افتراضي إصحى يا ناااااااااااااااااايم .. صحي النووووووووووم !!

[ام يوسف وياسين]

رمضان ..

آآآآآآآآآآآآآآآآآآآآآآآآآآآآآآآآآآآآآآآه ..

مين فينا اشتاق لرمضان ؟؟؟؟

كلنا مشتاقين ومستنين بفارغ الصبر ..

بس للأسف ، فيه ناس كتير مستنيه رمضان وهي نايمة !!

ويادوب الناس دي على ما تصحى في أول رمضان ؛
يكون الشهر عدى من غير ما يكونوا عملوا أي حاجة لسه !
وضاع منهم أكبر أوكازيون حسنات وعتق ومغفرة في العمر كله !!


علشان كده معانا انهاردة كتيب بنقول فيه لكل واحد :


::. إصحى يا نااااااااااااااايم .::



بنتكلم في جزء منه عن الاستعداد لرمضان ..

وفي الجزء الباقي عن كيفية استغلال رمضان أحسن استغلال بإذن الله ..



=============


محتويات الكتيب





=============

مُستعد ؟؟

لما الواحد فينا بيكون غايب عنه حد بيحبه أوي ،
وبقاله كام شهر مستنيه ييجي بفارغ الصبر ..
بتلاقيه عمال يفكر؛ يا ترى هقابله في المطار إزاي ؟؟
أنا لازم أجهز كل حاجة علشانه .. ده من أعز الناس عليا ..
هو أنا ضامن أشوفه تاني ..؟؟!!

ولما يكون المنتخب عنده ماتش مهم
- مع موزمبيق مثلاً -
بيقعدوا يجهزوا من قبلها بشهر ..
ويعملوا معسكرات فى ألمانيا وإيطاليا وفرنسا والدنيا بتبقى مقلوبة .. !!

لو تأمّلت ؛ هتلاقي إن أي حَدَث مهم في الدنيا ، الناس بتجهز له وبتستعد له ..
وعلى قدر أهمية الحدث ده ؛ بتكون الإستعدات والتجهيزات أكبر وأكبر ..
طيب .. يا ترى إحنا إستعدينا إزاي لأهم حدث في السنة كلها ؟؟؟
إستعدينا إزاي لأضخم أوكازيون حسنات ورحمة ومغفرة في السنة كلها ؟؟
إستعدينا ازاي لأخطر فرصة في عمرنا كله ؟؟



**************

ليييييييه كل ده ؟؟؟!!

ناس كتير هتسأل وتقول :
إحنا عارفين إن شهر رمضان شهر بركة وإيمانيات وكل حاجة .. بس ؛
ليه كل ده ؟؟
ليه الإهتمام الزيادة أوي ده برمضان ؟؟؟
اشمعنى رمضان اللي عمالين تقولوا لازم نستعد ليه ونجتهد فيه ونموت نفسنا من الطاعة والعبادة ؟؟



لأن شهر رمضان ليه فضائل ومميزات لو عرفتها ؛ هتعرف قد إيه إنت لازم تستعد له ..!! هتعرف قيمة رمضان وقدره الحقيقي ..!!
هتعرف إن الثانية فيه من دهب .. بل أغلى والله ..!!

تعالوا نعرف مع بعض ليه لازم نستعد لرمضان؟
وليه كل الإهتمام ده برمضان ..؟؟

**************

نستعد إزااااااااااي؟؟؟؟؟!!

