تآنى حلقهـ من اقتبآسآت واعترآفآت <<ومعآنآ حنوون

[بـقـآيـآ ح ــڻيـڻ დ]

احم احم

السلاام عليكم

ازيكم يا جومآآعهـ يارب بخير

اممممم انا قولت بئئا بما انى فآضلى آيام

ومسآفرهـ علشان الكليهـ :no::no:

الحق انزل كذا حلقهـ مع كذا ضيف كودا

فهيبقى معانا حلقهـ جديدهـ مش جزء تانى من حلقهـ ميشو

المووهم

معانا انهآردهـ بنووتهـ عثولهـ خالص:036:

بجد اما تقرب منها كودا تلاقيها طيبهـ وجدعهـ

معانا حنووون

منورهـ يا نوونآ بئا

تعآلوا نشوف اعترفت بايهـ

اقتباس كن حذر داااااااااااااائما حتى من اقرب الناس اليك

1\ حنوونهـ شآيفهـ ان المقولهـ دى صح
وياترى جربتيها قبل كدا فعلا
وليهـ الجرح دايما بيجى م القريب
علشان عرفنآهـ نقط ضعفنا ولا لييهـ

اه صح جدااااا وفعلا جربتها واتاكدت انها صح اصلا انا ماكتبتهاش غير بعد تجربه يعنى !!

القريب اكتر حد جرحه بيكون مؤثر وبيفضل جواكى مهما حصل اولا لانوا اكتر حد مانتوقعش منه الجرح وبيكون عميق لانو بيكون عارف ايه اكتر حاجه ممكن تدبحك ويعملها

اقتباس سيظل بقلبى حب لجميع من عرفتهم بحياتى حتى من اساؤا لى ارانى اقنع روحى بان اصل الى قمه التسامح وان اغفر كل مامضى فى حياتى السابقه

2\ياترى كل حآجهـ ممكن نغفرها يا نوونا
لو انسان عمل معاكى موقف مش كويس
وحصلتلهـ مشكلهـ وطلب مساعدتكـ هيكون موقفكـ ايهـ ساعتها

فى اوقات الغفران بيكون اكبر من طاقتنا عشان كدا لو تلاحظى انا كاتبه انى بقنع روحى ان اغفر
عارفه المشكله ان لو فضلنا شايلين فى قلبنا هنتعب جدا ومش هنعرف نكمل حياتنا بشكل طبيعى فالغفران والتسامح اسهل طريق

عارفه يعنى ممكن فى البدايه اقول دلوقتى افتكرنى عشان عنده مشكله وومكن اقول ماليش دعوه بس بمنتهى الامانه هلاقينى بساعده من غير تفكير

اقتباس عمر بلا ربيع قلب بلا شباب انسانه اتت للدنيا وستذهب دون الشعور بها

3\ساعات الانسان بيمر بمرحلهـ ضعف ويأس
بيتخيل انهـ ملوش لزوم ف الدنيا وانهـ اتولد وهيموت ومحدش هيحس بيهـ
امممم ياترى مريتى بالمرحلهـ دى
وحنان بتبقى عاملهـ ازاى ف الحالهـ دى

اممممممممم
امال انا كاتبه الكلام دا ليه اكيد عشان مريت بيها
وببئه صعبه جدا فى الحلات دى بكون لوحدى ومش بحب اكلم حد هيا عندى كتير الايام دى هههههههه

اقتباس فاوجود شخص تشعر بانه مشترك معك بجزء كبير من شخصيتك يعطيك احساس بالقوه الحب الامان ويجعلك تتمسك بشخصيتك اكثر واكثر وتحبها فقط لانه مشترك معك فيها

4\ حآجهـ جميلهـ انك تلاقى حد شبههكـ ف حاجات كتير
ياترى لقيتى حد قبل كدا يا نونا نفس شخصيتكـ
واحساسكـ ايهـ ساعتها

اممممممممم ^*
كنت مبسوطه ساعتها اكيد يعنى نادر دلوقتى لما تلاقى عامل مشترك بينك وبين حد فمابلك بئه لو كانت اكتر من حاجه

ولو الانسان دا طلب منك تغيرى حاجهـ ف شخصيتكـ هترضى ولالا

مش عارفه بس لو اقتنعت ممكن اغير لانى مش بعمل حاجه غير لو اقتنعت بيها كمان مش اى حد ممكن ياثر فيا كلامه بسهوله لازم يكون حد قريب فعلا منى عشان اتقبل انو يتكلم معايا ويقنعنى بحاجه زى دى

