اهداء من أسرة برنامج سرى جدا إلى إدارة المنتدى تقديرأ لمجهودها الملحوظ فى المنتدى..؟

[ماتركس]

السلام عليكم ورحمه الله وبركاته

مساء الخير علي الجميع النهارده في برنامجنا سري جدا حبينا نعمل حفله تكريم صغيره

لاادريين المنتدي طبعا كلنا عارفين مجهود الاداره ومجهود طارق في تصميم الاستايل ومجهود باقي

الاداريين سواء كان احمد او ميشوو وحنون كلهم بيتعبو معانا

حبينا نكرهم تكريم بسيط معا انو قليل عليهم بس دي اقل حاجه نقدمها ليهم

الحفله دي تحت رعايه اسره برنامج( سري جدا )

طيب لاحظنا في اتهامات كثيره ضد برنامجنا واتهامات بتقوال علينا انو البرنامج بيهاجم الاداره

وضدها معا انو كلامهم غلط وبنعتبرها فلسفه زياده او بمعني صح حقد علي البرنامج مش اكتر

وهوه في الحقيقه اسئله وبنشوف فيها وجهات نظر الاعضاء مش اكتر

طبعا مش هنضيع وقتنا في الكلام الفاضي بقي وندخل في الحفله البسيطه اللي مقدمها اسره البرنامج

لااريين منتدانا

عايز اذكركم بس تذكير بسيط

اسره البرنامج مكونه من

اقتباس قبل ما ادخلكم في التفاصيل احب اقدم ليكم مذيعين البرنامج 1_ ‏Mo7aMaD 3aLa2, (محمد علاء) 2_۩۩ elMagic ۩۩ ( احمد ) 3_ ماتركس ( احمد الشريف )

ملاحظه المووضوع به اعلانات للبرنامج وده من حقنا علشان الحفله

تحت رعايه البرنامج



واحنا التلاته مشتركين في هذا الحفل البسيط لتكريم الاداره


قبل ما ندخل في الحفل برضوه حبيت اشكر الاخت حوراء

في تصميم شهادت التقدير وتجهيز الوسام

شكر ليكي يا حوراء وعلي مجهودك معانا في تحضير الحفل البسيطه دي


احنا كتبنا بعض الكلمات البسيطه لكي اداري فيهم ودي اقل حاجه نقدمها ليهم


اول اداري نحب نشكرو علي مجهوده وهوه الدكتور طارق

بجد الانسان ده بيتعب بجد ودي اقل الكلمات في حقك يا دكتور





والمنتدى الي فية اغلى اخواتنا

بنحبهم وبنعزهم وربنا العالم بقلبنا

عرفنا ناس ..

لقينا وياهم الاخلاص


طارق .

انت اخ لينا الغالي

وصُحبتك حاجة جميلة في حياتنا

وياريس لما بتغيب المنتدى بيكون فاضي

اخلاق وادب عالي

واحترام يا حبيبنا الغالي

احنا مش بنجاملك

لان دا هوا خُلقك

وروحك السامي

ربنا يوفقك

ودايما يسعدك ويكرمك





ودي اقل حاجه نقدمها ليك يا دكتور طارق

حاجه بسيطه ليك شهاده تقدير ليك










وده وسام ليك تستحقو يا دكتور طارق








ندخل بقي لااداري المتميز

TECHNICAL


احمد اخ عزيز علينا كلنا برضوه وكتبنا ليه بعض الكلمات البسيطه حبا وتقدير ليه في وجوده وغيابه


احمد .

