الموضوع خطير اريد حل من الاعضاء

[روح مخمليه]

المفروض الاهل ما يجبروش حد ع الجواز براحته يختار البنت اللى تعجبه انا اؤيد انه ام يختار الانسانه اللي قلبه اخترها ويعيش معها في امان
والاهل اعتقد بعد كدا هيتقبلوا الوضع
وان شاء الله ربنا يوفقه

[زمن الغربة]

هو فعلا موضوع محير وخطير
والحدوثة دي في شباب كثير مرو بيها
انا كان لي صديقة حالتها تشبه حالة الشاب دا
انا نفسي اقول يختار الي قلبه عايزها
بس بشرط لازم يلاقي طريقة لاقناع الاهل
لانه رضى الاهل ضروري
ودا لي صديقتي معرفتش تعملو لانه علاقتها
اترفضت من حيث المبدا لاسباب كثيرة ...
شكرا لاهتمامك بصديقك وطرحك مشكلته

[عاشقة الهدوء]

1ـ هل هذا الشاب يخطب احد اقربه

ويعيش ايام عذاب طول حياته لكي يرضي اهله واقربه؟
طبعا لا مش ممكن هو يراضى
أهله كده بهدوء ويفهمهم الوضع ويتشاورمعاهم بحكمه كده حتى يقنعهم


2ـ ام يختار الانسانه اللي قلبه اخترها ويعيش معها في امان دون مشاكل؟
أكيد طبعا حاااجه مغروغ منها انه يكمل مع حبيبته بس لازم أهله يكونوا مقتنعين بهذا ويعمل المستحيل عشان
يوافقوا ويحاول بقدر الامكان عشان برضه ميخسرش أهله وهيبقى فيه عائق بينه وبين أهله لان للاسف يامحمد الموضوع ده خطير جدا زى ما حضرتك تكرمت وقولت ولو قعدت اتكلم فيه مش هخلص وادى الى بيحصل من نتيجة
ضغط الاهل لاولادهم لجواز غير مقبول من طرق الابن أو البنت والذى ينتج عنه كوراث
والله بالنسبه للطرفين الاولاد والاهل نفسهم فى غنى عنها
3ـ ام يعيش طول عمره في الغربه ليرضي الجميع ويرفض النزول الي مصر؟

هيضيع نفسه يعنى وده شىء جميل لما يعمل كده ويضيع نفسه ويحرم نفسه من نزوله بلده وسط أهله

ويزعل أهله لا هوه ينزل وزى ما قولت قبل كده فى كلامى

انه يبقه قد المسئوليه مدام بيحب انسانه ومتمسك بيها

وهتكون سبب فى سعادته لازم يتعب ويتعب مع أهله

ويحاول ميت مره ويستعين بأحد من أقاربه لهم دلال ومعزه

وكلمته مسموعه وانسان حكيم كده حتى يشاورهم فى الآمر

لعلى وعسى الامور تنصلح وتكون مرضيه

بينه وبين أهله وده أهم حاجه لازم تكون علاقته كويسه مع أهله

وفى تراضى عشان يعيش مبسوط وسعيد مع أهله

ومع حبيبته ويارب أكون أفادته برأى ويكون صااائب

أسال الله له التوفيق وأن يجمعه بحبيبته عاجلا غير أجلا

وأن يهدى أهله ويصلح فيما بينهم

أمين يارب العااالمين وكل شىء قسمه ونصيب

والامر كله بيد الخااالق أنت تريد وأنا أريد والله يفعل ما يريد

فى امااااااااااااان الله

[بسمة العمر]

طبعا يخطب اللى بيحبها
وينزل يجوزها حتى لو كان هذا القرار ضد الاهل
لانو بعد ما هيجوزها هما هيتحطو قدام الامر الواقع وهيوافقم عليها
ومفيش حد بيكرة السعادة لابنة اول ما يلقوة مبسوط هما كمان هينبسطوم
رغم انو احنا عيشين فى الصعيد الا انو احنا دلوكتى الواحد لما بيحب وحدة بيخودها سواء اهلو رضيم ولا مرضيوش
وكمان البنت نفس النظام
بس لازم ياخود اللى بيحبها والا هيفضل عايش تعيس العمر كولة
حتى لو البنت اللى اجوزها قدتلو صوبعها العشرة شمع برضو مش هيكون سعيد معاها
وربنا يقدملة اللى فية الخير
تسلم يامحمد

[~ NoDa~]

يتفآهم مع آهله ويقتنعهم بالبنت اللي دآخلة دمآغه دي ، ويحاول بكل مجهوده انه يقنعهم
وانه لو عاش مع غيرها هيظلمهآ
ويستخير ربنآ وحتى لو فالنهآية اتجوز قريبته يبقآ الجوآز قسمة ونصيب وربنا يسهله : )

[ملكة الهدوء]

1ـ هل هذا الشاب يخطب احد اقربه ويعيش ايام عذاب طول حياته لكي يرضي اهله واقربه؟

لا طبعا مش يخطبها لان دى هتكون شريكه حياته مش هيقضى حياته كلها كارها ومن ناحيه الاهل بالوقت هيتصافوا لان اكيد اهمهم الاول والاخير ان ابنهم يكون سعيد فى حياته

2ـ ام يختار الانسانه اللي قلبه اخترها ويعيش معها في امان دون مشاكل؟

اكيد طبعا لان هتكون من اختياره وفضل يعيش حياته كلها معاها

3ـ ام يعيش طول عمره في الغربه ليرضي الجميع ويرفض النزول الي مصر؟

لا طبعا لان ده مش حل لازم يالجهه الامور ويحاول يقنع اهله بالى بيحبها وعايزها تكون معاه




