عذرا منكى فلست أقوى من القدر

[قلم بلا حبر]

بسم الله الرحمن الرحيم

اعلم بأنه لم يعد لدينا سبيل **
** للتواصل سوى النظر الى القمر

اعترض طريقنا من حسبناه نبيل **
** ولم بترك لنا الا دموعا تنهمر

صرت اتذكر حبك بقلب عليل **
** وزكريات فى ليال ممطره تنشطر

_____________________

اتذكر كيف كنا وما اصبحنا عليه **
** من جرح رغم الفراق لم يندثر

هل تذكرى ذاك اليوم وتلك الليله **
** حينما كنافى بركان عشق ينفجر

حلمنا كما غيرنا بعالم صغير **
** لكن لم تمهلنا الايام وغاب الحلم وانكسر

قد نكون لسنا اول من يعشق **
** لكن تركنا بصمه لكل عاشق يعتبر

تلك هى حال الدنيا لا تترك لنا **
** الا زكرى جميله فى كل مكان تنتشر

___________________

معكى تعلمت كيف يكون الوفاء **
** وبكى واجهت صعاب وشاهدت قلبى ينتصر

ادين لكى بعد ربى بكل تغيير **
** وتخليت عن كل ذنب عله يغتفر

ادركت ماهية الحياه وكيف انها **
** على قدر ما تمنح يكون هنالك المنتظر

ولعل ما خبأته لنا الايام لم يك ببالنا **
** وعسى ان يعلم كل عاشق ان لامفر

نحلم ونعشق ونطمح وفى الاخير **
** ما هو مكتوب يكون لنا المستقر

_________________

اشد عليكى ان تذكرتينى ذات يوما **
** ان تخفى دموعك فلعلى الى جوارك استتر

ولا تألمى لما كان فليس بايدينا **
** ما جرى من هجر على ايد مغرور منحدر

زعم ان بيده قتل الحلم **
** ولو علم به قلبه لانفطر

________________________

لكى السعاده تمنيتها ودعوت الله **
** ان تنالى الحب رغم احساسى بالضجر

عسى الله ان يجمع ما فرقه العبد **
** وعلى طاعته يكون اللقاء المنتظر

حبيبتى اقولها بعد ان صرحتى بها **
** لم انسى يوما حبا تغلغل بداخلى واستقر

يسعى المرء خلف السراب ولكن **
** بعشقنا لم يبق لنا الا ان نفتخر

وعذرا منكى فلست أقوى من القدر

تحياااااااااااااااااااااااااتى"""""""

[nooody]

تلك هى حال الدنيا لا تترك لنا **
** الا زكرى جميله فى كل مكان تنتشر




بسم الله ماشاء الله عليك




بس عندى سؤال لو سمحت



حضرتك تقصد ايه بالابيات دى؟


ولا تألمى لما كان فليس بايدينا **
** ما جرى من هجر على ايد مغرور منحدر

زعم ان بيده قتل الحلم **
** ولو علم به قلبه لانفطر




القدر ! اذا لم اخطىء الفهم


معذرة ارجو التوضيح


وشكرا لك اخى



اختك نودى

[قلم بلا حبر]

اقتباس حضرتك تقصد ايه بالابيات دى؟ ولا تألمى لما كان فليس بايدينا ** ** ما جرى من هجر على ايد مغرور منحدر زعم ان بيده قتل الحلم ** ** ولو علم به قلبه لانفطر القدر ! اذا لم اخطىء الفهم

مشكوره على قوة الملاحظه

بس اللى قصدته فى البيتين هو نفسه اللى قصدته هنا

اقتباس اعترض طريقنا من حسبناه نبيل ** ** ولم بترك لنا الا دموعا تنهمر

ولا تخشى شيئا فايمانى اقوى من كلمات اسطرها للذكرى ليس الا

فانا لست شاعر

خالص تقديرى على المرور

تحياااااااااااااااااااتى""""""""

[Karamela]

اترددت اكتر من مرة قبل مااكتب رد ع الموضوع ده

ده لعلمي اني مهما كتبت مش هوصف الجمال الي فيه ياسيد

بجد ماشاء الله عليك

الهم لا حسد

اقروا الفاتحة ياجماعة والمعوذتين ..

