نتيجة الإنتخابات الإدارية,,

[SiLver Spectra]

بعد ما الناس دخلت في حيرة
الإنتخابات مقلب و لا مش مقلب
و بدأت الشائعات بالانتشار كنار في الهشيم . قررت التنازل عن الغلاسة و اعلان النتيجة :biggrin:

قبل اعلان النتيجة حابب أوضح شوية حاجات
بالنسبة للفوز أو الخسارة فانت كمرشح لازم تحط نسبة توقع 80% انك هتخسر
لأنك في النهاية بتمثل خمس المرشحين الخمسة
و أتمنى من الجميع تقبل الخسارة أو الفوز
لأن الخسارة مش نهاية الدنيا و لا الفوز حتى نهاية الدنيا
و الهدف من تنظيم الإنتخابات هو أولا خلق جو تفاعلي بين المتنافسين زي ماشوفنا الفترة الي فاتت في الحملات الإنتخابية ,,ثانيا هو تكليف المرشح الفائز بمهام تتعلق بالدرجة الأولى بالتفاعل مع الأعضاء

و خلال فترة الإنتخابات الي هي اليومين السابقين تمت مراجعة كافة الأصوات للتحقق من عدم وجود أصوات غير شرعية من عضويات جديدة بشكل مبالغ فيه + متابعة الأعضاء الي بيدخلوا من جهاز واحد
و الحمد لله العملية مشت على خير

و في النهاية بشكر المرشحين الخمسة الي تعبوا معانا خلال الفترة الماضية
سواء في التنظيم أو في عمل حملات و حشد الناس أو في تعب الأعصاب من المنافسة
و كمان بشكر الناس الي حاولت و رشحت نفسها لكن اللجنة مش اختارتهم , هما كمان تعبوا في الحرص على الحضور و التفاعل , و دا شيء اسعدني جدا لما عضو جديد يكون عنده الطموح المبكر و يرشح نفسه

و أخيرا بشكر الأعضاء الي تفاعلوا بايجابية مع المرشحين بتأييدهم أو بتأييد الفكرة

نيجي للحظة الحاسمة الي الكل بينتظرها

النتيجة
,,
,,
,,
,,
,,
اجمالي عدد الأصوات 211 بعد اضافة اصوات المراقبين الخمسة


وزعت الاصوات كالتالي



النتيجة بالنسبة المئوية




نقول مبروك لماتركس
هنلبسه البدلة الجديدة مع أول يوم في الشهر الجديد
((يوم السبت))
عبال ما نكويها و نوضبها:biggrin:
و زي ما اتفقنا المنصب لمدة شهرين الا في حالات التغيب الي بتنافي شروط المنصب

و أخيرا دا الموضوع بتاع التصويت اغلق و نقل لصوت الأعضاء بعد ازالة الحجب عن النتيجة
http://forums.msryat.org/msryat271216/

يلا كلو يلم تواقيعه و رمزياته وسختولنا حيطان المنتدى :sml39:

و عايزين أجدع تهنئة لأجدع إداري منتخب

[واد حبيب]

الف الف الف مبروووووووووووووووووك لمتركس

بجد والله يستاهل كل خير

الف مبروك يا غالي

بتوفيق ان شاء الله

الحبيب

[فراااشه]

الف الف مبروك لماتركس الله يوفقه

[Bright Brain]

مليووووووووووون مبروك يا ماتركس

أنا قلت لك أنك إللى هتكسب

[morshooo]

اهو يا ماتريسكووووووووو


والله وعملوها الرجاله


مبروك يانجم

صحيح يا طارق عايزين نعرف

مين صوت لمين والحاجات دى

والا مش هنعرفها

[مشتاقه للجنه]

ألف مبرووك للفائز

مبرووك يا ماتركس

[بـقـآيـآ ح ــڻيـڻ დ]

مبروووووووكـ يا آحمد

ربنا يقويكـ ع المنصب الجديد بئآ وتثبت نفسكـ فيهـ

وحظ احسن للبآقى فـ المرآت الجآيهـ باذن الله

تسلم يا طآرق ع المجهود الجميل دآ ،،

[misho]

الف مليون مبروك يا احمد
اكيد تستاهلها
و برضه كل الشكر لبقية المرشحين
لانهم تعبوا بجد وعملوا مجهود
ومجهودهم واضح في المنتدي من قبل الانتخابات
بالتوفيق يا احمد ليك دايما
تحياتي

[السفينة]

الاخ ماتركس


الف الف مبروووووووووووووووووووووووك

لك تهنئتي وورووووووووووووووودي

[عذب المشاعر]

ووواووووو الف مبروك لماتركس
بجد تستاهلها
بالتوفيق لباقى المترشحين
وتسلم يادكتور على مجهودك الجبار
مع تحياتى