اقتباس اخلصت بكل مافيك تمنيت وحلمت ولم تجنى سوا جراحك وخسارتك والان تهدأ الدنيا من حولك ولا تجد من يساندك ويساعدك كما كنت تفعل من قبل الجميع مشغول بامور دنياه وانت فقد من ينظر الى الماضى ويبكى عليه وينظر الى المستقبل بعيون دامعه وقلب جريح

5\صعبهـ قووى اما تقعدى تدى تدى وف اى مشاكل تساعدى
واما تقعى انتى ف مشكلهـ متلاقيش حد معاكى
بتحسى انهم خذلوكى صح

صح طبعا

احساسك يبقى ايهـ ساعتها
ولو نفس الاشخاص وقعوا ف مشكلهـ ولجأوا ليكى هتقفى معاهم
ولا هتقولى كانوا فين اما كنت محتاجهـ ليهم

هساعدهم عشان احسسهم ان لسه فى خير فى الدنيا ومش عشان هما كدا يبئه كل الناس زيهم ميانفعش انا اتجرح من شئ واعمله

اقتباس يالها من مفارقات غيربه .... امس كانت مشاعرى حزينه ولا اجد بها اى فرحه واليوم اشعر العكس تمام !!!! ما هذا الشعور الغريب ؟؟ امس حزينه واليوم سعيده وغدا لااعلم كيف ساكون ,,, ولكن يكفينى شعورى اليوم فا انا كنت انتظره من سنين ليته يدوم معى ...

6\ فعلا غريبهـ
ياترى ف حياتكـ يانونا لحظات الفرح ولا الحزن اكتر
وشايفهـ ان الفرح ليهـ مش بيطول
ياترى كل حاجهـ حلوهـ فعلا عمرها قصير

يمكن اللحظات الى مالهاش معنى اكتر اللحظات الى مش بتاثر فى حياتنا بحسها اكتر مش عارفه ليه !!

بصى كل شئ فى الدنيا ليه نهايه لا فرح بيدوم ولا حزن بيدوم زى ما بنفرح بنحزن وزى ما هنحزن اكيد هيجى اليوم ونفرح
احسن حاجه اننا نقتع بحاجه مهمه اوى
(ربما منعك ليعطيك وربما اعطاك ليمنعك)

لو شئ راح منك انهارده اكيد هتلاقى غيره بكره

اقتباس يوم انتظره كل عام اشعر فيه بالراحه ومزيد من القرب الى الله يوم جمع بينى وبين اشخاص هم دائما الاقرب الى قلبى دائما ما كان يجمعنا هذا اليوم ويترك بداخلنا اجمل واحلى الزكريات سعدنا وضحكنا وصلينا وتعاهدنا ان يبقى هذا اليوم هو ملتقى حبنا وتجمعنا سويا هو يوم من اجمل ايام عمرى دائما ما يمر على قلبى بمنتهى الفرحه والسعاده انه اليوم يوم عرفات

7\اممممم بما ان العيد الكبير قرب بئا
ايهـ ذكرياتك معاهـ يانونا
وال بتفرحك كل سنهـ وتتمنى انها تتعاد كل مرهـ

العيد الكبير احلى حاجه فيه اللمه
يمكن دا اكتر عيد ليا فيه زكريات حلوه انا بجد بحبه جدا خصوصا يوم عرفات بالنسبالى هو اهم يوم فى السنه كلها
اكتر حاجه بتفرحنى هيا لمه اهلى فى العيد بتمنى ربنا يديهمها علينا

اقتباس اشخاص تغيرات افعال كل ما حاولى غريب ينتابنى شعور بالوحده لا اجد ردت فعل منى سوى الصمت فقد الصمت ولن افعل غيره فهو التعبير الوحيد الذى يليق بما يحدث

8\حنان اما بتشوف تصرفات غريبهـ من ال حواليها
بتسكتى وتكتمى جواكى ولا رد فعلكـ ايهـ
وياترى الصمت بيكون ساعات حل للمشكلهـ ولا لان المشكلهـ اكبر من اننا نتكلم فيها

بصى يمكن مش دايما بيكون رد فعلى الصمت ولكن لما بتصدم باشياء فعلا تفوق تصورات مش بلاقى حاجه اعملها غير انى اسكت
الصمت وبس

