عــــــــــودت نــفــســــــــــــــــــي

[تـمـلـي مـعـاك]

من زمان عودت نفسى
اخبي جوايا الكلام
من زمان عودت نفسى
اسكت حتى لو الكلام فى منام
يعنى اخرس حتى فى حلمى
شفتوا العجب
لما حسيت بكلام جوايا زايد
ماهو تخزين قديم وفايض
قلت انطق
ضحك عليا لسانى وقاللى
راحت عليك كان من زمان
روح على امك
يمكن ترجع معاك للبداية
بصيت لأمى صعبت عليا
وانا سامع وجعها
وسمعت من عنيها وهى تقوللى
ياخساره يابنى
صدرى خلاص عجوز وناشف
لا هيقدر يرضع ولاحتى يرجع
لسان بينطق ولاحركة شفايف

[ساحر الأحزان]

كلماتك جميلة جدا

وتعبيرات مميزة منك

احسنت بها

اختيار قيم منك

تحياتى علية

[السفيره عزيزه]

ابلغ لغه ....هى لغه الصمت
ومن لم يفهم صمتك لم يفهم كلامك
فعليك فقط ان تحسن اختيار من تشارك
يشعر بك فى صمتك وكلامك

جميل اخى ما ستطرت
دمت ودام قلمك الجميل
تقبل مرورى السفيره عزيزه