سهراتنا هنا كلها من اول يوم 1/1/2009 الى 26 / 1 / 2009

[SiLver Spectra]

اقتباس المشاركة الأصلية كتبت بواسطة حنون انا حاسه كده منك يا طارق انك بتتريق على البنات وده مش كويس عليك انت مش قدنا يابنى ابعد عن المنطقه ديه عشان تعيش بسلام اوكييييييييييييييييي :Sh_027:دا اولا اما عن موضوع السهره انا بصراحه سمعت مسلسل واحد بس الى هو اكليل الورد بس مليت منه ملل وعلى فكره ياطارق انا ما بحبش الومانسيه الهبله ديه والزيده عن حدها عشان تعرف انا ما بتاثرش بالكلام الزياد عن حده واصدق كل كلام الرومانسى يعنى ممكن اقل المشاهد ممكن تعبر عن الحب بس طبعا انا معاك فى حكاية ان البطل يزعل والبطله تورح تصلحه وهكذا بصراحه مماطله على الفاضى وبصراح كل المسلسلات ديه ملهاش هدف ولاليها فكره معينه كلها بتتكلم عن الحب اما زهقونا من الحب وسرته تحيااااااااااااااااااااااااااااتى لك يطارق واسمع كلامى وخليك كويس معانا ماشى بااااااااااااااااااااااااااااااى مؤقتا حنون

ههههههههههههه
لا يا بنتي....
أنا مش هظلم كل البنات
لكن أنا بتكلم عن شعبية المسلسل بتبقى أغلب مشاهدينها بنات
ما فيش ولد هيستحمل الحاجات دي

لكن أنا مش قصدي أتريق على البنات
يمكن إنتي ما تعرفيش أسلوبي....
أمال لو شوفتي مواضيعي إلي كنت كاتبها
:liverpool-flag:

طيب إنتي سمعتي عن إكليل الورد
مع إنه قديم تقريبا من صيف 2007
مش معقول ما سمعتيش عن نور و لا سنوات الضياع!!
و حاليا بتعرض مسلسلات زي (لحظة وداع ) و (تمضي الحياة)
و غيره كتير
دول كتروا أوي
و في محطة mbc+ مشفرة و معموله مخصوص عشان تعرض المسلسلات التركيه قبل mbc4 بيوم واحد!!!

بكرر تني مش المقصد من كلامي إن كل البنات بيتفرجوا عليها
لكن جمهور المسلسلات دي كله بنات
عشان كدا كلامي كان موجه للبنات
لكن ما تخافيش أنا مش عنصري
:shiny01:

و بعدين أنا بدور على أكل عيشي...إنتي نسيتي إن المنتدى بإسمكم!!
هتوديني في داهيه ليه بس يا حنان!!

تقديري لتفاعلك
و في إنتظار عودتك

[عراقي]

ايها الرائعون اخوتي الف تحيه لكم ارجو ان يكون مسائكم جميل وعسل
السهره منوره بوجود الاحبه احب ان اعلق على ما ورد بشكل عام ثم اعرج على كل فرد بشكل خاص ان
ردود الفعل التي تثيرها المسلسلات التركية مثيرة للتفكير والتأمل فمن جهة تحظى المسلسلات بنسبة متابعة عالية جدا وبتماه بين المشاهدين والأبطال وصل إلى مستويات مرتفعة جدا، فقد سمعنا عن أسر سمّت أبناءها على أسماء الأبطال، كما سمعنا عن حالات طلاق نتجت عن تأثر الأزواج بالمسلسل. إضافة إلى هذا هناك قراءات عديدة تحاول فهم ما يجري ومحاولات رصد لأخبار هذه التأثيرات من قبل الصحف والقنوات الفضائية. أيضا أصبح موضوع تأثير المسلسلات التركية يطرح نفسه من خلال أسئلة المستفتين مما أدى إلى إصدار فتاوى في هذا الخصوص.
في البداية يمكن لنا أن نقول إن ما يحدث يثبت أن تأثير الفن لا يجاريه أي تأثير آخر. فالفن قريب جدا من الإنسان ويتلاقى مباشرة مع أحاسيسه وأفكاره. وهذا سر علاقة الإنسان بالفن التي ابتدأت واستمرت منذ الوجود الأول. تطورت الفنون مع الوقت وامتزجت مع بعضها البعض واستطاعت الرفع من قدرتها على التأثير على المتابعين. المسلسلات اليوم، يجتمع فيها التمثيل مع الموسيقى مع عرض الأزياء مع الرقص مع فنون الديكور والتنسيق.. إلخ مما يجعلها تمثل مزيجاً من الفنون تتفاعل مع أكثر من حاسة لدى الإنسان.

