طلب انسانى من كل مصرى

[خارج عن القانون]

بسم الله الرحمن الرحيم


زى ما بعضكم عارف انى الايام ديه

بصيف فى اسكندرية وامبارح قولت انى انزل ميدان سعد زغلول

الميدان اللى اهالى شهداء الثورة معتصمين فيه



ونزلت فعلا الميدان وهناك شوفت اللى ماشفتهوش ابدا

شوفت ام الشهيدة اميرة سمير

اميرة الطفلة اللى بتبلغ من العمر 16 سنه

استشهدت يوم جمعة الغضب وهى فى البلكونة بتصور اللى بيحصل

اميرة ساكنة فى منطفة اسمها ابو سليمان





امها سيدة فى منتصف الثلاثينات

تلبس ملابس الحداد وتهتف للمطالبة بالقصاص لــ اميرة وكل الشهداء

من القتلة والمؤجرين التابعين للنظام السابق

امها طول الوقت فى حالة بكاء شديد ع ما اصاب ابنتها

وع دمائها الذى ستضيع هباء

الذى شدنى فى تلك الشهيدة بالذات هى اسمها وملامحها

اسمها اميرة سمير وتبلغ من العمر 16 عام

وانا اسمى كامل (للى مايعرفش) هو محمد سمير محمد عكاشه

واختى تدعى اسماء سمير فى مثل عمر الشهيدة تقريبا

وملامح الوجه ايضا متشابهة

فنظرت الى تلك الصورة



وتهيأ لى ان بدل صورة اميرة تلك هى صورة اختى

وان تلك السيدة هى امى

وتحدثت مع نفسى وسالت نفسى

اهل سأجلس فى البيت ساكنا ؟؟

اهل سأمر من امامهم مرور الكرام وادعو لها بالمغفرة؟؟؟

ام سانزل واطالب بحقها؟؟

طبعا الاجابه مش محتاجه انى اكتبها



وعشان حق اميرة اللى كانت ممكن تكون اختى او اختك

وعشان حق كل الشهداء اللى كانو ممكن يكونو يقربولك او اخواتك او انتى شخصيا

عشان ده كله لازما انزل الجمعه ديه وكل جمعة

لغايه لما يتحقق القصاص والعدالة

ولغاية لما دم الشهداء دول ما يرحش هدر

وعشان كده انا بطلب منك وبشكل انسانى انك تنزل انت كمان وتطالب بحقهم

[شفق القمر]

ربنا يرحمهم ويغفر ليهم جميعاااااااااااااااااااااا
يارب

[Mind language]

بصراحة موضوع مؤثر جدا
جدا واللى محدش يعرفة هنا
كتير انى انا اسمى اميرة انا
بقى متخيلتش اختى انا اتخيلت
نفسى مكانها والله الواحد بيعتبر
انى كل اللى استشهدوا كانوا ممكن
جدا يكون حد قريب جدا لينا وعلشان
كدا من موضوعك دا انا معاكم فى
المطالبة بالقصاص من اجل كل شهيد
راح ضحية نظام فساد زى اللى كان
عندنا يارب ربنا يرحمها هى وكل اللى
زيها ويصبر اهلها على اللى صابهم
شكرا ليك موضوع مهم جدا مش
جديد عليك التميز فى موضوع
متعودين على تميزك شكرا ليك
انت هنا روح الثورة يامحمد

[رنين]

ربنا يرحمها يارب
ياريت كان بايدى انزل الميدان
بس لاسف مش هينفع
بس اكيد يا نجيب حق الشهدا يا نحصلهم

[رقة BaNOTa]

لا اله الا الله
انا لله وانا اليه راجعون
مبادره حلوه منك اوي يامحمد
وان شاء الله كلنا نجبلها حقها
وحق كل شهبد مات عشان يعمل حاجه لينا
دمت في خدمة بلدك

[αЛαstoOorα]

دة اللى آحنا بنقولة فعلا يا محمد

ومش بس آميرة فيه آطفال تانيه

وشباب زينا راحو ومحدش آخد

حقهم وحقهم آننا نفضل معتصمين

كل جمعة وكل مظاهرة نطالب بيه

للغاية ما يتحقق ياريت كلنا نقف

نساند بعض بجد فيه منكم كتير

مبيشوفوش بكاء آم زى ام آميرة

دى بيكون آزاى اللي يشوف آي

آم بتبكى على آبنها آو بنتها اللى راحو

ويقف قدامهم يبقى عاوز يولع فـ الدنيا

عشان يريحها بس محتاجين تكاتف الفترة

الجاية ونقف ايد واحدة بجد

[countess]

الله يرحمها يارب

وينصر كل مواطن بيطالب بحقه

[زنبقة تناجى ربها]

يعنى لسا فيه مشاكل من النظام السابق
المفروض يأمنون لهم حراسة من أعلى مستوى لأنهم يتعبون عشان مصر ياربى تسهل إنى مغلوب فانتصر