مدرستكوا جاية تعذبكوا (14) ->ألحان الورد

[۩۩ elMagic ۩۩]

حمدلله على سلامة البرنامج يا سيرو :biggrin:
استضافه جميله جدااا
ضياء
منور يا ريس
فى انتظار الاجابات
كل عام وانتم بخير

[الملكة كيلوباترا]

يانهاااااااار ابيض
ضياء اتدبس فى الموضوع مدرستكوا جاية تعذبكوا
بس بجد ياسيرين احسنتى الاختيار
ومستنيين اجابات doiss

[doiss]

صبرك بالله يا سيرين تاخديني علي مشمي ههههههههههه


قولنا الاول اسمك وسنك ودراستك ايه وعايشة فى اى بلد؟؟
واختار الصف اللى نفسك ترجعله تانى ؟؟
الاسم: ضياء
السن:35
المدينة: القاهرة
الدراسة: ليسانس حقوق
عاوز ارجع ثانوي :biggrin:

1- مدرستك كانت قريبه عن البيت ولا بعيدة؟
قريبة

2- كنت بتروح المدرسة ازاى بالباص ولا موترورجل؟(وسيله المواصلات)
قريبة يعني موتورجل

3- مين اللى كان بيوديك المدرسة؟ (كنت بتروح المدرسة مع مين)
بالحضانة مع اهلي ومن اول اولة ابتدائي لوحدي ,,

4- كنت بتاخد معاك ساندوتشات ايه وانت رايح المدرسة؟
بتتحطلي بالعافية وبرميها ا بوزعها ههههههههه
5-ايه اكتر ساندوتشات كنت بتكره ماما تعملهالك للمدرسة؟

ولا حاجة بقضيها بسكوت ,,


6- عمرك مرة جربت تاكل من ساندوتش اللى جنبك؟ ولو حصلك موقف مع السندوتشات فى المدرسة ...احكيه

يعععععع إستحالة علي جثتي ههههههههه
الواد اللي جنبي بابتدائي طلع مورتديلا وبحسبها لانشون كنت حجيب اللي ببطني لما عرفت


7- ياترى كان فيه بائعين متجولين قدام باب المدرسة؟

أكيد انا من العصر الحجري هههههههه


8- تفتكر شكل شنطة المدرسة بتاعتك كان ايه؟

لا خالص ..


9-ايه اكتر حصة كنت بتحبها فى المدرسة؟وايه اكتر حصة كنت بتكرها؟

اكتر حصة احبها حصة الدين واللي اكرهها الحساب :biggrin: .


10-ياترى انت كنت تلميذ هادى فى الفصل ولا تلميذ مشاغب وعامل ازعرينا؟

شقاوتي برا المدرسة وبقت جوة المدرسة بالاعدادي والثانوي ..


11- كان ليك اصدقاء فى المدرسة؟كام صديق؟لوتفتكر اسماء لهم قولهم؟

كتير والله بس مش فاكر كتير ..


13-حصلتلك قبل كدة مشكله مع اصدقائك او حد اتفق عليك وحاول يكيفك؟طب انت حاولت تتأمر على حد قبل كدة وكنت شرير؟لوحصل دة احكى بسرعه


نظام المدارس نظام تشكيلات عصابية وحصلت علي لقب الزعامة ب3 اعدادي كنت بتدرب قبلها بس ههههههه ..


14- احكى موقف حصلك فى المدرسة عمرك اما تنساة (موقف مفرح – موقف محزن)


موقف مفرح ..
يوم مبقيت بشرطة المدرسة كنت بسنة 5 ابتدائي هههههه
موقف محزن .
كنت بلعب بالفسحة ووقعت علي راسي اتعورت وروحت المستشفي ,,

يتبع ...