الرجولة والجدعنة

وليك وحشة ياعمونا

في غيابك ليك اثر ومكان

وعندنا اكيد شيلينك في الوجدان

وفي حياتك ربنا يكرمك

ويهنيك ويسعدك

وفي غيابك

دايما فكرينك

وياريس مش نسينك





ودي شهاده تقدير لااداري المتميز

TECHNICAL








وده وسام التميز يا ابوحميد ودي اقل حاجه ليك









نيجي بقي للبنوتات واادريات منتدانا

الاداريه

حنون

ودي كلمات بسيطه في حقك يا حنون انتي تستاهلي اكتر من كده





حنون

والقلب الحنون

حنان اختنا يا غالية

الادب والاحترام والاخلاق العالية

بتتعبي وتقدري

ودايما المنتدى بتنوري

ولما بتغيبي بغيابك بينطفي

ربنا يسعدك يااختنا

ويكرمك ودايما تتهني






وده اقل حاجه ليكي يا حنون شهاده تقدير مقدمه ليكي ويارب تعجبك

ومن تميز لتميز








وده اقل وسام وسام التميز ليكي يا حنون وتستحقيه والله ومن تقدم لتقدم








ندخل بقي لااخر اداريه وهيه الاخت

MISho


ودي برضوه اقل الكلمات البسيطه في حقك يا

MISho

وانتي تستاهلي اكتر من كده




ميشو .

اختنا ام قلب طيب

جدعة وبنت بلد

وخدومة ومفيش زيك حد

طيبتك بيتحاكى عليها بجد

وقلوبنا يا اختنا بتدعيلك

وربنا دايما يديلك

ويحقق كل الي بتتمي

ويجعلك سعيدة وبحياتك تتهني

والناس ..

طالما فيها اخلاص

مش هينتهي المشوار

وهنلاقي الطيبة والحب والاخلاص

موجودة في وجوه الناس





وده اقل حاجه نقدمها ليكي يا ميشوووو


شهاده تقدير لتميزك معانا











وده وسام لتيمزك معانا ومن تميز لتميز يا ميشوووو

















ندخل بقي في اخر فقره في الحفل وهوه اراء الاراء حول ادارتنا الكريمه

وارائهم في الاستيل الجديد







الإسلامبولي
الإدارة لا مجال لأحد أن يشك مجرد شك في جهودها المتواصلة
وسعيها الدؤؤب دوما ً لرقي منتدانا ورفعته ...فهي السمة النابضة
في إعجاب ِ أقلامنا وأشخاصنا ... ونعجز عن شكرها لما تبذله لنا وما
بذلته سابقا ً ولها منا أسمى آيات ُ التقدير والمحبة والود ولولاها لما
كنا هنا ولما تصارعت أقلامنا وتنافست ع سرد الخير والنهوض به
... فمهما نقول سنبقى مقصرون ...وبالنسبة للإستايل الجديد هو بصمة من بصمات التألق لهذة الإدارة الكريمة فهو مريح للروح وللنفس لما فيه ِ من مضمون ٍ يافع وعريق ...




ƒâήkôšĥâ


الادارة مجهودها عالى وشايفين شغلهم كويس
والاستايل الجديد جميل
هو صحيح انا بحب الاورانج بس مش مشكلة
الجديد حلو
وطبعا بشكر طاقم الادارة على مجهودها والاهتمام باراء بقيت الاعضاء
عن طريق عمل استفتاءات
بخصوص التغيرات
وبشكر طارق
لانه شايف شغله تمام وبيبذل مجهود عالى
وبيتعب فى تغير الاستايل
من اجل الارتقاء بالمنتدى
ربنا يوفقه
بشكر تكنيكال
صراحة هو كان شايل المنتدى
وديما متابع الاقسام وعارف مين بيشتغل ومميز
وبيرد على رسايل بسرعة
ربنا يوفقه فى شغله ويرجع ينور المنتدى
بشكر ميشو
ميشو دى سكرة
وبتهتم ديما باى طلب من الاعضاء
ربنا يكرمها ويوفقها
وبشكر حنون
على مجهودها فى المنتدى
وشايفه شغلها كويس ومتابعه ديما
ربنا يكرمها
بشكر للحب الصامت
على مجهوده المميز فى المنتدى
شايف شغله هو وباقى الاداريين
وربنا يوفقه ان شاء الله



yara5
المنتدي مش عاجبني خالص اليومين دول
بقي بيهنج كتير وبيقفل اكتر
يعني من الاخر بيستهبل
ههههههههههه:vb8::vb8:
وطبعا الاداره عامل شغل جميل ومن غيرها كان زمان المنتدي ضاع بس يشدوا حيلهم شويه عشان المنتدي يرجع زي الاولو احسن ان شاء الله
والستايل الجديد جميل بس يارب يثبتوا علي حاجه
ههههههههههه
وشكرا جدا علي مجهود الاداره