اقتباس تصدمنى الايام تتلاعب بمشاعرى تقهر احلامى امنياتى كل ما كنت اتامله دائما ما تعطينى ما كنت اتمناه وفى لحظه تاخذه ولا يكفيها اخذه منى ولكنها تظهره لى فى ابشع صوره

9\ساعات كتير وبتحصلنا كلنا بنبقى نفسنا ف حاجهـ قووى واول ما تتحقق بتروح منك
ياترى اختيارنا كان غلط ولا لان ربنا مش شايفلنا فيها خير وشايلنا الاحسن
واما بيحصلكـ كدا بتبقى حالتكـ ايهـ

اكيد الخير فى الى بيختاره ربنا مافيش فيها كلام دى
يمكن لما الانسان بيوصل للى هو عاوزه وفجاه يروح منه
بتكون صعبه اوى بس احلى حاجه اننا نفضل نقول لنفسنا الخير فى الى بيختاره ربنا واكيد بكره هيجى ويجيب معاه الاحسن

اقتباس الى اين تاخذينى ياايامى اتخوف كثيرا مما تفعليه معى هذه الايام فقد اتركينى فاانا لا اتحمل ما تخبئيه لى

10\ بتخافى م المستقبل يا نونا
شيفاهـ مخبى ليكى ايهـ او تتمنى يكون مخبى ايهـ
نفسكـ ايهـ يتحقق ويفضل معاكى طول عمركـ ومش يضيع منكـ

عاوزه اقولك ان الخوف دا شئ مستجد جدا عليه انا عمرى ما خوفت من الايام ولا من اى حاجه زى الايام دى ومش عارفه ليه

اتمنى تكون مخبيه ليا الخير واحقق فى الايام الى جايه الى بحلم بيه ان شاء الله

اقتباس اتمنى ان تبقى كما انتِ لا تتغير بمغيرات الحياة

11\ياترى يا نونا جربتى ان ف حد اتغير مع الزمن وكان موقفهـ ايهـ

جربت جدا طول عمرى بجربها :shiny01:
موقفى كان الصمت بردوا
شايفهـ ان الناس ال بتتغير بمرور الزمن وتغيير الحيآهـ
دا عيب منها انها اتغيرت ولا غصب عنها

مش عارفه بس اكيد غصب عنها

اقتباس لا أعلم الى أين ذاهبه ولا أعلم ماذا سأفعل لكن كل ما أعلمه جيدا أن برغم كل مايحدث وأرآه أمامى أنى ايضا أرى فى نهايه كل طريق لى بقعة ضوء تخطف أنظارى لها وتجعلنى أحارب من أجل الوصل لها والعيش بنورها وسأظل أسعى دائما لأنالها

12\دايما كلنا عايشين ع امل يتحقق وعايشين لاحلاام نحققها
شايفهـ لو انسآن يائس من حيآتهـ بيبقى عامل ازاى وساعات يتمنى الموت

مش عارفه ماوصلتش للمرحله دى قبل كدا ممكن اتخنق من حياتى بس مش لدرجه انى اتمنى الموت بالعكس بوصل لانى لازم اكيد هحقق الى عاوزه لان ربنا ماخلقناش عشان يعذبنا واكيد هو ليه حكمه فى كل الى بيحصلنا
ياترى حياتنا تنفع من غير احلاام
ولا نقول بلاش نحلم لان مفيش احلام بتتحقق
وياترى شايفهـ ان القضاء والقدر ممكن يتغير بالدعااء

نعيش من غير احلام يعنى نعيش من غير احساس نعيش زينا زى الى مخلوق تانى مالوش اى قيمه ولا هدف
قدرك مافيش حاجه بتغيره الدعاء بيكون جزء من تحقيق قدرك

اقتباس تاريخ التسجيل 11-03-2008

13\ السؤال المعتاد
شايفهـ المنتدى عامل ازاى من زمان لدلوقت


يااااااه شيفاه حاجه تانيه وناس تانيه وجو تانى
كل مرحله وليها مميزتها وعيوبها
يمكن زمان كانت الميزه الوحيده هيا اننا كلنا نعرف بعض وكنتى تحسى اننا فعلا مجموعه واحده لكن دلوقتى المنتدى كبر ماشاء الله والاعضاء كتيرفا الموضوع اختلف واحساسك بالمكان اختلف هيا دى الحياه يعنى مافيش حاجه بتفضل على حالها