[حنـــــون]

خلاص ياطارق سماح المره ديه

بس تعرف بقه انا ماسمعتش مسلسل نور ومهند

بصراحه الواد مهند ده دمو تقيل على قلبى

ومعندوش احساس فى التمثيل

مفيش احسن من الممثلين العرب

عندهم واحساس كده ودمهم خفيف

واللهى انا مش عارفه البنات عجبهم مهند ده

فى ايه

تحيااااااااااااااااااااااااااااتى ليك ياطارق

حنون

[عراقي]

اقتباس المشاركة الأصلية كتبت بواسطة silver spectra بسم الله الرحمن الرحيم.... هنبدأ سهرتنا زي ما ذكر أخونا عراقي موضوعنا هو المسلسلات التركيه و غزو الفضائيات قبل ما أبدأ الحديث.... أنا إخترت الموضوع ليس لأهاجم المسلسلات التركيه فلك الحق أن تشاهد ما تريد و لكن لنتحدث عن الظاهره و للكل الحق في التعبير عن رأيه...سواء بالقبول أو بالرفض نبدأ السهره... ----------------- ليه المسلسلات التركيه بالذات؟ ظهرت المسلسلات التركيه على الفضائيات ..تقريبا على قناة الmbc بمسلسل إكليل الورد على ما أتذكر و أنا شخصيا أول ما شوفته فكرته مسلسل مكسيكي مدبلج بالعاميه إلى أن جاء العام الماضي.... محملا بمسلسلي نور و سنوات الضياع و كانت بداية إنفجار البارود في العالم العربي قبل ما نحلل اسباب متابعة المسلسلات التركيه الأول خلينا نركز على الفئة إلي بتتابع المسلسلات دي في الغالب.....البنات هما إلي بيتابعوا هذه المسلسلات نفسي نفسي أشوف راجل متابع للمسلسلات التركيه كل ما أسال واحد صاحبي....بتشوف الحاجات دي يقولي لا و الله كل ما أرجع البيت ألاقي أختي فاتحه المسلسل الحلقة ال137 !! طبعا أنا ما عنديش أخوات بنات...فالموضه عرفتها متأخر شويه لما لاقيت إعلانات كل المنتديات أصبحت نور و مهند و لميس سألت بقى مين مهند دا يا جدعان....قالولي الواد دا... هو دا مهند!!!! المهم.....مين الناس إلي عملوا شهره و نسبة متابعه عاليه للمسلسلات دي...البنات و من غير عنصرية.... الولد بيدور على عربيات بتنفجر و بتتشقلب في الجو...و أكشن لكن البنت هي إلي بتدور على الرومانسية البحته ...و تعيش مع نفسها :liverpool-flag: كفايه كدا لحسن أنا قلبتها عليكم يا بنات نرجع تاني لسؤالنا الأصلي... ليه المسلسلات التركيه بالتحديد!؟ بدأت أقارن مع نفسي و سألت .... إيه إلي بيميز المسلسل التركي عن المسلسل العربي يعني المسلسل الأجنبي و هنقول الإمكانيات و معاهم فلوس يدمروا!! لكن التركي و العربي...إيه الفرق؟ أنا هقول راي هنا.... في المسلسل التركي..... الجو هادي.....شبه أوروبي....الدبلجه بتقلل الأصوات البطل بيحب في البطله 150 حلقة فبالتالي البنت تعد و تستمتع بالرومانسيه براحتها من غير وجع قلب كل قصة المسلسل إن البطل مره يزعل من البطله و البطله تصالحه و بعدين البطله تزعل من البطل و البطل يصالحها....و هكذا شوف بقى المسلسل العربي الجو صاخب.....دوشه و زحمهو أحياء عشوائية.....بمعنى أصح...مسلسل كئيب البطل يحب البطله أول حلقتين و بعدين يتجوزا عرفي و تبقى حامل في الحلقة الرابعه و الزوج يقطع ورقة الزواج العرفي....إلخ فبالتالي الدراما كلها مشاكل و كئابه و نكد البنت يا عيني مش بتلحق تعيش في جو الرومانسية!! ظهرت المسلسلات التركيه و هي مسلسلات ذات إمكانيات محدوده حتى أبطالها مش معروفين في تركيا و أصبحت كالموضه.... أسلوب جديد من المسلسلات بيتكلموا سوري في جو هادئ أنا كنت بفتح المسلسل 5 دقايق و بعدين بنام....طبعا حب إستطلاع يعني ببقى متعجب.....إيه إلي عاجبهم في المسلسل الميت دا :liverpool-flag: أنا لما بحب أتفرج بتفرج على prison break الحلقة كلها إثاره و تشويق.... طيب..... لو قولنا سلبيات المسلسلات؟ أنا مش عايز أصوت و اصرخ بسلبيات المسلسلات التركيه لكن الرومانسيه الزايده عن حدها...ممكن تأثر على البنت سواء كانت متزوجه أو غير لأنها بتصدق عالم إفتراضي تمثيلي غير حقيقي و بتتوهم بيه و بتيجي للواقع فتتصدم لذلك يقولك في نسب طلاق كبيره حصلت بسبب إحدى المسلسلات و أحيانا يقولك إن المسلسلات بتعارض أخلاقنا و قيمنا مع العلم إن الدبلجه السوريه بتقطع مشاهد كثيره من المسلسلات يلا مستني أسمع آرائكم و إقتراحاتكم و ياريت أسمع آراء الناس إلي بتتابع المسلسلات بصراحه و نكمل الحديث........

