رحلة مع الحياة

[simsim96]

عارف احساس الوجعه اللي جواك

احساس الكسره و اليأس من الحياه

احساس بالعجز بيملكك و كأنك شئ ثانوي مش مهم فرحك ولا مهم اللي بيحصل جواك

كله ده ربك هيمحيه في سجده طويله و تخبره باللي انت حاسس بيه

اشتكيله من كل شئ ناجيه بأسمائه اللي بيحبها

افتحله قلبك و قول علي كل اللي نفسك فيه

لو حاسس ان الدعوة من كتر خنقتك مش قادرة تخرج منك

متطلبش بس فضفضله و بعد ما تخلص هتلاقي الدنيا بتنور تاني

و هدوء و راحه و سكينه نزلوا علي قلبك

بعتهم ليك بيصبرك علشان هيعملك كل اللي نفسك فيه

اوعى في يوم تفكر انه هيرضى بكسرتك او حتي بوجعك و وحدتك

دا انت اعز خلقه اعز حتى من الملائكه تفتكر هتهون عليه !!

كل اما الدنيا بتضيق عليك يبقي هو عايزك جمبه تدعيله و تناجيه

هو مين غيره في ايده كل شئ انت بتحلم بيه اجري عليه و قوله على كل اللي في قلبك


احبك ربي

[simsim96]

مقتبسة من موقع الفيس بوك
وعجبتني فنقلتها هنا


عايش فى الضلمة

يا حكومة يا ظالمة

لا تكييف شغال ولا حتى مروحة


لا عارف أعمل حاجة ولا أقضى مصلحة

100 سؤال جوايا مين اللى طفى النور

فطران يا ناس فى الضلمة والله والسحور

لو الوزارة تعبانه نجبلها دكتور

الولاعات فى الشارع بقت اشارات مرور

فجأه النور جه قولت أجيب ال لاب

وانا باجرى النور قطع ولبست فى الباب

وقعت قوام على الأرض قولت دى عيشه هباب

مين ابن التيت اللى طفى النور

سمعت أخويا وهو جى ومش شايف قدامه

وان النور يجى كان اسمى احلامه

لبس فيا ووقع جمبى

قومت جريت زى المسروع عايز ادخل الحمام

لقيت نفسى فى المطبخ وخبطت فى الرخام

حسيت بدماغ غريبة قولت اشطا تمام

مش لاقى للمصيبة حل غير انى انام

قولت اروح الأوضة

مشيت ماشية غريبة مشفتهاش أكنها على الموضة

دخلت من الباب ادور على السرير الدنيا كلها سودة

لقيت صوت امى بتقولى رايح فين

قولتلها داخل انام قالتلى ارجع يا اهبل انت كدا بره الشقة

بقيت خايف للشقة تطلع اصلا مش موجودة

[simsim96]

بَعضُنآ يرَى الحيآةَ مظلمةْ ,

وآخرونْ يرونهآ جميلةً ,

وآخرونْ يرونهآ بينَ هذآ وذآكْ ,

لكلٍّ منّآ تفكيرهُ وأُسلوبُ حيآتهْ ,

تستطيعُون أنْ تكونُوآ سعدآء , ولكُم أنْ تكونَ حزينينْ!


لـآ تجعلُوآ كلَّ مآ حولكُم يؤثرُ فيكُم وفيْ روحكمْ ,

لمَ لـآ يكونُ لكُم ذآكَ التأثيرُ القويُّ بكلَ شئْ ,

نستطيعُ تغييرَ حيآتنآ للأفضلْ فقطْ إنْ أردنآ ذلكْ ,

تسْتطيعونَ رسمَ حيآتكمْ وتلوينهآ كمآ تُريدونْ ,

فقطْ لتكُنْ لديكمْ الإرآدةْ

فقد قال الله تعالى : ( ان الله لا يغير مابقوم حتى يغيروا ما بأنفسهم )

[simsim96]

الحياة زى الفيس بوك بالظبط ..

ساعات بتحتاج تعمل (( اوف لاين ))

عشان تعرف مين هياخد باله ويبعت مسدج يسأل عليك

مين ولا هتفرق معاه وهياخد باله ويطنش ^^

ومين هيجرى على الموبايل ويكلمك عشان يطمن


ملحوظة : ما تتصدمش لو ماحدش خد باله اصلاً

بتحصل على فكرة :d:d

[simsim96]

لماتبقى مضايق او خايف من حاجة وتروح تحكى لحد وتعيط
بعد ما بتخلص عياط مبتحسش براحة وتفضل مكتئب بعدها
عكسها تماّما لما تبقى واقف بين ايد ربنا وتعيط
وتتطلب منه اللى انت عاوزه

بعدها بتحس براحة غريبة اووى
وتحس ان همومك كلها اتشالت من على كتفك
تخيل بقا لما تدعى وتعيط لربنا عشان خايف من عذابه
عينك دية تتحرم على النار يوم القيامة
زى ما الرسول صلى الله عليه وسلم
قال ـ: ( عينان لا تمسهما النار أبداً : عينٌ بكت من خشية الله ، وعين باتت تحرس في سبيل الله )

