احم احم .. كحم كحم .. هنتكلم شوية

[Karamela]

بسم الله الرحمن الرحيم

السلام عليكم ورحمة الله وبركاته

مساؤكم \ صباحكم فل وورد وياسمين

ازيكم وازي احوالكم

كيفكن ؟

how are you ?

كيف الحال شالخبار ؟

جبتها بكل لغات العالم اهو

ماعنديش لافرنش ولا اسبينش ولا ياباني :vb19: كنت حطيتهم .. بس مافيش على كيبوردي :vb19:

عشان الكل يفهم وماحدش يقول في تفرقة عنصرية >> شفته الامانة

كويسين الحمد لله



تيب حلو جدا

لان انا واحدة رايقة ع الاخر

ايه اخبار المنتديات الجديدة عاجباكم

شفته في سهرة بنات مصر وزنزانة بنات مصر والمسابقات والالغاز والدوواوين

حتى بقلم اعضاء منتديات بنات مصر يعتبر جديد

بس في فعلا منتديات كانت ناقصانا والحمد لله ان انا حطيناها

الاهم م المنتديات بئه؟

الاعضاء مش كده

بصراحة الاعضاء هم الي بينجحوا اي منتدى في العالم .. يعني مش هيطلع واحد كده لوحده ويقول هعمل منتدى .. من غير اعضاء

حتى البعض
بيلجأ لاجبارك انك تشارك معاهمويكون عندك عدد معين عشان تاخد طلبك ..

بس عشان يجيب زباين لمنتداه

احنا الحمد لله مابنحتجش لكده .. نحن نختلف عن الاخروون

بصراحة الادارة

ادرارة قوية جدا وجميلة وانا بكن م الاحترام لكل واحد فيهم مقدار كبير جدا

وهم ابو ادهم وغسان ورنومة ومحمود وهيثم وهمس الروح

كل واحد منهم بذل مجهود خرافي لرقي المنتدى

جايز ماكنش حضرت كل فترات نشاط كل واحد منهم

بس اشهد لهم كله انه بذولوا مجهود كبير بلا استثناء

في حد مختلف معايا ؟

ماانا عارفة لازم في كل حاجة طائفة معارضة

بس تخيل معايا كده مقدار المسؤولية الي عليك لو انت مدير عام

يعني مطلوب منك تكون مسؤول عن كل كبيرة وصغيرة استفسارات حظر ده غير بئه المواويل التانية الاعلانات والتبادل ومش عارفة ايه ده غير طبعا المشاكل الي بتحصل في الموقع وموقع الاستضافة ومش عارفة ايه

كله هم مايتلم

شوف انت حضرتك كده وفكر شوية .. ده مش بس لون احمر ملعلع لا .. دي مسؤولية بجد كبيرة اوي

ده غير الشكاوي والمواويل وده عمل لي وده سوا لي وليه حظرتوني وانتم وحشين واحنا حلوين .. ربنا يكون في عونكم

بصراحة محطوط لها الناس المناسبيين

الرقابة ::

ياعيني ع الرقابة لاتقل منزلة واحدة حتى عن الادارة العامة

شوف انت حضرتك لو مشرف كده قد ايه بتتعب في اشراف قسمك وتنقل وتحط وتشيل وتتابع وتراقب قسمك .. انا عن نفسي قسمي محتاج تركيز ومجهود كبير لانه نقاش ولازم اراقب كل كبيرة وصغيرة ومع ذلك برده مابيخلاش م الاخطاء

نفس الشئ مشرف القسم الفلاني كل واحد عليه مسؤولية كبيرة بانتجاه قسمه

تخيل بئه لو انت ملزووم انك ترد على كل مواضيع المنتد الجديدة والقديمة وتشوف بئه مين مخالف وتبلغ وتنقل المكرر وتبعد المخالف

ده غير الرسااااااايل الي بالهبل الي بعض لااعضاء الله هداهم بيبعتوها يشتكو على حاجات مالهاش داعي

وانت لو عضو برده .. شوف انت قد ايه مسموح لك تتجول بحرية ترد على ده اه وده لا لانه ماعجبكش