كل سنة يبدأ رمضان .. و تقول هختم القرآن 10 مرات ، و في النهاية تنتهي بختمة واحدة أو ممكن متكملش ختمة حتى !!
وتقول هصلي التراويح كاملة بجزء و جزئين و إحتمال أكمّل الصلاة مع نفسي في البيت و برضه تكسل وممكن متكملش ركعتين في التروايح !!
تقول لا يمكن عيني تلمح فيلم ولا مسلسل و برضه تضعف وتقع في المعاصي !!!
تقول أنا هكون أحسن واحد وهصلي كل الفروض صف أول جماعة أولى في المسجد و بعدها تفرط في المطالب دي .. !!
تقول رمضان ده هيكون بداية إلتزامي ، ولكن للأسف أول ما رمضان يخلص تنسى كل ده ..!!
وتندم بعد رمضان لما تلاقي فلان و فلان ختموا كام ختمة وصلوا التراويح بجزئين وتصدقوا وعملوا كل الخيرات ، وإنت كنت موجود معاهم بس سبقوك!
مع إن مفيش فرق كبير بينك وبينهم ..!!!
كام مرة عدى عليك رمضان و قولت :
" لن أدركت رمضان المًُقبل ليَرَيَنَّ الله ما أفعل "
ويعدّي رمضان ومتعملش أي حاجة !!
ليه بيحصل كده ؟؟؟؟
علشان إحنا مستعديناش صح ..علشان إحنا مش متعودين على حاجات كتير من العبادات دي ، ماينفعش نيجي مرة واحدة في رمضان ونقول إحنا عايزين نعمل كل حاجة ، ولما نلاقي نفسنا ماعملناش ، غصب عننا يجلنا إحباط ونقول هو إحنا كده !! ومفيش فينا أمل ومش نافعين !!!
وعلشان كده .. لازم نتسعد صح لرمضان من دلوقتي .. أيوه من دلوقتي .. حالاً ..
أياً كان الوقت اللي الكتيب ده وصلك فيه ..
إبدأ إستعد وحتى لو وصلك وإنت في رمضان ؛
إوعى تيأس ..
وإستعن بالله وجدد نيتك واجتهد في الطاعة ..



**************

هتصوم ؟؟ ولاّ زي كل سنة ؟؟؟!

لو سألتك : إنت هتصوم ؟؟ ولاّ زي كل سنة ؟!
هتبتسم وتقول : قديمة ..هصوم زي كل سنة ..
هقولك : لأ يا حبيب قلبي .. ولأ يا أختي ..
إحنا مش عايزين نصوم زي كل سنة ..!!
هتقولي : إزاي يعني الكلام ده ؟؟؟
هقولك : بص يا حبيب قلبي .. في ناس كتير مش عارفة معنى الصيام ..!! يمكن ناس كتير عايشة بقالها 30 و40 و50 سنة ، ناس بقالها سنيييييين بتصوم ؛
بس للأسف مابتعرفش تصوم !!!
بيصوموا صيام ناقص ، إلا من رحم الله ..
هتقول : هو فيه صيام ناقص وصيام كامل ؟؟؟
هقولك : هو إنت هتصوم إزااااااااااااي ؟؟
هتقول : هصوم عن الأكل والشرب لحد المغرب..
هقولك : بس كده ؟؟
هتقول : إيه؟!هو فيه فتوى جديدة طلعت غير كده؟
هقولك : لأ .. مفيش فتوى ولا حاجة ؛ بس إنت كده صيامك ناقص ..
يعني إيه ناقص بقى ؟؟
؟؟؟؟؟؟؟

**************
إوعى تكون مُسلسل !!

التليفزيون في رمضان = مسلسلات !!!
سبحان الله .. المسلسلات موجود طول السنة ..بس في رمضان ، لازم أهل الباطل يبذلوا أقصى جهد علشان يسلسلوا الناس قدام التليفزيون بكمية مسلسلات رهييية متلاحقش أصلاً عليها من كترتها.. وعلشان كده بقولك:
إوعى تكون مُسلسل
ومربوط قدام التليفزيون في رمضان ..!!!
هتقولي : ما هو أنا لازم بالنهار أسلـّي صيامي وبالليل أسلـّي سهرتي !!
هقولك : يا أخي وهو مفيش حاجة غير المسلسلات تسلـّي بيها صيامك ؟؟؟؟!!
خلـّى عندك شوية عقل ..!
وتعالى نتناقش في الموضوع ده ..


**************

من هنا البداية ..

عايزين نصوم رمضان جديد بلا معاصي يا شباب
عايزين يبقى شعارنا :
إلا رمضان ..!
معقول ؟! معقول هتعصي ربنا والناس بتطيعه ؟!
إنت مش وحش قوى كده ؟؟؟ إنت فيك خير ، ولا يُحرم الرحمة في رمضان إلا محروم شقي ..
فبلاش تكون إنت منهم !!!
ياللا يا شباب ..كلنا هنقول بصوت عالي..
لا للذنوب في رمضان وفي غير رمضان ..
لا للشات ، لا للمواقع التي تغضب الله ،لا للصحوبية، لا لإطلاق البصر ،لا للمسلسلات والأفلام ،لا للأغاني
لا للتدخين ، لا لقطيعة الرحم ، لا للغيبة ، لا للنميمة ، لا للغش والكذب ، لا لسوء الخلق ..
لا وألف لا .. لكل ما يغضب الله ..
متقولش صعب ..
شهر واحد قاطع فيه الذنوب وإن شاء الله ربنا هيقبلك وهيتوب عليك بعد الشهر وتلاقي نفسك مش عايز ترجعلها ..
إعتبر نفسك فى مأمورية ، هتسافر لمدة شهر وهتقبض مبلغ كبير ، ولكن في السفر ده مش هتاخد معاك الموبايل ولا التليفزيون ولا الكمبيوتر .. عادي يعني .. بس المأمورية دي هتصلح حياتك وتخليك تكسب دنيتك وآخرتك ..!


