الاعتراف بالحق اييييييييه ( فضيحة مش كده) ؟؟!!!!

[AHMED SEVEN]

فيه موضوع مهم ومنتشر بطريقة بايخة جدااا يعنى حاجة تجيب الشلل بعيد عن السامعين والناظرين . نفسي لما حد يغلط فى حد يعتذر ... ليه لما اتنين يحصل مابنهم خلاف اكيد فيه واحد منهم غلطان وهو عارف انه غلطان ويكابر ويقول لا هوه مثلا اللى رد عليا وحش وانا مكانش قصدي او انا بهزر معاه براحة وهو هزر جامد فالاتنين يزعلوا ويكابروا .. مع ان الاول لو غلط فى التانى المفروض يعرف ان رد فعل التانى هيكون كده يعنى ده رد فعل طبيعى لكلمة اتقالت او فعل اتعمل ؟؟ حد فاهم حاجة هههه معلش طولت عليكم انا بس هو موضوع مستفذ ويغيظ نفسى اللى يغلط فى الاول يعتذر وميعتبش على رد الفعل اللى هيحصله لانه اييييييييييه طبيعى .. تحياتى لكل االاعضاء الكرام

انتوا ايه رايك فى الاعتذار وياترى لو حسيت انك غلطان وانك السبب فى ان اللى قدامك يغلط فيك او يزعل منك بتتاسف ولا بتكبر دماغك وبتتقل هه ؟

[Lost Pearl]

لا طبعا اعتذر
الاعتذار مش عيب
بالعكس ده بيدل ان اللي بيعتذر ده شخصيته قوية عشان ييجي علي نفسه و يعتذر

حتي لو مش غلطانة و الموضوع اهيف من كدة
ممكن اعتذر و اريح دماغي و خلاص

مشكور علي الموضوع
(حملة تعذيب ادارة المنتدي)

[نقاء القلب]

بصى هو الاعتذاار شىء جميل جداا

ومطلوب من الجميع لكن للاسف فى ناس كتير

بتكابر وبتقولى انا مش هدوس على كرامتى

رغم ان الاعتراف بالحق فضيحه ههههه قصدى فضيله

ينفع كده لخبطنى اهو هههههههههه

تقبل راى

[روح مخمليه]

المفروض اعتذر ودا اللى لازم يتعمل
ودا بيحصل
بس طبعا رد فعل الناس
ازاى تعتذرى هو انتى غلطتى
ودا اللى محسسسنا ان الاعتذار بيساوى ضعف الشخصية
لكن مفهوم الاعتذار لازم يتغير شويا
تسلم ع موضوعك

[AHMED SEVEN]

اقتباس المشاركة الأصلية كتبت بواسطة lost pearl لا طبعا اعتذر الاعتذار مش عيب بالعكس ده بيدل ان اللي بيعتذر ده شخصيته قوية عشان ييجي علي نفسه و يعتذر حتي لو مش غلطانة و الموضوع اهيف من كدة ممكن اعتذر و اريح دماغي و خلاص مشكور علي الموضوع (حملة تعذيب ادارة المنتدي)

بس ليه تعتذرى وانتى مش غلطانة اممممممممم طيبة منك دي هى حاجة كويسة لاكن هتدى فرصى للى قدامك انه يغلط كتير وعادي منتى اللى هتعتذرى فكرى هههه .. نورتى الموضوع بردك الجميل .. موفقة

[AHMED SEVEN]

اقتباس المشاركة الأصلية كتبت بواسطة نقاء القلب بصى هو الاعتذاار شىء جميل جداا ومطلوب من الجميع لكن للاسف فى ناس كتير بتكابر وبتقولى انا مش هدوس على كرامتى رغم ان الاعتراف بالحق فضيحه ههههه قصدى فضيله ينفع كده لخبطنى اهو هههههههههه تقبل راى

ايوووووووووووة فضيحة فعلا حاليا ده معناه .. مع ان دى قوة مش ضعف بس لازم تكون على حق وحسب الموقف بس ديما لازم الغلطان يعتذر .. واسف انى لغبطك ههههههه .. تحياتي يا سكر

[رنين]

بص هخلينى صريحه معاك

انا فعلا لما بكون غلطانه بحس بغلطتى بس فن الاعتذار مش متقنه فيه اوى
بس ممكن اعمل حاجات تبين للقدامى انى غلطت ف حقه وندمت يعنى
بس انى اعتذر مباشر دى مش مع اى حد تقريبا ماما بس )

وطبعا فن قبول الاعتذار مهم
يعنى انا مثلا لما حد يجى يعتذرلى بسامح ف سعتها
ومش بعرف اصلا يكونى بينى وبين اى حد مشكله
مع انى عارفه ان ممكن مواقف تستوجب انك مش تسامح بسرعه كدا
بس دا طبع لا بعرف اعتذر ولا بعرف حد يعتذرلى )

يعنى من وجهة نظرى بعد الرغى دا انك ممكن توصل للقدامك اعتذارك بطريقه غير مباشره مش مهم طريقه الاعتذار المهم انك تحس فعلا بغلطك

موضوع قيم يا احمد

ومعلش ع الرغى

بالتوفيق دايما

[فيروزه]

	اممممممم الاعتذار بص والله الموضوع بيتاخد ببساطه جدا ( لو غلطت اعتذر) دا الطبيعي بس المشكله بقا في الناس الي بتكابر وتقولك ماهو استفزني وكدا وفيه ناس شايفه ان الاسف نوع من انواع التقليل والاهانه مع انه العكس بس عمري ما بتعذر في حاجه مش غلطانه فيها موضوعك جميل تسلم

[~ NoDa~]

أولاً شكراً ع الطرح ده و ع النقاش

انما شووف يآحمد
لو انت غلطان يبقى تعتذر

حتى لو حصل موقف شخص دايقك بيه وانت ردة فعلك كانت جااامدة

هو اللي لازم يعتذر الأول لان هو اللي غلط الأول ولو مكنش عمل كدة مكنتش ردة الفعل دي اتعملت أساساً

بعد مايعتذر لازم تعتذر ع ردة الفعل ، بسس كدة ، مثلا يعني

انما الناس اللي بتكابر والناس اللي بتقنع نفسها انها مش غلطانة دي بقى مبروك عليهآ انها تخسر صديق ليهآ > ف حالاات جامدة يعني زي حآلاتي

رغيت انا عارفة d=

سلمت يمنآك ع هالموضوع

[كبرياء رجل]

والله هو الموضوع كويس
مين فينا مش بيغلط
وﻻ معصوم
كل انسان له طباع معينه
نخطئ احيانا عندما ﻻ نعلم
نقاط الضعف والقوى
او ﻻ نقراه بالظبط
وردود الفعل تختلف من شخص الى اخر
حيب عقليته وظرفه النفسيه
اشكرك على موضوعك الجميل
دمت بكل خير