هام للاعضاء الجدد (ادخلوا ومش هتندموا)اتمني التثبيت

[beautycat]

أحبابي الأعضاء الجداد نورتوا المنتدي لأن بيني وبينكم ومن غير ما نقول لحد الكهرباءبتبقي مقطوعة كتيررررررررررررر وبنضطر ناخد من العمومي فأنتم جيتوا علشان تنوروا ومن غير ما ناخد من العمومي هههههههههههههه وفرتوا علينا يعني المهم جالي كذا مرة رسالة خاصة من أعضاء جداد بتسأل عن ازاي نعمل خلفية للموضوع زي كدة وبالصراحة انا نفسي لما كنت لسة داخلة المنتدي مش كنت اعرف بس سألت وربنا يخليلي منونه هي اللي قالتلي ودلوقتي هوريكم أزاي نعمل كده بصو احنا بعت ما كتبنا الموضوع وظبطنا الألوان وكله ميه ميه ولا فراخ الجمعية هنحدد النص بتاع الموضوع كله حد يسألني ازاي؟ أقولكم نعمل كليك شمال من الماوس (الفأرة) بس حاسبوا تعضوكم أصلها مرات الفأر ههههههههههههههههه وبعدين هيبقي لونه أزرق لاننا هنمشي علي الكلام كله بالماوس المهم لو بصينا فوق بقي في الأدوات اللي فوق الخانة بتاعت الموضوع اللي بنكتب فيه هنلاقي العلامة دي هنروح بقي عاملين ايه؟ هندوس عليها بالماوس وطبعا والكلام متحدد هيظهر لينا صفحة جديده غير صفحة الموضوع اللي أحنا بنكتبه وهنلاقي فيها الاتي: 1-الخط نختار النوع بتاع الخط اللي أحنا عايزينوه وهنلاقي رقم كده جنب نوع الخط وده هيبقي الحجم وبيني وبينكم بتبقي المافات اللي بين الخط وبعضه وده خلوه 4 علشان مش يبقي واسع وشكله مش حلو وبعدين اللون براحتكم بس أختاروا لون خط يناسب الخلفية يعني لو كتبت الموضوع باللون الاسود وعملت خلفية لونها سودا مش هيبان الخط فأختار مثلا لون فاتح للخط علشان يبان علي الخلفية الغامقة والعكس صحيح هههههههههههه والتوسيط والحاجات دي بقي يعني لو عايز الخط يمين او الخط شمال او في الوسط براحتك 2-عرض التنسيق وده بيبقي فيه ال70% حلوة 3-الخلفية هنلاقي خانتين الاولي فيها بدون او رابط او اعداد لغاية رقم 24 ولو دوسنا علي رقم هيظهر لينا خلفيه بشكل معين بيظهر فوق عند المكان اللي مكتوب فيه كلمة النموذج فوق وطبعا المكان ده بيطبق فيه كل اللي بنختاره تحت والخانة التانية الالوان وده ممكن نختار منه لون من غير ما نختار خلفية زي اللي أنا عملاها هنا سودا كده وفي ألوان كتير براحتكم أختاروا اللي أنتم عايزينوه 4-نوع الحد وأول خانه هنلاقي فيها انواع الحد اللي احنا عايزينوه ممكن مصمت او أخدودي او مزدوج كده يعني والخانه التانيه هنلاقي فيها حجم الحد وبيبقي أفضل حجم نختارة 4 والخانه الاخيرة بيبقي لون الحد اللي انتم عايزينوه وأخيراً أصلي أنا تعبت بقي من الكلام والرغي الكتير اللي فوق ده ههههههههههههههههه ندوس موافق وحاجه علشان تعرفوها كل اللي أحنا بنتكلم فيه ده لازم يكون المتصفح بتاعكم جديد مش نسخه قديمة وأنا كدة خلصت وأتمني تكونوا أستفدتوا من الرغي ده هستني ردودكم والردود تنفذوا فيها اللي انا قولته انا بقولكم اهو واهو يبقي تدريب ههههههههههههههه ومش هتعملو ده غير من التبديل للوضع المتطور اوك

[м a я a м]

موضوع مفيد جداّ ..
تم التثبيت ياّ سكر

[ساحر الأحزان]

موضوع جميل قطة وهيفيد الكثير وانا برضة عن نفسى حستفيد منة

لجل ما نظبط المواضيع

وتخرج بالشكل الجميل

لان اهم شىء فى الموضوع تنسيقة واظهارة بشكل جميل

تحياتى لكى على موضوعك القيم

[حب مهزوز]

موضوع رائع قطة المنتدي
وهيفيد الاعضاء الجدد جداً
تسلمي يا قمر

[beautycat]

ميرسي يا مرام

[beautycat]

شكرا كتير ساحر الاحزان علي الكلمات الحلوه دي

[مِسكُ الشَهادة]

السلام عليكم
بارك الله فيكــ ِ أختي
سردت ِ فأبدعت ِ
شكرا ً لموضوعك

[الرحــاال المٌتَمرد]

ميرسى جدا على الموضوع المهــم وبالتوفيق ان شاء الله

[beautycat]

شكرا اخي نورت الموضوع
وبرافو علي التنفيذ

[beautycat]

شكرا يا سلومتي علي الكلام الحلو ده