موضوع مهم يا جماعة !!

[mohamed yousef]

السلام عليكم ورحمة الله وبركاته..

انشالله تكونوا جميعا بخير ..

كنت عاوز اخد رايكم في موضوع شاغل بالي وتفكيري وخصوصا في الفترة دي :

تردد كثيرا علي مواقع ومنتديات المشاكل الاجتماعية والنفسية والعاطفية كمان ..

ليه يا جماعة الشاب او الفتاة لما بيرتبطوا سواء كان خطوبة او زواج مبيقدروش يتنسوا انهم اصبحوا مسؤلين علي كرامه شخص اخر

بمعنى ان البنت لما تتخطب او تتجوز بتفضل مستمره في انها تكلم حبيبها او اللي كان حبيبها .. او تفضل مستمرة في تكوين علاقات ع المنتديات والفيس بوك والايميلات .. وما تراعي حقوق وواجبات خطيبها او زوجها ؟؟


بمعنى ان اصبح الشاب خايف الان ان يقدم ع موضوع الخطوبة بسبب هذا الموضوع .. ليه الزوجة او الانسانه المخطوبة بعد ما كانت حلم جميل لكل شاب .. اصبحت كابوس ممكن يصحي عليه في اي وقت

وكذلك الشاب في نفس تصرفاته ..

انا عاوز اناقش الاعضاء في هذا الموضوع المزعج ده ..

تحياتي،،،

[طِيشْ !]

أولا هوا فعلا موضوع مهم

لكن قبل ما أقول لك رأيي

أحب أقول إن كمان في شباب بيعملوا كدا يعني البنات والشباب سواسية

من الآخر بلاش ظلم البنات خليك عادل

أما عن رأيي

أنا شايفة إن البنات دول بيبقي الجو الأسري اللي نشأت فيه مكنش كويس لطبيعة البنات

لأنها بطبعها عاطفية ونقطة ضعفها المشاعر فلازم يتشد عليها شوية وهيا صغيرة عشان تتعلم ازاي

تسيطر علي مشاعرها وتحكم نفسها كويس بحيث ان مش اي حد يقدر ياخد قلبها بسهولة وتبقي

فريسة سهلة او تنحرف وغير كدا طبعا الوالدين بيبقوا قدوة لأبناءهم يعني لو الابن منحرف لا سمح

الله بتبقي المسؤولية علي عاتق الوالدين لأنهم المسؤولين مسؤولية كاملة عن تربيته مش الجيران

اللي هيربوه يعني وغير كدا ممكن يشوف أمه لا سمح الله حبت انسان تاني غير باباه ودي مع

الأسف بتحصل أو باباه كان بيتكلم مع ستات وهوا متجوز

وغير إن البنات والشباب لو اتسابوا في فترة المراهقة بيضيعوا والحمد لله يعني لأن في المرحلة

المراهق بيبقي عايز يجرب أي حاجة في كل حاجة


يعني من الآخر بدال الهري والرغي دا كله لازم البنات والشباب يكونوا متربيين تربية كويسة ويكونوا

مدركين إنهم مسلمين وعارفين الصح من الغلط كويس لأن اللي بيتعود علي الغلط بيحس إنه حاجة

عادي وكمان لازم تبقي قدوتهم كويسة ومثال فعلا للأخلاق


تسلم علي الطرح الجميل


تحياتي ليك

[mohamed yousef]

اولا بشكرك ع ردك الجميل

ثانيا .. لو تركزي في اللي كاتبه هتلاقيني كاتب وكذلك الشاب ..

ثالثا.. اعتقد ان الكلام اللي بقوله ده من واقع نسبه كبيرة وشريحة كبيرة من الناس المسلمين ، المتربيين ، اللي مش عندهم مشاكل في بيوتهم ..

اعتقد ان في سبب تاني غير ده ولا ايه رأيك ؟؟

[طِيشْ !]

انت فعلا كاتب

بس انا كتبتها زيادة ومساندة للبنات ههههههههههههه

بص


النفس أمارة بالسوء فلو ترك لها المجال من المستحيل السيطرة عليها

وغير كدا التربية الصحيحة أساس كل شيء حتي الانحراف


أنا شايفة كدا


مرســــــــــــــــي يا محمد

[mohamed yousef]

يعني طلعتي شايفة اهو

عموماً اللي فهمته منك ان الموضوع في الاساس التربية والاسرة ..