المراقب بئه ياخد الموضوع على جنب يراجعه مرة اتنين تلاتة .. يكلم صاحبه بشويش ويفضل يحايل فيه لما يزعل .. يعني بجد ربنا يكون في عونهم

المشرفين

الله معاكم مش هقول حاجة .. لاني مش انا الي اقول انتم الي تقولوا


الاعضاء ::

هم اساس المنتدى .. كل الي فاتوا اعضاء بس الاعضاء العاديين ه هم اساس المنتدى

قد ايه بتفرح لما تشجع حد جديد

قد ايه بتفرح لما ترحب بشخص جديد

قد ايه بتفرح اما تناقش حد جديد

وتحببه في المنتدى

يعني لو كان المنتدى بس مشرفين وادارة كان بقى ممل جدا

انتوا يااعضاء الي بتستمتع بحلاوته .. صدقوني

سيبكم من اي حد بيقول ان في تفرقة عنصرية .. منتدانا بيرحب بالكل وبصدر رحب

عندك فكرة اهلا بيها

ابعت لمشرف القسم .. بلاش المشرف مابتحبوش .. المراقب .. بلاش المراقب مقهور منه .. المدير ياسيدي

والمدير عندنا او المديرين عندنا كلهم قلبهم كبير وطيب وبيوجهوا الناس

عندك تصميم اعرضة .. وماتتضايقش من نقضنا .. احنا عايزينك احسن

عندك برنامج .. حطه وخلي منتدانا بيعج بالخيرات

عندك وصفة حطها .. مش بعيد حد يعملها ويفرح بيها حد تاني

عندك حاجة انقلها .. مع اني ضد النقل احيانا .. بس مش كله في نقل فعلا عشان الموضوع حلو والمفيد

وبصراحة بيبان م الكتابة .. الي بينقل عشان عاجبه .. او يزود مشاركاته >> ساعتها تستاهل ردود ميرسي وشكر ..



عندك موضوع اكتبه ..

اكتب موضوع ..؟؟؟

ازاي يعني ؟

انا عمري ماكتبت موضوع

ليه بس ده سهل خالص

بدل مانت الي تنقل هم هينقلوا منك .. صدقني بكرة تلاقيه مالي المنتتديات .

ازاي انا عمري ماكتبت موضوع خالص يابنتي .. اكتب فين بس وعن ايه ؟!

بسيطة

تعالى كده مع بعض نحاول نعرف الموضوع

الموضوع عبارة عن ايه ؟

عن عدد من الجمل مش كده .. بيحاول فيها الكاتب يوصل معلومة او فكرة معينة اما بيتناول قضية نقاشية او ظاهرة مش عاجباه .. او ممكن يكون اي فكرة تيجى على بالك ماتحسش انها صغيره

طيب والفكرة تجي لي منين بس ؟!

الله

حلو سؤالك انت واحد عايز تتعلم

بسيطة اوي دي ياسيدي اسهل م الي قبلها .. اي حاجة ممكن تكتب عنها

ممكن في الاول ماتكونش مية مية خلينا نقول 25 % م الموضوع حلو

بعدين 35 %

55%

75 %

88 %

لحد مية في المية باذن الله مع اني استبعدها حتى مع اروع المواضيع لابد من وجود هفوات .. الكمال لله وحده

مش مهم كده مهم انك حاولت .. بدام حاولت مرة هتحاول تاني وتالت ورابع والخامسة هتطلع روعة

فكر ياسيدي فكر .. شغل المخ الي قرب يصدي ده بس عمال يحفظ .. ماانت ممكن تبدع .. انا مثلا بفضل فترة قبل النوم .. بفكر فيها ما مايكونش جاي لي نوم .. افكر انا ممكن اكتب عن ايه مثلا ؟!

