حملة الموسوعات الرمضانية+ البدآية +الملاحظات

[Sєяєєη●•ʚɞ]

كل سنة وإنتم طيبين رمضــآن كــريم ازيكم جميعا بماانى مسكت إشراف الشهر دة بس فى القسم الرمضانى فعاوزين نعمل حاجة مفيدة فعلا كلنا مع بعض تقربنا من ربنا ' ' ' مانيجى فعلا نخلى رمضان دة احسن رمضان فى حياتنا :::star: تعالوآ نحط ادينا فى ايد بعض ونساعد بعض فى الخير :::star: تعالوآ نستفيد من قاعدتنا على النت بحاجة تزود حسنتنا :::star: تعالوآ مانكسلش عن فعل الخير ونتسارع على الحسنات :::star: تعالوا بلاش نتحجج ونقول هنكون مش فاضين فى رمضان ومش هنقدر نلتزم :::star: تعالوا نتغلب على نفسنا وعلى الشيطان ونبدأ بجد :star: :star: :star: ' ' تعـالوآ شاركوا معايا فى الحملة دي الحملة دى ببساطة عبارة عن 7 موسوعآت:sly: 1 موسوعه الأدعية والأذكار (هنتعلم فيها بعض الادعية والاذكار زى اذكارالنوم ودعاء اللبس ودعاء السوق..الخ) 2 موسوعه الأحاديث (الأربعين نووية) هنعرف كل يوم حديث منهم 3 موسوعه الصيام (هنعرف فيها فضل الصيام واحكامة ومفطرات الصيام...الخ) 4 موسوعة الصلاة هنعرف فيهاكيفية الصلاة واخطاء الصلاة وفضل الصلاة وعقوبة تارك الصلاة .الخ) 5 موسوعة قصص الانبياء والقران (هنتعرف على مجموعة شيقة من قصص الانبياء وقصص القران ) 6 موسوعه تفسير اسماء الله الحسنى (هنعرف فيها معانى كل اسم من اسماء الله) 7 موسوعة مكارم الأخلاق هنعرف فيها اخلاق النبى عليه الصلاة والسلام مع اصحابة واهل بيتة وفوائد الاخلاق ومكارمها ) 8 موسوعه السيرة النبوية شرح الحملة:sly: كل عضو او اتنين (ع حسب العدد اللى هيشترك ) هيشتركوا فى موسوعه ينزلوها لمدة ال30 يوم يعنى كل يوم هينزلوا منها جزء كل اللى هتعملوة انى هوزع على كل واحد الرابط بتاع موسوعته ويحط كوبى وبست منها كل يوم منها انا ريحتكم ياجماعه وجايبالك رابط وموقع لكل موسوعه فكل اللى هتعملوة انكم هتاخدوا الموقع وفيه موضوعات كتيرة خاصة بكل موسوعه هتقسموة وهتنزلوا منة كل يوم حاجة (كوبى وبست) الموضوع سهلتة عليكم خالص فمهمتكم بس هو تنظيم الموسوعه وتقسيم موضوعات الموقع على ال30 يوم يعنى الموسوعه مش هتاخد منكم 10 دقايق رد و10 زيهم تقروا وتردوا ع باقى الموسوعات اللى فى الحمله شروط الحملة:sly: 1 الالتزام ثم الالتزام بالدخول يوميا طول شهر رمضان ولو ربع ساعه تحط موسوعتك وترد على الموسوعات الاخرى دة اهم شرط لازم اللى يشترك يكون جدى فعلا لاخر الحملة مش مجرد يحجز مكان وخلاص ملحوظة : لو كنتم اتنين فى الموسوعه هتريحوا بعض (كل واحد يوم) بس المهم ان الموسوعه يوميا هينزل فيها جزء لو فرضنا ان حد جاله ظروف قهرية وماقدرش يدخل فى يوم هنراعية بس بشرط انةتانى يوم ينزل الجزئين مع بعض بتواريخ كل يوم (بس يعرفنى قبلها) :star: :star: 2 كل يوم هتنزل فيه جزء من الموسوعه هتكتب التاريخ الخاص بكل يوم مثلاموسوعه الصيام اول يوم رمضان هتقول التاريخ 1 رمضان 1432 العنوان : معنى الصيام مثلا :star: :star: 3 هتقسم موسوعتك لمدة 30 يوم ولو اتنين مع بعض هتقسموها وهساعدكم فى التقسيم وزى ماقولتلكم الموقع اللى انا هبعتهولكم هتلاقوة متقسم لموضوعات متقسم ولك مطلق الحرية انك تقسم موسوعتك زى ما انت عاوز وكل واحد يحاول يتميز براحتةلان تنظيم الموسوعه وترتيبة والالتزام بيأثر فى التقويم وبيشجع الاعضاء انها ترد وتهتم عاوزة موسوعات تفتح النفس :star: :star: 4 الرد يوميا على كل الموسوعات المشتركة معاك فى الحملة (هنردعلى بعض ياجماعه وندخل موسوعات بعض دة شرط ضرورى :star: :star: 5 ضرورى جدا وشرط مهم هحاسب علية فى التقييم : لازم كل الموسوعات تنزل بالنهار يعنى قبل المغرب علشان ناخد الثواب واحنا صايمين بعد المغرب فطار وصلاة فالموسوعات كلها لازم تنزل قبل المغرب وبالنسبة للرد عليهاممكن تردوا بعد المغرب عادى بس فى خلال اليوم :star: :star: 6 تقسم الموسوعه بحيث يكون كل يوم جزء صغير منها (مش ألاقيكم كاتبين صفحات لازم يكون جزء صغير اوى علشان الناس تقرأ وماتزهقش وراعوا ان كل واحد فيكم هيقرأ السبع موسوعات ويرد ) :star: :star: 7 الردود بتبين فهمكم للموسوعة فلازم تكون ردودكم متفاعله مع صاحب الموسوعه وتقروا الموضوعات ياجماعه لان هدفنا الاساسى هو الاستفادة والثواب مش الرد التقييم:star::star::star::star::star: هتابع معاكم يوم بيوم وهيكون فيه تقييم كل 10 ايام للمجهود والالتزام والتميز هيكون فيه ألقاب ، شهادات تقدير ، مشاركات تحميسيه ووسام الحملة فى التقييم النهائى خالص هينزل توبيك للتقييم لوحدة وطبعا قبل كل دة كفاية الثواب اللى احنا بندور عليه انا هاخد معاكم موسوعه بس مش هدخل نفسى فى التقييم طريقة الاشتراك:sly: مطلوب 13 عضو كل اتنين فى موسوعه (انا منهم) ادخل قول انا مشترك فى الموسوعه الفلانية وسيب الباقى عليا وهقولكم تعملوا ايه بالضبط الاشتراك لمدةيومين بس السبت والاحد وهنبدأ ان شاء الله اول يوم فى رمضان سواء العدد اكتمل او لا وعندى امل انى هلاقى ناس كتير مش هتكسل عن الخير فإلحق مكان وماتترددش انا مختارة مجموعة قصص الانبياء والقران ومعايا بنوتة تانية مجموعة الصيام فيها برضة بنوتة (صاحبتى وهتسجل لسه فى المنتدى) ناقص معاها بنوتة كدة اللى ناقص:sly: 1- موسوعه الأدعية والأذكار 2- موسوعه الأحاديث (الأربعين نووية 3- موسوعه تفسير اسماء الله الحسنى دول سهلين اوى هيكون كل يوم حديث واحد دعاء واحد كدة 4- موسوعه الصيام 5-موسوعة الصلاة 6- موسوعة مكارم الأخلاق دول سهلين بس اللى هياخدهم هيرتبهم بشكل معين لانهم مهمين اوى وانا هفهمه ومعاكم برضة وبرضة هيتقسموا لاجزاء صغيرة طبعا كل اتنين فى موسوعه اخيرآآآآآآآآآ :sly: بلاش ياجماعه نكسل عن عمل الخير ونقول هنكون مش فاضين ومش هنقدر نشترك انا اولكم كنت مكسله انى انزل الحمله دى وقلت هتحتاج متابعه منى طول الشهر وممكن مش افضى بس قلت هبدأ ومش هكسل وانا متأكدة ان ربنا هيعين ناس كتير بتخاف تلتزم بحاجة وماتقدرش عليها بس لو بدأت فى حاجة دينيه والله ربنا بيساعدها(وإسألوا مجرب) ربنا بيعين ويساعد فعلا انا كان ممكن اقول عاوزة 7 اعضاء بس واسهللى فى التقييم والمتابعه وكل حاجة بس انا فتحت العدد وخليتة كل اتنين مع بعض علشان افتح العدد قدام اكبر عدد وناخد الثواب ابدأوا معايا وربنا يعينى ويعنكم بس بلاش تكسلوا وتخلوا نفسكم تتحجج الموضوع مش هياخد منكم ربع ساعه بدأت الحملة http://forums.msryat.org/msryat257519/