واد حبيب

الاداره طبعا مجهودها عالي وجميل وبخصوص طارق مع طاقم الاداره عمليه شغل جميل في المنتدي وان شاء الله المنتدي الي اعلي في وجود طاقم الاداره الموضوع حاليا
لهم مني كل الشكرك طبعا علي مجهودهم الجميل في تطوير المنتدي وكل الشكر ايضا لاحمد تكنيكال علي مجهوده الكبير في غياب طارق وان شاء الله يرجع قريب ونشوف مجهوده زي الاول
وبصرحه الاستايل ده عجبني جدااا واتمني ان يفضل فتره علي كده مع وجود اللون الهادي اللي فيه
بشكر طارق علي الاستايل الجميل ده وان شاء الله مزيد من التفوق في المنتدي




DO3AA

بالنسبة لمجهود الادارة بكل صراحة الرد ع السؤال ده تقدر تلاحظه من الاعضاء الكويسين جدا اللى مشيوا و سابوا المنتدى
مش بقول ان مجهودهم صفر...لكن اكيد فى خلل كبير يخلى العقليات الممتازة تمشى..ياترى ايه بتعمله الادارة معاهم بيتسبب فى تركهم للمنتدى؟؟شوف انت بقى...و بردو ارجع و اقول انهم اكيد بيبذلوا مجهود جامد عشان المنتدى يفضل موجود

بالنسبة للاستايل مش وحش..لكن اكتر استايل كان عاجبنى هو الاستايل بتاع2009 كان رمادى و فوشيا..كان روووووعه و مميز لان حاسة ان ده تقليدى

اشكرهم على انهم عملوا منتدى قدر يجمعنا ببعض وقدروا يحافظو عليه طول الفترة اللى فاتت





حورااااااء


مجهود عالي جدا مجهود ابدا لا يستحق التهميش والاجحاف بحق جهدهم مجهود قد سطع في قلب سماء المنتدى
لا استطيع ان اصفه بتلك العبارات القليله
تشعر انك فعلا في مكان لا فرق بين اداري وعضو
تشعر بعالم المساواه انا من وجهت نظري الاداره غير مقصره في شي تعبانه جدا وحرام علي اذا عيبت في نقطه لان هذي جهود والانسان يحب الى اخيه المسلم ما يحب لنفسه انا لما اعمل جهد ما احب احد يهمشه
او يجحف او ينقص منه لان فيه تحطيم الى النفس
وابدا لا يقاس جهد الاداره بجهد العضو الاداره كا الاب والام مسوله عن كل شي وتوفر لنا سبل الراحه وترعانا اشد رعايه ان اخطانا عقبتنا بحجم الخطا وان تفوقنا دعمتنا نفسيا وميزتنا
لا قيمه الى الاعضاء بدون الاداره ولا قيمه الى الاداره بدون الاعضاء
اي ان الاداره ام واب ونحن الابناء
لا اغضب منهم ولا احقد عليهم ولا احب ان اتتبع عثره لهم من اجل ان انقص واهمش كل ادوارهم اتمنى لهم السعاده الابديه التي لا تضل عنهم
__________
الاستايل كثير اتكلمت عنه استايل رائع جدا تم انتاجه
من تحت ايدي انسان محترف في التصميم يملك ذوق راقي جدا يعتمد على الاشياء الرقيقه والبسيطه لان البساطه تصنع الاناقه بجداره يستحق افضل مصمم
استطاع بكل براعه دمج الوان رائعه درجات تركبت مع بعض وكونت لوحه فنيه هادئه جذابه
احمر موف رصاصي الوان لا استطيع ان احدده هادئه بارده على العين اعجبني اختياره الى الدرجات لم يختار الاحمر الناري المتعب لنظر بل اختار الهادي جدا
لا توجد اي كلمه تعبر عن طارق وجهد طارق
والاستايل جميل بكل صراحه
وكلمه شكر احب اقدمها الى طارق اخي لان من لا يشكر لا يشكر اشكره على كل جهد اشكره على روحه الطيبه اشكره على سعت صدره امام الكم الهائل من الضغوط اشكره لانه صاحب ذوق رقيق وهادي اشكره على طريقه تعامله وذكائه ووزنه الى الامور لا تشدد ولا ارخا يعطي كل انسان حقه اشكره شكر بحجم كبييييييير اشكره واعلم اني لن اوفيه لو جزى بسيط بشكري
_______
واشكر اخي احمد لانه انسان طيب وخلوق وغير عصبي متفهم جدا يوزن الامور بعقل اشكره من كل قلبي واعرف اني اعجز في شكري له
_____
واشكر حنون وميشو مع اني لا اعرفهم ابداااااا




