متسول مع مرتبه الشرف

[عادل طه]

عالم التسول ده عالم غريب اوى وليه نظام يعنى متفتكروش ان التسول ده فوضى
كل واحد يتسول بمزاجه لا ده ليه قوانين
عشان كدا لما اتخرجت من الجامعه السنه دى قولت يا واد يا عادل بدل منتا قاعد
كدا من غير شغل جرب حظك واشتغل فى مهنه التسول دى عشان تكون نفسك
وربنا يكرمك وتتعرف على واحده متسوله زيك وتتجوزها وزياده الخير خيرين
ولما تخلفوا عيال برضه تعلموهم مهنه التسول
المهم فضلت مده كبيره اراقب المتسولين بيعملوا ايه عشان اعمل زيهم
طبعا هبقى جديد بقى فى الشغله دى وعايزه خبره
بقيت اسمع بيدعوا للناس ازاى وايه هى الدعاوى اللى بتخليهم
يدفعوا للمتسول او المتسوله فلوس كتير فضلت مده كبيره لحد ما اخدت الخبره
وقولت بقى يلا يا واد يا عادل انزل الشغل لبست جلابيه مقطعه ووسختها بالتراب
والفحم وبقى شكلى فعلا متسول وقاعدت فى مكان كدا على الارض ومديت ايدى
وانا عمال اقول لكل واحد ماشى ربنا يخليك يا بيه ربنا يصلح حالك لله لله انا
مدوقتش الاكل من اول امبارح المهم بقيت اصعب عليهم ويدونى فلوس
مشيت العمليه معايا حلو اوى والفلوس بقت نازله عليه زى الرز
لحد فى يوم واحده ست ماشيه مع شاب هى ست كبيره وطخينه
وبقولها حسنه لله يا حاجه ربنا يخليلك ابنك اللى ماشى معاكى
وعينكم ما تشوف الا النور لقيتها هجمت عليه وبتقولى ابنى مين ياروح امك
دا خطيبى ومسكتنى وفين يوجعك مره روسيه ومره بونيه ومره تشيلنى
زى الورقه وترمينى على الارض يعنى استعملت معايا جميع وسائل رياضه
العنف مصارعه وكاراتيه وجودو وكنغ فو وملاكمه الخ الخ
ونتيجه لكدا ادشدشت خالص ومرمى فى المستشفى
وحاليا انا بكتبلكم من المستشفى عشان اللى عايز يزورنى
ياريت اللى يجيلى يجيب معاه شويه فاكهه على شويه شوكلاتات
على كام كيلو كباب وكفته وكله بثوابه ربنا يخليلكم عيالكم
ويديكم الصحه ويستر طريقكم ويكفيكوا شر المرض
ويبعد عنكم كل شر
شوفتوا مافيش فايده منى مكسر ومحجوز فى المستشفى
وبرضه بتسول الظاهر اتعودت على التسول

[AHMED SEVEN]

هههههههههه .. يعنى انت فى المستشفي دلوقتي يا عادل امممممممممم وكنت بتتسول فى الشوارع ولبست كمان جلبية مقطعة وبقيت تشحت وكنت بتراقب المتسولين وحفظن شوية ادعية حلوين ينفعوك فى دنيتك ههه .. تصدق بقي عيب عليك تروح لوحد ومتقوليش يا عم احنا مش اصحاب برده كلمنى ولا حتى رنة ونتقابل ونتسول مع بعض حتى نسلى بعض فى الطريق هههههه.. يسلمووووووووو يا ابو عادل على التهيييس يا ريس بس اوعي تروح تاني من غير ماتقولى ههههههههه

[شاعر واسير الحب]

حمد لله علي السلامة ياعادل وترجع لينا بالسلامة
جايين نزورك بس مش متسول
بس ياتري فين فلوس التسول اليوم بيقطع بكذا وشويات راحت فين
طيب احنا مع بعض ياراجل خدنا نتعلم معاك احنا الصبية نناولك حاجة عصاية
تسند علينا وتغمض عنيك
علي فكرة الست دي جدعه انها انتشلتك من التسول بالضرب انت وش كدا

حماك الله وسدد خطاك

[نقوش على صفحات الورد]

ههههههههههههههه
حقيقي شر البليه ما يضحك
وعندك حق والله يا عادل
ومنهم لله اللي عملوا كده
فى اجيال كتير اتظلمت
حسبي الله ونعم الوكيل فيهم
خالص ودي