الحريم والشيشه في الدول العربيه

[نجم الحبيب]

السلام عليكم ورحمه الله وبركاته انا بتكلم عن ظاهره يعني مش عاديه ممكن في الشعب المصري لكن عاديه في بعد الشعوب العربيه والخليجه بخصوص في الامس القريب كنت مع احد اصدقائي في احد الاماكن العامه علي البحر فوجد اشياء غريبه جدااا انا وهيا الشيشه كتير من الرجال قاعدين ومفيش حد بيشرب شيشه اللي قليل جدااا لكن شي غير ان جميع الحريم اللي قاعدين بيشربو شيشه حتي وهم قاعدين مع الرجاله ليه كل الحريم بيقليدو الرجال في اشياء ليس لهم علاقه بيها الشيشه حرام علي الرجال وتدمر الصحه ماذا تفعل في النساء اللي قوتهم اضعف من الرجال بكتير مع استغرابي للمكان اللي كان في حريم كتير بيشربو الشيشه فقولت ممكن هذا المكان اغلب الحريم اللي بيشرب الشيشه بيترد علي هذا المكان لكن في مكان اخر نفس اللي حصل في المكان حصل في اماكن اخري كتير هل هذا صح من الحريم ان يشربو الشيشه في الاماكن العامه او الخاصه هل ينتهي هذا الظاهره ويكون الحريم يفضلو زي ما همه حريم ويبطلو شيشه لا ادي ما ذا يردون من الشيشه وايه اللي بيستفدو من شربها؟ الحبيب

[الرحــاال المٌتَمرد]

موضوع مهم وشاائع فى الشعوب العربيه منذ فتره
وهى عادات سيئه نكتسها للاسف
من خلال من الغرب وايضا من خلال المسلسلات والافلام
أتمنى من الله ان تختفى هذه الظاهره الغير مرغوبه والغير لائقه لشعوبنا المسلمه ..العربيه
وان تعود الاخلاق محلها
واد حبيب
اشكرك لتميز طرحك

[Lost Pearl]

بص يا محمد
زي السجاير بالظبط

هم بيستفيدوا ايه من الاتنين و لا حاجة
بيقولوا اصل اما نبقي متعصبين او متوترين بنحتاج حاجة ننفخ فيها
مع انهم عارفين اكتر مني و منك انها بتضرهم و يمكن تموتهم كمان

علي فكرة الشيشة كمان بدأت تنتشر هنا ف مصر
انا عديت مرة علي cafe من المحترمين جدا جدا
و لقيت البنات قاعدين بيشربوا فيه شيشة كأنها شئ طبيعي

هم بيقلدوا او بيحاولوا يعملوا حاجة زي الرجالة
و اهم ف الاخر بيقولوا "مش احسن من السجاير"

ربنا يهدي الجميع يا رب
لأن فعلا في حاجات دلوقتي بقت بتحصل بتشير لخطر كبير هييجي ف المستقبل عشان فساد الاخلاق

يا ريت الناس تفكر قبل ماتعمل حاجة

تسلم يا محمد علي الموضوع المهم
تستاهل التقييم و تحياتي ليك )
ف انتظار جديدك

[بقــايا أنثى]

ظاهره سيئه للاسف اتوجدت واتفرضت على مجتمعنا مؤخرا
ودا واقع تحت التقليد الاعمى بدا من المخدرات والسجاير وليس انتهائا بالشيشه
لاء الغريب كمان ان فيها نكهات خفيفه للسيدات
يعنى عشان ما يتعبوش طيب ليه اصلا تتشرب
منظر مقزز واكرهه جدا جدا
ربنا يهدى

[DR.SMA]

اهلا وسهلا بيك اولا بالقسم
منور اكيد
للأسف تلك الظاهره منتشره جدا في الخليج
والغريب انه تلاقي الواحده اعده بتشرب شيشه وزوجها معاها بيشرب عصير
ونعم الرجاله بصراحه )
متعرفش هي تقليد ولا فكرينها تحرر وحريه
ولا منظر جميل ومتحضر
يعني بجد كان نفسي اسأل نفس سؤالك
ايه الفايده منها بالنسبه ليهم
مع اني شايفه انه منظر سيء جدا
وبحس انه بيلغي جمال المرأه النفسي كإمرأه
يعني بشوفها راجل حتى لو منظرها الخارجي واحده
والعكس طبعا
بشوف الي اعد معاها ده واحده
شكرا يا محمد على موضوعك القيم
نورك القسم
ونتمنى وجودك الدائم
تقديري واحترامي
اختكـ

[Silver Flower]

اه والله تى عنا صاير موديل بتروح على المنتزهات بتلاقي البنات عم بيتارجل
ولا الطريقه
بتشوفها عم تسحب نفس ومن المناخير بتطلع النفس
بجد منظر استغفر الله العظيم
قله الدين هي الي عم بتوصلنا ل هيك والاكتر من هيك
والله يستر بكره حيعملوا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله يهدي شبابنا وبناتنا
وشكرا للموضوع المميز والقيم

[شاعرة الرومانسيه]

موضوع جميل وهام

ياريت فعلا يبطلو العاده السيئه دى

لان بصراحه مش حضارى ابدا ان الست تشيش كدا

وتكون رائحتها دخااااان بدل رائحه البرفااااااان

تسلم ياحبيب على الموضوع

[countess]

السجاير والشيشه وزي مايسموها البنانيه الأرقيله > كلها مظره

ع صحتة الراجل او الست
هو انتحار بطي >
> نجي كامنظر خارجي لست > اكيد بيكون منظرها

مفهوش آي ملامح آنوثيه خالص حتى لو كانت قمه بالجمال

موضوع جميل

كون بخير

[ساحر الأحزان]

دة يا محمد من باب التقليد

الجلوس فى الكافى شوب

وطلب شيشة التفاح

وهات تنفيس فى الهو

طيب انوثتك تسمح بكدة

وشريك المستقبل حيوافق

يرتبط بواحدة مدخنة

والتدخين عارفين انة بيعمل على تشوية الجنين

للست الحامل

حقيقة تقليد

غير محبوب

سلم اختيار الجميل

الذى انرتنا بة

تحياتى واحترامى لقلمك المميز

[مِسكُ الشَهادة]

السلام عليكم ...

أولا ً قال تعالى :_

( وأحل الله الطيبات وحرم الخبائث )
والتدخين يفتك بصاحبه ويدمره ولو
بعد حين ... بصراحة يا جماعة أن بسرح كتير
لما بشوف حد بدخن هوا بيتسفيد إيه طيب
أولا ً فيه تدمير للصحة وقتل النفس حرام
وثانيا فيه إسراف وتبذير وإن المبذرين كانوا إخوان
الشياطين ...
بالنسبة للنساء أعتقد أن هذة النساء ليست تقلد الرجال فحسب
إنما فاقت الرجال وتفوقت عليهم بالتبعية للغرب في عاداتهم
وتقاليدهم ... إحنا عاوزين البنت المسلمة تكون قدوة
ومعلمة وأم صالحة لبناء الأجيال القادمة وليس لتدميرها
بجد يا محمد بنشوف ظواهر غريبة جدا ً ربنا يهدي الجميع
وشكرا ً ليك ع الموضوع الرائع جدا ً والمفيد دا
دمت بخير