**************
همّة عااااااااالية ..

قال رسول الله صلى الله عليه وسلم : [ ذَرِ الناس يعملون ؛ فإن في الجنة مائة درجة ، ما بين كل درجتين كما بين السماء والأرض ، والفردوس أعلى الجنة وأوسطها وفوق ذلك عرش الرحمن ومنها تفجر أنهار الجنة ؛
فإذا سألتم الله فاسألوه الفردوس ] صححه الألباني

لازم يبقى عندك همة عالية .. حتى وإنت بتطلب الجنة .. متطلبش أي منزلة في الجنة وخلاص .. قول يارب ارزقني الفردوس الأعلى ..
لازم يبقى عندك همة عالية .. متسيبش باب خير مفتوح قدامك إلا وتدخل فيه .. متفوتش ثانية إلا وتغتنمها في زيادة رصيد حسناتك ..


**************
قبل الختام ..

قبل ما نختم .. تعالوا نشوف المشهد ده ..
( حسام قاعد قدام الكمبيوتر ، وجنبه صاحبه طارق )
حسام: سامحنى يارب.. اغفر لي يارب ..
طارق: ما لك يا بني ؟؟ إنت بتعمل إيه بالظبط ؟؟
؟؟؟؟؟؟؟؟؟؟؟؟؟؟؟؟؟؟؟؟

**************
روابط للكتيب على هيئة صور لمن يصعب عليه قرآته بي دي اف..

http://img191.imageshack.us/img191/3073/92426961.jpg
http://img580.imageshack.us/img580/7981/62518787.jpg
http://img829.imageshack.us/img829/2747/63103586.jpg
http://img813.imageshack.us/img813/276/40577671.jpg
http://img861.imageshack.us/img861/1911/88410001.jpg
http://img9.imageshack.us/img9/7048/32760411.jpg
http://img857.imageshack.us/img857/3838/60173954.jpg
http://img825.imageshack.us/img825/9017/12087850.jpg
http://img24.imageshack.us/img24/7950/38645584.jpg
http://img231.imageshack.us/img231/4782/81434282.jpg
http://img30.imageshack.us/img30/7250/92713888.jpg
http://img833.imageshack.us/img833/4855/38516187.jpg
http://img215.imageshack.us/img215/1338/30266130.jpg
http://img143.imageshack.us/img143/4043/95187780.jpg
http://img705.imageshack.us/img705/6098/22870550.jpg
http://img855.imageshack.us/img855/8859/79552696.jpg
http://img5.imageshack.us/img5/1953/74705791.jpg
http://img151.imageshack.us/img151/4062/62505139.jpg
http://img815.imageshack.us/img815/4170/27095219.jpg
http://img864.imageshack.us/img864/65/56734538.jpg
http://img836.imageshack.us/img836/5493/48601554.jpg
http://img823.imageshack.us/img823/9043/58524129.jpg
http://img26.imageshack.us/img26/5314/75247518.jpg
http://img402.imageshack.us/img402/4821/48115791.jpg
http://img90.imageshack.us/img90/9688/27164646.jpg
http://img97.imageshack.us/img97/9435/77817174.jpg
http://img850.imageshack.us/img850/9067/30405901.jpg
http://img220.imageshack.us/img220/5622/17922526.jpg
http://img28.imageshack.us/img28/8052/47115538.jpg
http://img542.imageshack.us/img542/4522/97643146.jpg
http://img198.imageshack.us/img198/7399/91448442.jpg
http://img19.imageshack.us/img19/8229/78897229.jpg
http://img845.imageshack.us/img845/6072/78815392.jpg
http://img703.imageshack.us/img703/3540/59388420.jpg
http://img198.imageshack.us/img198/6680/89846848.jpg
http://img638.imageshack.us/img638/7411/73975499.jpg
http://img638.imageshack.us/img638/4843/25855366.jpg
http://img844.imageshack.us/img844/6808/59920902.jpg
http://img546.imageshack.us/img546/8087/93768053.jpg
http://img850.imageshack.us/img850/7663/28548053.jpg
http://img135.imageshack.us/img135/2958/82672144.jpg
http://img844.imageshack.us/img844/5092/98381453.jpg
http://img822.imageshack.us/img822/6895/14864902.jpg
http://img855.imageshack.us/img855/1997/84373780.jpg
http://img38.imageshack.us/img38/1027/51781620.jpg
http://img600.imageshack.us/img600/3984/49849138.jpg
http://img695.imageshack.us/img695/3706/36166561.jpg
http://img171.imageshack.us/img171/4900/58243457.jpg
http://img707.imageshack.us/img707/320/65768346.jpg
http://img43.imageshack.us/img43/1981/46636129.jpg
http://img545.imageshack.us/img545/6336/97314976.jpg
http://img42.imageshack.us/img42/943/22084104.jpg
http://img84.imageshack.us/img84/1507/63792745.jpg
http://img37.imageshack.us/img37/1777/62541051.jpg
http://img339.imageshack.us/img339/5449/78711212.jpg
http://img607.imageshack.us/img607/5922/67196596.jpg
http://img841.imageshack.us/img841/6231/95353845.jpg
http://img219.imageshack.us/img219/979/48827146.jpg
http://img189.imageshack.us/img189/181/33095013.jpg
http://img848.imageshack.us/img848/9493/56746622.jpg
http://img840.imageshack.us/img840/9265/64166074.jpg
http://img860.imageshack.us/img860/2122/34639973.jpg
http://img19.imageshack.us/img19/3765/79796333.jpg
http://img684.imageshack.us/img684/8407/31100992.jpg



*********************




لتحميل نسخة PDF من الكتيب


هنـــــــــــــــــــــا رابط مباشر


أو

هنـــــــــــــــــــــا رابط مباشر


ولازم يكون عند حضرتك برنامج بيقرأ الـ


PDF


حمل البرنامج ده وصطبه وهيفتح معاك ان شاء الله


سبحان الله وبحمده سبحان الله العظيم


**************

وبفضل الله..سعر الكتيب في الجملة.. 37 قرش بس..
ولو حد هياخد كمية 1000، فيما فوق هيبقى السعر 35 قرش كمساهمة في التوزيع الخيري..

اي حد عايز اي كمية..يتصل مباشرة بدار النشر...وهما هيوصلوله الكمية اللي هو عايزها لحد باب البيت..
للتواصل:

دار النعيم للنشر والتوزويع
ت : 0103418784

وفيه طريقة من اتنين لاي حد عايز الكتيب ده او أي كتيب اخر لي..
أولا: طريقة مباشرة.. بأنه يتصل بدار النشر ويخيرهم بالعنوان وهم سوف يرسلوا له الكمية المطلوبة عن طريق شركات الشحن..
ثانيا: طريقة غير مباشرة ..وهي ان حضرتك تذهبي لاي مكتبة اسلامية وتخبريهم انك تريدين الكتيب وتعطيهم رقم دار النشر وهم يتصلون بها وتصل الكتب للمكتبة ثم تشترونها ..


-------------


اخر نقطة: برجاء نشر الموضوع..انت مش متخيل انك ممكن وانت قاعد في مكانك وبتشرب شاي تاخد ثواب متحلمش بيه طول عمرك..ازاي؟؟؟

لو نشرت الموضوع..وواحد قرأه وراح اشترى الف نسخة مثلا ووزعهم..كانك انت اشتريت ووزعت وثوابك نفس ثوابه بفضل الله..

يقول النبي صلى الله عليه وسلم:

(من دل على خير فله مثل أجر فاعله)

اوعى تضيع على نفسك الثواب العظيم ده..

[بنوتة ميدو]

بجد شكراااااااااا جداااااااا

على موضوعك المفيد وربنا يكتبه لكى فى ميزان حسناتك

وربنا يقدرنا اننا نطلع من رمضان باكبر عدد من الحسنات

لنا ولكل المسلمين

[جبل عالي]

رائعة انتى صديقتى ... بل أكثر من رائعة

بارك الله فيك وجعله فى ميزان حسناتك

ووهبك رضاه والجنة

[امير الظل]

حفظ الله لكي اولاد ك وجزاك الله كل خير على ما تقدمين من مواضيع مميزة
اللهم بلغنا رمضان ازمنة عديدة ومن يقراء ردي هذا