تعلق المراهقات بالمشاهير ما السبب فية؟

[ساحر الأحزان]

اسعد الله اوقاتكم بكل خير

أصبح الحصول على أخبار المشاهير وصورهم، سهلاً ومتيسراً للمعجبين والمعجبات، مما حدا بالفتيات إلى البحث عنهم ومحاكاتهم، فامتلأت الغرف ب"ألبومات" الصور، بل وأصبح حديث الفتيات عنهم بشكل مستمر.

وما يلفت النظر أن البعض منهن أصبح مخزن أخبار متكامل عن كل المشاهير، إلى جانب انضمامهن لصفحاتهم الخاصة عبر الشبكات الاجتماعية "الفيس بوك"، وبوحهم بمشاعرهن عن تلك الشخصيات، ولم يقتصر الأمرعلى شخصيات عربية فقط، بل إن هناك الكثير من الشخصيات الأجنبية التي ظهرت واشتهرت في مجتمعنا، ك" ليتوك" و"تاركان" و"ليدي غاغا" و"هيرتك روشان".

هل هو فراغ عاطفي ؟؟؟؟؟؟؟؟؟؟؟؟؟؟؟

ام انه إعطاء الثقة ؟؟؟؟؟؟؟؟؟

او انه تقليد وتفاخر ؟؟؟؟؟؟

ام لكم رائى اخر

تحياتى للجميع

[كبرياء رجل]

اخى العزيز دائما تاتى بجديد
..............
اثبتت درسات علميه
ان السبب الرئيسى
يكون عن وجود او الحصول على
الحب الكافى من اﻻب واﻻم
واحيانا يشعر اذا كان مطرب
انة يغنى لها هذة اﻻغية
فتتخيل انها هى من يعشقها
دة كلام اطباء نفسيين
ولك خالص تحياتى
على الطرح الجميل

[ღḾăĺăҜ ღ]

تسلم ايدك يا امجد على الطرح بجد موضوع رااائع :
هوة ممكن يكون فراغ عاطفى مع سن المراهقة وكمان البنات فى سن المراهقة اى بنت بتعجب ب ولد شكلة حلو بيقول كلام حلو لية استايل فى كلامة ولبسة وكدة وبتتمنى انة يكون ليها بس كل دة موش ممكن يحصل
وكمان كل دة قله عقل ........................................ تحياتى ليك يا امجد بجد موضوع جميل اوى يسلمووو.......
اسفة يا امجد على التطويل

[simsim96]

انا من رايي ان ده فراغ عاطفة وقلة الوعي الديني
وبما انك بتقول انهم مراهقات فهما اكيد عندهم فراغ .. وبعدين في حديث الرسول صلى الله عليه وسلم (( من احب قوما حشر معهم )) والسبب التاني اهمال الوالدين لاطفالهم مش بينصحوهم ولا بيهمتوا بيهم ولا بيعلموهم امور الدين لان لو يعرفوا الدين كويس عمرهم ما هيتجهوا للمشاهير ويقلدوهم وده بيتسمى بالتقليد الاعمى

يسلمووو اخي الكريم ع الموضوع القيم
دمت بحفظ الرحمن ،، تقبل مروري

[رنين]

بص انا بتنرفز كدا من الموضوع ده
انا ممكن اعجب بدوره براى قاله ام هو شخصيا فلا
بس انا بحس ان ده اكيد فراغ عاطفى غير كدا ان الشوباب الممثلين او المطربين بيطلعو فى قمة الرومانسيه والرقه والجنتله
فيعينى البنوته مفكره ده الواقع
تيجى تسالها نفسك تجوزى واحد زى مين تقولك فى رومانسيه تموره وعصلات عمرو دياب ووسامة احمد عز
مش بتبص للراجل ال طالع عينه فى الشغل عشان مجرد يجيب لاهل البيت ياكله
بس انا مش عايزه اتكلم فى العموم يعنى
وعلى فكره الولاد كمان بيحاولو يقلدو الممثلين الرجاله والمغنين ف اللبس والاستايل ككل
عشان يبقو روشين
بس انا بقى ابتديت اتفاءل حسيت ان الثوره طلعت رجاله
وكل ده سببه اننا مكنش عندنا قضيه نلتف حولها وعشانها وكنا بس باصين للحاجات التانيه اما دلوقتى فالحاجات دى بقت مهمشه ومش هى الاساس

بامارة ان زمان كان فى عبدالحليم حافظ ال بحسه رومانسى اكتر من اى حد دلوقتى
وكان الناس بتحبه بس مش بالدرجة دى كانو بيحبوه وهم على ارض الواقع وكانو بيحبو عشان بيغنيلهم فى الحب وقت ما بيكونو عايزين كدا ولما بيكون الموضوع عايز حماسه بيغنى عن الثوره ويحمسهم يعنى كان فى قضيه الكل بيدافع عنها
اما دلوقتى فالحاجات دى بقت مهمشه ومش هى الاساس

