انت اصلى ولا .....

[نوركمال]

كنت نفسى افتح الموضوع ده من زمان
كنت عاوزة اعرف ايه راى الشباب والبنات فى الموضوع ده
ايه بقى موضوع الاصلى والمضروب
لازم التىشيرت تكون اصلى من المحل الفلانى
لازم الشوز من الماركة العلانى
طيب ممكن اسال احساس الواحد ممكن يكون ايه وهو لابس الحاجات دى
حتقولوا على دى ست معقدة ممكن
بس اصل الموضوع اصبح كبير اوى الايام دى
والشباب كله بيبص لبعضه
حاحكىلكم قصتى فى مرة من زمااااااااااااااان اوى قررت انى اشترى بنطلون جينز من الماركات اياها
وبعد مداولات عديدة مع الوالدين انتصرت واخذوا قرار الشراء ولان زماااااااااااان مكنتش الماركات سهلة كدة ولا كان فى مولات كده
اخذنا القرار بالسفر الى بور سعيد الحرة لشراء البنطلون
وبعد اخذ ورد اشترينا وطبعا كنت طايرة من الفرحة
بس بعد شوية ايه اللى حصل
حسيت انه عادى يعنى والفرحة اصبحت عادى جدا
بنطلون زى اى حاجة
ماركة مشهورة زى اى ماركة مضروبة
انا عاوزة اعرف رايكم فى الموضوع ده
ياريت اللى بيستعمل الاصلى يقوللى بيحس بايه
وبرضه اية وجهة نظره
وياريت طبعا يقولنا او تقولنا احساسها ايه وهى ماشية او ماشى لابس شوز بالشىء الفلانى وهناك الالاف دايسين حافيين
طبعا ده مش قر ولا حاجة بس هى وجهات نظر
انا عاوزة كل واحد يعبر عن رايه بصراحة
سواء اصلى او مضروب
بجد الموضوع مهم بالنسبة لى
شكرا ليكم جميعا
ومستنية ردودكم

[همس الروح]

الاخت الفاضلة

نور كمال

موضوع رائع ومنتشر في هذه الايام

الاصلي والمقلد

بصي ياغالية

ديما كان في مثل بيقول الغالي تمنه فيه

وده فعلاااا جربته اشتريت بنطلون ماركة وتمنه

كان غالي جدااا وجبت نفسه من البضايع المقلدة

طبعا الفرق كان رهيب

المقلد ده مرتين تلاتة وداب نهائي

الاصلي ممكن يعيش معاكي لسنين كتيرة

ده غير ان المقلد ممكن يكون

مصنوع من خامات فقيرة جداا

وصناعية ممكن تؤدي الي امراض

خطيرة بعيد عن الجميع

وده فعلااا اللي بدأو يعلنو عنه عن ردئة

الصناعات المقلدة والامراض التي تأتي منها

انا من واجه نظري تجيبي قطعة غالية واحدة

تكفي عن 10 قطع رخيصة

ممكن تؤدي بي الي الهلاك

واللهي دية واجه نظري

ودية عن تجربة في الحياة كلها

اما عن شعوري وانا لابسة غالي

وغيري مشلقي لبس

ده موضوع أخر

لانه بيدخل تحت مسمي تاني

وهو الشعور بالاخرين ومعاناتهم

وازاي نساعدهم

طبعا ربنا خلق الناس طبقات فوق بعض

ومشعيب اني اساعد الاخرين

طالما اني ظروفي تسمح بذلك

ومشغلط اني اتبرع بملابس او مال اوطعام

اسلامنا علمنا كده

بس مش معناه انه في انسان مشلقي ياكل او

يلبس اني انا كمان اعيش محرومة علشانه

بس ممكن اني اساعده ولو بالبسيط

طولت عليكي

بس موضوع شيق

وده وجه نظري

مد ايدينا لمساعدة الاخرين

اشكرك

مع جزيل تقديري

وامتناني

[SiLver Spectra]

و الله يا نور اي حاجه أصليه بتفرق كتير عن المضروبه..

