فى كل دقيقة شخصية

[احضان الحبايب]

كنت بسمع الراديو ,,

و بدأ اسامه منير ,,

قولته اسمعه كـنوع من التغيير ,,

بغض النظر عن تحفظى ع اسلوبه ال بيقارب " النحنحه " !! ,,

الا ان كانت فى مكالمه من فلانه ,,

فلانه اسامه بيسألهاا هل حصل علاقه بينكم !!!!!!

فلانه ردت بكل برائه و احترام لا طبعاا ,,

و لسه انا بفرح ,,

لقتيهاا بتكمل تقول مش اكتر من مسك الايدين او لمسات خفيفه !! ,,

لا و اوسامه عداهاا اشطاا كانها بتكلم عن اخوهاا الصغير و هو بيعديها السكه !!!

مجتمع كلمة عادى عنده بقت بتحتوى افعال كتير اوى !!!!!

| يتبع |

[احضان الحبايب]

| العادى ع مر الزمان |

- زمان

كان عيب ان بنت تكلم ولد وجها لوجه ,,

بس عادى يبعته لبعض جواب و يبقا فى مرسال عاادى ,,


- بعدها بشوية ,,

عيب يتكلموا لوحدهم او بعيد عن اطار الكليه ,,

بس عادى يعزمهاا فى الكافتريا رغم ان مافيش حاجه تربطهم ,,

بس المهم قدام الناس ,,



- بعدهاا بشوية

عادى يتكلمواا ع الفون الارضى بس مامتهاا تعرف ,,

بس اوعى يكلمهاا ع الموبايل او ع النت ,,


- بعدهاا بشوية

عادى يكلمهاا ع الفون ماشى بس ماماتهاا تعرف ,,

بس عمرهاا ما تخرج معااه ,,


- بعدهاا بشوية صغيرين ,,

عادى يتكلموا فون و رسايل طول النهار و مش مهم امهاا تعرف ,,

بس مش يتقابلوا بردوا ,,


- بعدهاا بقاا ,,

عادى ينزلواا مع بعض عاادى ,,

بس مش لوحدهم .. لازم يبقا معاها صاحبتهاا او اختهاا ,,



- بعدهاا بشوية ,,

عادى ينزلوا سوا عشان محدش يخنقهم ,,

بس يمشوا زى الظباط جنب بعض ,,




- بعدهاا

عادى يعديهاا السكه و يمسك ايدهاا ,,

بس ما يستحلهااش يعنى !!


- بعدهااا ,,

عادى يمسك ايدهاا و يحط ايده ع كتفهااا ,,

بس مش قدام الناس اوى عشان الاحراج ,,


- بعدهاا

عادى يحط ايده ع كتفهاا و يمسك ايدها و يشبكهاا فى ايده ,,

بس ما تروحش معااه فى شقه مثلااا او حته لوحدهم بعيد عن الناس ,,

- بعدهاا ,,

عادى تروح الشقه ,,

بس استعيذوا بالله قبلهاا من الشيطان


- بعد شوية

سكت الشيطان و بعد عنهم و قال للشباب كملوا انتوا ده انتوا طلعتوا ولاد جنيه

!!!!

[احضان الحبايب]

اقتباس اللهم إني أحبه فيك حباً تعلمه أنت ,, ويجهله هو ،، فلا تريني فيه بأسا ... وأسعد قلبه ،، اللهم إنه سكن قلبي فلا تحرمه ... سكنى جنتك ، ولاتحرمني الإجابة ، وأعتقه من النار واجعل له قبول في أهل الأرض وأهل الــــــــــــسماء ويسر حسابه ، واجمعني به في الجنة وبارك له في كل طريق .. اللهم ارزقه سروراً لا يشوبه حزن .. وسعادة لايعكرها شقاء

من صفحة dr.sma

تصدقوا شئ جميل اوى ان حد يدعيلك بظهر الغيب كدا .,

غالبا ً هو ده معنى من معانى

" ان الحب هو الانتماء لمن تحب "

احسنتى يا دكتور ,,

و ربنا يوعدنى بواحده ,,

تتمنالى الخير كدا من غير حتى ما تشوفنى ,,

و يجعلنى من نصيبهاا ^^

[احضان الحبايب]

