خالد الغندور : لماذا باع انبى سليمان للأهلي ورفض بيع عوض للزمالك

[ღ Gի๐sτ ღ]

اكد الإعلامى خالد الغندور ان البرتغالى مانويل جوزيه المدير الفنى للأهلى غير مقتنع حتى الآن بصفقة السيد حمدى التى ابرمها الفريق فى فترة الإنتقالات الصيفية الجارية .

وقال فى برنامجه على قناة "دريم" " السيد حمدى ليس هو الصفقة المتوقعة لجوزيه حتى الآن " .

واضاف " من وجهة نظرى السيد حمدى لاعب جيد ولكنه مزاجى ويحتاج للصبر عليه من خلال الدفع به فى المباريات كما فعل جوزيه مع الأنجولى فلافيو لاعب الفريق السابق منذ سنوات " .

واعرب الغندور عن اندهاشه من تفريط انبى فى لاعبه السابق وليد سليمان للنادى الأهلى ورفضه بيع اسلام عوض لنادى الزمالك حيث قال " مختار مختار المدير الفنى لإنبى وعلاء عبد الصادق مدير الكرة بالنادى ينتمون بالطبع للنادى الأهلى وبالتالى وقعت عليهم ضغوطات كبيرة لبيع سليمان للأهلى ،

ومندهش من تصريحات مختار وعبد الصادق بأنهما متمسكان بإسلام عوض للحفاظ على قوام الفريق ، وبالتالى انا اقول لهم كيف يريدون الحفاظ على قوام الفريق وهم انفسهما من وافقا على بيع ابرز لاعب فى الفريق وهو وليد سليمان "

لاحول ولاقوه الا بالله العلي العظيم .. هاتبدء تدخل ميولك وانتمائك للزمالك في وهم الجماهير بأن الصادق اهلااوي وعشان كدة وافقو لبيع سليمان للأهلي ولن يوافقو انتقال عوض للزمالك وفي الاخر تقول انا محايد ..



اولا : القرار ليس في يد عبد الصادق او مختار فهو في يد ادارة نادي انبى ووزير البترول وهو زملكاوي !

ثانيا : ايضا نادي انبى قام ببيع عبدالعزيز توفيق وهو نجم للمصري لماذا لن تذكر ذلك ؟ طبعا لن تذكره لأن كل مايهمك هو ادخال النادي الاهلى فى القصة وان سبب عدم بيع اللاعب هو الاهلاوية صادق ومختار

ثالثا : وليد سليمان تم عرضه علي الاهلى و الزمالك يعني ادارة انبى كان لديها الرغبة في بيع اللاعب ولكن الاهلى هو من فاز بالصفقة لأنه قام بعرض مالى جاد ومش ذنبنا ان ناديك مش بيعرض عروض جادة

رابعا : الفاكسات والعرض الذى تقدم به الزمالك خاطىء باخطاء قانونية لن يقع فيها مجلس ادارة مركز شباب فمش عارف ازاي مقتنع بعرض اصلا خاطىء من بدايته لنهايته من مجلس ادارة الزمالك ؟

خامسا : ادارة انبى باعت للزمالك اكثر من 5 لاعبين علي رأسهم اسامة حسن و مجدي عطوة و عمرو زكي ولاعبين اخرين كان علاء الصادق اهلاوي :vb29:
اخيرا : الزمالك عارض مليون ونصف جنيه !! هل بالزمة نجم سوبر يلعب في كل مكان بالملعب . هاف ديفندر او نص ملعب متقدم او صانع العاب او ظهير ايسر او في كل مكان بالملعب ولاعب دولي بمنتخب مصر وكان في كلام ان ارسنال الانجليزي يفكر في شراء اللاعب وانت تعرض بـ مليون ونصف وعاوز ادارة انبى توافق ع العرض ؟ !!

[همس القلوب]

اقول ايه بس

ال خالد الغندور ال

نو كومنت

ثـآنكس ع الخبر

وبالتوفيق للاهلى يارب

[سَـلمَى]

يآعم يقول ال يقولي
إحنآ من إمتى بنهتم بكلامهـ
خليهآ بعيد بس

تسسسسلم على الخبر ...

[ღ Gի๐sτ ღ]

للأسف كلامه ليه اهتمام
لان جمهور كتير من الزمالك بيشاهدة ويصدق كلامه ويجي يهاجمو في علاء عبد الصادق ومختار مختار

اللى من وجهة نظرى الصادق هو احسن مدير كورة في مصر ويجي واحد ليس له حنكة ولاخبرة اعلامية زي الغندور كل كلامه هو كلام المتعصبين يهاجم علاء عبد الصادق ! شىء غريب

تسلمي ع المرور

[آية2010]

يسلموا على الخبر
والاهلى ولا بيهموا خالد الغندور ولا غيره
وبالتوفيق للاهلى

[RaIa EL ZaMaLkwYa]

سانكس على الخبر بس ادارة النادى هتعمل ايه بس انتو نادى معاكو فلوس :d احنا لاء :d
وانا اصلا شايفة ان الصفقات اللى الزمالك عملها الموسم دة كفاية اوى

[ღ Gի๐sτ ღ]

طيب انتي قلتيها انكو معكوش فلوس والاهلى معاه فلوس

ودة سبب بيع وليد سليمان للأهلي
لأن الزمالك اصلا مكنش معاه فلوس بس كان داخل يعلي الصفقة ع الاهلى وبس وكان عارض 9 مليون ولما انبى قاللو تعالى اشتري اللاعب موافقين الزمالك قال لأ مش عاوزينة
لان الزمالك فعلا مكنش محتاجه عشان مفيش فلوس بس كان عاوزين يغلو الصفقة عالاهلى والاهلي دخل لوحده خدها ودة مفيهوش اي مشكلة ودي مشكلة الزمالك انه مرديش يدفع ال9 مليون

ولكن الغندور ومدرب الزمالك ومسؤلي الزمالك وناس كتير طالعة بتصريحات انهم باعو وليد سليمان ومش عاوزين يبيعو اسلام عوض . الخ وكل دة عشان يكون في ضغط علي انبى
ولكن اكرر واقول العرض اصلا وحش