سبقت وجاريت كل واي شاعر ياسيد .. ايه الابداع ده !!!!!!!

بعض الابيات الي اثارت اعجابي اكتر من غيرها لكن في الوقع انه كله رائع جدا :-

اقتباس هل تذكرى ذاك اليوم وتلك الليله ** ** حينما كنافى بركان عشق ينفجر

اقتباس قد نكون لسنا اول من يعشق ** ** لكن تركنا بصمه لكل عاشق يعتبر

اقتباس اشد عليكى ان تذكرتينى ذات يوما ** ** ان تخفى دموعك فلعلى الى جوارك استتر

كلمات جميلة جدا جدا جدا ... وربنا يعوضك خير ان شاء الله و يصبرك على اي حزن انت حاسس بيه

مش عارفة اوصف لك جمال كلماتك

واسيب النقد لاهل النقد لكن بنظري .. فهي خالية من ماينقد

اخ قلم بلا حبر

من اجمل ماقرات في حياتي من كتابة شخصية

ولو رشحت نفسك بيها في مسابقة تاخد المركز الاول عن جدارة

تحيتي ومتاعبة اراء الاعضاء فيها .

[nooody]

اشكرك اخى على التوضيح


واعلم علم اليقين انى لم اقصد ابدا التشكيك فى ايمانك اخى الكريم


اردت فقط التوضيح لا اكثر ..... وتفضلت حضرتك بذلك اخى مشكور



بس انا من راى ا لو سمحتلى لو تقدمها فى مسابقه ادبيه بجد


اختك نودى

[SiLver Spectra]

اقتباس المشاركة الأصلية كتبت بواسطة قلم بلا حبر اتذكر كيف كنا وما اصبحنا عليه ** ** من جرح رغم الفراق لم يندثر

اقتباس المشاركة الأصلية كتبت بواسطة قلم بلا حبر هل تذكرى ذاك اليوم وتلك الليله ** ** حينما كنافى بركان عشق ينفجر

الله ..الله

ضربة غير متوقعه يا سيد....

عجبني المقطع الأخير

اقتباس المشاركة الأصلية كتبت بواسطة قلم بلا حبر لكى السعاده تمنيتها ودعوت الله ** ** ان تنالى الحب رغم احساسى بالضجر

مش صعب على سيد إنه يسطر أبيات شعرية نلتمس فيها مشاعره

كلمات قوية جدا و معبرة

من كاتب مبدع زيك

ألف شكر على الموضوع يا c سيد

عودة موفقه في القسم

[razan]

الله عليك

الله عليك بجد كلمات والله حسيتها بقلبى وانا بقراها

بجد احساس صعب اوى

لكن تعبيرك عنة اكثر من رائع


وكلماتك متناسقة بطريقة تجعل القارئ مستمتع

سلمت اناملك على ما خطتة من ابداع

دمت متميزا

ورزقك الله نعمة النسيان ..هكذا حال الدنيا

[قلم بلا حبر]

اقتباس المشاركة الأصلية كتبت بواسطة Karamela اترددت اكتر من مرة قبل مااكتب رد ع الموضوع ده

اقتباس المشاركة الأصلية كتبت بواسطة Karamela ليه بس يا كراميلا ده انا حتى عارف ان صراحتك ساعات بتحطك فى مشاكل ده لعلمي اني مهما كتبت مش هوصف الجمال الي فيه ياسيد بجد ماشاء الله عليك الله يخليكى دى شهاده جميله قوى يا فافا الهم لا حسد اقروا الفاتحة ياجماعة والمعوذتين .. كمان حسد ,,, يا ستى ما هو كل كام شهر لما بكتب حاجه :vb36: سبقت وجاريت كل واي شاعر ياسيد .. ايه الابداع ده !!!!!!! لا الله يكرمك شاعر ايه بس ,, حلو قوى انى بعرف اعبر عن اللى عايزه ,, انما الشعر له ناسه بعض الابيات الي اثارت اعجابي اكتر من غيرها لكن في الوقع انه كله رائع جدا :- وذوقك فى الاختيار جميل يا فافا ,, ذى عادتك على طول