منور ابو زياد
انا اؤيدك في كل ما اوردت ولكن اخالفك في نقطكه مهمه ان اكثر مشاهدي المسلسلات هم من النساء اقول لك ان الشباب والمراهقين ولما يعرض من عري وملابس عاريه ولقطات مثيره جعل شريحة الشيوخ والرجال المتصابين واسعه لها

[SiLver Spectra]

اقتباس المشاركة الأصلية كتبت بواسطة همس الروح السلام عليكم موضوع السهرة ايوم رائع فعلاااا وهو المسلسلات التركية فعلااااا شئ خرافي اللي بيحصل ده كنا ممكن نقول ان المراهقين ممكن ينشدوا ليها ولكن لااسف لقينا جميع الاعمار من سن 10 الي سن 70 طيب ايه اللي حصل وايه السبب اللي خلي الاشياء دية تخد الجماهيرية دية كلها

يعني الناس شافوها موضه جديده
أو لون جديد للدراما
زي المسلسلات المكسيكيه
دلوقتي و لا حد بيتفرج عليها
لكن شوفي ايام بداية التسعينات أيام لما كانت لسه نازله
( طبعا مش في مصر هههههه)
كان ليها مشاهده عاليه

لكن مصير المسلسلات التركيه شعبيتها تقل....

و كمان الناس فضلتها على المكسيكيه
قالك دول أتراك...يعني مسلمين ليهم عادات قريبه من عاداتنا
دا غير السبب إلي ذكرته...إلي هي الرومانسيه إلي ماشيه في ما لا نهايه

و دا غير طبعا دور الإعلام
المسلسلات دي عرضت على أكبر الفضئيات عندنا ...و إتعمل عليها دعايه كبيره
جذبت ناس ليها
في مسلسل إكليل الورد....كانت لسه البدايه...فما عملش ضجه زي إلي جه بعده (نور و سنوات الضياع)
و إلي شغالين حاليا ما أعتقدش إنهم هيوصولا لشهره (نور و سنوات الضياع)

دي أسباب من وجهة نظري
لو حد عنده أسباب تانيه يقول...........

تحياتي لتفاعلك يا همس

[عراقي]

اقتباس المشاركة الأصلية كتبت بواسطة فولدمورت تحليلك رائع يا سبكترا المسلسلات التركية خلتا لبنات تعيش حالة من الانهيار العاطفى و خلتهم ينظروا للشباب العربى على انهم ذوى غرائز و بس مفيش رومانسية عشان خاطر عيون الواد مهند الحليوة اللى اكتشفنا ان اسمه الحقيقى كبنش انا لو كنت بنت عمرى فى حياتى ما هحب انسان بالاسم دة بس و الحق أقول انهم اسلوب جديد جذبوا فئات من المشاهدين فى الوطن العربى خصوصا المجروحين و المحبين بس ممكن نتأثر بعلمانية تركيا و نتأثر من عاداتهم و تقاليدهم اللى كلها مسخرة فربنا يستر على بناتنا و شبابنا

