فى كل دقيقة شخصية

[احضان الحبايب]

انا كـ عبدالرحمن ..

عندى كتير من الطموح ..

فى مجالاات كتير ..

يبقا اهمها و اصعابها ..

انى اكون عائله ..

فى بيت بسيط و هادى ..

الحب و الموده و التوافق و الايمان ..

اساسه ,,

فـ يوم من الايام هحقق طموحى .. إن شاء الله يعنى : ) ..

لو لم يتحقق ..

يبقا اكيد ربنا شايلى الاحسن ..

# ثرثرة الشروق

[احضان الحبايب]

من وجهة نظرى ..

ان اغلب المشاكل ال بتحصل بعد الجواز ..

و حوادث الطلاق ..

مش سببها عدم وجود الحب .. او مثلاا قلة الحب ..

لان لو الحب هو االشئ الوحيد المتحكم فى سير العلاقات ..

فـ كان زمان كل العلاقات ناجحه ..

لان الانسان ببساطة ..

موجود فى الارض عشان ..

يتعايش .. يحب .. يبنى ..

و الحب شئ نقى و طبيعى و تدريجى للغايه ..

فـ الطبيعى بيزيد مع العشره ..

لكن فى العلاقات ,,

اصبح هناك ما هو اقوى من الحب ..

(( العقد النفسوية المترسبة نتيجة لـ علاقات قديمة فاشله او سوء ادارة و تربيه ))

يعنى م الآخر ..

لو اتنين مش بيحبوا بعض و اتجوزوا ..

و بقا في بينهم عشره و عيش و ملح ..

ممكن يعيشوا مع بعض ..

لان الحب هيجى بالتعود و العشره ..

فى حالة ان كل واحد فيهم نسى الماضى بكل عقده و كل مشاكله ..

اما لو كل واحد فيهم ساب العقد المعقده ال فيه تحرك مشاعره ..

و قعد يفاضل ما بين الحاضر و الماضى ..

الحياه هتبقى صعبه ..

و سبب من اسباب زيادة نسبة الطلاق عن زمان ..

ان الحصول ع بديل دلوقتى اصبح اسهل ..

و ان نظرة المجتمع بدأت تختلف اختلاف طفيف للمطلقه ..

آه .. زمان الحياه كانت ابسط

- - - -

[احضان الحبايب]

اقتباس " يا ذات الرداء الابيض ,, لا أعلـم هل يجمعنا القـدر ام لا ,, كل ما اعلمه هو اشتياقى ,, لا اعلـم ان كنت ِ تشعرين بى ام لا ,, لا يهم ذلك ,, الانتماء لك ِ قدسيـة خاصه عندى ,, خريف الحب قد يأتى من بعده ربيع يجمعنــا ,, او يأتى المطر ليمحو اثاره ,, يا طفلتى مهما مضت الليالى ,, حتى لو لم يقدر لى العيش معكِ ,, لن انساكِ "

فى يوم من الايام ..

انا كتبت الكلام ده ..

يمكن كانت لاول مره اقول حااجه و نفسى شخص معين هو ال يقراها و فهمها ..

اول مره اكتب حااجه ..

و شفتاى ترددهما كانى بقولها لحد فى وشه ..

ستبقى تلك الكلمات من أصدق ما شعرت به ..

[احضان الحبايب]

المنظر عن رابعه العدوية مهوول فعلاا ..

اول ما تنزل صور هجبهالكم باذن الله ..

المعركه هتتحول لمعركة اعداد من جديد ..

- -

غياب وسائل الاعلام المختلفه عن النقل المباشر زى قنوات " CbC و OnTv "

القنوات ال بتكون موجوده قبل الحدث اصلاا

يؤكد للجميع ..

عدم الحيادية و العدل ..

عشان بس ال بيدعوا انهم انصار الحيادية ..

و تلاقيهم رايحين يجروا يتفرجوا ع القنوات دى ..

يكونوا فاهمين .. انهم كدا عندهم انفصام !!

- -

يا رب ال 10 مشاركات ما تخلص بدرى ..

عشان اليوم ممكن يبقا فيه كلام كتير

[احضان الحبايب]

نحـن قوم اعزنـا الله بـ الاسلام ..

فـ إن ابتغينـا العزة فـى غيره ..

اذلنا الله . . .

- -

الدولة الاسلامية الكبرى يجب ان تعود من جديد . . . .

لن تعود بالمظاهرات ..

تعود بالايمان و العلم و العمل و الابداع و الابتكار و الثقافه . .

[احضان الحبايب]

:: صــور ::










- -



" صورة لاحد افراد الامن .. لقى بلطجى "



دى صورة للامن المتواجد ..

لتأمين المتظاهرين و المتظاهرات ..

- -

لا حالات تحرش .. لا حالات بلطجه .. لا قلة ادب ..

ال اعرفه ان الفاعليات تبدأ من بعد صلاة العصر ..