14\امممممم عايزاكى بئا
تقولى كلمهـ لاغلى 6 عندكـ ف المنتدى
وياريت 3 ولاد و3 بنات هههههههههه
المساواهـ حلوهـ :-P

لو ع المساوه بئه فاهقول لكل المنتدى
انى بتمنى لكل انسان فيه الخير
واتمنى اننا فعلا نكون اخوات بجد نخاف على بعض
ومانسمحش لاى حاجه تفرقنا ولا توقع بينا
ربنا يوفق الجميع ويارب نحقق كل الى نتمناه



انبسط جدا معاكى ياحنينو بجد الموضوع ممتع جدا
كنت مبسوطه وانا بجاوب
شكرا ع الاستضافه الجميله دى
وع الموضوع المميز

تسلميلى يا نوونآ وانا كومان انبسطت بالحلقهـ معآآكى

واجآبآتكـ كانت جميلهـ

وانا طلعت عينى فـ صفحآتكـ يابت ههههههههههه

نورتينى يابطتى :036:

[مِسكُ الشَهادة]

حلقة متميزة بجد
إستضافة الأخت حنان لها طابع خاص والله
دوما ً تتحفنا بتألقها
برنامج غاية في الروعة ننتظر باقي الحلقات
دمتم بألف خير

[morshooo]

حنون

سمعت الاسم دا فين قبل كدا

اااااااااة حنون منورة يا استاذة التوبيك طبعا


التوبيك جميل طبعا زى الى بتقدمة

واختيارها جميل جدا قدام مع حنون

فى انتظار الحلقات القادمة

[عاشقة الهدوء]

حلوه بطتى دى ههههههههه

حلقه طبعا مميزه مع المتميزه دايما والمتالقه

حنون منوره الحلقه ياااقمر ربنا يسعدك ويحفظك

تسلمى ياحنين موووووووووفقه

[Arco Baleno]

حلقه جدا جميله ومنوره اختي حنون
وفكره البرنامج جميله بجد
كل شئ فى الدنيا ليه نهايه لا فرح بيدوم ولا حزن بيدوم زى ما بنفرح بنحزن وزى ما هنحزن اكيد هيجى اليوم ونفرح
احسن حاجه اننا نقتع بحاجه مهمه اوى
(ربما منعك ليعطيك وربما اعطاك ليمنعك)

لو شئ راح منك انهارده اكيد هتلاقى غيره بكره

والذي لا يريد غير هذا الشي ولا يرضا غيره بديل
ماذا يفعل ؟؟؟؟؟
كلامك كله جميل واسعدني جدا
وفعلا لا فرح يدوم ولا حزن يدوم
بس الحزن يطول والفرح عمره محدود
متى تجي السعاده لقلب مكسور
لما امشي والظهر حني
والشعر ابيض من شيب الهموم
لا اقول الا الله قادر على كل مستحيل
الله يسعدك اختي وفعلا حلقه جميله جدا

[misho]

اختيار جميل يا حنين
و اسئلتك جميلة جدا طبعا
و نونا بقي منورة الموضوع
اجاباتها والاقتباسات جميلة
تحياتي

[ماتركس]

حنين وحنوون

ايه يا عم الحنيه اللي في الموضوع ده كلوووو هههههههه

اولا ندخل علي استاذتنا حنين تسلم ايدك بجد برنامج يا حنين ده عشره علي عشره

مجهود عالي منك

نيجي بقي نشووف ضفتنا حنوووووون

منوره يا حنوون وعرفتينا عن بعض الاقتاباسات اليل في صفحاتك

بجد منور وما شا الله تعرفي تردي ميه بالميه استاذه ما شا الله محدش بيغلبكم في الكلام يا بتوع القاهره

هههههههههههههه هناء والا هنااااا هههههههههه

منوره يا حنون ومنتحرمش من وجودكم يارب

نورتووو

[دمعه حائره]

حلقه جميله قوى يانونا وحنون نورتى ياقمرى
عجبتنى جدا الاجوبه بالتوفيق دايما
تحياتى للجميع

[ساحر الأحزان]

حلقة جميلة مع الاخت حنون

وكلماتها واضحة وسلسة جدا

اتمنى لها كل توفيق فى حياتها

دمتى بكل خير

[نجم الحبيب]

حلقه جميله جدااااا

وحنون منوره الحلقه

واجابه جميله منها

تسلمو علي الحلقه الجميله

الحبيب