فولدمورت
منور الف تحيه
نعم انا اؤيد هذه النقطه المهمه وهو اسلوب الجذب والاثاره

[عراقي]

اقتباس المشاركة الأصلية كتبت بواسطة حنون انا حاسه كده منك يا طارق انك بتتريق على البنات وده مش كويس عليك انت مش قدنا يابنى ابعد عن المنطقه ديه عشان تعيش بسلام اوكييييييييييييييييي :Sh_027:دا اولا اما عن موضوع السهره انا بصراحه سمعت مسلسل واحد بس الى هو اكليل الورد بس مليت منه ملل وعلى فكره ياطارق انا ما بحبش الومانسيه الهبله ديه والزيده عن حدها عشان تعرف انا ما بتاثرش بالكلام الزياد عن حده واصدق كل كلام الرومانسى يعنى ممكن اقل المشاهد ممكن تعبر عن الحب بس طبعا انا معاك فى حكاية ان البطل يزعل والبطله تورح تصلحه وهكذا بصراحه مماطله على الفاضى وبصراح كل المسلسلات ديه ملهاش هدف ولاليها فكره معينه كلها بتتكلم عن الحب اما زهقونا من الحب وسرته تحيااااااااااااااااااااااااااااتى لك يطارق واسمع كلامى وخليك كويس معانا ماشى بااااااااااااااااااااااااااااااى مؤقتا حنون

حنون الف تحيه لكي منوره سهرتنا
انا والله شاهدت مجبرا بعض المقاطع اراها والله تافهه حب عراك ثم حب ثم عراك ثم زواج ثم انجاب وحالات متكرره ليس لها الا اطالة المسلسلات واستهلاك العقول
تحياتي

[SiLver Spectra]

اقتباس المشاركة الأصلية كتبت بواسطة حنون خلاص ياطارق سماح المره ديه بس تعرف بقه انا ماسمعتش مسلسل نور ومهند بصراحه الواد مهند ده دمو تقيل على قلبى ومعندوش احساس فى التمثيل مفيش احسن من الممثلين العرب عندهم واحساس كده ودمهم خفيف واللهى انا مش عارفه البنات عجبهم مهند ده فى ايه تحيااااااااااااااااااااااااااااتى ليك ياطارق حنون

حاسه إن دمه تقيل...يمكن عشان مدبلج
و مش بتسمعي صوته الحقيقي
ههههههههه
الدبلجه بتشيل التفاعل الحقيقي لصاحب الصوت
أنا راي إن الدبلجه ما تنفعش غير لأفلام الكرتون و الأنمي
لكن بني آدمين حقيقيين الدبلجه بتخلي المسلسل و لا الفيلم مالوش طعم

تابعي معانا الحوار......

[عراقي]

اقتباس المشاركة الأصلية كتبت بواسطة همس الروح السلام عليكم موضوع السهرة ايوم رائع فعلاااا وهو المسلسلات التركية فعلااااا شئ خرافي اللي بيحصل ده كنا ممكن نقول ان المراهقين ممكن ينشدوا ليها ولكن لااسف لقينا جميع الاعمار من سن 10 الي سن 70 طيب ايه اللي حصل وايه السبب اللي خلي الاشياء دية تخد الجماهيرية دية كلها

همس مساء الخير منوره سهراتنا احسبي حسابك لك سهره كوني مستعده
لما طرحتيه انا معك والله لي والده عجوز عاشت مع مهند ونور وتبكي لبكائهم وتفرح لفرحهم و عندما طعن مهند وكان في غيبوبه كانت تبكي بدموع وكانه ابنها صدقيني ان المسلسلات شدة الناس البسطاء من المجتمع

[عراقي]

اقتباس المشاركة الأصلية كتبت بواسطة فولدمورت المشكلة انه البيت اللى كانوا بيصوروا فيه مسلسل نور بقى بفلوس غالية جدا و طبعا كتر الله من الهبل و المجانين

ان المسلسلات التركيه كانت في اغلب تصويرها تعكس الحاله الجماليه والسياحيه لتركيا وفعلا استقطبت الكثير من السياح من الخليج العربي