موسوعات العصور التاريخية

[beautycat]

من لا يقرأ التاريخ يبقى أبد الدهر طفلا صغيرا أهلا وسهلا بيكم منورين الموضوع والقسم كله ندخل في الموضوع علي طول حبيت نتعلم تاريخنا نعرف حاجات اكتر عن عصورنا التاريخية فهنعمل ايه بقي؟ هنعمل حاجه زي موسوعات للعصور التاريخية هنزل كل يوم جزء عن عصور من العصور نستفاد منه كتير لاننا بنكتسب الحكم من تاريخنا معانا 6 عصور تاريخية العصر الفرعوني العصر البطلمي العصر الروماني العصر القبطي العصر الأسلامي العصر الحديث العصر المعاصر هنعمل بيهم 6 موسوعات مطلوب مشتركيين للموسوعات يختاروا العصر اللي عايزين يكتبوا عنه ما عليكم غير انكم هتاخدوا الرابط الخاص بالعصر وهتحطوا جزء منه كل يوم ده طبعاً بعد أكتمال اعضاء الموسوعات كل موسوعة ليها قائد وهو هيقوم بتنظيم الموسوعة وتقسمها ومين من الأعضاء هينزل الموسوعة؟ وفي ايام ايه؟ في جوايز مش هتشتغلوا ببلاش مش حرماكوا من حاجه اوسمة شهادات تقدير مشاركات التقييم في الموسوعات هيبقي علي أساس الحضور الدائم والأستفاده من الموسوعات أكتساب الخبره من الموسوعة مش لمجرد تأدية الواجب وبس وان الموسوعة تنزل كل يوم قبل الساعة 12 بالليل الرد في الموسوعات التانية مش الأكتفاء بالموسوعة بتاعت العضو وبس وتوزيع الرابط علي الأعضاء كمان للأستفاده من الموسوعات انا بشكر حبيبة قلبي سيرين لان الفكرة اخدتها من تنفيذها في الموسوعات الرمضانية وطبعاً لازم نعترف بده ونشكرها أتمني يكون منكم تفاعل الموسوعة مستمرة لمدة شهر ده علشان تبقوا عارفين المده

[ساحر الأحزان]

موسوعة جميل منك وسوف توضح الكثير من المعلومات

التى سوف نستفاد منها من عدة عصور مضت

وتكشف لنا الكثير عنها

اختيار قيم

ومجهود واضح بالتوفيق لكم

[Princess Noda]

موسوعه جميله يا قمر
تسلم ايدك
بجد انا كان نفسى اشترك
بس مقدرش لان فى مدارس جايه
بالتوفيق للمشتركين
و بالتوفيق ليكى

[Lambeka]

فكرة حلوة يا قمر
كان نفسي اشترك
بس السكول والدروس بقي
موفقه

[۩۩ elMagic ۩۩]

مع انى مش ليا فى التاريخ خالص ولا أعرف عنه اى حاجه
لكن ممكن اشترك معاكوا بس أفكر الاول
لان مدة الموسوعات شهر وانا ممكن ابقى معاكى لغاية اخر 9
بعد كده هكون فى المدينه الجامعيه ياعالم جاى تانى و لا لا
ربنا يقدم اللى فيه الخير ان شاء الله
مجهود مميز يويو
وبالتوفيق ليكى ولكل المشتركين
تحيــــــاتى وتقديــــرى

[ساحرة الليل]

فكرة جميلة جدا

[Sєяєєη●•ʚɞ]

ربنا يخليكى يا حبيبتى على شكرك ده
وبتمنى ان الاعضاء تتفاعل معاكى زى ما اتفاعلت معايا فى الموسوعات الرمضانية كده
وان شاء الله هتكون موسوعات حلوة والكل يستفيد منها ويتفاعل
وبالتوفيق فى الفكرة يا حبيبه قلبى
...

[الملكة كيلوباترا]

ايه الجمال دة يايويو
بجد موضوع فى منتهى الجمال
والجوائز جميلة
ان شاء الله تلاقى تفاعل وتلاقى الاعضاء بتشترك
وانا هاشترك وفى عصر الفرعونى
ودوام النشاط ياايه

[سندس]

فكرة جامدة جدا
انا كان نفسى اشترك بس ممكن مينفعشى
عشان لمدة شهر و انا ممكن اكون موجودة بس
لاخر 9
يلا بالتوفيق للجميع و بالتوفيق ليكى يا ثكرة

[angelgirl]

فكرة جميله كتير والتاريخ حاجة اساسية وان شاء الله الكل يستفيد من الموسوعة وشكر خاص لصاحبة الفكرة وصاحبة الموضوع وبالتوفيق للكل