طبعا عايزة اقول ان ساعات الفكرة بتيجي كده لوحدها .. نقدر نقول الهام .. وساعات انت لازم تدور عشان انت عايز تكتب

مش هتصدقوا فكرة الموضوع ده جات لي امتى .. وانا بغسل المواعيين :vb19:

فيعني عادي بتيجي الحاجات كده

طيب لقيت فكرة

جميل جميل اوي

اوصلها ازي بئه .؟؟؟
اول حاجة لازم تبعد عن اي كلام مكلكع على قد ماتقدر .. حط في دماغك ان في عندنا في المنتدى اعضاء اقل من 12 سنة ده احنا في عندن 9 و 8 يمكن

ازاي هيفهموا الغلابة دول .. يعني بمعنى اصح ماتتفلسفش كتير .. لان الاغلبية مابتحبش النوع ده .. وكمان عشان تضمن وصول الفكرة كويس لجميع الاعمار

طيب وانا اقول ايه بس ؟؟

صيغ فكرتك جملة جملة ابتداء بالاقل اهمية ححتى المهم .. مش اجي اقول النهاردة موضوعنا بيتكلم عن الرشوة .. ايه رأيكم ياجماعة في الرشوة .. اتمنى اشوف رأيكم

طب مانت كده ياعم الحج مالحقتش لا تقول لنا وجهتك انت ولا تبين لنا شوية .. وكمان سلبت مننا متعة القراءة الي احنا كنا عايزين نعيشها

طيب خلاص انا هكتب اهو .. دي ديديديديد رغي رغي رغي بربربربر

ياعم زغللت عينينا مش عايزين نقرا كفاية خلاص ..

يعني يجي واحد يروح مثلا بيعمل بحث عن الرشوة .. يروح لازق التعريف بالاحكام بكل حاجة فوق بعضها .. ماهو كله معلومات معلومات .. ممكن في ناس يحبوا كده .. ممكن ناس لا .. لازم تصوغها على قد ماتقدر بمفهومك انت .. مش كده .. بشويش خد وقتك في التفكير

طيب انا خلصت كتبت قررت عملت .. اعمل ايه

اهم خطوة اختيار القسم المناسب اهم خطوة على الاطلاق .. لانك لو حطيت مثلا موضوع من كتابتك في قسم مثلا عام .. ماهو الكل هيفهم انه منقول ومش هيقروه ومش هيعرفوا قصدك ولا شخصيتك ولا الي كنت عايز وحابب توصله .. هيقولا ميرسي كتير اليك وخلاص من غير مايقروا

اخترت خلصت

ماشي عليك اولا البدأ بالبسملة .. بعدين السلام ..مش شرط يعني

بس انا بفضل كده اوي لانه تحس الموضوع مترحمن كده وربنا هيوفقك فيه

اول مرة هتشوف الخطوات دي كتير وصعبة .. تاني مرة هتكتب بحرية اكتر

بعدين هتتعود ع الكتابة .. خلاص

ياستي انا مش كاتب !

ومش لازم تكون كاتب .. انت بتطلع الي جواك .. بتفرح بتتبسط وكمان بتطور قدرتك على الكلام وجمع الافكار


وبس كده روح طبق وتالعى القسم وورينا ابدااااعك .. انا متأكدة من كده

دي كانت بعض توجيهاتي الخاصة .. الي بدأت استعملها لما جيت اكتب .. ونجحت الحمد لله .. في حاجات هنختلف فيها وحاجات هنتفق فيها .. دي مجرد خلاصة من ذهني

الي مكون من خلايا عصبية .. زي الي عندك بالزبط .. ربنا ماادنيش حاجة عنك

يلا فكر وورينا ابداااعك

تحيتي

[أنثـے مًنْ الّخٍـْيـِالْ→♀]

بسم الله الرحمن الرحيم

اولا و الله يا كرميلا ده من اكتر المواضيع اللى عجبتنى هنا فى المنتدى

و طريقة كتابته سلسة و بسيطة و بتدل على لباقتك


اما بالنسبة للموضوع

اقتباس انتوا يااعضاء الي بتدوه حلاوته .. صدقوني

الحلاوة حلاوة الروح يا قمر :vb19:





و انا معاكى ان

اقتباس بصراحة الادارة ادرارة قوية جدا وجميلة وانا بكن م الاحترام لكل واحد فيهم مقدار كبير جدا

وبجد فكرتك جميلة

وموضوعك هادف

و فى ظل كثرة المنتديات ع الشبكة العنكبوتية

لدرجة ان بقى لكل متجول على الشبكة منتدى خاص


فمن الصعب ايجاد منتدى بنظام و احترام اعضاء منتدانا



تقبلى تحيتى يا قمرية

و الحمد لله انى من اول اللى رد عليكى

طمطم

[الأميرة الحالمة]

