سهراتنا هنا كلها من اول يوم 1/1/2009 الى 26 / 1 / 2009

[عراقي]

اليوم السبت
وسهرتنا اليوم هي لماذا المسلسلات التركيه
لماذا هذا الغزو الخطير
ماذا فيها مسلسلاتنا الجميله
سهرتنا لهذا اليوم سيكون ضيف الشرف فيها الاخ العزيز سلفر( ابو زياد ) وها هو بعد خروجه من السجن متباهيا بانتصاره سيشرفنا كضيف شرف سهرتنا لهذا اليوم
اتمنى من الجميع الالتزام بالموعد وهو التاسعه والنصف بتوقيت القاهره العاشره والنصف بتوقيت العراق
للجميع اقول تقبلوا تحياتي
عراقي

[زائرة الذكريات]

شكرا لك اخي الكريم عراقي على هذا المجهود والعمل الجميل
وبجد مواضيع السهرة الي تعرضت كانت رائعة و جميلة وكان نفسي اكون معاكم واشاركم
بس للاسف في هاد الوقت بتكون الكهربا مقطوعة

وبالنسبة لموضوع الليلة فهو موضوع جميل وضروري وان شاء الله الكل يشارك فيه

تحيتي

[حنـــــون]

عراقى

بجد موضوع السهره كان جميل وكان نفسى اشارك بس كان

عندى ظروف

وانشاء الله اشارك معاكوا فى فى السهره وتكون سهره جميله

تحياااااااااااااااااااااااتى لك عراقى على مجهوداتك الجميله

حنون

[عراقي]

من خلال هذاالموضوع احب اعرف رأي الأعضاء في الملسلات التركيه

هل هي هادفه ام سيئه

هل لها تأثير في العادات والتقاليد كما المسلسلات المكسيكيه

وهل تأيد عرضها على الشاشات العربيه ام لا

كل عضو يقول رأيه في الموضوع بصراحه

سلالالالالالالالالالالالالالالالالالالالالالالالال الالالالالالالالالال الالالالالام

[SiLver Spectra]

بسم الله الرحمن الرحيم....
هنبدأ سهرتنا
زي ما ذكر أخونا عراقي موضوعنا هو المسلسلات التركيه و غزو الفضائيات

قبل ما أبدأ الحديث....

أنا إخترت الموضوع ليس لأهاجم المسلسلات التركيه

فلك الحق أن تشاهد ما تريد

و لكن لنتحدث عن الظاهره

و للكل الحق في التعبير عن رأيه...سواء بالقبول أو بالرفض

نبدأ السهره...

-----------------

ليه المسلسلات التركيه بالذات؟

ظهرت المسلسلات التركيه على الفضائيات ..تقريبا على قناة الmbc بمسلسل إكليل الورد على ما أتذكر
و أنا شخصيا أول ما شوفته فكرته مسلسل مكسيكي مدبلج بالعاميه
إلى أن جاء العام الماضي....
محملا بمسلسلي نور و سنوات الضياع
و كانت بداية إنفجار البارود في العالم العربي

قبل ما نحلل اسباب متابعة المسلسلات التركيه
الأول خلينا نركز على الفئة إلي بتتابع المسلسلات دي

في الغالب.....البنات هما إلي بيتابعوا هذه المسلسلات
نفسي نفسي أشوف راجل متابع للمسلسلات التركيه
كل ما أسال واحد صاحبي....بتشوف الحاجات دي
يقولي لا و الله كل ما أرجع البيت ألاقي أختي فاتحه المسلسل الحلقة ال137 !!
طبعا أنا ما عنديش أخوات بنات...فالموضه عرفتها متأخر شويه
لما لاقيت إعلانات كل المنتديات أصبحت نور و مهند و لميس
سألت بقى مين مهند دا يا جدعان....قالولي الواد دا...
هو دا مهند!!!!
المهم.....مين الناس إلي عملوا شهره و نسبة متابعه عاليه للمسلسلات دي...البنات
و من غير عنصرية....
الولد بيدور على عربيات بتنفجر و بتتشقلب في الجو...و أكشن
لكن البنت هي إلي بتدور على الرومانسية البحته ...و تعيش مع نفسها
:liverpool-flag:
كفايه كدا لحسن أنا قلبتها عليكم يا بنات

