نظـــــــــره المجتمــــــــــــع؟؟؟

[الروح أرق من الندى]

اعتقد ان ما سوف اتحدث عنه اليوم هي مشكله اصبح المجتمع المصري يعاني منها وما جعلني اتحدث في هذه المشكله احدي صديقاتي فكنت اتحدث معها اليوم ولم تتجاوز سن السابعه والعشرين انسانه لها شخصيه جميله جدا ولكن لسبب ما اصبحت مطلقه تلك الكلمه التي لا يغفرها مجتمعنا لاي امرأه ((((((((((مطلقـــــه)))))))))) تلك الكلمه التي تعتبر وصمه عار لحاملتها ودائما نجد المجتمع ينظر لها نظره لوم وعتاب واحيانا تكون نظره انها مخطئه ومذنبه.......... دون حتي ان نعلم اسباب فشل زواجها ؟؟؟ واسبابها للبحث عن حياه اخري؟؟ وهل تلك النظره تكون ايضا نفس النظره التي ينظر بها المجتمع للرجل المطلق ام انه يمارس حياته الطبيعيه دون ادني مشكله ؟؟؟؟؟؟ ولكني اعتقد ان إن أزمة المطلقة هي أكبر من نظرة المجتمع لها حيث تشعر بالوحدة دائماً تشعر بمدي نبذ المجتمع واهلها واصدقائها لها فنجدها اتخذت الوحده رفيقه لها فللاسف المطلقه وقعت فريسه لانياب مفترسه الوحده والمجتمع... وانظروا معي كشفت دراسة جديدة للدكتور عزة كريم، أستاذ علم الاجتماع بالمركز القومي للبحوث الاجتماعية والجنائية، عن ارتفاع نسبة الطلاق في مصر إلى 45% في عام 2008 بزيادة قدرها 20% عن عام 1980. المصدر : المركز القومي للبحوث الاجتماعية: نسبة الطلاق في مصر ارتفعت إلى 45% خلال العام الماضي - 100fm6.com ؟؟ لذلك اتمني منكم المشاركه والحوار في تلك الظاهره في مجتمعنا وهل المجتمع لديه الحق في ادانه المراه المطلقه وهل فعلا المرأة المطلقة تؤثر سلبا على سمعة اهلها ومن حولها؟

[بسمة العمر]

فعلا دة بيحصل مع المراة فقط اما الرجل يمارس حياتة عادى لانو راجل
حتى لو جات تجوز مرة تانية يقلولك هتجوز واحدة مطلقة
اما الراجل بيجوز عادى وبيعيش حياتة
موضوع جميل يسلموووووووووو

[همسه الجوارح]

اولا الموضوع يستحق النقاش

بس هتعملى ايه فى عادات

وتقاليد اتربى عليها شعوب من قديم الزمن

يابنتى دول ببصو على المطلقه قبل الدخله

بنظره المعيوبه او اتعلم عليها خلاص

ليه انا معرفش

مع ان الحياه الاسريه ممكن تكون الست

المخطئه ووكمان الراجل

مش ملاك

لكن امتى هنغير من نفسنا

ونبص للست على انها مخلوق

معرض للمشاكل والخلافات

معرضه للطلاق والترمل فى سن مبكر

يعنى ممكن بنت عندها 21 سنه تتجوز

وتترمل ماحدش يبصلها غير المعدومين الضمير

استغفر الله رب العالمين ع الناس دى

شكرا اختى

[الروح أرق من الندى]

اقتباس المشاركة الأصلية كتبت بواسطة بسمة العمر فعلا دة بيحصل مع المراة فقط اما الرجل يمارس حياتة عادى لانو راجل حتى لو جات تجوز مرة تانية يقلولك هتجوز واحدة مطلقة اما الراجل بيجوز عادى وبيعيش حياتة موضوع جميل يسلموووووووووو

عندك حق المرأه هي اللي بتشيل ذنب طلاقها ده حتي ولو كانت مظلومه مع جوزها

ليه متعرفيش ... دي طريق تفكير مجتمعنا امتي هتتغير الله اعلم؟؟؟؟

[الروح أرق من الندى]