موضوع راقي ويدل على شخضيه متميزة

وتفكير متالق

دمت بود

[abo adhem]

اختى الغاليه كرميلا
موضوع رائع يستحق التقدير
اولا فعلا انتى لمستى موضوع قوى جدا
انا ها اتكلم عن الجزئيه اللى تفضلتى بذكرها
اللى هي عن الاداره
فعلا عندك حق الاداره صعبه جدا
كما مشاكل يوميا غير عادى ولا يقدر عليه اى احد
طبعا مش بشكر فى الاداره ولاكن هو ده اللى حاصل احكى لكم بعض المتاعب
اولا اول ما بنتدخل المنتدى
مراجعة الاعضاء الجدد وبعدين الرسائل
وبعدين مراجعة المواضيع وحذف الغير لائق وعمل اقسام جديده ومتابعه هنا وهناك
وبعدين ندخل على المشاكل الاجتماعيه لا يرد عليها غير الاداره
وبعدين النظر فى الشكاوى وحلها طبعا
وبعدين توجيه المشرفين وابداء اى ملاحظه
وبعد كده نحاول المشاركه فى المواضيع وعلى اد ما نقدر بنساير الكل وبالمناسبه ارجوا المعزره طبعا لاننا مقلين فى الردود
اختى الغاليه كرميلا موضوعك جميل فعلا
وانا اختصرت الرد لكى اتيح للاخوه المشاركه فيه
كل موضوع ياغاليه تثبتى لى فيه انك مبدعه وتملكى حس راقى وقلم مميز
اعزك الله وبارك فيكى
شكرا جزيلا والى الامام دائما
يثبت الموضوع لفتره ويختم منى بختم التميز

ابو ادهم

[A7meD]

موضوعك جميل يا كراميلا تسلم ايديكي

تعودنا على التميز منك يا غالية

بس انا في حاجة غامضة و محتاجة شوية ايضاح

انت قلتي ان الفكرة جت لك وانت بتجلي المواعين ... صح ؟؟






السؤال بيقول هل لنوع سائل الغسيل تأثير على الفكرة :242::242:

طبعا بهزر معاكي ...
بس بجد موضوع اكثر من رائع
وقلمك مميز يا غالية

تقبلي مروري وتقديري ......
أحــــــــــــ م ـــــــــــــد

[Karamela]

اقتباس المشاركة الأصلية كتبت بواسطة طمطم المصرية بسم الله الرحمن الرحيم اولا و الله يا كرميلا ده من اكتر المواضيع اللى عجبتنى هنا فى المنتدى و طريقة كتابته سلسة و بسيطة و بتدل على لباقتك اما بالنسبة للموضوع الحلاوة حلاوة الروح يا قمر :vb19: و انا معاكى ان وبجد فكرتك جميلة وموضوعك هادف و فى ظل كثرة المنتديات ع الشبكة العنكبوتية لدرجة ان بقى لكل متجول على الشبكة منتدى خاص فمن الصعب ايجاد منتدى بنظام و احترام اعضاء منتدانا تقبلى تحيتى يا قمرية و الحمد لله انى من اول اللى رد عليكى طمطم

اهلا طمطم

من احد مقاصدي انه ينال اعجابكم ياجميلة ويكون بسيط في طرحه عشان الكل يفهمه من غير مايحتاج يقراه مرة واتنين وتلاتة وهو طويل ماشاء الله

وربنا يخليكي ياجميلة وتشوفي دايما الي يرضيكي وعقبال اما نشوف ابداعاتك ياقمر

وبتفق معاكي .. بصراحة منتدانا مش اشهر منتدى ولا اكبر منتدى بس هو بالسنبة لنا احلى منتدى مش كده ولا ايه ؟

نورتي الموضوع بوجودك معانا ياطماطمم

ومستنين نشوف ثمرات موضوعي بئه :vb36:

[Karamela]

اقتباس المشاركة الأصلية كتبت بواسطة الأميرة الحالمة موضوع راقي ويدل على شخضيه متميزة وتفكير متالق دمت بود