اقتباس المشاركة الأصلية كتبت بواسطة Karamela كلمات جميلة جدا جدا جدا ... وربنا يعوضك خير ان شاء الله و يصبرك على اي حزن انت حاسس بيه بالعكس انا مفيش حزن ,, هو احترام ولو رمزتى حتلاقينى عبرت بيه بس مصرحتش بيه ,, انما الحزن لو بيفيد كل لقيتى الناس كلها شايله كلينكس فى جيبها:vb19: مش عارفة اوصف لك جمال كلماتك واسيب النقد لاهل النقد لكن بنظري .. فهي خالية من ماينقد الله يكرمك ,, مع انى شايفها لغويا مش مناسبه ,, بس هى طلعت كده والله يا فافا ,, لا مسوده ولا تحضير ولا الكلام ده من الراس للكراس زى ما بيقولوا :vb19: اخ قلم بلا حبر من اجمل ماقرات في حياتي من كتابة شخصية ولو رشحت نفسك بيها في مسابقة تاخد المركز الاول عن جدارة تحيتي ومتاعبة اراء الاعضاء فيها .

بلاش موضوع المسابقه ده ,,, هى مجرد زكرى مش اكتر ,, ورسالة احترام ,, ولو دخلت فى مسابقه حتخسر قيمتها

شكرا ليكى يا كراميلا علىى تفاعلك وكلامك ,, خلتينى احس انى شاعر ومش بعيد اعمل ديوان :liverpool-flag:

شكرا على المرور

تحياااااااااااااااااااااتى"""""""

[قلم بلا حبر]

اقتباس المشاركة الأصلية كتبت بواسطة nooody اشكرك اخى على التوضيح

اقتباس المشاركة الأصلية كتبت بواسطة nooody واعلم علم اليقين انى لم اقصد ابدا التشكيك فى ايمانك اخى الكريم اردت فقط التوضيح لا اكثر ..... وتفضلت حضرتك بذلك اخى مشكور بالعكس انا سعيد بملاحظتك ولولا انك قراتى الكلام بتمعن مكنتيش سألتى السؤال ده وده بالاكيد شئ يسعد اى كاتب ان يكون قارئه واعى لكل كلمه وحرف يسطره هذا الكاتب او ذاك بس انا من راى ا لو سمحتلى لو تقدمها فى مسابقه ادبيه بجد اختك نودى

موضوع المسابقه الادبيه زى ما قلت لكراميلا هو شعور طيب منك وتقدير اعتز بيه جدا ,, بس هى كلمات خاصه ,, لهدف خاص ,, واى استغلال ليها حيفقدها قيمتها

انا بشكرك على تفاعلك الجميل يا نودى ,,,

وبهنيكى على الاشراف ,,

واهو يا ستى الكلام بتاعى كان وشه حلو عليكى بئيتى مشرفه ,, اى خدمه:vb19:

خالص تقديرى لتواجدك المميز

تحياااااااااااااااااااااااتى"""""""""

[miraa]

تلك هى حال الدنيا لا تترك لنا **
** الا زكرى جميله فى كل مكان تنتشر

بجد يا سيد ابداع
اهم حاجه انك قلت اللى انت بتفكر فيه واللى آلمك واتعبك بطريقه كتير سريعه للفهم
وصلتنى وبجد حسيت بيها

مش هقول كاتب مبدع ده رائ فيك من الاول حقيقى محترف يا سيد وبعدت كتير عن الموهبه وكتير كلامك الموضوع ده ممتلأ بالمشاعر والمعانى

مش هقول غير ( ما شاء الله) بجد الكلمات توغلت عندى وحسيت بيها جدا

والعنوان كفايه بجد رائع حقيقى لسنا اقوى من القدر

اخى العزيز جدا : سيد
الف مليون شكر ليك على الاحساس الرائع اللى وصلنا وبجد الكلمات القويه المعبره
مليون شكر لروعه قلمك