[doiss]

اقتباس المشاركة الأصلية كتبت بواسطة ۩۩ elmagic ۩۩ حمدلله على سلامة البرنامج يا سيرو :biggrin: استضافه جميله جدااا ضياء منور يا ريس فى انتظار الاجابات كل عام وانتم بخير

تسلم يا ماجيكو النور نورك ,,
شوفت التدابيس ,, يرضيك كدة ؟ ههههههههه

[doiss]

اقتباس المشاركة الأصلية كتبت بواسطة انثى ملامحها انيقة يانهاااااااار ابيض ضياء اتدبس فى الموضوع مدرستكوا جاية تعذبكوا بس بجد ياسيرين احسنتى الاختيار ومستنيين اجابات doiss

خبي شوية الانبساط والشماتة يا ساره ههههههههه
ماشي ماشي انتي كمان يومك حيجي
:roma-flag:
نورتي التدبيسه ..
:biggrin:

[Lost Pearl]

منور يا ضياء بإجاباتك الجميلة
و يللا بالباقي قبل المعاد بقي )

[beauty angel]

حلوة اوى التقديمة ياسيرووو :biggrin:
والتدبيسة الجديدة ولا أروع ^_*
برافو عليكى أنك جيبتى ضياء ع طول عالقسم العام
علشان نظبطتوهـ ونروقوهـ
نورتنا ياضياء اجاباتكـ جميلة
وخليك فاكر دخول القسم العام مش زى خروجهـ
نياهاهاها :biggrin:
متابعين معاكوااا ،، موفقين ان شاء الله

[doiss]

اقتباس المشاركة الأصلية كتبت بواسطة lost pearl منور يا ضياء بإجاباتك الجميلة و يللا بالباقي قبل المعاد بقي )

طول عمري منور مش ضياء :762:
وبعدين هو انتي كمان هتعملي زي سيرين وتستعجلي ؟
اصبري بالتأني السلامة اودامك خماشر يوم ولا حاقة :079:
انتي اللي نورتي ..
:biggrin:

[doiss]

اقتباس المشاركة الأصلية كتبت بواسطة beauty angel حلوة اوى التقديمة ياسيرووو :biggrin: والتدبيسة الجديدة ولا أروع ^_* برافو عليكى أنك جيبتى ضياء ع طول عالقسم العام علشان نظبطتوهـ ونروقوهـ نورتنا ياضياء اجاباتكـ جميلة وخليك فاكر دخول القسم العام مش زى خروجهـ نياهاهاها :biggrin: متابعين معاكوااا ،، موفقين ان شاء الله

اية نظام الشماتة دة ؟
وبعدين بتشجعيها ع الافترا ؟
ونظبطوة ونروقوة دة مشرفين القسم ريا وسكينة ولا اية :198: ههههههههههه
حجاوب حاضر بس اصتبري عليا اصل الاسئلة صعبة اوي :762:
انتي اللي منورة وعقبال مشوفكوا منورين قريب ووقتها لا رحمة :497:

[doiss]

استعنا ع الشقا بالله دنا هخرج بدكتوراة من هنا ..
صبرك بالله يا سيرين التدابيس بيننا :bb7:



- عشت قصة اعجاب للجنس الاخرواعجبت بيه فى المدرسة؟ حصلك موقف قبل كدة معاه ..لو فيه احكى
لا الموضوع دة مفقود فية الأمل تقريباً بابتدائي وانا بابتدائي مكنتش اعجب بالاطفال اللي زيى احسهم تافهين هههههههههه لكن المدرسة شخصية وعقل قعدتي كلها مع المدرسات الصغيرين :bb1:


16-ياترى كنت تلميذ شاطر ومتفوق وبتاكل الكتب ولا بتفتح الكتاب وتقعد تسرح فيه؟
كنت بحط قصص جوة الكتب هههههههههههه


17- كنت بتعتمد على حد دايما يقعد يذاكرلك ولا انت كنت بتذاكر لوحدك ولا بتكبر خالص وبتسيبها بظروفها؟
فية قاعدة حلوة : طنش وعيش ومدققش عشان متتعبش :biggrin:


18-كنت بتاخد دروس خصوصيه ؟ولو اة كنت بتاخد كام درس وفى انهى مواد؟
اينعم بس بمواد قليلة اصلي عارف اخرها ذاكر تنجح غش تجيب مجموع :762:


19- زوغت قبل كدة من المدرسة ؟ولو اة زوغت كام مرة ؟واحكى ايه اللى حصل بالضبط
اسمها زوغت لـ للمدرسة قد اية مش مبتحضرش قد اية :079: فية فرق انا معكوسة معايا اصلي اعز الغيبوبة اوي (النوم)


