فى كل دقيقة شخصية

[احضان الحبايب]

رغـم ان فيروز مش بتعيط و هى بتغنى يعنى ,,

ولا بتتكلم عن الخنقه و الضيق :| ..

الا انى كل لما ابقى مضايق بسمعهاا ..

ده يعنى لو ما سمعتش قرآن ..

:\

[احضان الحبايب]

ليـه ما يعملوش رحله ..

لمكان فى جبال ..

المخنوقيين يروحوا هناك ..

نفسى ابقى فى مكان واسع ..

عشان اعيط و اضحك و اصرخ و اشتم بصوت عالى براحتى ..

:|

[احضان الحبايب]

ابتسامه .. لمجرد انك افتكرت حاجه تدعو لذلك ..

حتى لو كانت حاجه مش مُضحكه يعنى ..

ممكن يكون موقف مؤلم مريت بيه ..

او كلام اتقالك و ضايقك ..

او كلام كان نفسك تسمعه و ما اتقالش ..

ابتسم ..

اصلا # فى _كل_دقيقه_شخصيه

[احضان الحبايب]

كفـانا هبــلاً ..

[احضان الحبايب]

تفتكروا بعد ما خرجنا من تصفيات كاس العالم 2014 ..

فى امل نتأهل لـ 2018 !!! ..

الحكمه من ان كأس العالم كل 4 سنين ..

ان كل منتخب يلحق يظبط الاعيبه بتوعه و الشباب و المدربين ..

و يوفر منااخ رياضى مُحترم عشان اعداد فريق ينافس على التأهل و بعد كدا فى التصفيات ..

فى مصـر بقـا ..

من سنة 90 .. لحـد النهارده ..

ما قدرناش نكون جيل محترم بفكر محترم و فكر احترافى ..

عشان نصعد لكاس العالم ..

هنا مش بتكلم عن فريق كورة بس ..

هنا بتكلم عن منظومه رياضيه كامله " فاشله " ..

لا اهتمام بالدوريات ..

ولا اهتمام باللاعيبه ..

ولا بالمدربين ..

ولا بـ التسويق و التغذيه و الاقاامات و ترتيب المباريات ..

العيب فى المنظومه ..

منظومه ما صلحتهاش الثورة ..

منظومه الامريكانى ما قدرش يعمل فيها حاجه ..

منظومه حتى الاخلاص (( ابو تريكه و عدد من اللاعيبه )) ما قدرش يعدلها ..

قبل ما نبكى على عدم التأهل ..

نبكى على حال البلد و ال وصله ..

فى كل المجالات ..

[احضان الحبايب]

مشاهد التحرش ..

بقت عامله زى الفيلم المتكرر ..

كل عيد ..

كل مناسبة ..

من اول الاعياد .. لحد المظاهرات ...

اى تجمع للبنات ..

اصبح عُرضة للتحرش ..

مش هنتكلم بقا عن لبس البنت ..

لان فى المصايف ..

فى شرم و الغردقه ..

المصيفين بيبقوا بملابس البحر ..

ليه مش بتحصل حالات تحرش هناك !!

لان ببساطة ..

ال بيروح شرم ده ..

حاجه من اتنين ..

يـ واحد حاله ميسور شوية ..

و مُتعلم ..

فـ فاهم ايه ال ينفع و ايه ال ما ينفعش و متربى صح ..

يـ واحد رايح يشوف اكل عيشه ..

و عارف انه لو ضايق حد ..

هيتجاازى ..

و عشان بردوا ..

فى شرم و المناطق السياحيه دى ..

ممكن يكون فى شوية رقابه ..

من شرطة السياحه مثلا ..

او من شركات امن خاصة ..

و ده ال بيدى الامان لاى بنت ..

تمشى زى ما تحب فى المناطق زى دى ..

فـ نبعد بقا الكلام عن لبس البنات ..

رغم انى مقتنع ان فى لبس ..

لا يصلح اصلا نهائيا بتاتا ..

بس لازم نبقى واقعيين ..

مشكلة التحرش فى مصر ..

سببها الرئيسى ..

التخلف و الجهل ..

و بعدها عدم الامن ..

:| ..

هـل من حلول ؟

[احضان الحبايب]

اوقات كدا ..

لما بتحط نفسك مكان اشخاص معينه ..

فى مواقف معينه ..

خصوصا لو المواقف دى صعبه ..

و لها علاقه بالشعور اكتر من الماده ..

بيبقى نفسك تعيط :| ..

و بتحمد ربنا انك مش فى الموقف ده ..



لكن بقا هتعمل ايه ..

لو الموقف ده ..

انت السبب فيه ..

و ال قدامك ده ..

بيتألم ..

او بيتعب ..

مش لازم بسببك على طول ..

بس القصه بتحكى عنك !! ..

مش عارف ..

بس هل الشعور بالذنب .. يغفر الذنب !!

[احضان الحبايب]

لما بتبقى مضايق على مخنوق ..

لما بتسمع اى حاجه فيها نغمة حزن ..

او لما بتشوف اى صورة ..

فيها حزن او شجن ..

بتحس انها بتحط عليك زياده ..

و الموضوع يقلب معاك بعياط بقا و مرمطه :| ..


# كآبه ..

هولع فى نفسى و فى المدونه دى قريب :\

[احضان الحبايب]

- -

[احضان الحبايب]

AsK ..

# دعايا و إعلان ..

# نهاية الصفحة ..

# لم علينا عبيدك يا رب