جلال إبراهيم: الشماريخ كانت احتفالا وليست شغبا .. ولا نتحمل المسؤولية

[game010]

رفض جلال إبراهيم رئيس الزمالك العقوبة الموقعة على ناديه بنقل مباراة خارج ملعبه بسبب إشعال جماهيره للشماريخ في المباراة الأخيرة.
وكانت لجنة المسابقات باتحاد الكرة قد قررت نقل مباراة الزمالك أمام غزل المحلة في الجولة الثانية من الدوري الممتاز بسبب إشعال الجماهير البيضاء الشماريخ في لقاء حرس الحدود بالكأس.
وقال إبراهيم في تصريحات تليفزيونية "لا أدري لماذا وقعت العقوبة علينا رغم أن الشماريخ أشعلت للاحتفال بالهدف وليس للشغب أو الغضب؟".
وتابع "لا نتحمل المسؤولية فعلى الأمن أن يفتش الجماهير أو يلقي القبض على من يشعلها، ولكننا لا نعرف ماذا نفعل في هذا الأمر وكيف نتحكم في الالاف من الجماهير؟".
وأكد رئيس الزمالك أن فريقه لم يعد لديه رصيد من حقوق البث الفضائي بعدما وصلت الغرامات إلى حرمانه منها كاملة.
وأكمل إبراهيم "سنبحث الآن عن مكان نلعب فيه المباراة، ولا ندري ماذا سيحدث من جماهير هذا المكان فقد يشعلون الشماريخ مرة أخرى ونعاقب نحن".

[ღ Gի๐sτ ღ]

كلامه صح و المفروض لجنة المسابقات توافق ع الشماريخ طالما مفيش حد بيرميها
لو اترمت يبقى عقوبة جامدة 5 ماتشات من غير جمهور

شكرا ع الخبر

[غرور ملاك]

تسلم ي جميل ع الخبر

[game010]

والله انا ضد موضوع الشماريخ ده اصلاً
هو يعنى التشجيع مينفعش من غير شماريخ
والله المباريات فى اروبا الى بيكون مفيهاش شماريخ بيكون شكل التشجيع فيها ميثالى .
وهنا فى مصر المباريات الى بيكون فيه تشجيع من غير شماريخ بتكون مباره جميله جداً.

انا عندى سؤال ايه لزمة الشماريخ دى يعنى غير الاذى للناس؟

وشكراً على المرور نورت التوبيك

[الرحــاال المٌتَمرد]

هيدفع يعنى هيدفع
هههههههههههههه
المباريات بدون شماريخ بتكون افضل
دا سلوك غير رياضى
ومش معنى انها مترمتش انها ماضرتش ...
لا يا سااااده الضرر على مستخدميها ...
لانهم ممكن يكونوا صغار السن ... ودا اكيد مش ممكن
وممكن يتسبب فى اصابه حد فيهم ... ودا لحمايتهم ...


يسلموا ع الخبر والمتابعه

[ღ Gի๐sτ ღ]

game10

الشماريخ من الممكن استخدامها اوقات الفرحة و الانتصار كـ تعبيرا عن الفرحة زي مابتشوف ضرب نار او صواريخ في الافراح وبردو بتكون تعبير عن الفرحة:biggrin:

وممكن تستخدمها للضغط ع المنافس انك تربكه وتخليه يفقد اعصابه ويتوتر في الملعب فمثلا من اهم اسباب فوز الاهلى ع القطن الكاميروني هي الشماريخ لما جبنا 2\0 في اول ربع ساعة لأن اللعيبة اتخضت اول ماشافت المنظر

وبردو ممكن تستخدم كشكل جمالى للمدرج .. انا ممكن اجبلك فيديو شماريخ اكبر من اي شماريخ اتعملت في مصر و افريقيا ورغم ذلك المصورين و الناس بتنزل ارض الملعب ومبسوطة بالمنظر دة ومفيش حد خايف وكلو فرحان بيها ودة لأنهم عارفين قواعد الشماريخ عكس الناس هنا في مصر

رحال بلا عنوان

اللى بيستخدم الشماريخ بيبقى عارف يستخدمها ازاي انت ممكن تمسك سكينة وتضرك ولكنك بتمسكها لأنك عارف استخدامها .. فدة نفس الشىء مع اللى بيستخدم الشماريخ مش اي حد بيمسكها

بيبقى ناس مخصصة ليها وعارفة استخدامها ازاي ولية وامتي تتولع وكل حاجة



في النهاية هي وجهات نظر تختلف من شخص لأخر وتحترم

[game010]

مع كامل احترامى ليك انا مختلف معاك تماماً
انا مش عارف يعنى بنشوف فى اوربا زى مخدنا الدخلات منهم
ناخذ كمان منهم السلوك الرياضى الجميل وهو التشجيع بدون شماريخ لان الشماريخ دى كفاية رحتها انا ليا ناس اصحابى جتلهم حساسيه بسبب الشماريخ دى والله مليها اى لازمه وفيها ايه لو فرحنا من غير شماريخ والله لو جربنا هتكون الفرحه احسن وافضل .
وشكراً على المتابعه...........

[ღ Gի๐sτ ღ]

علي فكرة بردو في اوروبا بيولعوها يعني سلوكهم زي سلوكنا شماريخ بردو

احسن جماهير في اوروبا اللى هما الجمهور الايطالى و اليوناني و الصربي و الكرواتي . الخ كلهم بيولعو شماريخ

حتي في اسبانيا اللى تشجعيهم من غير شماريخ لأنهم محرومين منها
اول مابرشلونة بتطلع برة اسبانيا وتلعب في فرنسا بتولع شماريخ علي طول


عامة اللى عاوز اقولهولك .. ان الشماريخ موجودة في عالم الالتراس
واي التراس بالعالم بيحب يستخدم الشماريخ سواء كان اوروبي او مصري او عربي
فدة مش سلوكنا احنا لوحدنا دة سلوك التراسات العالم كلها

شكرا لمرورك

[game010]

انا عايز اسالك سؤال واحد بس ـــــــ هو التشجيع بيكون افضل بشماريخ ولا من غير شماريخ؟!!

[ღ Gի๐sτ ღ]

الشماريخ مش بتستخدم في التشجيع
ولكن بالنسبة ليا
بتعمل شكل فرحة تاني وقت الانتصار
انت ممكن تكون كارهها بس لو جربتها تحس بيها :biggrin:
وفي النهاية كل واحد ووجهة نظره