مصطفى يونس الذي يغير من اصحابه لأنهم افضل منه : مجلس ادارة الاهلى يهدر المال العام ولايحتاج احمد علي

[ღ Gի๐sτ ღ]

محرر أيوا كورة - أكد الكابتن مصطفى يونس نجم الاهلى السابق والمدير الفنى السابق لمنتخب مصر للناشئين فى تصريحات تلفزيونية أن الأحمر لا يحتاج التعاقد مع أحمد على لاعب الفريق الأول للكرة بالاسماعيلى مشيرا أن ما يحدث هو فشل من جانب الادارة

وتابع يونس من خلال تصريحات لبرنامج " الدورى *أسبوع " والذى يذاع على قناة " النيل للرياضة " أنه بانضمام أحمد على يصبح لدى الأحمر 7 مهاجمين فيما أنه يلعب بمهاجم وحيد مشيرا أن الفريق يحتاج الى ظهير أيمن أو حارس مرمى خاصة وأن الأهلى يعانى من هذان المركزان

وأضاف يونس أن المجلس الحالى للأهلى فاشل ومهدر للمال العام ولابد أن يحاكم من أجل ذلك مشيرا أنه بذلك يدمر مستقبل لاعبى الفريق خاصة فى اندثار للناشئين أمثال " عفروتو" وشكرى وشهاب الدين أحمد فى مقابل لاعبين من العيار القليل

ولم ينسى يونس أن يهاجم يحيى الكومى رئيس الاسماعيلى السابق والذى وصفه بأنه يريد رئاسة النادى من أجل " الوجاهة والمنظرة " ولكن لا يريد خدمة النادى مشيرا أن الاسماعيلى يحتاج لأموال وليس لمن يتحدث عنه

شكري وشهاب و عفروتو والشباب اللى انت قلت عليهم ليس لهم دخل بأحمد علي لأن احمد مهاجم وهؤلاء ليس مهاجمين

ثانيا : مفيش 7 في الهجوم زي مانت مابتوهم في الناس الموجود مهاجم هو متعب وجونيور وسيد حمدي وفضل فقط يعني 4 لاعبين فقط لاغير ومنهم فضل مصاب طول الوقت وسيد حمدي ليس مهاجم داخل الصندوق ولكنه مهاجم ع الاطراف يعني يعتبر الاهلى مفيهوش مهاجم صندق غير متعب و جونيور فقط لا غير ونحن في حاجة الى احمد علي لأنه مهاجم صندوق مميز بديل لمتعب وجونيور

واخيرا

بلاش هجوم علي ادارة النادي يا "فاشل وغيور من مجلس الأهلي لأنهم كانو زملائك والان هما في رئاسة النادي وانت قاعد فاضي موراكش حاجة تعملها فبتغير من صحابك ازاي يبقو افضل منك فلازم تهاجمهم يافاشل " لأن حتي الادارة لو رحلت مش هاتاخد منصب في النادي

وبالمناسبة الاهلى واخد براءة بتهمة اهدار المال العام . والمجلس الفاشل الحالى هو المجلس الوحيد في مصر اللى بيطبق القانون صح من غير ولاغلطة و من خلال اللعيبة اللى بيشتريها من خارج النادي قدر انه يصنع احسن جيل كورة في تاريخ مصر . لو كان اعتمد ع الناشئين مكناش شوفنا جيل الكورة التاريخي للأهلي ومنتخب مصر بقيادة تريكة وبركات وجمعة !

[احضان الحبايب]

شكرا ع الموضوع
ودياما توضيحاتك اكتر من رائعه
وبجد انا مش بحب يونس ده نهائى
ده ساعات فى مبارايات الاهلى يقول جوزيه ده عبقرى
ومره تانيه ده ...........
حااجه متخلفه بجد
ربنا يرحمنا ويهيدنا

[سَـلمَى]

يسلمووووو على الخبر...
مع إني مش عآرفهـ إيهـ الحكآيهـ

[ღ Gի๐sτ ღ]

تسلمو ع المرو
ملخص الحكاية ياحلوة
مصطفى يونس لاعب من لاعبين زمان بالاهلى وكان من اعز صحابه حسن حمدي والخطيب

ولكن مر الوقت والخطيب وحمدي بقى ناجحين في عملهم و يونس فاشل في عمله ومش لاقى حاجة يعملها

وانتي عارفة ان في ناس لما تلاقي صاحبها افضل منها بتغير منهم

فمصطفى يونس بيغير من نجاح حسن حمدي والخطيب . فبيهاجمهم ع الفاضي والمليان لأنه بيغير منهم وبيكرهم وعلي رأي المثل . العين تكره الاحسن منها

تسلمو ع المرور

[سَـلمَى]

أهآآآآآآآآآ
فهمتو كدآ
حآجهـ غريبهـ هو في أصحآب بتغير من بعض
ربنآ يهديهـ
تسسسسسلم على التوضيح يآ كآبتن ...

[temoO]

سيبو ابو لمعه يتكلم برحته

[ღ Gի๐sτ ღ]

تسلمو ع المرور
امبارح طالع يقول الاهلى صارف 500 مليون جنية ع التعاقدات
و 15 مليون للتعاقد مع شديد قناوي ^_^

الراجل دة بيحسب المبلغ بعشر اضعافة ماشاء الله