لماذا قمتم بالثورة ؟

[SiLver Spectra]

سؤال كثيرا ما يتردد على لسان بعض الأخوة العرب
و أيضا من أبناء الشعب نفسه
لماذا قمتم بالثورة ؟

سنبدأ أولا باعتبار السؤال موجه من الأخوة العرب
لماذا قمتم بالثورة؟
سؤال قبل أن تطرحه على غيرك عليك أولا الإلمام بالأبعاد السياسية في بلدك
فلتسأل نفسك :
هل تستطيع أن تخالف أو تعارض نظامك؟
ان كانت اجابتك بلا فاعلم أنك تقبع تحت أمرة حكم ديكتاتوري بحت
فيعود المتسائل ليسأل : و ما المشكلة في ذلك؟ أليس المال متوفر؟
الإجابة : إن كانت مقاييس الحياة لديك بالمال فاعذرني انت تفتقد لأبسط مبادئ الإسلام القائم على العدل و المشورى و الرأي و احترام الآخر و نبذ الفساد
فبإمكان أي شخص فاسد أن يعطيك ملايين لنتشر الفساد في الأرض أو لتطيع أوامره
فهل نكن له بالطاعة بحجة أن المال متوفر!!

إن كنت تقبع تحت حكم حفنة من الأشخاص يتولون كل أمور البلاد و يشغلون كل مناصبها العليا في كافة المجالات بسبب انتسابهم لعائلة أو لجماعة أو لحزب ,,فاعلم أنك تعيش في نظام فاسد
و إن لم يكن كذلك فما هو تعريف الفساد!!

ان كنت ترا أن نظام القذافي نظام فاسد و باطش و به كل الصفات السيئة
و كنت ترا أن النظام السوري أيضا كذلك
فأخبرني اذا ماهو الفرق بين هذه النظم و نظامك؟
هل يستطيع أحد أن يتفوه بكلمه ضد النظام في بلدك!!

الفرق هنا هو في شعوب هذه الدول
فهناك دولة شعبها يمتلك الوعي الكافي لفهم معنى كلمة فساد
و هناك شعوب لا تفهم سوى الأكل و الشرب و النوم
هناك شعوب تريد أن تتكلم بحرية و بشفافية و تعيش بدون واسطه و تشارك في اتخاذ الرأي للنهضة بالبلاد
و شعوب أخرى لا تنظر الا للزواج و للرفاهية فلا تبالي حتى إن كان حاكمهم لا يعرف القراءة أو كان يعاني من أمراض
اذا فمن يحكم ان كان الحاكم مريض و يعاني من شيخوخة!!
هل يعقل أن هذا الحاكم بامكانه الإلمام بكل شؤون الدولة في القرن الحادي العشرين المعقد اقتصاديا!!
أم أنهم رجال من تحت العباءات هم من يتحكمون في تلك البلاد!!
أين الشفافية في القرارات اذا

يعود المتسائل مرة أخرى ليقول لك : لا نريد فوضى كما في بلادكم!!
أي فوضى تتحدث عنها!!
المتسائل : فوضى التظاهرات و الأمن
بالطبع هذا السؤال يتوازى مع سطحية المنطق الذي يتسند إليه
فهل الشفافية في طرح مشاكل البلاد يدل على وجود فوضى في البلاد!!
بينما التعتيم يدل على النظام !
يذكرني هذا بمقطع من مسرحية (الزعيم) عندما أخبره النائب أن هؤلاء الوزراء جاءوا لمناقشة مشاكل الوزارات و البلد فرد عليه الزعيم الديكتاتوري قائلا : مشاكل!! أنا بلدي مافيش فيها مشاكل,,البلد زي الفل , بلاش قلبت دماغ!

اذا فالشخص الذي يتحدث عن ضريبة الثورة هو شخص لا يريد أن يضحى ليجني على مدى البعيد ,,فكلمة المستقبل لديه غير مدرجة في القاموس
فقط النوم و الأكل و الشرب و الزواج هي كلمات قاموسه الفكري

و إن كانت عقلية أوائل المسلمين كهذه العقلية لما انتشر الإسلام من الأساس
فيقول الخليفة لمن يستخلفهم : لماذا نحارب و ندمر اقتصادنا و نستنزف في أموالنا و نقتل أنفسنا من أجل نشر الدعوة الإسلامية!!

و أخيرا السؤال الذي أطرحه
هل وجود المال مبرر لتغييب العقل و عبادة الحاكم!!؟
أليس استغلال العقل فيه افادة اضافية للمال قد تنهض بالبلاد لأعلى مراتب الدول في كافة المجالات؟
كيف تتحقق النهضة في ظل غياب المساواة في الوظائف و التي تبدأ بالمناصب العليا ؟

و الآن نعيد طرح السؤال من وجهة نظر الشعب نفسه
لماذا قمنا بالثورة؟
ان كنت تعتقد أن الثورة قامت بالاساس من أجل أن يمنحك النظام الجديد سرة من الدنانير الذهب فأنت واهم
الهدف الأساسي للثورة هو كسر احكتار السلطة في يد شخص واحد بعقلية واحدة
و حتى إن جاء حاكم بفكر اقتصادي دون المستوى
فيكفينا شرف المحاولة لمدة 4 أو 8 أعوام و هي اقصى فترة انتخاب بعد التعديلات الدستورية الجديدة ,, و من بعدها يأتينا رئيس جديد بفكر مختلف بسياسة مختلفة

فهل كنت راضي عن سياسة ابو الغيط الخارجية المتمثلة في النظام السابق و التي كان العرب جميعا يكرهونها و يسبون بلدك بسببها؟ ,,و من ثم بعد اسقاط النظام يأتيك هذا الشخص ليسألك لماذا اسقط النظام و أنت الآن تعيش في فوضى!!
منتهى التناقض الفكري
فأنا أعذر هذه العقول من العرب التي لا تعرف غير عبادة الحاكم مهما اقترف و مهما فعل ,,فله ملك خيرات بلادي و له الحمد و هو ليس على كل شيء قدير!!

و اعذر ايضا عقليات بعض فئات شعبي التي تلقي باللوم على الثورة
فالبعض وعيه السياسي ضعيف و نظرته المستقبلية ضيقة

لا أنكر أن هناك مضار وقعت علينا بعد الثورة
و هي اشياء كنت أتوقعها في اليوم الاول للثورة عندما تمنيت سقوط النظام
فلكل شيء ضريبة و لتدع الشعب يتعلم بالتجربة ليوعي فهمه و ادراكه السياسي
المهم هو المستقبل ,,عندما تأتي اجيال جديدة من أحفادنا فيجدوا نظام الحكم قائم على الانتخابات كل 4 سنوات ,,قائم على حكومات تسعى لنهضة البلاد و ليست على متسلقين ليس لهم هدف الا للتربح و كنز الأموال

فلماذا قمنا بالثورة اذا؟
ليس فقط لأننا لم نعش في جنات عدن مع النظام السابق
و لكن لأننا شعب بعقلية واعية تطمح للعدالة و المساواة و المشاركة في اتخاذ القرار و تنبذ التعتيم

[morshooo]

فى البداية احييك على موضوعك الجميل جدا

ويمكن انا متفق معاك فى كل كلمة كتبتها

بس فى حاجا مهمة انتا قولتها فى اخر الموضوع

اقتباس فلماذا قمنا بالثورة اذا؟ ليس فقط لأننا لم نعش في جنات عدن مع النظام السابق و لكن لأننا شعب بعقلية واعية تطمح للعدالة و المساواة و المشاركة في اتخاذ القرار و تنبذ التعتيم

اتمنى ان فعلا الشعب يفهم الكلام دا

ويفهم ان الثورة قامت لية ويفهم كويس ان

عشان يحصل تغيير لازم يبقى فى وقت مش شرط يكون

طويل جدا وياخد مننا 10 سنين مثلا عشان نحس بالتغيير

ومعتقدش الى بيحصل فى البلد دلوقتى انا بكلم عن مصر طبعا

الى بيحصل دلوقتى عمرة ما هيعمل تغيير ان كل يوم والتانى نطلع

بمليونية ونسميها على مزاجنا عشان نطالب فى حاجات عمال على بطال

لازم كلنا نفهم ان عشان يبقى فى استقرار لازم يبقى فى وقت وصبر ومساعدة

مساعدة القيادات الى ماسكة البلد حاليا وهى ( الجيش ) يعنى عشان هيفعلو

قانون الطوارىء من جديد ( على البلطجية ) فقط شوفنا ان فى وقفات احتجاجية

بتحصل وفى بيقولو يوم الجمعه هيبقى فى مليونية .

اتمنى ان الناس تفهم كويس يعنى اية اننا نطمح للعدالة و المساواة و المشاركة في اتخاذ القرار زى ما كتبت فى اخر الموضوع

فى النهاية الموضوع جميل جدا يا طارق

واتمنى انك تنزلنا مواضيع من دى كتير .

[Arco Baleno]

فلماذا قمنا بالثورة اذا؟
ليس فقط لأننا لم نعش في جنات عدن مع النظام السابق
و لكن لأننا شعب بعقلية واعية تطمح للعدالة و المساواة و المشاركة في اتخاذ القرار و تنبذ التعتيم

[♥Donya♥]

اولا يا طارقـ توبيكـ ممتاز جدا
وبيتضمن اشياء مهمهـ جدا مننا اللي يدركها بوعي
ومننا الذي لا يدركها ولا يفكر بها
ثانيا 80 في الميهـ من شباب الثورهـ من طبقهـ راقيه ومتوسطهـ
فالبتالي الثورهـ مش بتتكلم عن زواج ومال ورفاهيهـ فقط
لا بتتضمن تغيير النظام وطلبت بتغيير اشياء كتير جدا
وكمان ياريت كل اللي ذكرتهـ يتحقق ان يكون في حريهـ راي
يكون الترشح للرئاسهـ كل 4 سنين مش 30 سنهـ مؤبد
ومايكونش رجل عجوز يكون رجل واعي ومتعلم ولديهـ ماهو جديد ليقدمهـ للبلد
وكمان من اهم الاشياء اللي هتصلح البلد هو اتساع الوعي والعقليهـ والتعليم
لو كل شخص استخدم عقليتهـ وفكرهـ ومركزه واهتمينا شويهـ بالتعليم ونوسعهـ
ونجعلهـ يضمن مجالات اخري ومختلفهـ>>واستخدمنا ارض بلدنا صح اعتقد هنقدر
نضمن لاطفالنا واحفادنا حياهـ فيها حريهـ الراي والاختيار
وبعدين انا شايفهـ كويس اوي ان بلدنا كانت محتاجهـ ثورهـ وبشدهـ
وفي بعض الدول شايفهـ انها ماكنتش محتاجهـ او اعتقد كدهـ
شكرا جدا يا دوكتور طارقـ علي التوبيكـ النايس((:

[بنوتة سورياعاشقة مصر]

اشكرا الاخ الغالي
لا تعليق
وعجبتني ارائكم الحلوة
لك مني كل التقدير والاحترام لشخصك
اختك في الله :مايــــا

[مِسكُ الشَهادة]

بداية ً ... السلام عليكم ...

الثورة ... ما أجملها من كلمة تحمل في ثنايا حروفها
معان ٍ جوهرية تسوق الفرد للإطلاع عليها بشغف ...
هي تلك الثورة التي قامت ع بحر ٍ من دماء ِ أناس ٍ وهبوا
أنفسهم للحرية التي أعتقلت منذ زمن ٍ بغيض في خزانات ٍ
مظلمة من تحقيق حاكم ٍ مستبد ٍ لشعب ٍ أعزل من سلاح ٍ
وجبروت ... لا لسبب ٍ إقترفه ُ إلا ...
ربما لأنه معارض له في الفكر والرأي والمضمون
تلك المعارضة البناءة التي أثقلتها سياط الجلادين
من رعاة ِ البيت الأبيض في بلادنا ...
الثورة ... تحتاج لعزيمة وإرادة وقبل كل ذلك إيمان
بالله وبحتمية النصر ... في مصر !!!
فتحت عيوننا ع الدُنيا ولم نعلم ولم نرى سوى صورة ِ
شخص ٍ مثلنا في صفاته الخُلقية لا يختلف عنا إلا أنه
يحكمنا ... يقتلنا بأرزاقنا بأرواحنا بأهلينا بأسرنا
في زنازين مظلمة ٍ وظلم ٍ فاقع من سجان ٍ أحاط
بنا من شتى الإتجاهات ليعتقل الفكرة التي نكنها في قلوبنا
ويرفضها عقله الذي لا يعيها أصلا ً ... أراد أن يقتل حب بلاادنا
في قلوبنا ولكن للأسف ... فتك بقلوبنا وفتك ببلادنا معا ً
تقاسما شذرة ُ الألم ...
عندما تلد الأم طفلا ً كأنها أنجبت الحياة ... فتسهر عليه
وترعاه حتى يبلغ أشده وتفتخر به ليدخل الجيش والجامعة
ثم تُحاول أن تُؤهله بالزواج ... فإذا بخبر ٍ صاخب قد أصابها
( إبنها أستشهد ) ومن من ْ ( من إبن شعبه )
ولماذا ( لأنه طالب فقط بالحرية )
إلى كل الشعوب المقهورة ... ما الذي دفع هذا الشاب
أن يُقدم ع هذة الخطوة الخطيرة والتي مصيرها حياته
تاركا ً أهله وبيته وأصدقاءه خلفه ...
إنه الموت بعز ٍ وكرامة ولا العيش في مذلة ٍ ومهانة
فنحن متنا مرة واحدة في ثورتنا ... لكي تحيا بلادنا
أما أنتم فتموتون كل يوم وتموت معكم بلادكم
مقابل حفنة ٍ بخيسة من المال لا يعلم إلا الله مصدرها
وتدركها الشعوب أنها أخذت منهم عنوة ً أو ربما
جاءت من الغرب الذي يقتل إخوانهم ليل نهار بها
للأسف هناك شعوب تُشترى بالمال مقابل الصمت
ومن يُباع من السهل ِ أن يبيع ...
فقدم نفسك قبل أن تُقدم وطنك ...
وإجعل الحرية كفنك ...
وراية الله ... علمك
والتوحيد شعارك
وتوكل ع الله وإنتفض فلن تخسر شيء
لأنك إن مت ع أيدي هذا الحاكم الجائر فأنت
حي ٌ تُرزق ... وإن عشت في ذله فأنت ميت ٌ للأبد ...

خالص شكري وتقديري لك أخي طارق
طرح مميز حقا ً ...

[Mo7aMaD 3aLa2]

كلام صحيح جدا يا طارق انا معاك فية

انا من ناس ايام تنحى الرئيس كنت رافض الفكرة

لانى كنت خايف من سلبيات كتير تحصل

وحصلت فعلا زى ما توقعت وأكتر

بس بصراحة تيجى تحسبها تلاقى ان دى ضريبة مش كبيرة

بالنسبة لانك تغير نظام فاسد ديكتاتورى

و بدأت ترسم مستقبل جديد حتى ع المستوى البعيد

ولو جيت بصيت لاى ثورة او انقلاب فى اى بلد

هتلاقى فعلا بردة كان فى سلبيات كتير

وفئة من الاشخاص بتستغل الفوضى فى الوقت دة استغلال سئ

فـ من الاخر اكتشفت ان دة شئ طبيعى

فى واحد قال كلمة قدامى اثناء مناقشة كدة فى سلبيات الثورة

قال مهما الثورة كان ليها سلبيات ومشاكل عمرها ما هتزيد عن اللى البلد كانت فية

وبصراحة عندة حق

انت لو بصيت للمحاكمات والدعاوى المرفوعة للقضاء هتكتشف اننا كنا عايشين فى عالم اخر

يعنى سرقة ونهب بارقام خرافية

و انا اعتقد ان نسبة الناس اللى مش عارفين الثورة قامت لية فـ مصر قلة قليلة

لان اى حد بيفكر بس هيعرف ان ربنا بجد كان معانا لما اتحولت المظاهرات يوم25 يناير الى انقلاب على النظام الفاسد

وباذن الله المستقبل هيكون افضل لانة هيكون قائم على اساس ديمقراطى صحيح

توبيك مميز جدا كالعادة يا طارق

..

[αЛαstoOorα]

والله العظيم تلاتة

آنت بااااشااااا

والكلام دة متكلف يا جدعان كلام مصروف عليه مش آونطة هههه


بجد كلامك فـ الصميم وقمة فـ الثقافة والوعي السياسي

آحنا فعلاً مش هدفنا الآساسي فـ الثورة آننا نبقى آغنيه وعندنا فلوس متلتلة

آحنا عملنا الثورة دي عشان آول شيئ نقضى على الفساد اللى جوه البلد

والدكتاتوريه بتاعة حكومته وعشان ناخد حقوقنا كاملة وندي كمان بلدنا

حقها آحنا عشنا 30 سنة تحت ظلم وفساد وسرقة ونهب وفقر وخراب

البلد كلها كانت بتتباع وبتتسرق كل حاجة جوه البلد كانت فاشلة

حتي حقوقنا الفكرية كانت بتدفن تحت التراب آو يستفاد منها بلد غير بلدنا

عشان حكومة بلدنا كان هدفها الرئيسي التكنيز ؟ والتوريث ؟ والعلاقات الخارجية

الآقتصاديه اللى نافعه جميع الحراميه )

آحنا آساس ثورتنا الحرية والعدالة والنهضة بمصر وشعبها والقضاء على

الفساد بجميع انواعه واشكاله

آنما فى بلاد تانيه حكومتهم بتكمم افواههم بالدنانير زى ما قال آخونا كدا

ومنهم بلد من البلاد حكومتها خافت على نفسها لما شافت ثورتنا

قامت مزودة الراتب اضعاف مضعفة وغرقت الشعب فلوس عشان

يسكت ع الفساد والظلم ويطاطي وما عليه غير آنه فعلا ياكل ويشرب

وينام وياخد فلوس

وآي ثورة فـ الدنيا لازم تكون فيها خساير ولازم متستقرش الآوضاع

الا بعد فترة كبيرة من الوقت لحد ما تنضف من الفساد اللى كان سارح فيها

وتبدء تقف على رجليها تاني بعهد جديد وناس شريفه خايفة على البلد وعلى شعبها

وآحنا لازم نكون عارفين دة وعارفين آن الثورة مش خسارة لينا فـ الوقت الحالي

بلاش نبص تحت رجلينا الثورة مكسب كبير لينا ولآجيلنا فـ السنين اللى جايه

ومهما يتقال علينا

مــــصر فوق الجميع

آحنا الآصالة وآحنا الحضارة وآحنا التاريخ

وبلدنا آم الدنيا


تحية كبيرة آوي آوي

للمدير بتاعنا )

[رنين]

اقتباس و أخيرا السؤال الذي أطرحه هل وجود المال مبرر لتغييب العقل و عبادة الحاكم!!؟ أليس استغلال العقل فيه افادة اضافية للمال قد تنهض بالبلاد لأعلى مراتب الدول في كافة المجالات؟ كيف تتحقق النهضة في ظل غياب المساواة في الوظائف و التي تبدأ بالمناصب العليا ؟

احب اقولك ايــــــــــــوه
مبرر جدا لان ف ناس بتعيش اليوم بيومه
مش مهم عندها مين بيحكم ايه المهم يأكلو العيال ال ف البيت ويلاقو يعالجوهم
عشان كدا تلاقى ف ناس كتير بتنقض الثوره لييييييييييه؟؟
خربتو بيوتنا حرامم عليكم حال البلد واقف عايزين ايه تانى؟
يحسسوك ان الايام كانت بمبى زمان مع انها مش كدا كل الحكايه انهم كانو بس لاقين ياكلو ولو حاجه بسيطه تقدر تقول الكبار بيتشغلو جامد ودول شايفين حالهم جمبههم

بص يا دكتور النظام ال كنا عايشين فيه لغى الطبقه المتوسطه بقى ف الطبقه العاليه جدا والطبقه المطحونه اوى
وف الاسر ال زىينا دى ال عايشه كدا بتحاول توفر لبكره واهو ماشى الحال
اكتر ال طلعو ايام الثوره كانو شباب زينا اسرتهم كويسه لحد ما لاقين ياكلو والفلوس مش عائق
بس نفسهم ف بلد تكون متقدمه
تعالى بقى اقنعنى اصحاب الطبقه المطحونه وال هى اغلبيه الشعب المصرى بالموضوع دا
الناس يمكن كانت شايفه ظلم بس كانت لاقيه تاكل
دلوقتى مش شايفه حاجه خالص وف نفس الوقت مش لاقيه تاكل
اكتر الناس شايفين ثوره تمام هنشيل الظلم تانى يوم نبقى ولا تركيا ف مجدها

العقليات لالازم تتغير ولازم نشوف بصيص امل لبكره ولااسف مفيش مسئول لغايه دلوقتى راضى يفرجنا بصيص الامل دا )

انا رغيب كتير جدا جدا جدا بس الموضوع جميل
وممكن ادخل اتناقش فيه تانى )

تحياتى ياا دكتره

[فيروزه]

	اولا الموضوع جميل وانت اتكلمت بطريقه كويسه اووي انت بتقول لماذا قامت الثوره ؟ اكيد طبعا علشان الدنيا تتغير والناس تتساوى في حقوقها وعلشان حاجات كتير جداا بص هو مفيش شعب راضي عن حكامه100 % ولا حالهم عاجبهم اكيد( علشان مش واخدين حقوقهم بالطبع ) بس فين الجراءه ؟؟؟؟؟ وحتي لو فيه جراءه عند بعض الناس البعض التاني اكيد لا؟ ليــه ؟؟ مش علشان عندهم ضعف سياسي زي مانت بتقول لا انا براي انه ضعف ديني اكتر ودا موصلهم للخوف الي جواهم بس لو كل حد فيهم فكرا ان محدش بياخد الروح الا الي خلقها كـــل المخاوف الي جواهم دي هتزول بس انا براي ان نجاح اي ثوره في الدنيا مش بشيل الحاكم بتاعها وفرحه يومين خدنا ايه منها طب ملهاش لزمه ؟ اصل محدش هيستغني عن ولاده ولا عن نفسه لما كل يوم تقوم ثوره مستفدش منها حاجه اصلا سؤالي ايه بقا استفدت انت ايه لما الثوره قامـــت ؟؟ والاستفاده لازم تبقا حاجه ملموسه موضوعك رائع تقبل مروري