فى كل دقيقة شخصية

[احضان الحبايب]

هقول حااجه : ) .,

دايما بتسمع بعض البنات بتشتكى من ان الولاد دول خونه مثلااا .,

او بيشتكوا انهم مش اد كلمتهم .,

او انهم بيلعبوا بيهم .,

او ان عالم الرجال عالم مش كويس .,

يمكن بيكون عندهم حق فى بعض المواقف .,

مع اعتراضى ع التعميم يعنى .,

بس مثلااا لما تعرف ان فى بنت ميته ع ولد .,

رغم انه خلف وعده معاها الف مره .,

لما تعرف ان بنت لسه متمسكه بيه لدرجه ان الناس بدأت تحس انهاا بترمى نفسهاا عليه و بتتمحك فيه .,

رغم انه كذب عليهاا .,

فـ هنا ياتى السؤال .,

انتوا مستنين ايه من الولاد لما يلاقوا البنات بيعملوا كدا .,

و بيحطوا كرامتهم فى الارض بايدهم ؟! .,

انا طبعاا عارف ان مش كل البنات زى بعضهاا .,

و مش كلهم كدا .,

بس لما يبقاا ال ظاهر ع السطح هم دول .,

لما يبقا دول ال بيتحكى عنهم و بيتجاهر بكلامهم و تماحكيهم فى الشباب .,

يبقا فى مشكله و مشكلة كبيره

ياريت البنات تفكر الف مره فى اى فعل بتعمله مع اى ولد .,

ده مش بياثر عليهاا لوحدهاا .,

ده ممكن يغير فكرة عن جيل بحاله .,

و نفس الكلام للولاد طبعا .,

و ربناا يهدى .,

بجد ربنا يهدى : )

[احضان الحبايب]

كاظم الساهر .,

you made my day

[احضان الحبايب]

رساله الى آيه " دمـوع القمـ آيـه ـر "

و لما ابطل احلام .,

هبنى مستقبلى ازاى و هعيش ازاى .,

اسم المدونة الاول كان " حلم الهدوء ~ " .,

منوره التقييمات : )

ربنا يكرمك ع كلامك

[احضان الحبايب]

كنت اول بحس بمتعه لما بنزل اتفرج ع ماتش اوروبى .,

بدون التعصب لاى الفريقين انا بشجع .,

بس كنت بحس انى مستمتع بجد .,

دلوقتى و انا نازل اتفرج ع الماتش .,

و اثناء ما الماتش شغال .,

بكون مهموم بشئ واحد بس .,

الحفلات ال هلاقيهاا ع الفيس .,

كله بيرخم ع كله .,

و كله فاكر ان هو ال كسب مش الفريق .,

و ان عادى الكوره مكسب و خساره .,

و ان مش معنى ان فريقه كسب انه لا يقهر مثلاا !!! .,

و بردوا المشجعين للفريق الخسران .,

يقعدوا يطلعوا فى الماتش كل حااجه غلط .,

لدرجة انه ممكن يشتم المخرج !!!

انا مش عارف .,

هو احنا شعبناا ما بيصدق يلاقى حااجه يعمل عليهاا حفله و عصبيه و نرخم بيهاا ع بعضناا .,

ولا دماغناا ال بقت فاضيه

ببساطة قريت تصريح لاحد المدربين بعد الخساره و هو " انتهت المباراه و الفريق جميعه قد نساهاا "

عايز اقولكم ان المباره دى اتعمل عليهاا حفله اسبوع و شير للصور و الاخبار و مش عارف ايه !!

بجد ربناا يهدى .,

و لو اهتمينااا شوية باننا نعمل شير لاخبار الشيشان او الصومال .,

و نحث ع مساعدتهم .,

و نتمتع بنفس العصبيه دى لديناا و وطناا .,

اكيد كناا هنفلح .

نقطه و من اول السطر

[احضان الحبايب]

اقتباس هو ليه دايما جوانا فكره نعلق افعالنا على افعال غيرنا يعنى مثلا نلاقى واحد بيعاكس يقولك اصل بص البنت لابسه ايه ودلوقتى وصلت ليه الولاد بيخونوا اصل فى بنات بتكون راميه نفسها وماعندهاش كرامه فعشان كدا الولد اخد مساحته فى الخيانه بصراحه طول ما احنا بنفكر ان اصلا هو الى عمل كدا فى نفسه ال لما هى لبست كدا جراتنى اعاكسها لما البنت خونتها وسامحتنى جرئتنى انى اخونها تانى فى حاجه كدا اسمها ان الله لايغير ما بقوم حتى يغيروا ما بانفسهم يعنى طول ما بنعلق اخطائنا على شماعه افعال غيرنا عمرنا ما هنكون اصحاب مبادئ واخلاق قويمه