البرنس رامى


طبعا فيه مجهود مبذول وظاهر

ولكن لى عتاب على الأدارة على يوم 25/ 8

بالنسبة للعطل الفنى والاسترجع

للردود التى اختفت فجأة طبعا زعلتنى جدااا

اما من ناحية الأستايل فهو جميل ومسيرنا نتعود عليه




MoNa LeZa


الصـراحـه ادارة منتـدانـا ملهـاش حـل
كفـايه مجهـودهـا ونشـاطهـا ومتـابعتهـا للاعضـاء والمشـرفين
وانا بحب اوجه ليهـم اجمـل شكـر
وعايزهـ ابدأ
أحمد تكنكـال
بجد وجودهـ كان مهـم فى المنتـدى اووى
انا واحده من النـاس كنت بلجأله فى كل مشكـلهـ وهو عمره مااتأخر ثانيه واحده وان شاء الله ينورنا قريب
دكتـور طارق ( سيلفر سبيكترا )
البركـهـ فيهـ طبعـا من بعد تكنكــال
اعتقد المنتـدى من غيركـ ماكنش هيكـون بالجمال والرقى ده
ميرسى اووووى ليكـ ولاهتمامكـ ومتـابعتكـ للمنتدى وللاعضاء والمشرفين يا طارق
حنون وميشـو
هما الاتنين بحسهم اخواتى الكبار ألى انا معرفهمش اووى
ههههههههه عندى فى نفس المكـانه وبجد ربنا يخليهم
ويسلمـوا على احلى مجهود وكويس ان احنا عندنا مديرات عسلاااااات اوووى كده

واكيد احب اشكـر
المشرفين والاعضـاء
ألى همـا اساس منتدانـا الجميل ده
وان شاء الله فى تقدم مستمـــــــــــــر
وكل عام وانتم بخيـر






~..~a7la smile~..~


مجهوود الادارة جات عليه فترة وبقة مش عاجبني
وكانت الاداره نآآيمهــ ونشطها مش ملحوظ كالعاده بس دلوقتي بدأت تتحسن
اكيد بوجه لهم شكر لانهم اكتر نآآس شايلين المنتدي
وليهم الفضل في رقي المنتدي
وبيخلوا للأحسن
وبالنزبة للاستايل فالستايل تووحفة بجد
ومريح للعين ونآآيس كتير






Nino Brown Eyes


طبعا مجهود عالي ربنا معاهم لان المنتدي محتاج شغل كتير وشايفين شغلهم و شيلينوه الصراحة وبيحولوا يطوروا فيه.
واحب اوجهلهم كلمة شكر وتقدير و
اقولهم اشكركم بجد علي مجهودكم الكبير ده وربنا معاكم ..وباذن الله تكملوا حملة التطوير للمنتدي ويبقي دايما المنتدي في المقدمة.
وبالنسبة للاستايل
انا عاجبني الاستايل كتير طبعا احسن من الاول بمراحل
لاني مكنتش ليا نفس اعمل حاجة في الاستايل القديم
اخر حاجة اقولها
دايما في تقدم ونجاح باذن الله




ودي كانت اخر فقره في الحفله وهيه بعض اراء الاعضاء


وبكده يكون وصلنا لااخره الحفله ويارب تكون الحفله البسيطه اللي مقدمه من اسره برنامج سري جدا

تكوون عجبتكم


الحفله دي تحت رعايه برنامج سري جداا


حقوق الطبع محفوظه

كان معكم الثلاثي المرح

اقتباس قبل ما ادخلكم في التفاصيل احب اقدم ليكم مذيعين البرنامج 1_ ‏Mo7aMaD 3aLa2, (محمد علاء) 2_۩۩ elMagic ۩۩ ( احمد ) 3_ ماتركس ( احمد الشريف )

[~..a7la smile..~]

واللهــ مجهودد مميز بجد
منك انتوا التلاتة
بجد حلووين اوووووووي
وارائهم عاجبني اووووووووووي
ومجهود منكم حلو كتير
وبرنامج جميل كتير
والكل بستحق الوسام من الاداريين
بالتوفيق دايماً

[A . y . a]

الله يا شباب مجهود حلو منكوا =)

وادارتنا تستاهل طبعا

وبما اني اقرب حد لميشو فا احب اقولك يا ماتركس ان الكلام اللي كتبته فيها ده غلط خااااااااالص xD

انت فاهم شوشي غلط xD

هيا تستحق اكتر من كده والله .. حبيبتي يا شوووووش

واحمد وحشنا والله .. يرجعلنا بالسلامة ان شاء الله

وطبعا طارق وحنون يستاهلوا كل خير اكيد

ماتركس , عيلاء , احمد .. ميرسي لمجهودكوا بجد لفتة حلوة منكم =)

[رقة BaNOTa]

اي كلمه قليله ع مجهودهم المبذول
في المنتدى..
احب ان اشكرهم كلهم طارق واحمد وحنون وميشو
وكمان بشكر
مقدمين البرنامج سري جدا
تستحقو كل التقدير والا حترام
احمد الشريف واحمد ومحمد علاء
ربنا يخليكم للمنتدى

دمتم بخير

[SiLver Spectra]

أحمد
أحمد
علاء

شكرا ليكم على التكريم و المفاجئة السارة
شهادتكم و وسامكم شيء هيفضل في الذاكرة مدى الحياة
أما كلماتكم فدي الواحد بيشوفها و بيخجل من نفسه اذا كان فعلا يستحقها
خصوصا في عصر المشتمه الي باقينا عايشين فيه
دلوقتي الموضة ان العضو يشتم و يطلع يجري ههههه
لو حد قال كلمة حلوة في حق شخص على طول ,منافق و عايز منصب أو عايز حلاوة ,,الخ
و كأن الإنسان خلق عشان يستهزق بغيره

شكرا ليكم على مجهودكم و كلماتكم

و مبروك ل أحمد و ميشو و حنون


الإسلامبولي
ƒâήkôšĥâ
yara5
واد حبيبDO3AA
حورااااااء البرنس رامى
MoNa LeZa
a7la smile
Nino Brown Eyes

شكرا ليكم جميعا على التهنئة و كلماتكم الي كتيره عليه شخصيا
احنا ابسط من كدا بكتير

ردا على سؤالك يا دعاء

اقتباس بالنسبة لمجهود الادارة بكل صراحة الرد ع السؤال ده تقدر تلاحظه من الاعضاء الكويسين جدا اللى مشيوا و سابوا المنتدى مش بقول ان مجهودهم صفر...لكن اكيد فى خلل كبير يخلى العقليات الممتازة تمشى..ياترى ايه بتعمله الادارة معاهم بيتسبب فى تركهم للمنتدى؟؟شوف انت بقى...و بردو ارجع و اقول انهم اكيد بيبذلوا مجهود جامد عشان المنتدى يفضل موجود

الي الادارة بتعمله معاهم هو الي عملته معاكي بالظبط
ميزتك ,, ما عملتش حاجه تانية ,,و لا باديها تعمل حاجه تانية اكتر من انها تكرم العضو بالتميز أو بالاشراف و ان كان الاشراف مسؤولية أكتر منها تكريم

الحياة ليها سنة ,,مافيش حاجه بتفضل على حالها
و المنتديات كمان ليها سنة ان حالها مش بيفضل
لأن الحياة أو المنتديات,, البشر هو عنصر التفاعل فيها
و العنصر البشري غير ثابت ,, مصيره دايما العلو و الزوال

الناس الي كانوا في 2008 ,,لما جينا 2009 كتير منهم مشي
و الناس في 2009 لما جينا 2010 كتير منهم مشي
و الناس في 2010 لما جينا 2011 كتير منهم مشي
بيمشي عشان ايه
في مليون سبب و علة
ممكن نته فاصل ,,ممكن شغله ,,ممكن عمله ,,ممكن سفره ,,ممكن جيشه ,ممكن جوازه
ممكن ملله ,,ممكن تغير شغفه,,الخ
انت في النهاية مش هتقدر تجبر عضو انه يعد في المنتدى بالعافية مدى الحياة
لو بصيتي كويس حوليكي هتلاقي ناس بتمشي و ناس بتيجي
قصاد كل مميز بيمشي بيجي مميز بداله
العجوز بس هو الكائن الوحيد الي بيشوف ان الي بيروح مش بيجي مكانه حاجة

