لو الشباب قالولك كدة تعملى اية!! وانتا ممكن تقول لبنت كدة!!

[ساحرة الليل]

بجد الموضوع يخنق امبارح كنت فى الدرس وانا نازلة صحبتى قالتلى انها وهية راحة الدرس

شباب قالولها ياتقفى معانا يانعمل فيكى كذا وكذا وكذا قامت ماردتش ومشت

قامو قعدوا يلقوها بالطوب ويشتموها اوسخ الشتايم واخوها الصغير كان معاها واتعور

راحت لمامتها بسرعة مامتها اجت الشباب وامهم قعدوا يشتموها
والست قالت لابنها انا هجبلك خالك عشان يقف معاك
يعنى الام بدل ماتقول لابنها عيب

بتشجعة ياترى انتا ياراجل ممكن تعمل كدة!!
وانتى يابنت لو شاب قالك ياتوقفى معايا يااعمل فيكى كذا وكذ ا
وكذا ويلقك بالطويب هتعملى اية!!

[AHMED SEVEN]

دووول شوية كلاب... لا طبعا انتى لو تعرفينى هتعرفى انا بكرهه المضايقة جدااااااا.. معاكسة لطيفة مفيش مشكلة هههه .. بصراحة ده اسلوب قذر من عيال زبالة والبنت برافو عليها انها عملت كده بس لازم يعملوا اى حاجة عشان العيال دي تاخد درس مينسهوش يعنى تبلغوا عنهم او حتى حد من عندكم ومعاه رجالة ينزلوا فيهم ضرب عشان يحرموا ده لو مفيش شرطة استجابت .. او هيضايقوا بنات تانية.. الست دي ست زبالة زي ابنها تمام .. هقول ايه انتى خالتينى اشتم قد كده ربنا ييسامحك .. تحياتى وابقى امشوا فى طريق تاني و فيه

[iiwowii]

السلام عليكم
احييكى ع الموضوع الجميل ده عشان هو هادف
بس هقولك حاجه

دول شوية صيع زى ما بيقولو وكمان الام بتشجع ع القرف ده
يبقى دول من بيئة واطية ناس همج واللى زى دول بيبقو من العشوئيات

عموما معلشى وقدر الله ما شاء فعل
دول اللى بيتقال عليهم السوقة والدهماء

وبجد موضوعك جميل جدا وبحييكى عليه

[عذب المشاعر]

لاحول ولاقوة الا بالله
ربنا يهدى الشباب الفاسد ويحمى البنات من شرهم
بصى اللى حصل مع صحبتك ده ميحصلش غير من شباب بدون اخلاق ولاضمير
لوهى تعرفهم ولوساكنين قريب منها وتعرف اسمائهم وكدا تخلى خالها او اى حد من قرايبها
يدخل فى الموضوع ويروح لاهل الولاد دول ويشتكلهم من اللى حصل مع بنتهم يمكن اهلهم يطلعوو ناس كويسين وياثرو على اولادهم
علشان مايعملوش كدا تانى مع بنات الناس
دمتى بخير

[واد حبيب]

اكيد الشاب ده متخلف عقلا لانه لو عاقل مكنش يعمل كده

اما عن الام وده اكبر غلب انه تشجعه علي كده

ربنا يهدي كل الناس والشباب يارب

شكرا علي موضوعك الجميل

الحبيب

[حياتي ذكريات]

حآخد معآيآ الكتريك
:shiny01:
حقول لاهلي طبعآ وهمآ يتصرفو معآهم
ومش هخرج لوحدي من البيت لحد مآ اطمن انهم مش هيقربو مني

شكرآ ليك على الموضوع
بالتوفيق

[ساحر الأحزان]

مش معقولة ساحرة

ان الموضوع يوصل للدرجادى

ممكن معاكسة

انما توصل لكدة يبقى دة تصرف اخلاقى غير معقول

نشكر لكى توضيحك القيم

[Arco Baleno]

الانسان المريض قيمته عندي مثل
التلاشي
لانه ناقص ومريض مرض لا شفاء منه
وهو النقص في العقل والشخصيه
وخير رد على المتخلفون التجاهل طبعا
وحيعمل ايه ؟؟؟؟؟
رغبات خاصه منحرفه
دمرت الشعوب
الله الشافي
موضوع رائع اختي اتمنى لك التوفيق

[a m i r a]

واللهي ي حبيبتي
بيحصل اكتر من كده في الجامعات بذات

بجد شباب اقل ما يقل عنها حقيره
دي بتوصل لاكتر من كده

الشباب كل يوم تخترع طريقه جديده للمعاكسات
طرق حقيره كلها فا دا العادي
ومحدش عايز يتغير
الغير محترم بيعدي المحترم

والمحترم مابينصحش الغير محترم
فا خلاص بقي عايزه ايه تاني
ياريت الشباب تحترم نفسها بجد لان دي بقيت حاجه فظيعه

ماينفعش كده خالص
الافلام والحاجات الزبله دي علمتهم كتيررر
بس مايعملوش دا في بنات بلدهم
ربنا يهدي

لو حصلي الموقف دا اكيد هروح علي بيتنا
وهقول لاخويه او بابا هم يخرجو معايا
مع اني مش بخروح لوحدي اطلاقا

[ღ Gի๐sτ ღ]

طبعا معملش كدة
كل اللى اقدر اقوله
ربنا يهديهم