معلش رغيب كتير جدا ومش عارفه اانا قدرت اوصل وجهة نظرى ولا لا
المهم انى اتشرفت بالرد عليك
بس كالعاده يا استاذ امجد اختيارتك ججميله
تحياتى

[روح صامتة]

هوة تصرفات المراهقات دي اكيد انا مش معاها
لكن تعالوا نفكر شوية في المشاهد اللي بتعرض
دلوقتي الاهتمام بينصب على المظهر اولا
انا طبيعة كفتاة وكمان ف مرحلة المراهقة
اول التفكير بيكون الشكل
يعني حتى لو كنت واحدة ملتزمة
لو عيني جت على انسان حسن الشكل هنبهر بيه
طيب دلوقتي لما يكون الاعلام بيصب اهتمامه
على المشاهير اللي كل يوم بيغيروا في شكلهم
وبيتحس انهم بيصغروا مش بيكبروا
دا لانهم بيستخدموا حاجات بعيدا عن
الشاشة بتحسن مظهرهم عمليات او غيره
يبقى المراهقين بيطالبوا بحاجات مش واقعية
وبيبدؤوا يجسدوها في الصور اللي
بينتقوها عشان يحطوها واجهة ليهم
باعتبارها الشيء الخيالي اللي بيحاولوا يوصلوا ليه عشان
كده معظمهم بيحط مكياج وبيمشي يقلد الافلام بالظبط
دا لانه شايف اللي عايز يوصل ليه اكيد طبعا الدين ليه جانب
في كده لكن بردو الملتزمات مش شرط يطبقوه همة
بس بيعبروا عنه حتى في النت
دلوقتي جانب تاني اللي هوة محاولة معرفة اخبارهم
وانهم محطات لاخبار المشاهير انا شايفة
انه انقياد مع التيار ودول بصراحة فتيات
منعدمات الشخصية لدرجة انهم
بيصبوا اهتمامهم على شخصية في الحياة يعني معندهمش
هدف لانهم المفروض يفهموا انهم السبب
في شهرة الانسان دا لكن همة بيعاملوه على انه قدوة
كلامي كتير لكن الموضوع ليه كذا جانب صعب
كلهم يتناقشوا لازملهم موضوع كامل
تسلم على الطرح الرائع اللي لفت انتباهي يا امجد
ارق تحياتي لك

[fankosha]

هو غالبا فراغ عاطفى
لان البنات المراهقات بتكون رومانسية زيادة عن اللزوم
و بترسم مواصفات لفتى احلامها
وبتكون عوزة المواصفات والرومانسية موجودة فيه بالكامل

وطبعا لما يكون نجم مشهور عامل دور
رومانسى وحلو فطبعا بيكونو معجبين بالشخص نفسه
مش مجرد اعجاب للدور
وانا عن نفسى بضايق جدا لما بلاقى بنات هتموت على نجم
ربنا يهدى الجميع
تسلم ايدك على مواضيعك المميزة
تم التقيم
تقبل مرورى

[Bright Brain]

أنا من رأيي ،،،
إن إللى بيعمل كده سواء كان ولد أو بنت ::
بيكون لسه ماتعلمشي من الحياه كويس
يعني الحياه لسه مطحنتهوش ولا حامل للدنيا هم
,,,,,
أما لو فاق بيقول إيه اللي كنت بعمله ده

شكرا على الطرح الرائع
تحياتي

[بسمة العمر]

السلام عليكم ورحمة الله وبركاته

انا عن نفسى معرفش ممسلين او ممسلات

واكتر شئ بكرهة الافلام العربى

بس انا من راى انو دة قلة فى الدين

دا فية ناس تبق بتسمع الفلم والاذان بياذن

وتقول لما يخلص الفلم هى الذنيا هطير م

مش هطير بس كل واحد وهو قاعد يسمع

فى فلم او اغنية يتخيل نفسوة انو هيموت

هيقول لربنا اية معلش كونت بسمع فى الفلم

انا من راى انو لازم نتجة للدين اكتر من كدا

ودا قلت دين مع البنات والولاد

شكرا ليك ياساحر ديما بتخترلنا موضيع جميلة
بنستفاد منها

[warm heart]

الموضوع زي ما كتير اوووي ردوا قبلي فراغ عاطفي وقله الوازع الديني

ودة بيخليهم يعشوا في وهم ... وينسوا الواقع

جميل اننا مثلا نستمتع باغنية او نعجب باسلوب فنان بس مش يوصل لدرجة الصور والاخبار وكدة

في حاجات تانية اهم


موضوع جميل وبيتكلم عن حاجة منتشرة جدا بين المراهقات

وفقك الله