يعنى اية راجل بجد

[ساحرة الليل]

لو سألت أي بنت ؛


ما مواصفات فتى أحلامك ؟؟



قبل ما تقولك طيب وحنين ووسيم وكل الصفات دي



هتقولك " عايزاه راجل بجد "



فكرت كتير جداااااا لان الموضوع ده كان شاغلني من زمان


يعني ايه واحد "راجل بجد "؟؟!!!



ووصلت لشوية اجابات


• الراجل اللي بجد ... عمره ما يضحك علي بنت أو يستغلها ويوهمها انه

بيحبها لمجرد أنه بييسلي وقته




• الراجل اللي بجد .. تقدري تعتمدي عليه وانت مغمضه عيونك وتمشي

وراه بدون خوف وتحسي معاه بالامان.



• الراجل اللي بجد .. عمره ما يطلع سر بينه وبين واحد صاحبه



• الراجل اللي بجد .. عمره ما يتخلي عن مسؤليه أو يتهرب منها



• الراجل اللي بجد .. هو اللي أول ما الدنيا تضيق في عينيك تلاقيه جنبك و ضهرك وسندك




• الراجل اللي بجد .. مبيبقاش فرحان بيكي وهو ماشي جنبك وأمة

لا اله الا الله بتتفرج عليكي




• الراجل اللي بجد .. هو اللي عمره ما يمد ايده علي واحده لأنه مش محتاج

يعمل كده عشان يثبت رجولته



• الراجل اللي بجد ...هو اللي يقول الحق ولو علي رقبته




• الراجل اللي بجد .. عمره ما يبقي ماشي فرحان بعضلاته ويتمنظر بيها قدام البنات

(لأن الرجوله جواه شئ أكبر من مجرد جيم وعضلات )



• الراجل اللي بجد .. عمره ما يفرض نفسه علي واحده رافضاه




• الراجل اللي بجد .. هو اللي هتحسي معاه انك انثي .. عمرك ما هتقدري تعلي

صوتك قدامه .. في شئ جواه هيجبرك انك تلتزمي الصمت




• الراجل اللي بجد .. هو اللي يقدر يستوعبك وقت ضعفك




• الراجل اللي بجد .. عمره ما يستغل حب فتاه لكي يضغط عليها



• الراجل اللي بجد ...ممكن لا يمتلك كل شئ بس وجوده جنبك هيخليكي

حاسه انك ملكتي كل شئ.




• الراجل اللي بجد ... عمره ما يكون محبط ولا يائس ولا شايف الدنيا سوداء



• الراجل اللي بجد مش شنب ولا عضلات ولا طول وعرض !!



الراجل بجد......يكون عنده اخـــــــــــــــــــــــلااااااااااق...

[روح مخمليه]

هو ذلك الصدر الحنون الذى ترتمى عليه عندما تزداد عليها الحمول هو ذلك الانسان الذى تشعر بوجوده بالامان وبغيره بالحرمان هو ذلك الانسان الذى يكون لها ابا واما وطفلا وتكون له وردة متفتحتة وتكون دموعها له سكاكين وافرحها تجعله من الفرحة يكون سعيد هو ذلك الانسان الذى لن يتركها اذا ذبل ورقها بل سينظر لعبيرها سيراعها وسيهتم بها واذا بغضها لم يهنها بل ستركها مصونة
ساحرة الليل
طرح قيم قدرتى توصفى بجد الرجولة ازاى
تحياتى

[ساحرة الليل]

نورتى التوبيك ياقمراية

[nano.syria]

رااااااااااااااااااااااائع تم التقييم ان شاء الله شباب المسلمين كلون هيك
بشكرك اخي

[ساحرة الليل]

ايهئ ايهئ اييييييييييييييييييي انا بنت بردك منورة التوبيك

[بسمة العمر]

موضوع جميل وفعلا هو دة الراجل اللى بتتمناة كل فتاة
تسلم ايدك ساحرة

[hasnaa.hassan]

كل دا ومش عارفة يعنى ايه راجل بجد
يالهووووووووووووووووووى
انا اصلا مش كنت هكتب كل دا
بس شاطرة والله
تسلمى يا قمر ع انك قولتيلى يعنى ايه راجل

[الصمت لغتي]

فعلا كل كلمه قلتها هي البنت بتبقى عوزا ايه غير كده

[Aya 7ekaya]

الرجوله يعنى الحنيه والكرم
يعنى الراجل يكون صادق وجاع
حاجات كتير جداا
تسلم ايدك ع الموضوع

[محمد الشريف]

بتتبع القرآن الكريم فى الرجولة نجد أنه لايجىء بها إلا فى مقام التفخيم والتعظيم ،

وإبرازه للرجل فى صورة المثل الكامل للإنسانية الكريمة ، والمؤمن الذى

انطبقت عليه معان الإيمان كله فى عمله الذى يعمله ، وهواجسه التى تدور

بخلده ، وحركاته التى يتحركها ، ونواياه التى يضمرها ، فلا يعرف الإسفاف

سبيل إلى قلبه الكبير ولا إلى رأسه المفكر ، ولا إلى سلوكه الطيب ، ولا إلى لسانه

العف ، ولا إلى كنفه الرحيب ، ولا إلى معاشرته الحلوة ، وهو بالتالى لايقف نفسه

مواقف الريبة ، ولا يوردها موارد التهمة ، ولا يعرضها للذم ، ولا يحملها الهوان ،

ولا يقيم بها على الضيم ، ولا يجعلها هدفا لسهام النقد ، فيقول سبحانه وتعالى :

" من المؤمنين رجال صدقوا ماعاهدوا الله عليه "

ويقول : " رجال لاتلهيهم تجارة ولا بيع عن ذكر الله "

تلك بعض معالم وخصائص الرجولة التى ينبغى أن يتسم بها الرجل

مع وافر التحايا