ويارب المشكله تتحل على خير بدون اى خسائر

[عذب المشاعر]

السلام عليكم ورحمة الله وبركاته

اخى محمد مشكلة صاحبك دى تتلخص فى جزئيه وهى ان فى بعض من الشعوب العربيه نلاقيها تحب يكون اختيار الاهل لاولادهم شريك او شريكة الحياة باختيار منهم اولا وبعد كدا يتم الاختيار من اولادهم بناءا على اختيارهم على اساس يعنى انها هتعيش معاهم والاختيار من الاهل شىء عظيم بس له حدود مش بالاجبار لان من شروط الزواج الناجح القبول بس الحمد لله المشكله الشائعه دى اصبحت تتلاشى وبقى كل انسان بيختار بنفسه يعنى باختصار كدا صاحبك ينزل مصر لاسرته نصيحه بلاش يقول رايه الاخيربالموافقه او الرفض فى التليفون وبلاش يسبق الاحداث لان هيكون كلامه مش واضح مع اهله لان بكدا المشكله دى مش هتتحل وهو بيهرب منها ازاى يحلها وهو بعيد ببساطه كدا مهو لازم يكون فى اقناع يعنى يتكلم معاهم بانه مش هيقدر يكرر تجربه خطوبه تانيه مع قريبته وهو مش بيبادلها اى شعور بص يامحمد لازم يكون من جواه انسان واضح وصريح مع نفسه قبل مايكون مع اهله يعنى يحدد هو عاوز ايه لازم يكون متمسك بالانسانه اللى اختارها مادام تناسب حياته ومينفعش بديل علشان ميلاقيش نفسه فجاءه اختار قريبته بدون موافقه من جواه فى سبيل انه يرضى اهله على حساب نفسه ويظلمها معاه ويظلم نفسه اسهل طريقه يقنع صاحبك بها اهله انه يقولهم انه بيعتبرها زى اخته لانه لازم يصارحهم بسبب واحد على الاقل مقنع برفضه لخطوبة قريبته وده يتوقف على اسلوبه فى الحوار معاهم يعنى كلامه معاهم يكون بهدوء وباسلوب مقنع و انه يحاول على اد مايقدر انه يرضيهم ويحسسهم انه اهم شىء ان لما يجى يختار لازم يكونو هما مقتنعين بها زى ماهيكونو مقتنعين بقريبته ولما الموضوع يهدى ويقتنعو يصارحهم باللى اختارها مادام هو واثق انها بتبادله نفس الشعوروطبعا اهم حاجه انه يصلى صلاة استخاره وربنا هيوجهه للخير له ان شاء الله انا طولت فى الرد بس علشان المشكله دى محتاجه توضيح ارجو ان اكون افدت صاحب المشكله

[السفينة]

ولا حيرة ولا عذاب ابدا كل ملاعلى صاحبك ان يخطب الفتاة التي يختارها هو وبس

يختار الانسانه اللي قلبه اخترها ويعيش معها في امان دون مشاكل؟
لان اختياره هو راح يريحه ومهما حصل هو يتحمل نتيجة اختياره ويقنع اهله باختياره قبل اي شي
لان موفقة الان الاهل لهم دور مهم في حياته
وصدقني مهما زعل الاهل في البداية راح يفرحوا اذا وجدوا بعد فترة ان ابنهم مرتاح مع البنت الي اختارها
هذه قناعتي الشخصية والله يوفق الجميع يارب ويريح بال صديقك

[جـــــراح المشــاعر]

ام طيب
نتكلم علي اساس الحوار
لما اقابلكم يوم الخميس اللي جاي واخلي يومكم مش معدي ابقي فكرني
ماشي يا محمد
المهم
انا قريت ردود الاعضاء الكل او النسبة الاكبر بيقولو لا ومينفعش
لزم اللي بيحبها
ياريت ياجماعه قبل ما تقولو اي راي من الاراء دي بيكون فية عوامل تانية واساسية
الكتير ما اخدش باله منها
لكن كل الكلام اللي بيدور هنا عبارة عن قلب وقلب تاني
لكن مفكرتوش لثواني بس ان هما كمان ليهم حق علية
يبقي نحسبها صح
بص يا صاحبي
مش هاقول الام هي وهي وهي
ولا الاب هو وهو وهو
لكن هاقول مينفعش اننا حتي لو رافضين الشي ننفذة غصب عنهم
لكن علي الاقل نعرف وجهه نظرهم
وكمان يمكن لما نتكلم معاهم الموضوع يتغير
لكن بلاش نتخذ اي اجراء مهما كان الا لما كل الطرق تكون ..................
مفيش شي مستحيل
بالعقل والفكر والاسلوب ولو وصلت للمحايلة مع امي وابويا مش عيب
لكن بلاش نخسرهم لاننا مستحيل هانعوضهم تاني
الموضوع ليه اشكال تانية كتير
لكن اكتفي بس بالمرحلة دي علي الاقل في الوقت دة
احترامي
اه
محمد ابقي فكرني يوم الخميس اخلي يومكم مش معدي عشان انا بنسي
اوك
سلام ياريس

[ساحرة الليل]

1ـ هل هذا الشاب يخطب احد اقربه ويعيش ايام عذاب طول حياته لكي يرضي اهله واقربه؟ بوص القول سهل الفعل صعب ياامايقنع اهلة ويجوز حبيبتة ياما لواهلة مارضوش ومش هيقدر يجوز غير حبيبتة مايجوزش خالص