نرجع تاني لسؤالنا الأصلي...
ليه المسلسلات التركيه بالتحديد!؟

بدأت أقارن مع نفسي و سألت ....
إيه إلي بيميز المسلسل التركي عن المسلسل العربي
يعني المسلسل الأجنبي و هنقول الإمكانيات و معاهم فلوس يدمروا!!
لكن التركي و العربي...إيه الفرق؟

أنا هقول راي هنا....

في المسلسل التركي.....
الجو هادي.....شبه أوروبي....الدبلجه بتقلل الأصوات
البطل بيحب في البطله 150 حلقة
فبالتالي البنت تعد و تستمتع بالرومانسيه براحتها من غير وجع قلب
كل قصة المسلسل إن البطل مره يزعل من البطله و البطله تصالحه و بعدين البطله تزعل من البطل و البطل يصالحها....و هكذا

شوف بقى المسلسل العربي
الجو صاخب.....دوشه و زحمهو أحياء عشوائية.....بمعنى أصح...مسلسل كئيب
البطل يحب البطله أول حلقتين و بعدين يتجوزا عرفي و تبقى حامل في الحلقة الرابعه و الزوج يقطع ورقة الزواج العرفي....إلخ
فبالتالي الدراما كلها مشاكل و كئابه و نكد
البنت يا عيني مش بتلحق تعيش في جو الرومانسية!!

ظهرت المسلسلات التركيه
و هي مسلسلات ذات إمكانيات محدوده
حتى أبطالها مش معروفين في تركيا

و أصبحت كالموضه....
أسلوب جديد من المسلسلات
بيتكلموا سوري
في جو هادئ

أنا كنت بفتح المسلسل 5 دقايق و بعدين بنام....طبعا حب إستطلاع
يعني ببقى متعجب.....إيه إلي عاجبهم في المسلسل الميت دا
:liverpool-flag:
أنا لما بحب أتفرج بتفرج على prison break
الحلقة كلها إثاره و تشويق....

طيب.....
لو قولنا سلبيات المسلسلات؟

أنا مش عايز أصوت و اصرخ بسلبيات المسلسلات التركيه
لكن الرومانسيه الزايده عن حدها...ممكن تأثر على البنت
سواء كانت متزوجه أو غير
لأنها بتصدق عالم إفتراضي تمثيلي غير حقيقي
و بتتوهم بيه
و بتيجي للواقع فتتصدم
لذلك يقولك في نسب طلاق كبيره حصلت بسبب إحدى المسلسلات
و أحيانا يقولك إن المسلسلات بتعارض أخلاقنا و قيمنا
مع العلم إن الدبلجه السوريه بتقطع مشاهد كثيره من المسلسلات

يلا مستني أسمع آرائكم و إقتراحاتكم
و ياريت أسمع آراء الناس إلي بتتابع المسلسلات بصراحه
و نكمل الحديث........

[فولدمورت]

تحليلك رائع يا سبكترا


المسلسلات التركية خلتا لبنات تعيش حالة من الانهيار العاطفى
و خلتهم ينظروا للشباب العربى على انهم ذوى غرائز و بس
مفيش رومانسية
عشان خاطر عيون الواد مهند الحليوة
اللى اكتشفنا ان اسمه الحقيقى كبنش

انا لو كنت بنت عمرى فى حياتى ما هحب انسان بالاسم دة


بس و الحق أقول
انهم اسلوب جديد جذبوا فئات من المشاهدين فى الوطن العربى
خصوصا المجروحين و المحبين

بس ممكن نتأثر بعلمانية تركيا

و نتأثر من عاداتهم و تقاليدهم اللى كلها مسخرة
فربنا يستر على بناتنا و شبابنا

[حنـــــون]

