صحبتي قوي عادي مش مهم العجيب إن لقتها بتقول أنا أخت صاحبتك ممكن طلب :S:S :vb30:
إزاي يعني
العجيب والاعجب إني صاحية ان جوود مود وأصلا بقالي يومين مكتئبة
سبحان الله بجد

رابع يوم
19-6-2011
3:17 AM