لكن الفرق بيبقى كبير
و الأصلي بيعيش
هتجيب مضروب و رخيص بس بعد فتره قصيره هترميه و هتجيب غيره..

الموضوع مش في الهدوم بس
لكن الفرق في الأصلي و المضروب بيبان في الأجهزه بالذات

أو حتى كافر الموبيل...
المضروب بعد يومين تلاقيه إتفتفت
في حين الأصلي بيعيش سنه و إتنين

فطبعا مافيش مقارنه بين الإتنين...

لكن السؤال: هل الحاجه إلي إنت جبتها فعلا أصليه!؟

ما ممكن واحد يقولك دا أصلي و في الآخر تاخد مقلب

يبقى لازم أعرف ما إذا كان دا أصلي في الاساس و لا لأ

و في بعض الحاجات مش مستاهله إنها تبقى أصليه

يعني أحيانا الهدوم مش بتفرق فيها الأصلي عن المضروب

واحد عايز يشتري وندوز أصلي!!
طيب هيفرق إيه الأصلي عن المضروب...

فالمفروض ما أبقاش ساذج و أدور على الأصلي عشان إسمه اصلي و خلاص
لازم أعرف أنا بشتري إيه في الأساس

لكن الفرق طبعا كبير....
في الخامه و المصنعيه
خصوصا إن السوق كله أصبح مليئ بالمنتجات الصينيه الرخيصه
و إلي بتبقى تعبانه...و شكل فقط

أنا ليه حاجات أصلية شاريها من 4 و 5 سنين و لحاد دلوقتي زي الفل
طبعا مش هدوم...
الهدوم بنرميها في الزياله على طول بعد فتره
ههههههههههه

شكراا على الموضوع يا نور....
و معلش بعدت شويه عن الملابس....لكن الموضوع كان بيتكلم عن الأصلي و المضروب بصفه عامه...بالرغم من إنك خصصتيه للملابس

تحياتي

[نوركمال]

الموضوع والله مش موضوع اصلى على الهدوم بس
بس انا كمان مقصدتش الموبايل او الصناعات الصينى الرديئة
انا بتكلم فى العموم
ومع راى الاخت همس ان الغالى تمنه فيه
بس مش لازم يكون غالى موت
يعنى فى ساعات بيوصل تمنها للافات الجنيهات
ايه لازمتها فى حين ان ممكن ساعة تانية ماركه مش معروفة اوى بس تكون معقولة
انا بتكلم عن شباب يا جماعة بيصر ان اهلة يشتروا له شوز ماركة بالف جنية مثلا
حتقنعونى انها حتستحمل 3 سنين مثلا
طيب ما هو اصلا مش حيفضل يلبسها الوقت ده كله
والبنت عاوزة بدى من الماركة الفلانية بس هى برضة بعد اسبوعين عاوزة واحدة تانية
فى حين نلاقى الغرب مثلا بيشتروا منتجاتنا القطنية اللى احنا مش بنبص لها اصلا
انا اقصد الفكر نفسه ليه
انا ابنى من الشباب دول وكل يوم عاوز اختراع حاجة جديدة ولما اسالوا يقولى وايه يعنى الناس كلها كده
بحس اننا بقينا استهلاكيين وبس
اسفة للتطويل بس الموضوع بجد شاغلنى

[dr. faris]

أختى موضعك صار ظاهره تعم بين الشباب من جميع الأعمار، والكل صار يبحث عن ما يحمل شعار ما، او يتزين بكلمه تدل على غلوه ورقيمته

الأخوه قالوا الغالى تمنوا فيه،،،كلام منطقى وصح،،،،والتقليد بيبوظ بسرعه صح،،،،كله تمام،،،،،،بس سؤال:

حضرتك تروح تجيب ساعه تايسوت بخمسة تلاف جنيه، ولا ساعه كوارتز بخمسية جنيه؟؟؟؟

أه ففى فرحك جيب تاسيسوت وعيش،،،،بس هو أنته هتعمل أيه بساعه تايسوت بخمسة تلاف جنيه دلوقتى؟؟؟

ملهاش غير حاجه من أتنين
أما فشخره
أما أنك فى منصب لازم تبقى أستيلك ومستوك كده

و أكيد طبعاً عشان الواحد يلبس ساعه بخمس تلاف جنيه أما يبكون صاحب شركه أو يكون رئيس مجلس إداره أو عضو مجلس إداره أو أو حاجه كبيره ليها مركز تستحق أنه يلبس حاجه كده عشان لازم يبقى كده.....