فى ساعه قبل المغرب هتكون دعاء لمصر ..

- -

الاعداد كبيره ..

كبيره حقـا ً و بدون افورة كمان ..

[احضان الحبايب]

كل مليونية تحصل ..

تلاقى شتيمه ع النت ..

تريقه و سخريه !!

و يطلع مهندس المساحه الغريب يقولك دول 40 مليون !!!

و واحد تانى يجيب خريطه يقولك اخرهم 20 الف !!

المشكله ان كل مره ..

يعملوا ع حوار العدد ده مشكله ..

ناس بتأفور فى الاعداد ..

يعنى صفحات بتقولك وصلوا 50 مليون !!

ازاى يعنى.. ها ؟؟؟ ؟؟؟؟؟؟

و ال يقولك لا دول اخرهم 10 ولا 20 الف !!

لا بلاش افوره العدد كبير ..

و ال يقولك بالحسابات و الخرايط ده محيط المظاهرات ,,

و يجبلك خريطه من جوجل ,,

و يعملك شكل رباعى سداسى الزوايا

و يقولك اخرهم 100 الف ..

ع فكره 100 الف عدد ,,

المشكله ان الناس دى ..

هى نفس الناس ال كانت بتدافع عن متظاهرى التحرير ,,

لما كان حد يطلع يقول التحرير مش بيشيل الا 200 الف ,,

دول كانوا يطلعوا يقولك لا دول مليون بطلوا تدليس !!!

- -

فعلاا الافورة لا دين لها ,,

و لما تبقى الحاجه فى صفك ,,

بتنسى مبادئك

!! !!


ع فكره القوة مش فى الاعداد ..

و ال مفكر ان فى اعداد كتير و ان كدا مرسى هيعمل ال هو عايزه يبقا غلطان ..

و لو تمرد فكرت انها جامدين بـ 15 مليون ال بيقولوا انهم لموهم ,,

يبقوا بردوا غلطانين ..

القوة فى الوحدة و الصدق و الايمان بالقضية ,,

القوة فى المبادئ ..

[احضان الحبايب]

ببساطة ..

مليونية النهارده ..

مش تاييد لمرسى ولا حتى الشريعه (( ال كل حاجه يقولك شريعه )) ..

و لا حتى عشان تقول لا للعنف ..

هى ببساطة استعراض للعضلات ..

و تحويل الصراع لصراع عددى ..

من خلال كلمات عاصم عبد الماجد و عصام سلطان و الزمر ..

الموضوع استعراض قوة ..

يعنى ببساطة بيقولوا ..

لو انتوا معاكوا اعداد . فـ احنا معانا اعداد ..

لو عايزينها سلاح .. معانا السلاح ..

بس احنا احسن منكم ..

لان ما خاب جيش يحارب من اجل عقيده و دين ..

- -

فى ناس فعلا هتنزل يوم 30 ضدد الدين ..

ضدد الاسلام ..

ضدد تطبيق الشريعه (( ال هى اصلاا مش مطبقة )) ..

لكن ده لا يعنى ان الناس كلهاا ال نازله كدا !! ..

- -

لخبطة ..

الحل دلوقتى ..

انك تضرب فشار ..

و تقعد تتفرج ..

من هنا لـ بعد يوم 30 هنشوف ايه ال هيحصل ..

[احضان الحبايب]

عارفين احسن حاجه فى الفيس ايه ..

انه مش بينسى كلامك مع اى حد ..

بشوية صبر لثوانى ..

بيجبلك تاريخ محادثاتك كله مع حد معين ..

النهارده و انا قاعد فاضى ..

عملت كدا ..

و جبت كلامى مع ناس يمكن دلوقتى يمكن مش بنتعامل نهائى ..

و بقا فيه بينا الف سور ..

جبت الكلام و استغربت نفسى اوى ..

حسيت ان مش انا ال بتكلم ..

و شوفت كلامهم ..

و اسغربت ازاى كانوا بيقولوا الكلام ده ..

و بعد كدا شوفت منهم تصرفات اقل ما يقال عليه غريبه ..

- -

ال جه فى بالى بقا وقتهاا ..

كلمات حليم ..

لما قال :

" لو كنت اعلم خاتمتى . . . مااا كنت بدأت "

: ) # ايموشن ضحكه فيها حسره

الحمدلله

[احضان الحبايب]

a s k.fm/AbdoMohamed413

شيلوا المسافات ..

و اسـألوا : ) ..

اذا اردتم

* -*

و صبـاح الخيـر ..

بمناسبة اننا بقينا فى اليوم الجديد يعنى ..

- -

اقولكوا حااجه ..

انا عايز اعمل كتاب ..

و اسميها " فلسفة فارغه "

ان شاء الله بما انى فاضى ,..

هقعد اجمع كل الحاجات ال كتبتها و احطها فى ملفات ورد ..

و يبقا ليا مرجعى الخاص ..

يمكن فى يوم من الايام اعملها