- YouTube



ربنا ما يحرم اى بنت من فرحة الخطوبة و الفرح ,,


ولا يحرمنى من ان يبقا عندى بنوته عسوله كدا ^^

[احضان الحبايب]

رغم انى ضحكت و هزرت ,,

و كتبت مشاركات كتير ,,

الا انى صدقا ً مخنـوق ,,

او والله ,,

انا مخنوق و مضايق جداا

: ' (

[احضان الحبايب]

هو كان بيحـبك ,, انت ِ اول واحده قلبه يعجب بيهاا و يحبهاا ,, كان بيفكر فيك ِ دايما ً ,, و كان دايما ً بيحاول يعرف اخبارك ,, و يوم لما حس انك فى ضيقه ,, اضايق هو وقتهاا و كان نفسه يجى يساعدك ,, بس العادات و الظروف منعته ,, هو تمنى يبقا عنده بنت منك شبهك ,, اتمنى يعيش معاك ِ حياه حلوه ,, هو دلوقتى مــات ,, عند ربنااا ,, مش محتااج منك غير بس دعوااتك ,, كل كلمااته الاخيره كانت بيتمنى فيهاا ,, انك تقابلى حد بيحبك زى ما هو حبك ,, و يحافظ عليك ِ ,, ادعيله ,, هـو قلب احبك بصدق ,, و دعالك كتير بظهر الغيب ,, يمكن ما قدرش يجى يقولك اد ايه هو بيحبك ,, بس هو كان ناوى يجى ,, استنى بس لما ظروفه تسمحله يجى و يرتبط رسمى ع طول ,, لانه خاف انه اول معرفته بيك ِ ,, تبقى بتخالف كلام ربناا ,, هـو مـــات و خلصت حكايته افتكروه بالخيـر بس

[احضان الحبايب]

منتديات بنات مصر - عرض مشاركة واحدة - فى كل دقيقة شخصية

المشاركه دى ,,

كلمااتهاا من خيالى ,,

بس ما تستبعدوش انهاا تكون حصلت فعلاا ,,

و يمكن مقدار الآلم ال بتحمله الكلماات ,,

و وصلكم ,,

يكون فى حـد فعلاا اتآلم بنفس القدر

!!

[احضان الحبايب]

وعدتكِ أن لا أكون ضعيفاً
وكنت
وان لا أقول بعينيكِ شعراً
وقلت
وعدت بالا وألا و ألا
وحين اكتشفت غبائي
ضحكت
وعدتكِ أن لا أبالي بشعرك
حين يمر أمامي
وحين تدفق كالليل فوق الرصيف
صرخت
وعدتكِ أن أتجاهل عيناكِ
مهما دعاني الحنين
وحين رائيتهما تمطراني نجوماً
شهقت
وعدتكِ أن لا أوجه
أي رسالة حب إليكِ
ولكنني رغم انفي
كتبت


--

قصيدة وعدتك لنزار قبانى

الاغنية الحان كاظم الساهر

و غناء ماجده الرومى

الاغنيه روووعه

و فيلم Guzaarish ال فى الفيديو

رائع

---

[احضان الحبايب]

اقتباس شخص ناضج وواد عسول جدع و قـول زي ما تقــول واعي وعن تصرفاته مسئول دا يبقى بودي أحضان الحبايب

دى اقل حااجه عندى

من صفحة الرحال ,,

ربنا يكرمك و يجبر بخاطره زى ما جبر بخاطرى : ) ,,

شكرا يا أ/ايمن ^^

[احضان الحبايب]

لسه راجع من دفنـة قريبة واحد صاحبى !!

راجع مش حاسس ولا سامع غير ,,

قال صلى الله عليه وسلم فيما رواه الطبراني وصححه الحاكم وغيره:

(جاءني جبريل عليه السلام، فقال:
يا محمد
عش ما شئت فإنك ميت، وأحبب من شئت فإنك مفارقه، واعمل ما شئت فإنك مجزيٌ به، واعلم أن شرف المؤمن قيامه بالليل، وعزه استغناؤه عن الناس)