اقتباس المشاركة الأصلية كتبت بواسطة همسه الجوارح اولا الموضوع يستحق النقاش بس هتعملى ايه فى عادات وتقاليد اتربى عليها شعوب من قديم الزمن يابنتى دول ببصو على المطلقه قبل الدخله بنظره المعيوبه او اتعلم عليها خلاص ليه انا معرفش مع ان الحياه الاسريه ممكن تكون الست المخطئه ووكمان الراجل مش ملاك لكن امتى هنغير من نفسنا ونبص للست على انها مخلوق معرض للمشاكل والخلافات معرضه للطلاق والترمل فى سن مبكر يعنى ممكن بنت عندها 21 سنه تتجوز وتترمل ماحدش يبصلها غير المعدومين الضمير استغفر الله رب العالمين ع الناس دى شكرا اختى

عندك حق عادات وتقاليد عمرها ما هتتغير وهتفضل موجوده

ياريت نبص للست علي انها انسانه لها مشاعر واحاسيس

لها حق انها تنهي مأساه وتبدا حياه جديده

ارق تحياتي

[ساحر الأحزان]

حقيقة هى نظرة مؤلمة واحساس مؤلم

ان تكون فى ريعان شبابها وتنفصل

وينظر لها على انها عالة او كمالة عدد

وان تزوجت يتقدم لها ممن سبق لة الزواج

وعندة اطفال يريد ان ترعاهم

او زوج كبيرا فى السن

وكانة حكم عليها بان لا تكمل حياتها التى تريدها

اختيار قيم منك

تحياتى علية

[hasnaa.hassan]

شكرا ع طرحك المميز
طبعا احنا عارفين فى كل المجتمعات العربية
ينظرون الى المطلقة
يحسون انها عاملة عاملة
مش عارفة ليه
مع ان ممكن يكون سبب الطلاق فى الزوج مش منها هى
بصراحة مش عارفة ليه ينظرون لها بهذا الشكل
بس هى دى فعلا مشكلة كبيرة
والمرآة دى مش بتاخد رحتها خالص فى المجتمع
عشان كدا كتير من النساء يفضلن ان يكن مع ازواجهن رغما عنهن
بسبب كلام الناس اللى مش بيخلص

شكرا لك ولطرحك المميز
تحياتى

[الروح أرق من الندى]

اقتباس المشاركة الأصلية كتبت بواسطة ساحر الاحزان حقيقة هى نظرة مؤلمة واحساس مؤلم ان تكون فى ريعان شبابها وتنفصل وينظر لها على انها عالة او كمالة عدد وان تزوجت يتقدم لها ممن سبق لة الزواج وعندة اطفال يريد ان ترعاهم او زوج كبيرا فى السن وكانة حكم عليها بان لا تكمل حياتها التى تريدها اختيار قيم منك تحياتى علية

والنظره دي زي مايكون بها عيب ومتتكلمش

وتوافق علي اللي بيتقدملها وخلاص وكانها هي من فعلت هذا بنفسها

شرفتني مشاركتك ارق تحياتي

[الروح أرق من الندى]

اقتباس المشاركة الأصلية كتبت بواسطة hasnaa.hassan شكرا ع طرحك المميز طبعا احنا عارفين فى كل المجتمعات العربية ينظرون الى المطلقة يحسون انها عاملة عاملة مش عارفة ليه مع ان ممكن يكون سبب الطلاق فى الزوج مش منها هى بصراحة مش عارفة ليه ينظرون لها بهذا الشكل بس هى دى فعلا مشكلة كبيرة والمرآة دى مش بتاخد رحتها خالص فى المجتمع عشان كدا كتير من النساء يفضلن ان يكن مع ازواجهن رغما عنهن بسبب كلام الناس اللى مش بيخلص شكرا لك ولطرحك المميز تحياتى

اولا اشكرك لمشاركتك بالموضوع وشرفتني مشاركتك

ثانيا حتي لو فضلت البقاء متزوجه حتي تبعد عن كلام الناس

بردو بيكون مصيرها ابشع وبتستحمل بس في النهايه بردو ممكن

يوصل الموضوع للاطلاق بس المصيبه بيكون فيه اولاد

امتي بقي الحياه تتغير ؟؟ وتتغير هذه النظره القاتمه للمطلقه؟