اللهم ارزقنا عينا دامعه من خشيتك يارب الـعالمين

[simsim96]

اتساءل كثيراً ..
لما نحن حين نضيق نكره الحياة / أو نبغض أنفسنا !
رغم أننا نؤجر بذلك ..
كل أحزاننا , أوجاعنا , فجائعنا .. لا تأتي إلا كامتحان من اللـه !
ليقيس حجم صبرنا ,
وكم بلغ طولـه مع كل فجيعه …
لك الحمد يا ربيّ ♥
بقدر ما نسعد ونتألم

[simsim96]

حدّ الرضى

عارف احساس لما تكون عاوز حاجه معينه و تدعى ربنا بيها ...
و متتحققش ... تقوم تنسى
بعدها تتمنى حاجه تانيه ... متتحققش ... تزعل
بعدها تتمنى حاجه تالته ... و برضه متتحققش .. تتعب
و تفضل تصبر نفسك بالآيه
(و لسوف يعطيك ربك فترضى)

و بعدها ...

ربنا يديلك كل اللى اتمنيته و اكتر و اكتر و اكتر مره واحده ...

لحد ما من كتر فرحتك ..
و كونك مش مصدق كرم ربنا ده كله عليك مره واحده ...
تترمى على الارض ساجد
و تقول رضيت يارب رضيت ..رضيت

كن على يقين دايما ان ربنا هيديلك اكتر مما تتخيل .. متستعجلش بس
استنى هدايا ربنا .. هدايا تسعدك
(حدّ الرضى)

[simsim96]

يعنــى ايه مستحيـــل !!!

مستحيـــل لما متحاولـش .. لما تقف ومتكملش

لمـا تقول ده نصيبى و قدرى ... طب مافى غيرى كمل وموصلش


هعمل ايه بمحاوله فاشـــله .. محاوله ملهاش اى لازمة

بس هتزود همى و هتقل دمى ...

وفى الاخر برضو مهتكملش ؟!!؟!

و هيحصل ايه يعنى لو غامرت .. لو كملت

بس اسمــى برضو حاولت ...

حاولت تكون بنى ادم بجد .. بنى ادم بيتحدى اى حد

عارف قدره ربنا .. الى يقدر يسعدنا كلنا

الى مافيش غيره احن علينا مننا

ارضى يا ابن ادم بلى مكتبولك ده رضا ربك هو الى هيدوملك ...

خليك راضى بحالك .. راضى بحلالك .. و احمده و اشكر فضله

[simsim96]

اغنية جامدة بجد
ياريت لو مجتمعنا يبقى كدة
كلو حب وتفاؤل ومودة





إبدا بنفسك إغلب شيطانك ونفسك الاماره بالسوء
إبدا بنفسك إغلب شيطانك لا الدنيا تاخدك إلحق فوق
مش هبص لرزق غيري وهحمد ربنا علي كرمه
اللي يشوف الام الناس بجد يهون عليه المه

وهحافظ علي لساني ومفيش كلام علي حد مش موجود
مش إحترام إني في ضهر حد اتكلم عشان مش هقدر لو موجوده

واتعلم إزاي اتكلم واتناقش رغم الاختلاف
واسمع راي غيري واحترمه ولا يوصل اختلافنا خلاف

هسمع كلام ابويا وامي انا لازم اكسب رضاهم
وابعد عن اللي هيدمرني وارجع في حضنهم معاهم
مش هبص لبنت ماشيه واضايقها بأي كلام وخلاص
عشان اللى مرضاهوش علي بيتي مرضاهوش علي بنات الناس

لازم اعرف اختار صحابي ويكون لي حلم عشانه بعيش
محتاج انا كل دقيقه بتضيع علي ناس متلزمنيش
والاقوي اللى يبدا يصالح حتي لو كان مش غلطان
عشان غلب شيطانه وسامح نفذ اوامر الرحمن

وعيوب كتير فينا فيها اللى يتقال واللى ميتقالش
يارب قدرنا نبعد بعيد عنا نلحق حياتنا منندمش

[simsim96]

ياااه بقالي فترة مدخلتش المنتدى وحشني اوووي
وغيابي ده بسبب اني بدأت الدراسة وده 3 اسبوع ليا
دعواتكم ليا بقا 3 ثانوي ونفسي اوووي فطب قسم صيدلة
ربنا معايا ومعاكم يارب باذن الله

ودي حكمة قرأتها وعجبتني اوي
إذا حار أمرك في شيئين ، ولم تدرِ حيث الخطأ و الصواب
فخالف هواك فإن الهوى يقود النفس إلى ما يعاب ,
لـ الإمام الشافعي . .

ياريت بقا بدعوة كدة بظهر الغيب