مأســـــــــاة عصفــــورة ,,

[Mo chahin]

مأساة عصفورة

عصفورة شايلة هموم مش قادرة على حملها
طايرة فى وسط غيوم مش شايفة فيه نفسها
طريقها طريق مسموم ماشية فيه طول عمرها
بدايته لو كانت تدوم مكانش زمانها لوحدها
وأبوها لو كان بيـــعوم كان زمانه جنبها
وقعت فى البحر فى يوم وحب ينقذ عمرها
أصبح هو المرحوم ومات شهيد حبها
كان المصير محسوم انقذها وهو انتهى
أخذه غدر الموج واخد اكله واكلها
رجعت بيتها حزينة لقت بقايا لعشها
كان فوق شجرة متينة وكان موجود تحتها
اخوها بيبكى حزين على ضياع بنتها
رفعت ايدها للسما وطالبت ربنا بردها
قالت ياريتنى مت ياريتنى ما مشيت وسبتها
اخوها هدى روعها بص فى عينها وقالها
دة قدر لابد منه ودة نصيبها وبختها
عدى الليل عليها مرير بتفكر فى الدنيا وحكمها
مسحت دموعها الكتير وقالت آه فى سرها
خايفة يسمعها اخوها دة هو اللى فاضل لها
قامت من النوم مفزوعة وأخوها ميت جنبها
صرخت صرخة مسموعة لكل اللى بعيد عنها
اخدها عصفور غلبان وقرب كتير منها
عيشها ايام حنان ومات وهو فى حضنها
كل دى ذكريات زمان كانت بتدور فى ذهنها
ذكريات ضباب ودخان والمطر نزل وبلها
ملقتش مكان امان تستخبى فيه لوحدها
ماتت من برد الشتا ومات المها وحزنها
ومات المها وحزنها

[جوليت صاحبة الجمال الساحر]

كلماتك فى منتهى الروعة والابداع والتألق تقبل مرورى وفى انتظار جديدك

[ريـــــــم]

مشاعر رقيقه وجميله انت مميز في كل شي مبدع يا محمد

[Lost Pearl]

اقتباس ملقتش مكان امان تستخبى فيه لوحدها ماتت من برد الشتا ومات المها وحزنها ومات المها وحزنها

كلمات راااااااائعة مع انها حزينة
بس بجد جميلة اوي
مشكور علي ابداعك يعني بجد كتبت فابدعت

لا تحرمنا من جديدك

(حملة تعذيب ادارة المنتدي)

[شموع الروح]

يا لها من قصه
آلمتنى جدا
واخرجت لآهات داخلى كنت ظنيت انى محوتها
فتحياتى لك ولكلماتك المؤلمه

[Mo chahin]

اقتباسالمشاركة الأصلية كتبت بواسطة ريـــــــم<B>

مشاعر رقيقه وجميله انت مميز في كل شي مبدع يا محمد

</B>

اشكرك ريم خالص الشكر على مرورك المبدع ديما ,,

تحياتى لكى ,,

[Mo chahin]

اقتباسالمشاركة الأصلية كتبت بواسطة جوليت صاحبة الجمال الساحركلماتك فى منتهى الروعة والابداع والتألق تقبل مرورى وفى انتظار جديدك
تحياتى على مرورك الاجمل يا جوليت ,,

[عيون فلسطينية]

الله عليك أبدعت وكتبت كلمات تمس القلب
مشكورررررررر أخي الكريم