20- ياترى كنت بتركز فى الحصة ولا بتقضيها هاتك يانوم ولبان ؟ ولو حصه مش داغله مزاجك كنت بتعمل ايه فيها بتطلع تاكل وتعيش حياتك ولا ايه النظام؟
بحضر حصتين واتكل علي الله يعني هقطع نفسي ؟ :445:

21-كان زى مدرستك لونه ايه وشكله ايه فى(ابتدائى – اعدادى – ثانوى)؟ وكنت بتلتزم باللبس دة ولا كنت بتلبس مخالف؟
ابتدائي تقريباً اخضر-اعدادي سماوي اول سنة والباقي من غير زي او بالبيجامة لحد ثانوي ..
هو انا كنت بحضر ؟ :079:

22- عمرك مريت بموقف ضربتك فيه مدرس او مدرسة مفتريه؟لو اضربت احكى الموقف ...عادى خالص
كسرت معمل الكيمياء عشان كان حابسنا وطلع يجري ورايا المدرس بالمدرسة وخربشني من ظهري واتحاميت بالمدير وهددتة هعملة محضر فخاف هههههههههه :762:


23-ها ايه ظروفك مع الامتحانات كنت مقضيها صواريخ طايرة ولاسلكى مرفوع وغش وبراشيم والرزق يحب الخفيه وكدة ولا كنت مش بتغش ومعتمد على نفسك وكدة؟...قول الصراحة
واحد مصاحب علي علوكة واشرف كخا هيذاكر يعني ؟ :445:


24- ياترى بعد الامتحان كنت بتحتفظ بكتابك وتشيله ولا بتعمله عصافير الجنة وترمية فى اقرب سله ؟
دة لو استلمتة اصلاً :biggrin:


25-كنت بتحب الصحيان بدرى؟وكنت بتستنى رجوعك للمدرسة ولا كنت بتستنى الاجازة بفارغ الصبر؟
الايام اللي كنت بصحي فيها بحضر حصتين واطلع ع النادي او الكافية علي حسب :762:يعني كلها اجازة :079:


26- ايه هى كانت طريقتك فى المذاكرة؟وكنت بتحب تذاكر فى انهى مواعيد بالضبط مثلا (قبل الفجر او بليل او الصبح بدرى)؟ وكنت بتحب تذاكر مع صديق لك ولا لاء؟
قبل الامتحان بجيب الكتب واذاكر اللي هبرشمه :445:

27- انت بتذاكر بصوت عالى وتفضل رايح جاى ولا بتذاكر من غير صوت وانت قاعد؟بتقدر تذاكر وانت جنبك حاجة شغالة زى تليفزيون او راديو ولا بتحب تذاكر فى هدوء؟
لأ بغش بصوت واطي :445:

28- اخيرا...احكيلى اصعب موقف مر عليك فى حياتك الدراسيه عموما

لما نجحت بالثانوية العامة حسيت انهم غلطوا وخوفت يرجعوا بكلامهم :biggrin:



موقف لايمكن تنساه وحصلك فى المدرسة لو كان سعيد احكى ولو كان حزين احكيه؟
وانا بنط من ع السور بعد مخرجت رجل مدرس قفش بالجزمة اللي بالرجل اللي جوة ولسة مخرجتش وطبعاً هياخدي ع المدير فهعمل اية ؟
قمت رازعة بالرجل اللي ماسكها براسة وكملت نط :079:

موقف حصلك مع مدرس من مدرسينك؟

غزيت اللي اودامي بالبرجل عشان بياخد درس عند المدرس وقالة ضياء بيقول عليك مبتعرفش تشرح :762:فالمدرس ضربني عشان الواد صوت بنص الحصة من الغزة :biggrin:


موقف حصلك مع اصحابك فى المدرسة؟

شدوني يوم وقالولي انت اللي مبوز الفصل مين تاني معاك ؟ طبعاً لو قولت مفيش هيستفردو بيا ويرفدوني .. قمت كاتب لهم نص الفصل عشان ميقدروش يرفدونا :762:قفلوا الفصل لمدة اسبوع بس :079:

اي خدعة ومش هتلاقي تلميذ شاطر كدة اوي جداً زيى كدة

:445: