صندوق الدنيـــا (متجدد)

[الرحــاال المٌتَمرد]

والحكايه ملهاش نهايه


شيطان وبيلعب فى عقول الناس
حالهم بقى محتاس .... بسبب الوسواس
لا عندهم مبدء ولا اساس ...
ومفكرين ان بالقوه يمشوا على الراس
دا مجرد وهم من شيطان ... ووسواااس
كرامه الراجل ماتداس .... ونحارب عشانها بالفااااس ..


والحكايه ملهاش نهايه

[الرحــاال المٌتَمرد]

والحكايه ملهاش نهايه

هحكى حكايه غريبه شويه
رجعت البلد للخيبه القويه
والوضع بقى بالقوه وبالمحسوبيه
والبقاء للاقوى ... لو حتى حراميه
مهى بلد خاليه من الشفافيه ..
لا فيها قانون ... ولا دستور ...
واللى بالحقيقه يتكلم ... عليه هنجور ...
واللى بالحق وبالعدل يحكم ... عليه هنثور
واهى بلد مفيهاش دستور ...

والحكايه ملهاش نهايه

[الرحــاال المٌتَمرد]

والحكايه ملهاش نهايه


من زمان ودا حالك
لا هسئل فيك
ولا هقولك مالك
وكفايه اللى بتشوفه وبيجرالك
الناس مش مرتحالك ...
ولا حد عاوزك غير فلولك
دول هما اللى هيبقولك
لكن المحترمين ...
الناس المتعلمين
المؤدبين المهذبين
دول ماشين وسيبنهالك
شوف بقا مين هيستنالك


وعجبى


والحكايه ملهاش نهايه

[الرحــاال المٌتَمرد]

والحكايه ملهاش نهايه
ايها الساده المستعمين
احوال الناس بقيت ليه ملخبطين
حد يقولنا الحقيقه فيـــن
الناس اللى بوشين
عايشين حياتهم .. كذب وخداع من سنين
ولا الناس المغرمين
اللى غرضهم يتعرفوا على سعاد ونيفين
ولا الناس المستبعدين
هما ليه بقوا مستبعدين ؟؟!!!
يمكن عشان دايما معترضين
ومن النظام دايما مستأين
ولا الاخوه اللى مش دريانين
مفكرين الحكايه كلها لعب ومبسوطين
لا يا اخونا ... الحكايه مش زى ما انتوا فاهمين
الحكايه عاوزه ناس وعقليين ومفتحين

ولا الناس الطيبين
اللى شايفين الغلط ... بس ساكتين
مش ضعف منهم ... لكن هما متربيين
ولا الناس المنافقين
اللى دايما ورا السلطه ماشيين
وكل قرارتهم وأرائهم ... موافقيــن

اما الناس الزائرين
دول هما الفايزين
بياخدوا الحلو ... ويسيبولنا الطين
ولا الناس المتوفيين
ليه كل يوم والتانى اشاعه انكم ميتين
احب اعرفكم اننا مش مصدقين ... لكن منفضين
ولا الناس المتسلطين
انتوا ليه بقيتوا فينا متحكمين
احنا لينا رأى واسلوب وبيهم متمسكين
ايها الساده المستعمين
حد يقولنا الحقيقه فين
لحد امتى هنفضل صابرين
لحد امتى هنفضل مستحملين


ودى كانت نهايه الحكايه ...

[الرحــاال المٌتَمرد]

ومعادنا وقت تانى للاستكمال الروايه
بس هنغير الاسلوب
ونكتب رباعيــــات ... وكلام مظبووط
بس يارب يعجبكم ... والاحترام بينا يسوود

[الرحــاال المٌتَمرد]

رحـــال مش كلمه عاديه ..
ولا زى مليون عضويه
أنا صريح وقد المسئوليه
ودايما بنتقد ومعايا الأحقيــه

[الرحــاال المٌتَمرد]

الحب راح
والبال إرتاح
وداوينا الجراح
والهم أتزاح

[الرحــاال المٌتَمرد]

قوى ومحدش يقدر عليا
أكسر قلمى وأكتب بعنيا
لا بخاف ولا بكش
وبقلمى هنتقد كل إللى حوليا

[الرحــاال المٌتَمرد]

غيرتك من قلمى طبيعيه
اصل قلمــى يزون ميــه
عارف طريقى وسكتى
بخترع حروف غير الابجديه

[الرحــاال المٌتَمرد]

مبقولش انى الابنودى
ولا بتباهى بعلو صوتى
مع الحق دايما واقف
بكل شجاعه لو فيها موتى