انا حاسه كده منك يا طارق انك بتتريق على البنات

وده مش كويس عليك انت مش قدنا يابنى ابعد عن المنطقه ديه

عشان تعيش بسلام اوكييييييييييييييييي :Sh_027:دا اولا

اما عن موضوع السهره

انا بصراحه سمعت مسلسل واحد بس الى هو اكليل الورد بس مليت منه ملل

وعلى فكره ياطارق انا ما بحبش الومانسيه الهبله ديه والزيده عن حدها

عشان تعرف انا ما بتاثرش بالكلام الزياد عن حده واصدق كل كلام الرومانسى

يعنى ممكن اقل المشاهد ممكن تعبر عن الحب بس طبعا انا معاك فى حكاية ان البطل يزعل

والبطله تورح تصلحه وهكذا بصراحه مماطله على الفاضى وبصراح كل المسلسلات ديه

ملهاش هدف ولاليها فكره معينه كلها بتتكلم عن الحب اما زهقونا من الحب وسرته

تحيااااااااااااااااااااااااااااتى لك يطارق واسمع كلامى وخليك كويس معانا

ماشى

بااااااااااااااااااااااااااااااى مؤقتا حنون

[همس الروح]

السلام عليكم

موضوع السهرة

ايوم رائع فعلاااا

وهو المسلسلات التركية


فعلااااا شئ خرافي

اللي بيحصل ده


كنا ممكن نقول ان

المراهقين ممكن ينشدوا ليها

ولكن لااسف لقينا

جميع الاعمار من

سن 10 الي سن 70

طيب ايه اللي

حصل وايه السبب

اللي خلي الاشياء

دية تخد الجماهيرية

دية كلها

[SiLver Spectra]

اقتباس المشاركة الأصلية كتبت بواسطة فولدمورت تحليلك رائع يا سبكترا المسلسلات التركية خلتا لبنات تعيش حالة من الانهيار العاطفى و خلتهم ينظروا للشباب العربى على انهم ذوى غرائز و بس مفيش رومانسية عشان خاطر عيون الواد مهند الحليوة اللى اكتشفنا ان اسمه الحقيقى كبنش انا لو كنت بنت عمرى فى حياتى ما هحب انسان بالاسم دة بس و الحق أقول انهم اسلوب جديد جذبوا فئات من المشاهدين فى الوطن العربى خصوصا المجروحين و المحبين بس ممكن نتأثر بعلمانية تركيا و نتأثر من عاداتهم و تقاليدهم اللى كلها مسخرة فربنا يستر على بناتنا و شبابنا

إنت هتتريق على مهند و لا إيه!!
ههههههههه
و الله المسلسلات دي زبطت تركيا من نواحي كتير
أهمها السياحي
يعني الناس دلوقتي تتفرج و تشوف إسطنبول أو غيرها من المناطق
دا غير الدعايه السياحيه بتاعتهم

و الموضوع كله ضرب بالحظ معاهم
بمعنى إن كل إلي حصل إن شركة دبلجه سوريه جابت مسلسل و دبلجته
و الموضوع ضرب معاهم بعد كدا

و إحصائيا بيقولك السياحه العربية لتركيا زادت الصيف إلي فات...

و حتى سياسيا....
أو يعني مش عايز أكب رالمسأله أوي
لكن باقيت تركيا ليها وجود في الدراما عندنا
فبالتالي باقيت ظاهره عن الأول

أنا مش ضدهم....أنا فقد بحلل الظاهره من وجهة نظري

و على فكره تركيا بلد..إقتصاده قوي
يعني ما أقدرش أقلل منها

و العلمانيه إذا كنت بعترض على بعض جزئياتها...لكن فيها مميزات أخرى

تقديري على متابعتك يا غالي

[فولدمورت]

اقتباس و إحصائيا بيقولك السياحه العربية لتركيا زادت الصيف إلي فات...

المشكلة انه البيت اللى كانوا بيصوروا فيه مسلسل نور
بقى بفلوس غالية جدا
و طبعا كتر الله من الهبل و المجانين