اهلا الاميرة الحالمة

اختي الجميلة اشكرك على كلامك الرقيق ده مع قلته بس معناه كبير بالنسبة لي

تسلمي ياغالية

وان شاء الله تكوني استفدتي

تحيتي لحضورك ياجميلة

[أنثـے مًنْ الّخٍـْيـِالْ→♀]

اقتباس المشاركة الأصلية كتبت بواسطة Karamela ومستنين نشوف ثمرات موضوعي بئه :vb36:

و الله موجودة

ودايما فى قسم المقالب مطروحة

وان شاء الله الفترة اللى جاية هتبقى موجودة فى باقى الاقسام

[Karamela]

اقتباس المشاركة الأصلية كتبت بواسطة abo adhem اختى الغاليه كرميلا موضوع رائع يستحق التقدير اولا فعلا انتى لمستى موضوع قوى جدا انا ها اتكلم عن الجزئيه اللى تفضلتى بذكرها اللى هي عن الاداره فعلا عندك حق الاداره صعبه جدا كما مشاكل يوميا غير عادى ولا يقدر عليه اى احد طبعا مش بشكر فى الاداره ولاكن هو ده اللى حاصل احكى لكم بعض المتاعب اولا اول ما بنتدخل المنتدى مراجعة الاعضاء الجدد وبعدين الرسائل وبعدين مراجعة المواضيع وحذف الغير لائق وعمل اقسام جديده ومتابعه هنا وهناك وبعدين ندخل على المشاكل الاجتماعيه لا يرد عليها غير الاداره وبعدين النظر فى الشكاوى وحلها طبعا وبعدين توجيه المشرفين وابداء اى ملاحظه وبعد كده نحاول المشاركه فى المواضيع وعلى اد ما نقدر بنساير الكل وبالمناسبه ارجوا المعزره طبعا لاننا مقلين فى الردود اختى الغاليه كرميلا موضوعك جميل فعلا وانا اختصرت الرد لكى اتيح للاخوه المشاركه فيه كل موضوع ياغاليه تثبتى لى فيه انك مبدعه وتملكى حس راقى وقلم مميز اعزك الله وبارك فيكى شكرا جزيلا والى الامام دائما يثبت الموضوع لفتره ويختم منى بختم التميز ابو ادهم

الاخ ابو ادهم

في موضوعي

ايه النور ده كله ياجدعان .. وانا بقول الكهرباء قطعت ليه

:vb36:

الف شكر ياابو ادهم ع الكلام الجميل ده

وماحدش حاسس بيكم ياعيني عليكم ..

ربنا يكون في عونك ياابوا ادهم

كل دي حاجات .. وماخفي كان اعظم اكيد

ربنا يكون في عونك يارب

وانا في غاية السعادة انه نال على اعجابك

واتمنى اني اقدم للمنتدى جزء من الي انت قدمته للمنتدى

فانت فعلا رقيت بيه لاعلى مستوى وهو دلوقتي .. رقم عضويتك 10

ياصبر ايوب ^^

بجد الف الف الف شكر من تاني لمرورك

واكيد عاذرينكم لعدم تواجدكم بسبب الاعمال الكثيرة جدا

تحيتي واحترامي

[Karamela]

اقتباس المشاركة الأصلية كتبت بواسطة AhMeD HaMaDa موضوعك جميل يا كراميلا تسلم ايديكي تعودنا على التميز منك يا غالية بس انا في حاجة غامضة و محتاجة شوية ايضاح انت قلتي ان الفكرة جت لك وانت بتجلي المواعين ... صح ؟؟ السؤال بيقول هل لنوع سائل الغسيل تأثير على الفكرة :242::242: طبعا بهزر معاكي ... بس بجد موضوع اكثر من رائع وقلمك مميز يا غالية تقبلي مروري وتقديري ...... أحــــــــــــ م ـــــــــــــد

هههههههههههههههه

لو هيهمك ياسيدي اقولك .... بس انت هتغسل مواعين ليه بس :vb19:

ههههههه

نورت الموضوع بردك المرح يااحمد كما تعودنا منك برده

دمت لنا مرحا :vb36:

تحيتي لمرورك