ممكن ياست الكل ياست البنات تنورينى وتفيدينى

[ساحرة الليل]

ممكن ياست الكل تفيدينا بصى ياست الكل أكلتى اية النهاردة اكيد بتقوليلى وانتى مالك هقولك اصل ياست الكل ياست البنات عايزاكى تقوليلى عملتى الاكل ازاى عايزين نستفيد من مواهبك هاهتفدينى

[Mind language]

انا اقولك ياقمر انا اكلت اية امبارح احنا كان عندنا فراخ يوم الاربعاء والاتنين الخاص بالفراخ اقولك انا مرة عملت اية فى الفرخة جبتها كانت مدبوحه ماشى غسلتها كويس جدا قطعتها على اربع او ست حتت ماشى اغسليها تانى بس بالدقيق علشان يمحى ريحت الزفره بتعتها شوية
اغسليها بالمية تانى فى وقت غسلها هتكونى حطه حله على حجم الفرخه علشان تحطيها اول ما المية اللى فى الحله تغلى ماشى بعد كدا تسبيها اياكى وان تحطلها ملح فى الشوربة غيربعد ماتستوى علشان لو حطيتى الملح مش هيخلى الفرخه تستوى تمام كدا بعد ما تحسى انى الفرخة استوت قبلها بسنه بسيطة تكونى محضرة حله تانى تحطى فيها شوية زيت صغيرين
تحمرى فيهم الشوربة وبعد ما غلالى الشوربة تبقى لونها احمر حطى المية بتاعت الفرخة عليها وتسبيها تغلى شوية لحدما غلات الشوربة تتيطب ماشى اطفى على الحله واطفى كمان على الفرخهاه نسيت قبل ما تكونى حطيتى المية بتاعت الفرخة على الشوربة لازم تكونى حطيتى ملح علشان متحطيش للشوربه ملح تانى كدا تمامبعد كدا هتجيبى حله تانى وتحطى برضوا شوية زيت اكتر من بتوع الشوربة بشوية وتكونى منقية الرز وغسلاه وبعد ما الزيت يسخن حطى شوية رز بحيث تحمريهم شوية هيبقى لونهم اصفر بعد ما يلونوا حطى باقى الرز اللى انتى غسلتية عليهم وبعد كدا حطى الملح وقلبى الرز علشان ما يتحرقش وحطى مية بحيث تغطى الرز علشان يطيب وتوطى النار علية علشان يشرب ميته فى هدوء وامان وبعد ما تعملى الرز ترجعىتانى للفرخة وطلعيها من الحله احنا قولنا انها على كذا حته وهتجيبى طاسة وتحطى فيها زيت اكتر من بتوع الرز وتستنى لحد ما يغلى وتحطى بالحته لحد كا تحمر وتقلبى على الوش التانى وهكذا مع كل حته ماشى لحد ما تخلص نسيت اقولك انى قبل الرز من المفروض انك تكونى قطعتى الملوخية بعد ما تقطعيها او بالمصرى تخرطيها تجيبى حله تكون صغيرة تحطى فيها الشوربة لحد الاخر تسبيها تغلى تسقطى فيها الملوخية بس وحدة وحده وتستنى لحد ما وشها يبقى عامل زى القهوة اللى بوش يعنى قبل ما تقلب لازم تطفى العين فى نفس اللحظة تكونى عامله كام فص توم تقلبيهم فى شوية زيت لحد مايحمروااوى انتى وبتشيلى الملوخية من على النار قبل ما وشها يقلب تقلبها جامد جامد بالعلقة وانتى بتقلبى تكبى التومه عليها وتشهقى علشان الطشه تطلع حلوة اهههههوتقلبى جامد بالمعلقة وكدا تكون الملوخية اتعملت ومتنسيش لازم لازم السلطة مع الفراخ علشان تبقة جميله هتجيبى الفلفل والبقدونس والجرجير والطماطم والخيارولو عندك جزر ميضرش وتقطعيهم حتت صغيرة وتحطلهم خل وملح وشوية زيت عافية او اى نوعية وتقدميهم ياقمر انتى وذوقك على السفرة وبالف هنا وشفى بس متنسيشالتنظيم فى السفرة من اهم العوامل اللى بتخلى اكلتك حلوة ولها طعم واى خدمه ياقمر .....

