برنــــــامج ( حوار من القلب للقلب ) - الى شباب (أولاد -بنات) الدخول للأهميه, لأول مرة

[برنسس ملك]

أهلا بيكم جميعا

أخواتى - أصدقائى
شباب من ( بنات - أولاد )

طبعا كلنا هنا واحد وهنفضل أن شاء الله واحد
بنتكلم وبنحكى على الى بيدور جوانا من مشاعر وكلمات وأحساس
حوار من القلب للقلب

نفسى بجد انك تتكلم انت وهى وأنا معاكم
كلنا نقول الى جوانا
نقدر نشارك رأينا لبعض نقدر نفهم بعض أكتر ونقرب المفاهيم
-لو مضايق من حاجه تقدر تحكيها هنا معانا وانا وغيرى هيسمعك !
-لو نفسك تقول جملة حب قولها وأحنا كلنا هنقدرك !
-لو عايز تقول اى حاجه خاصه بحبك ؟؟ اتفضل فى الموضوع ده كلنا معاك !
-لو قادر تحكى قصتك أحكيها ممكن نتعلم منك وهنكون فى أمان !
الموضوع من الاخر يااجماعه حرية ليكم
عبر عن نفسك : ( زى ماانت عايز ليك حريتك )
عايزين نفضفض ونتكلم ونكون مع بعض دايما

عايزة كل واحد منكم فعلا يحس انه فى بيته او فى مكان بيرتاح فيه
كلنا هنا أخوات

ياريت كل الى يدخل الموضوع يتكلم ويعبر عن الى جواه

موش عايزة احس بجد انى عملت شىء مالهوش قيمة
عايزة فعلا احس بيكم ونحس كلنا ببعض ااننا بنقدم شىء كويس
ونرتقى بقلوبنا ونعبر عن الى جوانا بشكل جميل متميز

ياريت محدش يتحرج ان يتكلم ويعبر عن نفسه !
ياريت فعلا تحس انك هنا فى امان وكلامنا كله أسرار !
ياريت محدش يتكسف ويقرأ الموضوع وميتكلمش معانا !
فكر مرة وأتنين وشارك .. ولما هتشارك غيرك هيشارك ويكون الموضوع ليه أهميته وكلامك ليه معنى وكلنا هنقدروا
لازم لازم بجد نكون ايد واحده !

انا فى أنتظار المشاركات الجاده من الجميع
وأتمنى الأستمرار
وانا واثقة فيكم اننا هنعمل موضوع مفتوح (حوار من القلب للقلب )

طبعا انا موش هقدر أقدم موضوعات لوحدى ولاأكتب كلام وخلاص
لازم كلنا نفوق بقى ونتحرك ونكتب ونعبر عن الى جوانا
نعيش بجد ونعيش صح
ياترى مين معايا فى الموضوع ومين هيتكلم ومين هيعبر مين هيفضفض يالا انا فى الأنتظار

مع خالص حبى للجميع

[بنوته متفائله]

انا هوجه كلام لاعز انسان عندى زوجى وحب عمرى يمكن مش قادره اقلهوله وجه لوجه بس هقوله هنا عايزه اقله انه بجد راجل بجد والانسان الى مبتمناش حد غيره ومش بشوف راجل غيره بس خايفه الايام تبعدنا عن بعض لانى لسه مجبتلوش بيبى ولانى حصلى اجهاض قبل كده وبتعدى الايام وفاتت سنه وشهور على زوجنا نفسى تفضل معايا لانك بجد كل حياتى ونفسى الناس تبعد عننا ونفسى يبطلو يحسدونا احنا ممكن بنضحك ادام الناس بس قلبنا بيكون مكسور لما حد يفكرنا بلاطفال احنا مبسوطين مع بعض ارحمونا وابعدو عننا وده مش بايدنا ده بايد ربنا وعاوزه اقول لاهلى متخفوش عليه زوجى راجل اصيل وعمرو مهيتاثر بحد ومش هيعدى سنه ديه بظنى فى الله غير مكون عندنا نونو باذن الله لان ربنا قال استغفرو ربكم يمددكم باموال وبنين وانا ابتديت استغفار الحمد لله
انا بجد فتحت قلبى بلجواه

[برنسس ملك]

الف شكر ياقم عالمرور
انشاء اللة عمركوا ماهتفترقوا عن بعض
ربنا يبعد عنكوا اى حد يقو ل كلمة وحشة
بس انشاء اللة تكونى اخترتى الاختيار الصحيح
وربنا انشاء اللة هيكرمك اكبر كرم ويخليكوا لبعض دايما
كمان دى حاجة بتاعت ربنا
وربنا كبير اووووووى
وانشاء اللة مش هيكسر بخطرك ويكرمك

[فداااااااااااء]

لدى شعور بالخوف على بلدى لما يحدث فيها
وشعور الالم بما يفعله بعض أبناء بلدى من أفعال مؤلمة
تشبه سهام تخترق قلب مصر
وشعور ثالث ولكنه اقسى ألما عندما أرى الحجاج المصريين
يتعاملوا بصورة غير لآئقه بدولة فى أرضها بيت اللهُ
بسبب واضح وهو محاكمة الرئيس السابق
فى داخلى ألالالم عديدة الافضل الصمت
شكر ا على الطرح

[بنوته متفائله]

تسلمى ياقمر بجد موضوع رائع واختيار قيم منك لاتحرمينا من ابدعاتك اختى