من صفحات حنون .,

ال كانت هتعملى بيهم تقييم ^_^ .,

اولااا بشكرك ع المتابعه .,

ثانيا بشكرك مره تانيه و ده انك بتساعدينى دايماا انى افتح مجال للتوضيح .,

فى كلامى و مشاركتى .,

ما علقتش اى فعل سئ على شماعة البنت .,

و لكنى تسالت .,

لما الاقكى بنت بترمى نفسهاا ع الولد .,

اوى و بتتمحك فى و بتدوس ع كرامتهاا .,

اليس من حق النفوس المريضه انهاا تفتكر كل البنات كداا .,

بالظبط زى ما ابقى انا قاعد و ليا واحد صاحبى كل شوية بنت بتكلمه بنت بتكلمه و هو مبينلى انه مطنشهاا .,

طب مانا لو نفسى ضعيفه او مش بعرف اوزن الامور كويسه .,

هقول كل البنات كدا !! .,

مشاركتى كانت دعم و تنبيه .,

دعم للبنات المحترمه عشان تتمسك بنفسهاا .,

و تنبيه مهم للبنات ال " بتتمسك بـ شاب " بطريقه مبالغ فيهاا .,

انهم بيضروا نفسهم و بيضروا غيرهم كماان من البنات المحترمه .,

و ع فكره لما حنون قالت " لما البنت خونتها وسامحتنى جرئتنى انى اخونها تانى "

فـ دى حقيقه للاسف .,

لما البنت تبقى بتظهر لواحد كل فروض الطاعه و الولاء رغم انه مديهاا ع دماغهاا .,

لا مؤخذه تستاهل بقا ال يجرالهاا .,

انا مش ببحث عن تبرير .,

لكن القانون لا يحمى . . . هؤلاء !!

اخيرا ً حنون عندهاا حق جداا .,

بلاش نعلق اى اخطاء ع حساب حد ولا افعال حد .,

انتهى

[احضان الحبايب]

بفكر كل يوم الف مره .,

انى لو جبت سيرة اى حد سواء بالخير او الشر .,

اروح اقوله انا جبت سيرتك فارجوا تسامحنى .,

بس يمكن فى ناس عقلهاا راقى هتتفهم ده و هتحترم انى مش هوضح انا قولت ايه او مع مين .,

لكن الخوف من الناس ال ممكن تقلبهاا بزعل و خناقه .,

و الواحد فى غنى عن وجع الدماغ .,

هحاول اسستم الفكره فى دماغى : )

و اخرج باقل الخساير

[احضان الحبايب]

ثورة التغيير وصلت المنتدى .,

فـ " دمعه حائرة " غيرت صورة لميس

و " الاميره رودى " غيرت صورة سولاف


اولى بذور النهضه تترح فى منتدانا العزيز

[احضان الحبايب]

ردا على كلام " اسماء " فى التقييم .,

ان كان الحب و المشاعر يجمعان معنى التنازل ., فـ لو كان من الطرفين فـ لا بأس فـ قد نظنه حسن التمسك و الحب .,

اما من طرف دون الاخر ., فـ هو مذله ., مذله تهين صاحبهاا .,

للتوضيح اكتر انا هنزلكم قصه من نسج خيالى ممزوجه ببعض مما بمسعه من ال حوالياا .,

وقتهاا هستنى ردكم و تعليقكم عليهاا .,

و حكمك !!

الرسول صلى الله عليه و سلم قال : اعقلهاا و توكل .,

اعقلهااااا

[احضان الحبايب]

طب انتى يا حنون مش هتبينى او هتبلعيهاا يعنى .,

و يمكن لو قعدتى مع نفسك و تحسبيهاا كدا تقتنعى بان ال عمله صح .,

يمكن النفوس الضعيفه بقاا تقلبهاا بخناقه و عصبيه و يمكن تفارقك خالص .,

رغم انك كنت بتحاول تحفظهم فى غيابهم و حضورهم .,

و ربناا بقاا يحاسبناا عن النواياا : )

عن التقييم انا اتحدث ., ^^

[احضان الحبايب]

اصعب و اسوء خطر تواجهه فى حياتك .,

هو الخطر ال يحل عليك و انت لا تدرى انه خطر اصلااا .,

زى مثلاا عدو اعرفه خيرا من صديق بداخله عدو .,

لان طريقة مواجهته بتبقى اصعب .,

لانك بتكتشفه فى مرحله متاخره جداا للاسف