انتي يوم ما سجلتي في المنتدى كانت الناس الي اقدم منك في 2008 مش معترفة ان في ناس جديده مميزة
و كانوا بيقولوا فين ناس زمان الي كانوا مميزين و موهوبين
كان بالنسبالهم الناس الي انتي بتسألي عليهم (و انتي واحده منهم ) ناس غريبة مش موهوبة

راجعي موضوع منتديات بنات مصر في عامين و شوفي أعضاء المنتدى القدام و المشرفين
هتلاقي اغلبهم اتغير ,,و دا مش اجبار من الادارة نهائي
بس سنة الحياة ان الانسان مش بيفضل على حاله
و مصيري زي غيري هبقى ذكرى هنا في المنتدى

[misho]

دايما تكسفونا كدة :vb15:
ايه الجمال دة
اوسمة وشهادات و شعر كمان
ربنا يكرمكم يارب علي التكريم دة
و اراء الاعضاء كلها جميلة الحمدلله
امال فين الناس بتوع البرامج اللي مش عاجبهم حاجة :006:
بس بجد تكريم جميل و لفتة حلوة منك اوي
تسلموا عليها يارب
وميرسييي لكل الاعضاء اللي اتكلموا
تحياتي ليكم
ماتركس
الماجيك
علاء

[روح صامتة]

الحمد لله جيت في وسط الزيطة
اهو على الاقل اكون كتبت حاجة
قبل ما الموضوع يعدي العشرين صفحة
طيب نبدا بمين ولا مين
على فكرة انا هنا من 2009 وجيت تاني على سنة 2011
ناس من زمان مش شوفتها وناس دلوقتي حاسة انها
اللي بترجعني لروح المنتدى القديم اللي انا كنت عايشة فيه
لكن انا عجبني التطور دا والاعضاء الجدد
وزي ما كل واحد فعلا عنده حياته بيتغير حسب ما هية
بتتغير ويمكن دا يكون سبب لرجوعي المنتدى
انا بقه فاكرة كل الاعضاء دول فاكراهم كلهم
مشمش وحنون لما كانوا مشرفين
وطارق لما كان مراقب عام
واحمد تكنيكال اكيد شوفته بس بيتهيالي كان اسمه غير كده وكان مشرف هوة كمان
وهيثم (الحب الصامت) كان مدير زي ما هوة مش اتغير
لما رجعت لاقيت كل حاجة متغيرة وفيه تحسن كبير
مع اني كنت متوقعة ان كل لناس دي تكون مشيت وارجع ازعل واطلع تاني
كلمة شكر هتبقه صعبة جدا في حقهم والله
انا مقدرش اقول غير ان انتو خليتوني ارجع زي الاول وبقوة كمان
يا رب يخليكوا للمنتدى دايما كده ومش نتحرم منكو ابدا يا رب
ارق تحياتي ليكو وبالتوفيق دايما

[ساحر الأحزان]

حلقة حلوة وجميلة منك وطبعا اراء الاعضاء كانت مهمة

فى التعبير عن وجهة نظرهم للتطورات التى تحدث فى المنتدى

وتعبيرهم الجميل


تحياتى واحترامى على مجهودكم القيم

[yara5]

ايه الحاجات الحلوة دي
بجد مجهود رائع منكوا كلكوا
ومش عارفين نشكركم ازاي
ونشكر الاداره علي كل حاجه بتعملها
وبالنسبه للناس الي بتمشي وتسيب المنتدي
هما الي بيخسروا المنتدي مش المنتدي الي بيخسرهم
وفي اعضاء كتير هنا بيعوضوا الي مشيوا
ونتمني للمنتدي التقدم علي طول
وبالتوفيق دايما

[ساحرة الليل]

التكريم جميل جداااااااااا وهما يستاهلو