لكن والنقطه اللى الأخت نور كامل بتحاول توصل ليها أن الشباب دلوقنتى بيشترى كل حاجه ويتباها بأنهما من اديداس ولا بوما ولا ولا.....مش عشان بتعيش أو بتستمر لأ، عشان مجرد الفشخره والمنظره....

أتمنى أكون وصلت وجهت نظرى للجميع
خالص تقديرى وتحياتى
فارس


***أختى أتفقتى معى على مواصلة معى موضع: ممكن بنت ترد رد يقنعنى،،، فأتمنى منك الوفاء بما قولتى

[نوركمال]

اخ فارس انت فعلا عبرت عن اللى اقصده وان كنت لم توضح انت بتعمل كده ولا لا
فالفكرة فعلا زى ما قلت الشباب عاوز يتفشخر وانا اسفة طبعا للتعبير
بس هو مش بيعمل كده بفلوسه اللى تعب بيها وانما بفلوس اهله

اما بالنسبة لموضوع ممكن بنت ترد
انا بدخل فعلا كل يوم ومتابعة الموضوع وان كنت لا ارد لان الجميع عندهم وجهات نظر صح الى حد ما وما قلته لك فى اول مشاركة عن عدم متابعة الاهل
او البعد عن الدين كل ده فعلا الاخوة الاعزاء ذكروه
تقبل تحياتى اخى العزيز وبرضه لسه حتابع معاك

[ابو عندا]

الغالي يبقى غالي

الله يعطيك العافيه

وتقبل مروري

؟؟؟؟؟؟؟؟؟؟؟ ابو عندا

[dr. faris]

اقتباس المشاركة الأصلية كتبت بواسطة نوركمال اخ فارس انت فعلا عبرت عن اللى اقصده وان كنت لم توضح انت بتعمل كده ولا لا فالفكرة فعلا زى ما قلت الشباب عاوز يتفشخر وانا اسفة طبعا للتعبير بس هو مش بيعمل كده بفلوسه اللى تعب بيها وانما بفلوس اهله اما بالنسبة لموضوع ممكن بنت ترد انا بدخل فعلا كل يوم ومتابعة الموضوع وان كنت لا ارد لان الجميع عندهم وجهات نظر صح الى حد ما وما قلته لك فى اول مشاركة عن عدم متابعة الاهل او البعد عن الدين كل ده فعلا الاخوة الاعزاء ذكروه تقبل تحياتى اخى العزيز وبرضه لسه حتابع معاك

أقول لحضرتك يا فندمـ،،،،

أكيد طبعاً أنا بلبس من أديداس وبوما، بس الحمدلله بفلوسى انا بشترى مش من حساب أهلى،،،،وأكيد طبعاً كل واحد من حقه يلبس كده ولو على حساب هله، بس أن توصل أنه يطلب من اهله يجيبولوا جزمة رونالدينهو التقليد من nike و تقريباً عامله 3 ألاف جنيه فده حراااام :500:


أما عن الموضوعن فمشكوره على المتابعه معى اختى،،،،ومبروك على الأشراف يا فندم ،،،،

كامل تحياتى وأحترامى لكى
فارسـ

[نوركمال]

كنت بجد نفسى اعرف اراء البنات الاعزاء اللى معانا
يا رب حد يرد برايه

[نوركمال]

اسمحولى افتح باب المناقشة فى الموضوع
انا حاسة انه مهم بس كان مهمل
عاوزة اراء الشباب والبنات يا جماعة
بجد ارائكم تهمنى جدااااااااااااااااا