هو صحيح طبع المصريين كده ......؟

[الروح أرق من الندى]

المصري هو اللي لو عمل حاجة حلوة يبعت لجاره طبق يدوقه

وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت


وهو اللي لو سمع صوت زعيق وخناق عندك يجي يصالح


وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه



وهو اللي لو اتفرط منك كيس الجوافة في الشارع يقف يلمّ معاك









المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك



و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص
جنيه



المصري هو اللي يقعد معاك ع الفطار في رمضان
هو اللي يشتري بالونات لولادك في العيد
هو اللي يقف جنبك وانت بتدبح الاضحية
هو اللي يباركلك لما ابنك يجيب مجموع ويساعدك يجيبله شغلانة


هو اللي ييجي يقولك تجيب كشاكيل و أقلام بالجملة عشان توفر المصاريف







هتقولي هما كل المصريين كـــــــده
هاقولك لا



بس أي مصـــــــــــــري حقيقي و اصيل لازم يكون كـــــــــــــده

لان طيبة المصري مش ممكن تلاقي زيّها فى اي بلد تانية

مش كده ولا أيـــــــــــــــــــــــــــــــــــــــــــــه.. ...

[حياتي ذكريات]

بصي انآ بحب شعب مصر جدآ
وأكتر حآجه بتعجبني في الشعب
انهم بيبآنو وقت الشده ..
وفيه كتير منهم جدعين بيقفو جنبك في زنقتك
وشعب طيب بزيآده
مش حقولك ان احنآ شعب ملآئكي
لان مآ فيش حد بيوصل للمرحلة دي
لكن عمومآ احنآ كشعب معروفين بالطيبة والجدعنه وقت الشده
مش الكل طبعآ كده
بس تقدري تقولي الغآلب
وعلى فكرة هتحسي بكده لمآ تعآلي مع حد غير جنسيتك
هتعرفي الفرق بين ابن بلدك والاصول اللي اتربينآ عليهآ وبين العربي الآخر

شكرآ على الموضوع
خآلص تقديري

[AHMED SEVEN]

انا مبسوط وان بشوف الكلام ده بصراحة موضوع جميل عجبنى .. ده المصري وده حال معظم المصريين مش الكل طبعااا .. تسلمى .. وموضوع قيم .. موفقة

[الروح أرق من الندى]

اقتباس المشاركة الأصلية كتبت بواسطة حياتي ذكريات بصي انآ بحب شعب مصر جدآ وأكتر حآجه بتعجبني في الشعب انهم بيبآنو وقت الشده .. وفيه كتير منهم جدعين بيقفو جنبك في زنقتك وشعب طيب بزيآده مش حقولك ان احنآ شعب ملآئكي لان مآ فيش حد بيوصل للمرحلة دي لكن عمومآ احنآ كشعب معروفين بالطيبة والجدعنه وقت الشده مش الكل طبعآ كده بس تقدري تقولي الغآلب وعلى فكرة هتحسي بكده لمآ تعآلي مع حد غير جنسيتك هتعرفي الفرق بين ابن بلدك والاصول اللي اتربينآ عليهآ وبين العربي الآخر شكرآ على الموضوع خآلص تقديري

عندك حق احنا شعب طيب جدا فوق الوصف

نورتيني واسعدني مرورك

ارق تحياتي

[الروح أرق من الندى]

اقتباس المشاركة الأصلية كتبت بواسطة ahmed seven انا مبسوط وان بشوف الكلام ده بصراحة موضوع جميل عجبنى .. ده المصري وده حال معظم المصريين مش الكل طبعااا .. تسلمى .. وموضوع قيم .. موفقة

متشكره لمرورك جدا نورتني

ارق تحياتي

[احلام زياد]

هو ده المصري الشهم الجدع صاحب صاحبه

مش المصري اللي بالي بالكم اللي مع الصهيانه ضد بلده

يسلمو ع التوبيك

[الروح أرق من الندى]

اقتباس المشاركة الأصلية كتبت بواسطة احلام زياد هو ده المصري الشهم الجدع صاحب صاحبه مش المصري اللي بالي بالكم اللي مع الصهيانه ضد بلده يسلمو ع التوبيك

ميرسي يا قمر لمرورك والمصرييت اللي انتي تقصديهم دول لو زي ما انا فهمت

دلوقت بياخدوا جزاهم

تورتيني ياقمر

[بلدنا في القلوب متشاله]

كلمات اسعدتني جدااا

وفعلا هو ده طبع شعب مصر العظيم

وافتخر اني مصريهــ



اشكرك على موضوعك المميز

[مصر فوق الجميع]

هو طبعا شعبنا طيبين ومشهورين بالطيبه
وشكرا عالموضوع الجميل بيكى وبريحة مصر الجميله

[عادل طه]

نايس توبيك يا قمر
شوفى كل الكلام اللى قولتيه ده فعلا
بيبن اصاله المصريين فعلا
وكان من فتره كبيره اوى كل ده كان موجود
ومازال موجود فيه حاجات كتير جدا
لكن للاسف سلوك بعض الناس مش الكل
اتغيرت عشان كدا فيه حاجات كتير
من اللى تفضلتى وقولتى عليها انقرضت
فى نظرى انا ولو هتكلم فيها محتاجه
مجلدات عشان اشرح ليه انقرضت
تسلمى يا قمر
تحياتى