ماننكرش ان التربية ليها عامل اساسي في كده ..

بس هل لوحدها التربيه بس .. ولا فيه سبب تاني ؟؟؟

[mohamed yousef]

وبعدين مساندة بنات ايه والله الموضوع بجد مش بهزار !!!

[حياتي ذكريات]

بص طبيعه اي بنت لمآ تنفصل عن حبيبهآ
وتنجبر على الجوآز بغيره
فده احيآنآ بيخليهآ مش بالسآهل تتقبل عدم وجوده في حيآتهآ
وآحده وآحده وهتسيبه ولو فضلت معآه تبقى خآينة
ومآ تستآهلش تبقى على ذمة حد
بالنسبة لجو الصحوبيآت
فيه بنآت وشبآب اسآسآ عندهم مصآحبة الجنس الآخر مش عيب
بتبقى عآدآت وتقآليد فيهم
يعني مثلآ لو انت حبيت بنت واتخطبتو من عيلة ايزي شوية زي مآ بنقول
لو قلتلهآ مثلآ انتي ازآي بتمشي مع اولآد كبيرهآ تقول عليك انسآن معقد
لان فـ نظرهم واللي اتربت عليه دآ شيء عآدي

شكرآ على الموضوع
بالتوفيق ليك

[فيروزه]

	بص هو لازم لما اي حد فينا سواء بنت او ولد يراعي حقوق الشخص الي ارتبط بيه ويراعي كرامته في كل حاجه وكل الكلام دا بين قوسين (يراعي ربنا) لو اتاكد انه راعي ربنا يبقا اكيد مش هيعمل فيه اي حاجه وحشه ولا هيخونه ولا اي حاجه من دا كله موضوع جميل تسلم ع الطرح

[mohamed yousef]

اقتباس المشاركة الأصلية كتبت بواسطة حياتي ذكريات بص طبيعه اي بنت لمآ تنفصل عن حبيبهآ وتنجبر على الجوآز بغيره فده احيآنآ بيخليهآ مش بالسآهل تتقبل عدم وجوده في حيآتهآ وآحده وآحده وهتسيبه ولو فضلت معآه تبقى خآينة ومآ تستآهلش تبقى على ذمة حد بالنسبة لجو الصحوبيآت فيه بنآت وشبآب اسآسآ عندهم مصآحبة الجنس الآخر مش عيب بتبقى عآدآت وتقآليد فيهم يعني مثلآ لو انت حبيت بنت واتخطبتو من عيلة ايزي شوية زي مآ بنقول لو قلتلهآ مثلآ انتي ازآي بتمشي مع اولآد كبيرهآ تقول عليك انسآن معقد لان فـ نظرهم واللي اتربت عليه دآ شيء عآدي شكرآ على الموضوع بالتوفيق ليك

اولا انا مش بتكلم ع الصحوبيه .. الصحوبيه دي شي تاني .. وموضوع تاني خااااااالص
ثانيا اللي حضرتك بتقوليه ده اكيد مش مبرر انها مقدرتش تنساه .. يعني مثلا خطيبها ده ولا جوزها هيكون ذنبه ايه .. وللاسف برضه بنلوم ع شباب انه مش بيسيب البنت في حالها لما تتخطب ولا تتجوز وبيفضل وراها برضه .. والبنت بتديله فرصه لكده

شكرا لمشاركتك ،،

[mohamed yousef]

اقتباس المشاركة الأصلية كتبت بواسطة فيروزه بص هو لازم لما اي حد فينا سواء بنت او ولد يراعي حقوق الشخص الي ارتبط بيه ويراعي كرامته في كل حاجه وكل الكلام دا بين قوسين (يراعي ربنا) لو اتاكد انه راعي ربنا يبقا اكيد مش هيعمل فيه اي حاجه وحشه ولا هيخونه ولا اي حاجه من دا كله موضوع جميل تسلم ع الطرح

ردك جميل جدا ،، اكيد لازم كل واحد يتق الله في الشخص اللي معاه

اشكرك