[ساحرة الليل]

مرسى ياعسل يشرفنى انك اول وحدة تنورنى بخبراتها بلنسبة للتنظيم دة متعة وفن بس بجد مرسى نورتى

[ميراي]

	شوفي يا ست البنات أنتي أحنا النهاردة أتغدينا (محشي كرنب وملوخية وفراخ محمرة بالفرن وبذنجان مخلل)أظن سفرة جامدة فيها 4 طرق يارب تفيدك أولا: الباذنجان المخلل (ودة طبعا أول حاجة تعمليها علشان يلحق يتخلل على ما الاكل يخلص) تسلقي الباذنجان بعد ما تشيلي رأسة تدقي رأس ثوم صغيرة وفلفل أحمر كتير وملح جيدا ---- وبعد كدة تحشي بيهم الباذنجان وتصية في علبة بلاستيك بعد ماتخلصي حشو تضعي عليه ماء بملح ويكون ملحها عالي شوية ومعهم الخل وكترية شوية وضعية بالثلاجة. ثانيا: الفراخ تسلقي الفراخ كلاتي ( طبعا أنتي عارفة تغسليها ازاي وبعد كدة تحطي فيها من جوة ملح وفلفل أسود --- وتكوني غالية الماء ومعة بصلة وسط +حبهان +مستكة + ورق لوري ولو مفيش مش مهم ثم تضعي الفرخة على صدرها وبالماء ملح وغطيها وتتركيها حتى تستوي مع التقليب على الظهر ولو مرة ارفعي الفرخة بعد السوى من الشوربة وبرديها وقطعيها 4 قطع وأدعكيها بمعلقة معجون صلصة ورشي عليها ملح بسيط وفلفل أسود ودخليها الفرن على الشواية اللي فوق مع المراقبة حتى تصبح شبه المشوية ثالثا: الملوخية تبشري بصلة صغيرة بملح وفلفل أسود وتحطيها في حلة صغيرة للملوخية وتضعي عليها شوية من شوربة الفراخ (ولو بتحبي فيها طماطم تضعي 2 طماطم مفرومة بالخلاط جيدا مع الشوربة)وخلي بالك لازم الشوربة تكون أقل مقدار علشان الملوخية ماتطلعش خفيفة وتتركيها على النار تغلي حتى ينضج البصل وتكش الشوربة شوية (وراعي موضوع الملح) بعدها تجيبي الملوخية المخروطة وتضعيها حبة حبة في الشوربة بتاعتها وطفي النار عليها مع التقليب المستمر وشوفي لو محتاجة تخف أديها شوية من شوربة الفراخ --------- ثم تسيحي السمن وتضعي به قطعة صغيرة من الثوم المدقوق وشوية كسبرة ناشفة ناعمة وتحمريهم على النار في طاسة ولما يصفر لون الثوم غامق شوية بسيطة جدا تضعية على الملوخية وأوعي تغطي الحلة لتسقط (ماتنسيش الشاهقة ههههههههه) رابعا: الكرنب المحشي تجيبي البصل وكتريه شوية يعني 4 أو 5 بصلات وسط وتبشرية وحوالي 1 كيلو طماطم وتبشريها معاة وخضرة المحشي (بقدونس +كسبرةخضراء + شبث+نعناع) وتغسليهم جيدا وتقطعيهم صغيرا وتقلبي كل دة على بعضة وتغسلي حوالي كيلو او كيلو وربع أرز أبيض وتضعية على الخليط وتضعي الملح المناسب والفلفل الاسمر وشوية زيت (ذرة أو عباد) ولا يهمك بس بلاش السمنة في الخلطة كدة حيكون أحلى وأخف شوية وتقلبي الخلطة وتكوني سالقة الكرنب ومقطعاة ----- تجيبي الحلة وتضعي فيها شوية زيت وترصي فيها كام ورقة خضراء مسلوقة حتى تغطي قعر الحلة قبل الحشو ------- وتبدأي تلفي المحشي حاولي متكبسيش الصوابع جنب بعض أوي وأيضا كل دور في الحلة يكون عكس اللي قبلة علشان تعملي فراغات تدخل الشوربة وتسوي قلب الحلة وفي الآخر بعد الحشو تصفي الصوص اللي مطرح الخلطة على الحلة وتكملي بشوية شوربة فراخ لحد ماتغطي المحشي بالضبط وتضعي علي الوش قطعة سمنة أو زبدة وتتركيه يغلي وبعد كدة توطي النار وتضعي تحتة الشياطة بتاعة الارز حتى ينضج وكل شوية تهزي الحلة يمين وشمال علشان ماتلزقش. أنا عارفة أني طولت قوي قوي عليكم أنا أسفة بس أعزروني هي دي الطريقة اللي بعمل بيها الاكل (بالهنا والشفا) ويارب يعجبكم لو جربتوه

[ساحرة الليل]

انا زعلانة منك تعملى الاكل دة كلة ومش تعزمينى اعيط يعنى